Qobiq bilan qoplangan tabletkada faol moddalardan amlodipin (besilat shaklida) 5 mg, lizinopril (digidrat shaklida) 5 mg mavjud. Yordamchi moddalardan makkajo‘xori kraxmali, kalsiy gidrofosfat, laktoza, povidon (K30), magniy stearat, natriy kraxmalglikolat mavjud.

- arterial gipertenziya; - ishemik yurak kasalligi (barqaror stenokardiya, Printsmеtall stenokardiyasi); - surunkali yurak yetishmovchiligi (kompleks davolash tarkibida); diabetik nefropatiya.

- preparatning har qanday komponentiga yoki boshqa digidropiridin hosilalariga yuqori sezuvchanlik; - anamnezda angionevrotik shish, shu jumladan boshqa AYeF ingibitorlarini qo'llash bilan bog'liq; - gemodinamik jihatdan ahamiyatli aorta yoki mitral klapan stenozlari; - yaqqol arterial gipotenziya; - kardiogen shok; - homiladorlik va laktatsiya davri; - bolalar yoshi.

Amlnpni og'iz orqali ovqat qabul qilishdan qat'i nazar, kuniga 1 tabletka t marta qabul qilish kerak. Zaruriyat tug'ilganda sutkalik doza 2 tabletkagacha oshirilishi mumkin.

Uchrashi mumkin bo'lgan nojo'ya reaksiyalar odatda yengil ifodalangan va o'tkinchi xarakterga ega, preparatni bekor qilish kamdan-kam hollarda talab etiladi. Eng ko'p uchraydiganlari bosh og'rig'i, quruq yo'tal va bosh aylanishidir. Zaiflik; diareya, ko'ngil aynishi, qusish, ortostatik gipotenziya, teri qichishishi, teri toshmasi, oyoq to'piqlari shishishi, yuz terisining qizarishi, ko'krakda og'riq mumkin. Boshqa nojo'ya ta'sirlar tez-tezligi 1% dan kam. Yuqori sezuvchanlikda angionevrotik shish rivojlanishi mumkin.

Amlipin - bu kombinasiyalangan antigipertenziv preparat bo‘lib, uning farmakologik xususiyatlari amlodipin (selektiv kalsiy kanallari blokatori) va lizinopril (APF ingibitori) xususiyatlarining birikmasi bilan belgilanadi. Amlodipin membrananing sekin kalsiy kanallarini bloklab, kalsiy ionlarining kardiomiyotsitlar va tomirlarning silliq mushak hujayralariga transmembran kirib kelishiga to‘sqinlik qiladi. Uning ta’siri ostida tomirlar (arteriolalar) tonusi va periferik tomir qarshiligi kamayadi. Arteriolalarning kengayishi va postnagruzkaning kamayishi hisobiga amlodipin antianginal ta’sir ko‘rsatadi. U reflektor taxikardiyani chaqirmagani uchun, qo‘llanilganda miokardning kislorodga bo‘lgan ehtiyoji kamayadi. Amlodipin ham intakt, ham patologik o‘zgargan koronar tomirlarni kengaytiradi, miokard perfuziyasini yaxshilaydi; nojo‘ya metabolik ta’siri yo‘q. Lizinopril qonda angiotenzin II va aldosteron darajasini pasaytiradi va bir vaqtning o‘zida bradikinin darajasini oshiradi, u esa tomirlarni kengaytiruvchi ta’sirga ega. Lizinopril ta’sirida umumiy periferik tomir qarshiligi (UPTQ), arterial bosim (AB), o‘pka kapillyarlaridagi bosim kamayadi; lizinopril yurak urish tezligiga ta’sir qilmaydi, shu bilan birga minut hajmi va buyrak qon oqimi oshishi mumkin. Lizinopril albuminuriyani AD pasayishi va glomerulyar apparatning gemodinamikasi va to‘qima tuzilmasi yaxshilanishi natijasida kamaytiradi. Uzoq muddatli qo‘llanilganda miokard va rezistent tipdagi arteriyalar devorlarining gipertrofiyasi kamayadi. Giperglikemiyali bemorlarda lizinopril buzilgan endotel funksiyasini tiklashga yordam beradi.

Jigar funksiyasi buzilgan bemorlarda amlodipinning yarim chiqarilish davri oshadi, bu esa sutkalik doza tanlashda ehtiyotkorlikni talab qiladi. Diuretiklar qabul qilayotgan bemorlarda yoki boshqa genezli degidratatsiyada (ko‘p terlash, uzoq davom etuvchi qusish, kuchli diareya), shuningdek yurak yetishmovchiligida simptomatik gipotenziya yuzaga kelishi mumkin. Bunday holatda bemorni yotqizish, zarur bo‘lsa, 0,9% natriy xlorid eritmasi infuziyasini o‘tkazish tavsiya etiladi. Davolashni boshlashdan oldin qonda natriy darajasini normallashtirish va gipovolemiya bo‘lsa, suyuqlik hajmini to‘ldirish kerak. Buyrak arteriyasi stenozida (ayniqsa, ikki tomonlama stenoz yoki yagona buyrak arteriyasi stenozida), shuningdek degidratatsiyada lizino- pril qo‘llanilishi buyrak funksiyasining buzilishiga, hatto o‘tkir buyrak yetishmovchiligiga olib kelishi mumkin, bu odatda qaytar va preparat bekor qilingandan so‘ng o‘tib ketadi. Keng ko‘lamli operatsion aralashuvlarda, arterial gipotenziya chaqirishi mumkin bo‘lgan narkoz vositalari qo‘llanilganda, lizinopril kompensator angiotenzin II hosil bo‘lishini bloklaydi. Yuqorida ko‘rsatilgan mexanizm natijasida yuzaga kelgan gipotenziya aylanib yuruvchi qon hajmini to‘ldirish bilan bartaraf etilishi mumkin. Keksalar uchun preparat dozasini belgilashda alohida ehtiyotkorlikka rioya qilish zarur. Agranulotsitoz rivojlanishining potensial xavfi to‘liq istisno qilinmaganligi sababli, preparatni qo‘llashda periferik qonning laborator nazoratini davriy o‘tkazish kerak. 

Avtotransport boshqarish va mexanizmlarni boshqarish qobiliyatiga ta’siri

Preparatning ta’siri (ayniqsa davolash boshida) transport vositalarini boshqarish va xavfli ishlarni bajarish qobiliyatiga ta’sir qilishi mumkin, shuning uchun individual reaksiya aniqlanmaguncha bunday faoliyatdan voz kechish lozim.

Preparatni bolalar uchun yaroqsiz joyda saqlash va yaroqlilik muddati o‘tgach ishlatmaslik kerak. 

 

Dorini kaliy tejovchi diuretiklar (spironolakton, amilorid, triamteren), kaliy va kaliy saqlovchi vositalar bilan bir vaqtda qabul qilishda, ayniqsa buyrak funksiyasi pasaygan hollarda, giperqaliemiya rivojlanishining oldini olish uchun alohida ehtiyotkorlik talab etiladi. Preparat foyda va xavfning sinchiklab baholanishidan so‘ng buyuriladi, qonda kaliy darajasi va buyrak funksiyasi muntazam nazorat qilinadi.

Preparatni quyidagi vositalar bilan bir vaqtda qabul qilishda ehtiyotkorlik ko‘rsatish zarur:

Amiodaron, xinin, beta-adrenoblokatorlar, antipsixotik vositalar (neyroleptiklar) gipotenziya ta’sirini kuchaytirishi mumkin. 

 

Sintomlar: vazodilatatsiya, AD ning ancha pasayishi va reflektor taxikardiya paydo bo‘lishi.

Davolash: simptomatik terapiya, yurak faoliyati, AD, diurez va suv-elektrolit muvozanatini nazorat qilish, zarur bo‘lsa, ularni tuzatish. AD ancha pasayganda bemorga "yotgan" holat, pastki oyoqlar ko‘tarilgan holda beriladi; tomir ichiga suyuqlik o‘rnini bosuvchi vositalar kiritilganda qoniqarli terapevtik javob bo‘lmasa, periferik vazopressor kiritish orqali qon aylanishini qo‘llab-quvvatlash talab qilinishi mumkin. Kalsiy antagonisti ta’sirini to‘xtatish uchun kalsiy glyukonat tomir ichiga yuborilishi mumkin.

Amlodipinning sekin so‘rilishi sababli ayrim hollarda oshqozonni yuvish, faollashtirilgan ko‘mir ishlatiladi.

Lizinopril gemodializ yordamida chiqariladi.