овал шаклли, чокли, эгилувчан, тиниқ бўлмаган, оч-жигарранг рангли юмшоқ желатин капсулалар.

Капсула ичидагиси: ачимаган ҳидли, оч-сариқдан тўқ-сариқ ранггача бўлган мойли суспензия. Капсула ичидагисини бироз қаватларга ажралишига йўл қўйилади. 

Битта капсула қуйидагиларни сақлайди:

фаол модда: урсодеоксихолат кислотаси – 250,0 мг,

ёрдамчи моддалар: лецитин (Солек В-10), сариқ асалари муми, кунгабоқар мойи;

Желатин капсула қобиғи таркиби: желатин, глицерин, метилпарагидроксибензоат Е-218, титан диоксиди Е-171, тозаланган сув, сариқ қуёш шафағи бўёвчиси Е-110. 

 Сафро тош(лар)ини мавжуд бўлишига қарамай, фаолият кўрсатаётган ўт қопи бўлган пациентларда диаметри 15 мм гача бўлган рентгеннегатив холестерин ўт-тошларини эритишда қўлланилади.

Сафро рефлюкси билан кечувчи гастритни даволашда қўлланилади.

Жигар циррози декомпенсацияси бўлмаган пациентларда жигарнинг бирламчи билиар циррозини (ББЦ) даволаш.

6 ёшдан 18 ёшгача бўлган болаларда фиброз-кистоз дегенерация (муковисцидоз) билан ассоциацияланган гепатобилиар касаллликни даволаш учун қўлланади.

 

- Урсокапс, капсулалар 250 мг препаратини қуйидаги ҳолатларда қўллаш мумкин эмас:

6 ёшдан 18 ёшгача бўлган болаларда кистоз фиброз билан боғлиқ гепатобилиар бузилишларда қўлланилганда: ўт чиқариш йўллари атрезияси бўлган болаларда муваффақиятсиз портоэнтеростомия ёки сафрони яхши ажралишини тикланмаслигида қўллаш мумкин эмас.

 

 Урсокапс дори воситаси перорал қўлланади.

Препаратни қўллашга ёшга доир чекловлар мавжуд эмас. Тана вазни 47 кг дан паст ёки капсулани ютишда қийинчиликлар юзага келадиган пациентларда дори воситаси қўлланилмайди.

Қўллашга доир турли кўрсатмалар учун қуйидаги ҳар кунлик дозалаш тартиблари тавсия этилган:

Холестерин ўт тошларини эритиш учун

Бир килограмм тана вазнига тахминан 10 мг урсодеоксихолат кислотаси, бу қуйидагиларга эквивалент:

60 кг гача – 500 мг (2 капсулалар);

61-80 кг – 750 мг (3 капсулалар);

81-100 кг – 1000 мг (4 капсулалар);

100 кг дан юқори – 1250 мг (5 капсулалар).

Капсулаларни бутунлигича, оз миқдордаги суюқлик билан, суткада 1 марта кечқурун уйқудан олдин қабул қилиш керак. Капсулаларни мунтазам қабул қилиш керак.

Ўт тошларини эритиш учун зарур бўлган вақт 6-24 ойни ташкил қилади. Агар 12 ой қабул қилгандан кейин ўт тошлари ўлчамларини кичрайиши кузатилмаса, даволашни давом эттириш мумкин эмас.

Даволашдаги муваффақиятни ҳар 6 ойда ультратовуш ёки рентген текшируви ёрдамида текшириш керак. Вақт ўтган сари тошларни кальцификацияси кузатилмаслиги учун қўшимча текширувлар ёрдамида текшириш керак. Агар бу кузатилса, даволашни тўхтатиш керак.

Сафро рефлюкси билан кечувчи гастритни даволаш учун

250 мг (1 капсула)дан кунига 1 марта кечқурун уйқудан олдин, оз миқдордаги суюқлик билан қабул қилинади. Одатда сафро рефлюкси билан кечувчи гастритни даволаш учун препарат 10-14 кун давомида қабул қилинади. Қабул қилиш давомийлиги пациентнинг ҳолатига боғлиқ. Шифокор ҳар бир ҳолатда даволашнинг давомийлиги ҳақида индивидуал равишда қарор қабул қилиши керак.

Бирламчи билиар циррозни (ББЦ) даволаш учун:

Суткалик доза тана вазнига боғлиқ ва 750 мг (3 капсула)дан 1750 мг (7 капсула)гача ўзгаради (1 кг тана вазнига 14±2 мг урсодеоксихолат кислотаси).

Даволашнинг биринчи 3 ойида Урсокапс препаратини суткалик дозани кун давомида 3 марта қабул қилишга бўлиб қабул қилиш керак. Жигар функциялари яхшилангандан кейин суткалик дозани кунига 1 марта кечқурун қабул қилиш мумкин.

Тана вазни (кг)
| Суткалик доза (мг/кг тана вазни) | Урсокапс, капсулалар 250 мг
Биринчи 3 ой | Кейинчалик
Эрталаб | Кундузи | Кечқурун | Кечқурун(кунига 1 марта)
47-62 | 12-16 | 1 | 1 | 1 | 3
63-78 | 13-16 | 1 | 1 | 2 | 4
79-93 | 13-16 | 1 | 2 | 2 | 5
94-109 | 14-16 | 2 | 2 | 2 | 6
110 дан юқори | 
| 2 | 2 | 3 | 7

Капсулаларни бутунлигича оз миқдордаги суюқлик билан қабул қилиш керак. Мунтазам қабул қилишга риоя қилиш керак.

Билиар циррозда Урсокапс препаратини қўллаш вақти бўйича чекланмаслиги мумкин.

Билиар циррози бўлган пациентларда кам ҳолларда даволашни бошида клиник симптомлар ёмонлашиши мумкин, масалан қичишиш кучайиши мумкин. Агар бу кузатилса, суткада 1 капсуладан қабул қилиб, даволашни давом эттириш керак, шундан кейин буюрилган дозалаш тартибига эришилгунча доза аста-секин оширилади (суткалик доза ҳар ҳафта 1 капсулага оширилади).

6 ёшдан 18 ёшгача бўлган болаларда фиброз-кистоз дегенерация билан ассоциацияланган гепатобилиар касалликни даволаш учун:

Тавсия этилган доза 2-3 марта қабул қилишга бўлинган 1 кг тана вазнига 20 мг ни ташкил этади, зарурати бўлганида кейинчалик 1 кг тана вазнига 30 мг гача оширилади.

Тана вазни(кг) | Суткалик доза (мг/кг тана вазни) | Урсокапс, капсулалар 250 мг
Эрталаб | Кундузи | Кечқурун
20-29 | 17-25 | 1 | - | 1
30-39 | 19-25 | 1 | 1 | 1
40-49 | 20-25 | 1 | 1 | 2
50-59 | 21-25 | 1 | 2 | 2
60-69 | 22-25 | 2 | 2 | 2
70-79 | 22-25 | 2 | 2 | 3
80-89 | 22-25 | 2 | 3 | 3
90-99 | 23-25 | 3 | 3 | 3
100 -109 | 23-25 | 3 | 3 | 4
>110 | 
| 3 | 4 | 4 

 Нохуш самараларни баҳолаш юзага келиш тез-тезлиги ҳақидаги қуйидаги маълумотларга асосланган:

Жуда тез-тез − 1/10 буюришлар (> 10%); тез-тез − 1/100 буюришлар (> 1% ва < 10%); тез-тез эмас − 1/1000 буюришлар (> 0,1% ва < 1%); кам ҳолларда − 1/10000 буюришлар (> 0,01% ва < 0,1%); жуда кам ҳолларда − 1/10000 буюришлар (< 0,01%). 

Меъда-ичак йўллари томонидан бузилишлар: 

Клиник тадқиқотларда хамирсимон ахлат ёки диарея ҳақида ҳисоботлар жуда кенг тарқалган.

Билиар циррозни даволаш вақтида жуда кам ҳолларда қориннинг юқори қисми, ўнг томонида кучли оғриқлар юзага келган.

УДХК препаратлари билан даволаганда жуда кам ҳолларда тошларни кальцификацияси юзага келиши мумкин.

Бирламчи билиар циррознинг кечки босқичларини даволаш вақтида жуда кам ҳолларда жигар циррозини декомпенсацияси кузатилган, у даволаш тўхтатилгандан кейин қисман регрессияга учраган.

Тери ва тери ости клетчаткаси томонидан бузилишлар: Жуда кам ҳолларда эшакеми юзага келиши мумкин. 

 Фармакодинамикаси

Урсодеоксихолат кислотасининг (УДХК) оз миқдори одам сафросида аниқланган. Перорал қўлланилгандан кейин препарат ичакда холестеринни сўрилишини ингибиция қилиниши ва холестеринни сафрога секрециясини камайтириш йўли билан сафрони холестерин билан тўйинишини пасайтиради. Эҳтимоли, холестерини дисперсияси ва суюқ кристалларни ҳосил бўлиши натижасида холестерин тошларини аста-секин эриши кузатилади.

Умумий қабул қилинган маълумотларга кўра, жигар касалликлари ва холестатик касалликларда УДХК нинг самарасига липофил, детергентсимон токсик ўт кислоталарини гидрофил, цитопротектор, токсик бўлмаган УДХК га тенг миқдорда алмашиниши йўли билан эришилади, бу гепатоцитларнинг секретор қобилиятини яхшиланиши ва иммунорегулятор жараёнларга олиб келади.

Педиатрик амалиёт: 

Муковисцидоз

Узоқ муддат (10 йил ва ундан ортиқ) қўллашнинг клиник ҳисоботларига кўра, гепатобилиар касалликлар билан ассоциацияланган кистоз фибрози бўлган педиатрик беморларни УДХК препаратлари билан даволаш мумкин. Агар препарат касалликнинг эрта босқичларида буюрилган бўлса, УДХК ўт чиқариш йўллари пролиферациясини камайтириши, гистологик шикастланишларни авж олишини тўхтатиши ва ҳатто гепатобилиар ўзгаришларни ортга қайтаришига олиб келишининг исботлари мавжуд. Даволаш самарадорлигини оптималлаштириш учун, гепатобилиар касалликлар билан ассоциацияланган кистоз фиброз аниқланиши биланоқ УДХК ни буюриш керак.

Перорал қабул қилинадиган УДХК оч ичакда ва ёнбош ичакнинг бошланғич қисмида пассив ташилиш ва ёнбош ичакнинг охирги қисмида фаол ташилиш йўли билан тез сўрилади. Сўрилиш даражаси одатда 60-80% ни ташкил қилади. Сўрилгандан кейин ўт кислотаси аминосирка кислотаси ва аминоэтансульфокислота билан деярли тўлиқ бирикишга учрайди, сўнгра сафро билан чиқарилади. Жигар орқали биринчи клиренси 60% га етади.

Суткалик доза ва жигарнинг мавжуд бузилишлари ёки ҳолатига қараб, кўпроқ гидрофил УДХК сафрода тўпланади. Айни вақтда бошқа липофилроқ ўт кислоталарини нисбатан қисқариши кузатилади. Ичак бактериялари таъсири остида 7-кетолитохолат кислотаси ва литохолат кислотасига қисман парчаланиши кузатилади. Литохолат кислотаси гепатоксик ва айрим турдаги ҳайвонларда жигарни паренхиматоз шикастланишини чақириши мумкин. Одамларда жуда кам миқдорда сўрилади, у жигарда сульфатизацияга учрайди ва шу орқали сафрога ёки якуний натижада ахлат билан чиқарилишидан олдин детоксикацияга учрайди.

УДХК нинг биологик ярим парчаланиш даври 3,5-5,8 кунни ташкил қилади.

 

 УДХК препаратларини холестирамин, холестипол, алюмин гидроокисиди ва/ёки смектит (алюминий оксиди) сақловчи антацидлар билан бирга қабул қилиш мумкин эмас, чунки ушбу препаратлар ичакда УДХК ни боғлаб олади ва шу орқали сўрилишини ва самарадорлигини ингибиция қилади. Агар ушбу моддалардан бирини сақловчи препаратни қўллаш зарур бўлса, уни Урсокапс препаратини қабул қилишдан камида 2 соат олдин ёки кейин қабул қилиш керак. УДХК препаратлари ичакдан циклоспориннинг сўрилишига таъсир кўрсатиши мумкин. Циклоспорин билан даволанаётган пациентларда қонда ушбу модданинг концентрацияси шифокор томонидан назорат қилиниши ва циклоспориннинг дозасига тузатиш киритиш керак. Айрим ҳолатларда УДХК препаратлари ципрофлоксацинни сўрилишини камайтириши мумкин.

Соғлом кўнгиллилар иштирокидаги клиник тадқиқотларда УДХК (кунига 500 мг) ва розувастатинни (кунига 20 мг) бирга қабул қилиш розувастатиннинг плазмадаги концентрациясини бироз ошишига олиб келган. Ушбу ўзаро таъсирнинг ва бошқа статинлар билан ўзаро таъсирининг клиник аҳамияти номаълум.

Соғлом одамларда УДХК кальций антагонисти нитрендипиннинг плазмадаги чўққи концентрацияси (Сmах) ва “концентрация-вақт” эгри чизиғи остидаги майдон (AUC)ни пасайтириши намойиш қилинган. Нитрендипин ва УДХК ни бирга қўллаганда синчковлик билан мониторинг қилиш тавсия этилади. Нитрендипин дозасини ошириш зарур бўлиши мумкин. Шунингдек дапсоннинг терапевтик самарадорлигини пасайиши билан кечувчи ўзаро таъсир ҳақида хабар берилган.

Ушбу кузатувлар in vitro шароитда олинган натижалар билан мос келади ва УДХК нинг цитохром Р450 тизими ферментларини индукция қилиш қобилиятига ишора қилиши мумкин. Аммо цитохром Р450 3А нинг яхши маълум бўлган субстрати будесонид билан синчковлик билан режалаштирилган тадқиқотларда индукция кузатилмаган.

Шунингдек эстроген гормонлари ва гипохолестеринемик воситалар (клофибратлар каби) жигарда холестерин секрециясини оширади ва шу орқали сафро тошларини ҳосил бўлишига олиб келади, бу сафро тошларини эритиш учун қўлланадиган УДХК га нисбатан тескари самара бўлиб ҳисобланади.

 

 Доза ошириб юборилганда диарея юзага келиши мумкин. Умуман олганда дозани ошириб юборилишининг бошқа симптомлари эҳтимоли кам, чунки доза ошган сари УДХК ни сўрилиши пасаяди ва шу орқали у дарҳол ахлат билан чиқарилади. Профилактик махсус чоралар талаб этилмайди, диарея оқибатларини эса сув-туз мувозанатини тиклаш йўли билан симптоматик даволаш керак.

Пациентларнинг алоҳида гуруҳлари ҳақида қўшимча маълумот:

Бирламчи склерозланувчи холангит бўлган пациентларда (рўйҳатдан ўтказилгандан ташқари кўрсатмалар бўйича қўллаш) УДХК нинг юқори дозалари (кунига 28-30 мг/кг) билан узоқ муддатли даволаш жиддий ноҳуш самараларнинг юқори тез-тезлиги билан кечган.

 

 Болалар. Болаларда УДХК препаратларини қўллаш учун ёшга доир припципиал чекловлар йўқ, аммо тана вазни 47 кг дан паст ва/ёки капсулани ютишни қийинчиликга дуч келувчи болаларда капсулаларни қўллаш мумкин эмас.

65 ёшдан ошган шахсдарда қўлланиши. Махсус тадқиқотлар ўтказилмаган. Аммо маълум маълумотларни эътиборга олиб, УДХК ни қўллашни чеклаши мумкин бўлган кекса ёшдаги шахслар учун специфик бўлган ҳар қандай муаммоларни мавжудлиги кўзда тутилмайди.

Жигарнинг холестатик касалликларини даволаганда УДХК ни қўллашнинг самарадорлиги мониторинги холестазнинг биокимёвий кўрсаткичларини таҳлилига асосланади, шунингдек жигар цитолизи белгилари (АСТ ва АЛТ фаоллигини ошиши) аниқланганда, улар кўпинча холестазни авж олиши билан бирга кечади.

Даволашнинг биринчи 3 ойи давомида шифокор ҳар 4 хафтада, кейинчалик – ҳар 3 ойда жигар функцияси кўрсаткичлари АСТ (SGOT), АЛТ (SGPT) ва γ-GT мониторингини олиб бориши керак.

Холестерин сафро тошларини эритиш учун қўлланилганда: терапевтик самарани баҳолаш учун ва сафро тошлари кальцификациясини ўз вақтида аниқлаш учун тошнинг ўлчамига қараб, даволаш бошланганидан кейин 6-10 ой ўтгач турган ва чалқанча ётган ҳолатда ўт қопининг умумий кўриниши ва тиқилиб қолиши турини визуализация (орал холецистография ёрдамида) қилиш керак.

Агар ўт қопи рентген суръатларида визуализация қилиш мумкин бўлмаса ёки тошлар кальцификациясида, ўт қопининг қисқарувчанлигини бузилиши ёки тез-тез ўт санчиқларида УДХК препаратларини қабул қилиш мумкин эмас.

Тошларни эритиш учун УДХК препаратларини қабул қилаётган аёллар контрацепциянинг гормонал бўлмаган усулларини қўллашлари керак, чунки гормонал контрацептивлар сафро тошларини ҳосил бўлишига олиб келиши мумкин.

Бирламчи билиар циррознинг кечки босқичларида пациентларни даволаганда: жигар циррозини декомпенсацияси ҳолатлари жуда кам ҳолларда кузатилган. Даволаш тўхтатилгандан кейин декомпенсация кўринишларини қисман ортга қайтиши кузатилган. Бирламчи билиар циррози бўлган пациентлардаа кам ҳолларда даволашнинг бошида клиник симптомлар ёмонлашиши мумкин, масалан қичишиш кучайиши мумкин. Бундай ҳолатларда УДХК суткада битта капсулагача пасайтирилиши ва сўнгра “Қўллаш усули ва дозалари” бўлимида таърифлангандек аста-секин оширилиши керак. Диареяси бўлган пациентларда препаратнинг дозасини пасайтириш керак. Доимий давом этувчи диареяда даволашни тўхтатиш керак.

Варикоз қон кетиши, жигар энцефалопатияси, асцит бўлганида, шунингдек жигарни кўчириб ўтказиш талаб этилганда пациентлар тегишли специфик даво олишлари керак.

Ҳомиладор аёлларда УДХК ни қўллаш ҳақида маълумотлар йўқ. Ҳайвонларда ўтказилган тадқиқотларда ҳомиладорликнинг эртача босқичларида репродуктив токсиклик ҳақида маълумотлар олинган. Жуда зарурат бўлмаганида, ҳомиладорлик вақтида УДХК препаратларини қўллаш мумкин эмас. Туғруқ ёшидаги аёллар ушбу препаратни фақат, агар улар контрацепция усулларини қўллаётган бўлсаларгина қабул қилишлари керак. Ўт қопида сафро тошларини эритиш учун УДХК препаратларини қабул қилаётган пациентларда контрацепциянинг самарали гормонал бўлмаган усулларини қўллашлари керак, чунки гормонал перорал контрацептивлар ўт қопида тош ҳосил бўлишини кучайтириши мумкин.

Даволашни бошлашдан олдин ҳомиладорликни инкор этиш керак. Эмизикли аёлларда препаратни қўллашнинг кам сонли таърифланган ҳолатлари маълумотлари бўйича кўкрак сутидаги УДХК концентрацияси жуда паст ва эҳтимол эмизикли чақалоқларда нохуш реакциялар кутилмайди.

Ҳайвонлардаги тадқиқотларда УДХК ни фертилликка таъсири намойиш қилинмаган. Даволагандан кейин одамда УДХК ни фертилликка таъсири ҳақида маълумотлар мавжуд эмас.

Урсодеоксихолат кислотаси транспорт воситаларини ёки механизмларни бошқариш қобилиятига таъсир кўрсатмайди ёки ушбу таъсир жуда аҳамиятсиз бўлади.

 

Юмшоқ желатин капсулалар. 10 капсуладан контур уяли ўрамларда, 5 контур уяли ўрамдан тиббиётда қўлланилишига доир йўриқномаси билан картон қутида. 

Намлик ва ёруғликдан ҳимояланган жойда, 15°С дан 25°С гача ҳароратда сақлансин.

Болалар ололмайдиган жойда сақлансин.

 

 2 йил.

Яроқлилик муддати ўтгач қўлланилмасин.