Бир капсула қуйдагиларни сақлайди

фаол модда: урсодезоксихолат кислотаси - 250 мг

ёрдамчи моддалар: маккажўхори крахмали, желатинланган маккажўхори крахмали, аэросил, магний стеарати.

 

 

- жарроҳлик хавфи юқори бўлган беморларда ва литотрипсиядан кейин беморларда ўт-сафро холестеринли тошларни эритиш учун қўлланади. Даволаш натижасини шартлари бўлиб фаолият кўрсатаётган ўт-сафро қопчаси ва диаметри 2 см дан катта бўлмаган тоза радиотранспарант холестерин тошларининг борлиги ҳисобланади.

- I ва II босқичидаги бирламчи билиар жигар циррози;

- бирламчи склерозланувчи холангит;

- гепатит (сурункали, фаол, шу жумладан сурункали аутоиммун атипик шакллари, сурункали ва ўткир вирусли гепатит);

- алкоголли бўлмаган  стеатогепатит;

- жигарнинг токсик (шу жумладан алкоголли, дори воситалари таъсирида) шикастланишлари;

- муковисцидоз (жигарнинг кистозли фибрози);

- билиар рефлюкс-гастрит;

- билиар рефлюкс-эзофагит;

- билиар диспепсия;

- ўт-сафро йўлларини дискинезияси;

- болаларда жигарнинг холестатик касалликлари (шу жумладан ўт-сафро йўлларининг атрезияси);

- жигар трансплантациясидан кейинги холестаз;

- сурункали описторхоз;

- йўғон ичак саратони ривожланиш хавфи юқори бўлган беморларда уни олдини олиш мақсадида (масалан, ярали колитда);

- ортиқча тана вазнли семизликка чалинган беморларда тана вазнини тез йўқотиш вақтида ўт-сафро тошларини ҳосил бўлишини олдини олиш мақсадида қўлланади.

 

 

- урсодезоксихолат кислотаси ва препаратнинг бошқа таркибий қисмларига ўта юқори сезувчанлик; 

- рентгенмусбат (кальций миқдори юқори бўлган) ўт тошлари;

- ўт қопи, ўт йўллари ва ичакнинг ўткир яллиғланишли касалликлари, Крон касаллиги;

- фаолият кўрсатмайдиган ўт қопи;

- ўт йўлларининг тўлиқ обструкцияси; 

- жигарнинг декомпенсация босқичидаги циррози; 

- буйрак, жигар, меъда ости бези фаолиятининг яққол бузилишлари;

- ўт-меъда-ичак оқмаси;

- ўткир холецистит;

- ўткир холангит;

- ҳомиладорлик ва эмизиш даври;

- 6 ёшгача бўлган болалар;

- тез-тез кузатиладиган билиар санчиқларда қўллаш мумкин эмас.

 

 

Ҳар доим Гепалюкс®  Сизни  даволовчи шифокорингиз тавсияларига аниқ амал қилган ҳолда қўлланг. Агар Сиз нимадандир иккилансангиз, ўзингизнинг шифокорингиз ёки фармацевтдан сўранг. 

Гепалюкс® перорал тарзда қўллаш учун мўлжалланган. Капсулалар ичга, овқат қабул қилишдан қатъий назар, етарли миқдордаги суюқлик билан қабул қилинади. Дозалаш тартиби ва даволаш муддати шахсий белгиланади ва кўрсатмаларга, ҳамда бемор ҳолатининг оғирлик даражасига боғлиқ.

Ўртача дозалаш 8-10 мг/кг/сут 6-12 ой давомида.

Дозалаш қулай бўлиши учун қуйидаги маълумотларни қўллаш мумкин:

Тана вазни | Урсодезоксихолат кислота | Капсулалар сони
60 кг гача | 500 мг | 2
80 кг гача | 750 мг | 3
100 кг гача | 1000 мг | 4
100 кг дан ортиқ | 1250 мг | 5

Ўт-тош касаллиги, рефлюкс-гастрит: суткада 1 марта уйқудан олдин.

Сурункали жигар касалликлари, холестеринли ўт тошлари: узлуксиз узоқ муддат давомида (бир неча ойдан бир неча йилгача) суткалик доза 10 мг/кг дан 12-15 мг/кг гача (2-5 капсула) қабул қилинади. Ўт-тош касаллигида барча суткалик доза тунда бир марта қабул қилинади. Тошларни эритиш учун қабул қилиш муддати – тўлиқ эриб кетишигача ва яна 3 ой тош ҳосил бўлишини қайталанишларини олдини олиш мақсадида. 

Билиар рефлюкс-гастрит ва билиар рефлюкс-эзофагит: 250 мг/сут (1 капсула) уйқудан аввал; даволаш курси 10-14 кундан 6 ойгача, зарурати бўлганда - 2 йилгача.

Бирламчи билиар цирроз: 8-15 мг/кг/сут (зарурати бўлганида 20 мг/кг гача) 2-3 марта қабул қилинади. Даволанишнинг давомийлиги 6 ойдан бир неча йилгача бўлган муддатни ташкил этади.

Бирламчи склерозловчи холангит: 12-15 мг/кг/сут (20 мг/кг гача) 2-3 марта қабул қилинади. Терапиянинг давомийлиги 6 ойдан бир неча йилгача бўлган муддатни ташкил этади.

Муковисцидоз: 20-30 мг/кг/сут 2-3 марта қабул қилинади. Даволанишнинг давомийлиги 6 ойдан бир неча йилгача ташкил этади.

Жигарнинг токсик ва алкоголли шикастланишлари: 10-15 мг/кг/сут 2-3 марта қабул қилинади. Даволанишнин давомийлиги 6-12 ой ва ундан ортиқроқ муддатни ташкил этади.

 

 

Гепалюкс® беморлар томонидан етарли даражада яхши ўзлаштирилади.

Кам ҳолларда диарея ёки қабзият, кўнгил айниши, қусиш, эпигастрал соҳада ва ўнг қовурға ости соҳасида оғриқ, ўт тошларини кальцификацияланиши, жигар трансаминазалари фаоллигининг ошиши, илгари бўлган пcориазнинг зўрайиши, аллергик реакциялар (тошмалар, терининг қичишиши), бош айланиши пайдо бўлиши мумкин.

Бирламчи билиар циррозни даволашда, препарат бекор қилинганидан кейин жигар циррозининг йўқоладиган ўткинчи декомпенсацияси кузатилиши мумкин.

Ҳар қандай одатда кузатилмайдиган реакциялар пайдо бўлганида препаратни қабул қилишни тўхтатиш ва шифокор билан маслаҳатлашиш лозим.

 

 

Гепатопротектор, ўт ҳайдовчи, холелитолитик, гипохолестеринемик, гиполипидемик ва бироз иммуномодулловчи таъсир кўрсатади.

Гепатоцит мембранасига жойлашиб, унинг тузилишини барқарорлаштиради ва жигар ҳужайраларини ўт кислотаси тузларининг шикастловчи таъсиридан ҳимоя қилади, шу тарзда цитотоксик самарани пасайтиради. Холестазда Са2+ га боғлиқ альфа-протеазани фаоллаштиради ва экзоцитозни рағбатлантиради, токсик ўт кислоталарининг (хенодезоксихол, литохол, дезоксихол ва бошқа.) концентрациясини пасайтиради. Уларнинг концентрацияси сурункали жигар касалликлари мавжуд беморларда ошган бўлади. 

Урсодезоксихолат кислотаси юқори қутбликка эга бўлиб, аполяр (токсик) ўт кислоталари билан токсик бўлмаган аралаш мицеллаларни ҳосил қилади, бу билиар рефлюкс-гастритда ва рефлюкс-эзофагитда меъда рефлюктатининг ҳужайра мембраналарини шикастлаш қобилиятини пасайтиради. Бундан ташқари, урсодезоксихолат кислотаси ҳужайра мембраналари (гепатоцитлар, холангиоцитлар, МИЙ эпителиоцитлари) нинг таркибига кириб олиш, уларни мустаҳкамлаш ва цитотоксик мицеллаларнинг таъсирига сезмайдиган қилиб қўйиш хусусиятига эга бўлган иккиланган молекулаларни ҳосил қилади – цитопротектив, гепатопротектив самара. 

Уни ичакда сўрилишини сусайтириши, жигардаги ишлаб чиқарилишини ва ўт-сафро секрециясини пасайтириши ҳисобига ўт-сафрони холестерин билан тўйинганлигини камайтиради; ўт-сафрода холестеринни эрувчанлигини ошириб, у билан суюқ кристалларни ҳосил қилади; ўт-сафронинг литоген индексини камайтиради. Бунинг натижаси холестеринли ўт тошларини (ўт-сафрода холестерин/ўт кислоталари нисбатини ўзгариши оқибатида) эришидир ва янги конкрементларни ҳосил бўлишини олдини олишидир (ўт-сафрода холестериннинг миқдорини камайиши натижасида) – литолитик самара.

Бикарбонатларга бой холерезни индукциялайди, бу ўт-сафронинг пассажини ошишига олиб келади ва ичак орқали токсик ўт кислоталарини чиқарилишини рағбатлантиради, бу эса жигар ичида холестазни тузалишига ёрдам беради – антихолестатик самара.

Иммуномодулловчи таъсири HLA-антигенларни гепатоцитлар ва холангиоцитларнинг мембраналарида экспрессиясини сусайиши, иммунокомпетент иммуноглобулинлар (биринчи навбатда IgM) нинг фаоллигини пасайиши, лимфоцитларнинг табиий киллерлик фаоллигини меъёрлашиши, интерлейкин-2 ни ҳосил бўлишига таъсири, эозинофилларнинг сонини камайиши ва бошқаларга боғлиқ.

Бирламчи билиар цирроз, муковисцидоз ва алкоголли стеатогепатит мавжуд беморларда фиброз ривожланиб боришини ишончли тарзда секинлаштиради– антифибролитик самара. Қизилўнгач веналарининг варикоз кенгайишини ривожланиши хавфини камайтиради.

Урсодезоксихолат кислотаси ҳужайралар (гепатоцитлар, холангиоцитлар ва бошқаларни) барвақт қариши ва нобуд бўлиши жараёнларини секинлаштиради – антиапоптотик самара.

Колоректал саратон ҳужайраларининг ўсишини секинлаштиради (йўғон ичак саратонида ўсмага қарши таъсири).

 

 

Ўт-тош касаллигида даволаш самарадорлигини назорати, холелитиазнинг қайталанишларини олдини олиш учун ҳар 6 ойда ўт чиқариш йўлларини рентгенологик ва ултратовуш текширувини ўтказиш йўли орқали амалга оширилади. 

Ижобий натижаларни фақатгина ўлчами 15-20 мм дан катта бўлмаган тоза холестеринли (рентгеннегатив) ўт тошлари бўлганда, ўт пуфагини фаолияти сақланганида ва ўт чиқариш йўли ва умумий ўт йўлининг ўтказувчанлиги сақланиб қолгандагина олиш мумкин.

Узоқ (1 ойдан ортиқ) вақт даволанишда жигар трансминазалари, ишқорий фосфатаза, гамма-глутамилтрансферазанинг фаоллиги ва билирубин миқдорини аниқлаш учун ҳар ойда қоннинг биокимёвий таҳлилини (айниқса даволашнинг дастлабки 3 ойида) ўтказиш лозим. Юқори кўрсаткичлар сақланиб қолганида препаратни бекор қилиш лозим.

Конкрементлар тўлиқ эриганидан кейин, ўлчамлари аниқлаш учун хаддан ташқари кичик бўлган конкрементларнинг қолдиқларини эриб кетишига ёрдам бериш учун, қўллашни камида 3 ой давомида давом эттириш тавсия қилинади. 

Агар даволаш бошланганидан кейин 6-12 ой давомида тошларни қисман эриши юз бермаса, даволашни самарали бўлиш эҳтимоли камдир. 

Даволаниш вақтида кўринмайдиган ўт пуфагининг аниқланиши, тошларни тўлиқ эримаганидан далолат беради, шунинг учун даволашни тўхтатиш керак.

Препарат  билан даволаш вақтида туғруқ ёшидаги аёллар контрацепциянинг ногормонал усулларини ёки эстрогенларнинг миқдори кам бўлган контрацептивларни қўллашлари лозим. 

Агар Сиз препаратни қабул қилаётган вақтда ҳомиладор эканлигингизни билиб қолсангиз, бу ҳақда зудлик билан ўз шифокорингизга хабар беринг, фақат у даволашни давом эттиришни ҳал қилади.

Ҳомиладорликда урсодезоксихолат кислотаси қўлланилишининг фақатгина она учун кутилаётган фойда ҳомила учун потенциал хавфдан юқори бўлган ҳолатдагина эҳтимоли мавжуд (ҳомиладор аёлларда урсодезоксихолат кислотаси қўлланилишининг адекват қатъий назорат қилинувчи текширувлари ўтказилмаган).

Урсодезоксихолат кислотасининг кўкрак сути билан ажралиши тўғрисида ҳозирги вақтда маълумотлар йўқ. Урсодезоксихолат кислотасининг эмизиш даврида қўлланилиши зарур бўлганда кўкрак билан эмизишни тўхтатиш масаласини ҳал этиш лозим.

Автомобилни ва мураккаб механизмларни бошқариш қобилиятига таъсири 

Диққатнинг жамлашишини, ҳамда руҳий-ҳаракат реакцияларнинг тезлигини пасайтирмайди. 

 

 

Колестирамин таркибида  алюминий гидроксидини тутувчи холестирол ёки антацидлар билан биргаликда қўлланилганда, урсодезоксихолат кислотасини ичакда боғлаб олади, уни сўрилишини пасайтиради ва самарадорлигини сусайтиради. Юқорида санаб ўтилган препаратлар билан бир вақтда даволашнинг зарурати туғилганида, уларни Гепалюкс® капсуласини қабул қилишдан 2 соат олдин ёки кейин қўллаш тавсия қилинади. 

Гиполипидемик дори воситалари (айниқса клофибрат), эстрогенлар, неомицин, прогестинлар ўт-сафрони холестерин билан тўйинишини ошириши ва урсодезоксихолат кислотасини холестеринли ўт-тошларини эритиш хусусиятини пасайтириши мумкин.

Гепалюкс® ичакда циклоспоринни сўрилишини кучайтириши мумкин. Шунинг учун бу препаратни бир вақтда қабул қилаётган одамларда, циклоспориннинг даражасини назорат қилиш ва унинг дозасини тўғрилаш керак.

 

 

Симптомлари: урсодезоксихолат кислотасининг дозаси ошириб юборилганида  диарея ривожланиши мумкин.

Даволаш: препарат дозасини камайтириш, сувсизланишни бартараф этишга қаратилган симптоматик даволаш (кўп миқдорда суюқлик ичиш, оғир сувсизланиш ҳолатида – вена ичига суюқликни томчилаб қуйиш).