1 tabletkada:
Faol moddalari: paratsetamol - 500 mg, diklofenak natriy - 50 mg;
Yordamchi moddalari: mikrokristallik tsellyuloza, makkajo'xori kraxmali, natriy gidroksi metilbenzoat, natriy gidroksipropilbenzoat, povidon K-30, gidroksipropilmetiltsellyuloza, stearin kislotasi, tozalangan talk, natriy kraxmal glikolyat, kolloid suvdan holi silikat, kroskarmelloza natriy.
Tavsifi: dumaloq, yassi, oq rangli, chiziqli tabletkalar. 

Quyidagi kasalliklarda yengil va o'rtacha og'riq sindromi:
- LOR organlari (faringit, tonzillit, otit);
- o't yo'llari (o't kolikasi);
- siydik yo'llari (buyrak kolikasi);
- miya tomirlari (migren);
- ayollar jinsiy organlari (algodismenoreya, adneksit);
- tayanch-harakat apparati (revmatik artrit, psoriazik, yuvenil artrit, ankilozlovchi spondilit, podagrik artrit, osteoartroz, osteoxondroz);
- bo'g'imdan tashqari to'qimalar (tendovaginit, bursit);
- nevralgiya, mialgiya;
- travmadan keyingi va operatsiyadan keyingi og'riqlar;
- tish og'rig'i;
- isitma sindromi. 

- preparat tarkibiy qismlariga yuqori sezuvchanlik;
- anamnezda bronxospazm, eshakemi, o'tkir rinit yoki boshqa allergiya simptomlari diklofenak, paratsetamol, atsetilsalitsil kislotasi yoki boshqa YOKVQ (NPVS) qabul qilish natijasida yuzaga kelgan bo'lsa;
- ovqat hazm qilish tizimining eroziyali-yarali shikastlanishlari zo'rayish bosqichida (shu jumladan peptik yara, Kron kasalligi, noaniq yarali kolit);
- homiladorlik, laktatsiya;
- 12 yoshgacha bo'lgan bolalar yoshi;
- qon yaratilishining buzilishi, surunkali obstruktiv nafas yo'llari kasalliklari, burun poliplari, pichan isitmasi;
- buyrak va jigar funksiyasining og'ir buzilishlari;
- rangli ko'rishning buzilishi;
- tug'ma glyukoza-6-fosfatdegidrogenaza yetishmovchiligi. 

Og'iz orqali. Tabletkalarni butun holda, chaynamasdan, yetarli miqdorda suyuqlik bilan qabul qilish kerak. Davolash boshida kattalar va 12 yoshdan oshgan tana vazni 60 kg dan ortiq bo'lgan o'smirlar uchun kuniga 2-3 dona MERSonyupar tabletkasi tavsiya etiladi. Preparatni ovqatdan keyin qabul qilish afzal.
Kasallikning o'rtacha ifodalangan simptomlarida, shuningdek, uzoq muddatli terapiyada, odatda, kuniga 2 dona tabletkani qabul qilish yetarli - ertalab va kechqurun bittadan tabletka. Maksimal bir martalik doza – 2 dona tabletka. Preparatni qo'llash muddati 5-7 kun.
12 yoshdan oshgan, tana vazni 30 kg dan ortiq bo'lgan bolalarga 1/2 tabletkadan 2-3 marta/kun buyuriladi. Har bir navbatdagi qabul orasidagi interval – kamida 4 soat.
Kattalar uchun maksimal davolash davomiyligi – 7 kun, bolalar uchun – 3 kun.

Ovqat hazm qilish tizimi tomonidan:
- ko'ngil aynishi, qusish, anoreksiya, noqulaylik hissi (epigastriy sohasida og'riq va spazmlar), meteorizm, ishtahaning pasayishi. Kamdan-kam hollarda: ovqat hazm qilish tizimining eroziyali-yarali shikastlanishlari, qon ketish, perforatsiya bilan asoratlanishi, aftoz stomatit, ezofagit;

Markaziy asab tizimi tomonidan:
- bosh og'rig'i, bosh aylanishi, charchoqlikning oshishi. Kamdan-kam hollarda: sezgi buzilishlari (xiralashgan ko'rish, diplopiya), quloqda shovqin, asabiylashish, tutqanoq, uyqu buzilishi, depressiya, xavotir hissi, psixik buzilishlar;

Dermatologik reaksiyalar:
- teri toshmasi, eshakemi. Bulloz toshmalar, ekzema, eritrodermiya, soch to'kilishi, fotosensibilizatsiya bo'lishi mumkin;

Jigar funksiyasi tomonidan:
- jigar funksiyasi buzilishi, jumladan gepatit (sariqlik bilan yoki sariqliksiz).

Qon yaratuvchi tizim tomonidan:
- ayrim hollarda: trombotsitopeniya, leykopeiya, agranulositoz, gemolitik anemiya, aplastik anemiya;

Yurak-qon tomir tizimi tomonidan:
- ayrim hollarda - taxikardiya, ko'krak sohasida og'riq, arterial gipertenziya, dimiqishli yurak yetishmovchiligi.

Allergik va immunopatologik reaksiyalar:
- kamdan-kam hollarda: bronxial astma xurujlari, tizimli anafilaktik (anafilaktoid) reaksiyalar.

Har qanday noodatiy reaksiyalar paydo bo'lsa, dori vositasini keyingi qo'llash bo'yicha shifokor bilan albatta maslahatlashing! 

Dorini buyurishda me'da-ichak trakti eroziya-yarali shikastlanishlari tarixi bo'lgan bemorlarga, shuningdek, jigar, buyrak, qon hosil qiluvchi organlar funksiyasining og'ir buzilishlari bo'lgan bemorlarga ehtiyotkorlik bilan qo'llash kerak. Yuqori dozalarda preparat trombotsitlar agregatsiyasini bostirishi mumkin, shuning uchun gemostaz buzilishi bo'lgan bemorlarni diqqat bilan kuzatish zarur.
Preparatni keksalik yoshida, surunkali yurak yetishmovchiligi, arterial gipertoniya, porfiriya bo'lgan bemorlarda, shuningdek, jiddiy jarrohlik aralashuvlaridan so'ng darhol ehtiyotkorlik bilan qo'llash kerak.
Dori bilan davolash davomida jigar, buyrak funksiyasi va periferik qon manzarasini nazorat qilish zarur.
Preparatni qo'llash vaqtida bosh aylanishi yoki ko'rish buzilishi sezgan bemorlar avtotransport boshqarmasligi yoki potentsial xavfli mexanizmlar bilan ishlamasligi kerak. 

MERSonyupar – bu og'riq qoldiruvchi va yallig'lanishga qarshi kombinatsiyalangan preparat. Ta'sir mexanizmi uning tarkibiy qismlarining farmakologik xususiyatlari bilan bog'liq.
Diklofenak natriy nosteroid yallig'lanishga qarshi vosita hisoblanadi. Siklooksigenazani (SOF1 va SOF2) neselektiv tarzda bostirib, araxidon kislotasi almashinuvini buzadi va yallig'lanish o'chog'ida prostaglandinlar miqdorini kamaytiradi. Yallig'lanish xarakterli og'riqlarda eng samarali. Yallig'lanishga qarshi, analgezik va isitmani tushiruvchi ta'sir ko'rsatadi, trombotsitlar agregatsiyasiga to'sqinlik qiladi. Uzoq muddatli qo'llanganda desensibilizatsiyalovchi ta'sir ko'rsatadi.
Paratsetamol og'riq qoldiruvchi va isitmani tushiruvchi ta'sir ko'rsatadi. Og'riq qoldiruvchi ta'sir mexanizmi asosan gipotalamusdagi termoregulyatsiya markazida prostaglandinlar sintezini ingibitsiyalash bilan bog'liq.