оқ ёки деярли оқ рангли бўлган кукун билан тўлдирилган, 200 мг доза учун “2” ўлчамли ва 400 мг доза учун “0” ўлчамли қаттиқ желатинли капсулалар. 

- фаол модда: ибупрофен - 200 мг, 400 мг;

- ёрдамчи моддалар:  картошка крахмали, магний стеарати.

Ибупрофен ревматоидли артрит (шу жумладан, ювенил ревматоидли артрит ёки Стилл касаллиги), анкилозловчи спондилит, остеоартроз ва бошқа норевматоидли (серонегатив) артропатияларни даволашда оғриқни қолдирувчи ва яллиғланишга қарши восита сифатида қўлланилади. Ибупрофен “музлаган елка” (бўғим қобиғининг яллиғланиши), бурсит, тендинит, тендовагинит ва белдаги оғриқ каби периартикуляр тўқималарнинг норевматик яллиғланишли жараёнларини даволаш учун тайинланади. Ибупрофен шунингдек пайлар чўзилиши каби юмшоқ тўқималарнинг шикастланишида оғриқ синдромини енгиллаштириш учун ҳам қўлланилиши мумкин. Ибупрофен шунингдек дисменорея, тиш ва жарроҳлик амалиётидан кейинги оғриқ каби ҳолатларда кучсиз ва ўртача даражадаги оғриқ синдромини бартараф қилиш учун оғриқни қолдирувчи восита сифатида бош оғриғи, шу жумладан мигренни симптоматик енгиллаштириш учун қўлланилади.

Препаратнинг фаол ёки ёрдамчи моддаларига ўта юқори сезувчанлиги мавжуд беморлаларда Форсил® Light -ни  қўллаш мумкин эмас.

Форсил® Light, аспирин ёки бошқа НЯҚВ қабул қилингандан кейинги ўта юқори сезувчанлик (масалан, астма, эшакеми, Квинке шиши ёки ринит) аниқланган беморларда препаратни қўллаш мумкин эмас.

Анамнезида илгари Форсил® Light билан даволаниш билан боғлиқ меъда-ичак йўлидан қон кетиши ёки перфорация кузатилган беморларга ҳам Форсил® Light -ни қўллаш мумкин эмас. Яра касаллигининг зўрайиш босқичида ёки меъда-ичак йўлидан қон кетганда (икки ёки ундан кўп исботланган эрозив-ярали касалликлар ёки қон кетиши вазиятларида) Форсил® Light - ни қабул қилиш мумкин эмас.

Қон кетишларга юқори мойиллик бўлганда, цереброваскуляр ёки бошқа қон кетишларда, гемофилия ва қон ивишининг бошқа бузилишларида (гипокоагуляция), геморрагик диатезда Форсил® Light -ни тавсия қилиш мумкин эмас.

Форсил® Light - ни оғир даражали юрак етишмовчилигида, юрак етишмовчилигининг декомпенсация даврида, аортокоронар шунтлашдан кейинги даврда беморларга тавсия қилиш ман этилади.

Форсил® Light - ни  оғир даражали жигар етишмовчилиги ёки жигарнинг фаол касаллиги даврида қўллаш мумкин эмас. 

Форсил® Light - ни  оғир даражали буйрак етишмовчилиги (креатининг клиренси /КК/<30 мл/дақ), гиперкалиемияси тасдиқланган беморларда қўллаш мумкин эмас.

Ҳомиладорликни III ойлигида ва 12  ёшгача бўлган болаларда Форсил® Light - ни  қўллаш мумкин эмас.

Қисқа вақт ичида минимал самарали дозадан фойдаланиш ножўя таъсирларни камайишига олиб келади.

Катталар ва 12 ёшдан ошган болалар: ичга 200 мг дан суткада 3-4 марта. Капсулани чайнамасдан, сув билан қабул қилинади. Препаратнинг қабуллари орасидаги вақт 6-8 соатни ташкил қилиши керак. Катталарда тез даволовчи самарага эришиш учун доза суткада 400 мг дан 3 маҳалгача оширилиши мумкин. Максимал суткалик доза 1200 мг ни ташкил қилади. 12 – 17 ёшдаги болалар учун максимал суткалик доза 1000 мг ни ташкил қилади.

Баъзи беморлар кунига 600-1200 мг ибупрофенни қабул қилиши мумкин. Оғир ёки ўткир холларда дозани шароитга қараб ошириш мумкин, лекин умумий суткалик доза бир неча қабулларга бўлинганда 2400 мг дан ошмаслиги керак. 

Кекса ёшлилар: кекса ёшлиларда ножўя самараларни ривожланиш хавфи юқори. Агар НЯҚВ ни қўллаш зарурати туғилса, ибупрофен минимал самарали дозада қисқа вақт давомида қўлланилиши керак. НЯҚВ ни қабул қилиш вақтида бемор меъда-ичакдан қон кетиши йўқлигини текшириб туриши керак. Буйрак ёки жигар етишмовчилиги бўлганда доза шахсий равишда танланади.

Препаратни 7 кундан кўпроқ ёки катта дозаларда қабул қилиш тавсия этилмайди. Препаратни узоқ вақт ёки катта дозаларда қабул қилиш талаб этилса, шифокорнинг маслахати керак бўлади.

Меъда-ичак йўли томонидан: энг кўп учрайдиган ножўя самаралари овқат ҳазм қилиш тизимига тааллуқли. Баъзида ўлим билан якунланувчи ва айниқса кексаларда кузатилиши мумкин бўлган пептик яра, перфорация ёки меъда-ичак йўлидан қон кетиши. Кўнгил айниши, қусиш, диарея, метеоризм, қабзият, диспепсия, қоринда оғриқ, мелена, қон аралаш қусиш, ярали стоматит, колит ва Крон касаллигининг зўрайиши ибупрофен қўллангандан кейин қайд қилинган. Гастрит камроқ ривожланган. Кам – меъда-ичак йўли девори перфорацияси. Жуда кам – панкреатит.

Иммун тизими томонидан: НЯҚВ қўлланилганда ўта юқори сезувчанлик реакциялари кайд қилинган. Хусусан, носпецифик аллергик реакция ва анафилаксия, нафас йўллари реактивлигининг бузилиши (астма, бронхоспазм ва ҳансираш), терида турли кўринишлар (ҳар хил турдаги тошма, қичишиш, эшакеми, пурпура, Квинке шиши ва камроқ эксфолиатив ва буллёз дерматозлар (шу жумладан Стивенс-Джонсон синдроми, токсик эпидермал некролиз ва кўп шаклли эритема).

Юрак-томир тизими томонидан: шишлар, гипертензия ва юрак етишмовчилиги кўринишлари ибупрофен билан даволанганда қайд қилинган. Эпидемиологик маълумотлар узоқ муддат даволанишда, айниқса юқори дозаларда (2400 мг/сутка) ибупрофенни қўллаш миокард инфаркти ва инсультни чақирувчи артериал тромбоз хавфини бироз ошишини чақириши мумкинлигини кўрсатди.

Қон тизими ва лимфатик тизим томонидан: лейкопения, тромбоцитопения, нейтропения, агранулоцитоз, апластик анемия ва гемолитик анемия.

Руҳий бузилишлар: уйқусизлик, хавотирлик, депрессия, онгнинг чалкашиши, галлюцинациялар.

Марказий асаб тизими томонидан:  кўрув нервининг неврити, бош оғриғи, парестезиялар, бош айланиши, уйқучанлик.

Инфекциялар ва инвазиялар: ринит ва энса мушакларининг ригидлиги, бош оғриғи, кўнгил айниши, қусиш, иситма ёки ориентацияни йўқолиши белгилари билан кечувчи асептик менингит (айниқса тизимли қизил югурик ва бириктирувчи тўқиманинг аралаш касалликлари каби аутоиммун бузилишлари мавжуд беморларда).

Кўриш аъзолари томонидан: кўришнинг бузилиши ва кўрув нервининг токсик нейропатияси.

Қулоқ ва вестибуляр аппарати томонидан: эшитишнинг бузилиши, қулоқнинг шанғиллаши ва бошнинг айланиши.

Гепато-билиар тизими томонидан: жигар фаолиятининг бузилиши, жигар етишмовчилиги, гепатит ва сариқлик.

Тери ва тери ости тўқималари томонидан: Стивенс-Джонсон синдроми ва токсик эпидермал некролиз (жуда кам) ва ёруғликка нисбатан сезувчанликнинг ошиши.

Буйрак ва сийдик чиқариш йўллари томонидан: буйрак фаолиятининг бузилиши ва турли кўринишдаги токсик нефропатия, шу жумладан интерстициал нефрит, нефротик синдром ва буйрак етишмовчилиги.

Умумий бузилишлар: умумий лоҳаслик, чарчоқлик.

Ибупрофен – ностероид яллиғланишга қарши воситадир (НЯҚВ). У пропион кислотасининг ҳосиласи. Ибупрофен циклооксигеназа I ва II ни танламасдан блоклайди. Бунинг натижасида оғриқ, яллиғланиш ва юқори тана ҳароратининг медиаторлари бўлиб ҳисобланувчи простагландинлар ишлаб чиқарилишини секинлаштиради.

Оғриққа қарши, иситмани туширувчи ва яллиғланишга қарши тез ва йўналтирилган таъсир кўрсатади. Бундан ташқари, ибупрофен тромбоцитлар агрегациясини қайтарилувчан ингибирлайди. Препаратнинг оғриққа қарши таъсири 8 соатгача давом этади. 

Ичга қабул қилинганда ибупрофен меъда-ичак йўлидан деярли тўлиқ сўрилади. Овқат билан бир вақтда қабул қилиш унинг сўрилишини секинлаштиради. Ибупрофенни 400 мг дозада қабул қилинганида қон плазмасида Сmax 2 соатдан сўнг кузатилиб, у 30 мкг/мл ташкил қилади.

Плазма оқсиллари билан боғланиши тахминан 99% ни ташкил қилади. У синовиал суюқликда секин тақсимланади ва, плазмага нисбатан, секинроқ чиқарилади.

Препарат асосан изобутил гуруҳининг гидроксилланиши ва карбоксилланиши орқали жигарда (90%) метаболизмга учрайди. Метаболитлари фармакологик нофаол.

Икки босқичли чиқарилиш кинетикаси билан  тавсифланади. Т1/2 2-3 соатни ташкил қилади. Дозанинг 80 % сийдик билан асосан метаболитлар (70%), 10 % - ўзгармаган ҳолда, 20 % ичак орқали метаболитлар кўринишида чиқарилади. 

 Меъда-ичак йўли томонидан ноҳуш кўринишлар ривожланиши хавфини камайтириш учун минимал самарали дозани иложи борича минимал қисқа муддатли курс давомида қўллаш керак.

Бошқа НЯҚВ лар каби ибупрофен инфекция белгиларини ниқоблаши мумкин.

Ибупрофенни бошқа НЯҚВ билан бир вақтда қўллашдан сақланиш тавсия қилинади, шу жумладан ЦОГ-2 ингибиторлари билан, чунки бу яра ёки қон кетиш хавфини ошишига олиб келиши мумкин.

Кекса ёшли шахсларда НЯҚДВ га ножўя реакциялар, айниқса ўлимга олиб келиши мумкин бўлган меъда-ичак йўллари ва перфорациянинг юқори тез-тезлиги кузатилади. 

Ўлимга олиб келиши мумкин бўлган меъда-ичак йўлидан қон кетишлар, яралар ва перфорация барча НЯҚВ ни қабул қилиш натижасида келиб чиқиши хақида хабар берилган.

Меъда-ичакдан қон кетиши, яра ёки перфорациянинг ривожланиш хавфи айниқса анамнезида яра касаллиги мавжуд, ҳамда кекса беморларда НЯҚВ дозасининг оширилиши билан ортиб боради.

Ушбу беморлар даволашни минимал дозалардан бошлаши керак. Ҳимояловчи воситалар (масалан, мизопростол, протон помпа ингибиторлари) билан мажмуавий даволаш заруратини олиб бориш ушбу беморлар, ҳамда меъда-ичакдан қон кетиши хавфини ошириши мумкин бўлган аспирин ва бошқа воситалар қабули керак бўлган беморлар учун кўриб чиқилиши лозим. 

Анамнезида меъда-ичак касалликларига чалинганлиги тўғрисида маълумоти мавжуд беморлар, хусусан кекса инсонлар, меъдада ҳар қандай ғайриоддий оғриқлар ҳақида (айниқса меъда-ичакдан қон кетишлар тўғрисида), айниқса даволашнинг бошланғич даврларида хабар беришлари зарур.

Яра ёки қон кетиши хавфини оширувчи (орал кортикостероидлар, варфарин каби антикоагулянтлар, серотонин қайта қамраб олинишининг ингибиторлари ёки аспирин каби антитромбоцитар дорилар) йўлдош даволовчи дориларнинг қабул қилинишида эҳтиёткорликка риоя қилиш керак.

Ибупрофенни қабул қилаётган беморларда меъда-ичакдан қон кетиши ёки яра пайдо бўлганида даволашни тўхтатиш керак.

Анамнезида ярали колит ёки Крон касаллиги мавжуд беморлар НЯҚВ ни эҳтиёткорлик билан қабул қилиши керак.

Анамнезия бронхиал астма мавжуд ёки хасталанган беморлар ибупрофенни эҳтиёткорлик билан қабул қилиши керак.

Юрак-томир тизими, жигар фаолияти бузилган, кекса беморларда, ҳамда сийдик хайдовчи дори воситаларини қабул қилаётган беморларда буйрак фаолиятини назорат қилиш керак.

Анамнезида юрак етишмовчилиги ва қон босими ошиши кузатилган бўлса, ибупрофенни эхтиёткорлик билан қўллаш керак.

НЯҚВ нинг қабули давомида организмда суюқликнинг ушланиб қолиши ва шишлар ривожланиши мумкинлиги сабабли артериал гипертензия ва/ёки ўрта миёна юрак етишмовчилиги мавжуд беморлар тегишли назорат остида бўлиш ва маслаҳатга муҳтож ҳисобланади. 

Эпидемиологик маълумотларнинг кўрсатишича, ибупрофенни,  айниқса катта дозаларда (кунига 2400 мг дан) узоқ муддат қўллаш, артериал тромбоз (масалан, миокард инфаркти ёки инсульт) ривожланиш хавфини бироз ошишига олиб келиши мумкин. Умуман эпидемиологик тадқиқотлар ибупрофенни кичик дозаларда (суткага 1200 мг дан кам ёки унга тенг миқдорда) қўллаш артериал тромбоэмболик асоратлар, хусусан миокард инфарктининг юқори хавфини тахмин қилмайди. 

Назорат қилиб бўлмайдиган артериал гипертензия, димланишли юрак етишмовчилиги, юрак ишемик касаллиги, периферик артерияларнинг касалликлари ёки цереброваскуляр касалликлари мавжуд беморлар ибупрофенни синчковлик билан ўтказилган маслаҳат ишлраидан кейин қабул қилишлари керак. Бундай маслаҳат ишлари юрак-томир касалликлари ривожланишининг хавф омиллари (гипертония, гиперлипидемия, кандли диабет, чекиш) мавжуд беморларга даволашдан олдин олиб борилиши керак.

Ибупрофенни ифодаланган дегидратацияси мавжуд беморларда эхтиёткорлик билан қўллаш лозим.

Бошқа НЯҚВ каби, ибупрофенни узоқ вақт қўллаш буйраклар папилляр некрозига ва буйракларнинг бошқа патологик ўзгаришларига олиб келиши мумкин.

Тизимли қизил югурик ва бириктирувчи тўқиманинг бошка касалликлари мавжуд беморларда препаратнинг қўлланилиши асептик менингит ривожланиш хавфини ошириши мумкин. 

НЯҚВ қўлланганида тери қопламалари томонидан оғир реакциялар, шу жумладан ўлим билан якунланадиган реакциялар (эксфолиатив дерматит, Стивенс-Джонсон синдроми, токсик эпидермал некролиз) ривожланиш эҳтимоли бор. Кўпинча ушбу реакциялар даволашнинг биринчи ойи давомида учрайди. Терида тошманинг илк пайдо бўлиши, шиллиқ қаватлар шикастланиши ёки юқори сезувчанлик белгилари кузатилганда дори қабулини тўхтатиш керак. 

Бошқа НЯҚВ лар каби, ибупрофен тромбоцитлар агрегациясига таъсир кўрсатади ва қон кетиш вақтини узайтиради.

Ибупрофен қабул қилаётган беморларда асептик менингит камдан-кам ҳолларда учрайди. 

Тизимли қизил югурик ва бириктирувчи тўқиманинг касалликлари мавжуд беморларда асептик менингитнинг ривожланиш хавфи юқори, лекин сурункали касалликлари бўлмаган беморларда ҳам қайд этилган. 

Простагландинлар синтезининг бостирилиши ҳомиладорлик ва ҳомиланинг ривожланишига салбий таъсир кўрсатиши мумкин. Эпидемиологик тадқиқотлар натижалари ҳомиладорликнинг эрта муддатларида простагландинлар синтези ингибиторларини қўллашдан кейин ҳомила тушиши, юрак ва меъда-ичак йўли нуқсонларини юқори хавфини кўрсатади. Простагландинлар синтези ингибиторларини юбориш ҳайвонларда эмбрион ва ҳомилани имплантациядан олдин ва кейинги ўлимини ортишига олиб келиши кўрсатилган. Бундан ташқари, органогенез даврида простагландин синтези ингибиторларини қабул қилган ҳайвонларда турли ривожланиш нуқсонлари, шу жумладан, юрак-томир тизими нуқсонларини учраш сони ортади. Ҳомиладорликнинг биринчи ва иккинчи уч ойлиги вақтида, жуда зарур ҳоллардан ташқари ҳолларда ибупрофенни буюришдан сақланиш керак. Ҳомиладорликни режалаштиришда ҳомиладорликнинг биринчи ва иккинчи уч ойлигида буюрилаётган ибупрофеннинг дозаси ўта паст бўлиши, даволаш давомийлиги эса, иложи борича қисқа бўлиши керак. Ҳомиладорликнинг учинчи уч ойлигида ҳар қандай простагландинлар синтезининг ингибиторларини қўллаш қуйидагиларга олиб келиши мумкин:

Ҳомиладорликнинг сўнгида простагландин синтези ингибиторлари она ва янги туғилган чақалоқни қуйидаги хавфга дучор қилиши мумкин:

Шу сабабли ибупрофенни ҳомиладорликнинг учинчи уч ойлигида қўллаш мумкин эмас.

Лактация даврида бир марта қўллаш мумкин, юқори дозаларда (800 мг дан юқори) узоқ муддат қўлланганда эмизишни тўхтатиш масаласини ҳал қилиш керак.

Препарат аёлларнинг фертиллигига таъсир кўрсатиши мумкин, шу сабабли ҳомиладор бўлишда қийинчиликларга учраётган аёллар буни инобатга олишлари керак. 

Препарат 12 ёшгача бўлган болаларда қўлланилмайди.

НЯҚВ қабул қилгандан кейин қуйидаги ножўя таъсирлар келиб чиқиши мумкин: бош айланиши, уйқучанлик, тез чарчаш ва кўришнинг бузилиши. Беморлар диққатни жамлаш, тезкор руҳий ва ҳаракат реакцияларини талаб қилувчи фаолият турларидан сақланишлари керак.

Қуйидаги дори воситаларни қўллаётган вақтда эҳтиёт бўлиши керак.

Антигипертензив воситалар, бета-блокаторлар ва сийдик ҳайдовчи воситалар: НЯҚВ ААФ ингибиторлари, бета-блокаторлар ва сийдик ҳайдовчи воситалар каби антигипертензив воситаларнинг таъсирини камайтириши мумкин. Шунингдек диуретиклар НЯҚВ нинг нефротоксиклиги хавфини ошириши мумкин.

Юрак гликозидлари: НЯҚВ юрак етишмовчилиги кечишини оғирлаштириши, ЮКФ пасайиши ва юрак гликозидларининг плазмадаги концентрациясини ошишига олиб келиши мумкин.

Холестирамин: ибупрофен билан бир вақтда буюрилганда холестирамин меъда-ичак йўлида ибупрофеннинг сўрилишини камайтириши мумкин.

Литий тузлари: билан бир вақтда буюриш литий тузларининг чиқарилишини камайишига олиб келиши мумкин.

Метотрексат: НЯҚВ метотрексатнинг найчалар орқали секрециясини ингибирлаши ва метотрексатнинг клиренсини камайтириши мумкин.

Циклоспорин: нефротоксиклик хавфи.

Мифепристон: НЯҚВ нинг простагландинларга қарши самараси туфайли, назарий жиҳатдан дори воситасининг самарадорлиги камайиши мумкин. Чекланган маълумотлар простагландинни юбориш куни НЯҚВ ни бирга юбориш бачадон бўйнини етилишига мифепристон ёки простагландинларнинг салбий таъсир кўрсатмаслиги ва ҳомиладорликни дори ёрдамида тўхтатишнинг клиник самарасини пасайтирмаслигини кўрсатди.

Бошқа анальгетиклар ва циклооксигеназа-2 (ЦОГ-2) нинг селектив ингибиторлари: икки ва ундан ортиқ НЯҚВ, шу жумладан ЦОГ-2 ингибиторларини бир вақтда қўллашдан сақланиш тавсия қилинади, чунки бу ножўя самаралар ривожланиши хавфини ошишига олиб келиши мумкин.

Аспирин: ножўя самаралар, шу жумладан меъда-ичак яралари ва қон кетиши хавфи ошиши мумкинлиги сабабли, ибупрофен ва аспиринни бир вақтда қўллашдан сақланиш керак. Тажрибавий маълумотлар аспирин паст дозаларининг тромбоцитлар агрегациясига самарасини ибупрофен бир вақтда дозалашда сусайтириши мумкинлигидан далолат беради.

Кортикостероидлар: меъда-ичак яралари ва қон кетиши хавфи ошиши мумкин

Антикоагулянтлар: НЯҚВ варфарин каби антикоагулянтларнинг таъсирини кучайтириши мумкин.

Фторхинолонлар: НЯҚВ ва фторхинолонларни бир вақтда қабул қилувчи беморларда тиришишлар ривожланиш хавфи ортиши мумкин.

Сульфонилмочевина ҳосилалари: ибупрофен сульфонилмочевина препаратларининг гипогликемик самарасини кучайтириши мумкин.

Антиагрегантлар ва серотонин қайта қамраб олишининг селектив ингибиторлари (СҚҚОСИ): НЯҚВ билан бирга буюрилганда меъда-ичакдан қон кетишлар хавфи ортади.

Зидовудин: зидовудин НЯҚВ билан бир вақтда қўлланганда гематологик токсиклиги хавфи ортади. ОИТС (+) билан касалланган беморлар зидовуддин ва ибупрофенни бир вақтда қўлланганда гематома ривожланиш хавфи ортади.

Аминогликозидлар: НЯҚВ аминогликозидларни чиқарилишини камайтириши мумкин.

Ўсимлик экстрактлари: гинкго билоба НЯҚВ билан бир вақтда қўлланганда қон кетишлар хавфи кучайиши мумкин.

CYP2C9 ингибиторлари: ибупрофенни CYP2C9 ингибиторлари билан бир вақтда қўллаш, ибупрофеннинг таъсир вақтини узайтириши мумкин (CYP2C9 субстрати). Ибупрофенни вориконазол ва флуконазол (CYP2C9 ингибиторлари) билан бир вақтда буюриш ибупрофеннинг таъсир вақтини тахминан 80-100% га узайишини кўрсатди. Кучли CYP2C9 ингибиторлари билан бир вақтда буюрилганда, айниқса ибупрофенни юқори дозада вориконазол ва флуконазол билан бирга қўлланганда ибупрофеннинг дозасини камайтириш керак. 

Заҳарлилик: заҳарланиш белгилари ва симптомлари болалар ва катталарда 100 мг/кг дан паст дозаларда намоён бўлмайди. Баъзи холларда ушлаб турувчи терапияни ўтказиш керак бўлади. Болаларда ибупрофендан заҳарланиш белгилари доза 400 мг/кг дан ошганда пайдо бўлиши мумкин.

Белгилари: ибупрофенни кўп истеъмол қилувчи аксарият беморларда беморлар 4-6 соат мобайнида пайдо бўлади.

Дозани ошириб юборилишининг энг кўп учровчи белгилари бўлиб, кўнгил айниши, қусиш, қоринда оғриқ, тормозланиш, уйқучанлик ҳисобланади. Марказий асаб тизими томонидан: бош оғриғи, қулоқнинг шанғиллаши, бош айланиши, тиришиш, ҳушини йўқотиш. Кам ҳолларда нистагм, метаболик ацидоз, гипотермия, буйрак самаралари, меъда-ичакдан қон кетиш, кома, апноэ, диарея, марказий асаб тизими ва нафас аъзоларининг эзилиши. Шунингдек дезориентация, қўзғалиш, ҳушини йўқотиш ва юрак-томир тизимининг заҳарланиши, шу жумладан гипотония, брадикардия ва тахикардия қайд этилган. Дозани жудаям ошириб юборилишида буйрак етишмовчилиги ва жигарнинг зарарланиши кузатилади. Дозанинг кўп ошириб юборилиши, одатда, агар бошқа дори воситалари қабул қилинмаган бўлса, яхши кўтара олинади. 

Даволаш: симптоматик. Доза ошириб юборилгандан кейинги 1 соат давомида фаоллаштирилган кўмир ичиш, меъдани ювиш керак (катталарда). Жигар ва буйрак фаолиятини синчковлик билан назорат қилиш керак. Жадаллаштирилган диурез ўтказилади. Ибупрофеннинг потенциал токсик дозалари қабул қилингандан кейин 4 соат давомида беморлар назорат остида бўлишлари керак. Тез-тез учровчи ёки узоқ давом этувчи тиришишларни вена ичига диазепам юбориш йўли билан даволаш мумкин. Қолган даво чоралари клиник белгилардан келиб чиққан холда утказилади. 

Капсулалар  200 мг ва 400 мг дан.

Ўнта капсуладан контур-уяли ўрамда. Битта, 2 та, 3 та контур-уяли ўрам давлат тилида ва рус тилида  тиббиётда қўлланилишига доир йўриқномаси билан қаттиқ қоғоздаги қути ичига солинади. 

Шунингдек 10 капсуладан қопқоқли банкаларда. Банкалар давлат тили ва рус тилида тиббиётда қўлланилишига доир йўриқномаси билан қаттиқ қоғоздаги қути ичига солинади. 

 3 yil. Yaroqlilik muddati tugagandan so'ng qo'llanilmasin.