paratsetamol - 500 mg, diklofenak natriy - 50 mg makkajo‘xori kraxmali, magniy stearati, natriy kraxmal, eudragit E 100, kremniy dioksidi, sanset sariq bo‘yoq, mikrokristallik tsellyuloza.

Yallig‘lanishli va degenerativ revmatik kasalliklar (revmatoyid artrit, ankilozlovchi spondilit, osteoartroz, spondiloartrit)da og‘riq sindromi umurtqa kasalliklarida og‘riq sindromi; to‘satdan boshlanadigan podagra xuruji travmadan keyingi va operatsiyadan keyingi yallig‘lanish va shish bilan kechuvchi og‘riq sindromlari; o‘tkir og‘ir migren xurujlari; buyrak va o‘t yo‘llari kolikalari; ginekologik kasalliklar, og‘riq sindromi va yallig‘lanish bilan kechuvchi (birlamchi algodisminoreya, adneksit va boshqalar); og‘riq bilan kechuvchi LOR a'zolarining yallig‘lanish kasalliklari (faringit, tonzillit, otit va boshqalar).

Preparat quyidagi holatlarda kontraindikatsiyalangan preparatning diklofenak, paratsetamol yoki har qanday yordamchi ingredientlariga yuqori individual sezuvchanlikda bemorlar, ilgari diklofenak, paratsetamol, atsetilsalitsil kislotasi yoki boshqa YOKV (nosteroid yallig'lanishga qarshi vositalar) qabul qilganda bronxial astma (bronxospazm), toshma, o'tkir rinit yoki boshqa allergiya simptomlari paydo bo'lganlarda oshqozon yoki ichak yara kasalligida; dekompensatsiyalangan jigar va/yoki buyrak funksiyasi buzilishlarida; glyukoza-6-fosfatdegidrogenaza yetishmovchiligida; yosh bolalarga 12 yoshgacha, homiladorlik va emizish davrida alkogolizmda.

Dozalar har bir bemor uchun individual ravishda, bemorning yoshi, kasallikning xususiyati va kechishi, preparatga toqat qilish va davolash samaradorligiga qarab belgilanadi. Kattalar va tana vazni 60 kg dan ortiq bo‘lgan o‘smirlarga 1 tabletka 2 - 3 marta kuniga, ovqatdan keyin, oz miqdorda suv bilan ichish tavsiya etiladi. Kasallik simptomlari o‘rtacha ifodalanganda, shuningdek, uzoq muddatli davolashda odatda kuniga 2 tabletka - biri ertalab, biri kechqurun qabul qilish yetarli bo‘ladi. Bunday sharoitda maksimal sutkalik doza 3 tabletkadan oshmasligi kerak. Birlamchi algodisminoreyada 1 - 3 tabletka kuniga buyuriladi, ammo zaruriyat tug‘ilganda doza kuniga 4 tabletkagacha oshirilishi mumkin. Preparatni qo‘llash muddati 5 - 7 kunni tashkil etadi va simptomlar dinamikasiga bog‘liq. Kattalar uchun maksimal sutkalik doza 4 tabletka kuniga.

Ovqat hazm qilish trakti ba'zan - ko'ngil aynishi, qusish, diareya, ayrim hollarda - qabziyat, gemorragik kolit, yarali kolitning zo‘rayishi, ovqat hazm qilish traktida eroziya va yaralar. Markaziy asab tizimi ba'zan - bosh og‘rig‘i, bosh aylanishi, kamdan-kam hollarda - uyquchanlik, ayrim hollarda - sezuvchanlikning buzilishi, uyqusizlik, asabiylashish, tutqanoq. Sezgi organlari ayrim hollarda - ko‘rish va ta'm sezishning noaniqligi. Allergik reaksiyalar ba'zan - teri toshmasi; kamdan-kam hollarda - eshakemi. Jigar ba'zan - qonda aminotransferazalar darajasining oshishi, gepatit. Gipersensitivlik reaksiyalari kamdan-kam hollarda - bronxospazm, tizimli anafilaktik / anafilaktoid reaksiyalar, shu jumladan gipotenziya. Yurak-qon tomir tizimi ayrim hollarda - taxikardiya, ko‘krakda og‘riq, arterial gipertenziya, dimlangan yurak yetishmovchiligi. Boshqalar pankreatit, buyrak shikastlanishi, aseptik meningit, eozinofiliya, pnevmoniya, fotosensibilizatsiya, leyopeniya, trombotsitopeniya, anemiya.

DOLEKS - kombinatsiyalangan preparat bo‘lib, aniq ifodalangan yallig‘lanishga qarshi, anal’gezik va isitmani tushiruvchi ta’sir ko‘rsatadi. Preparatning farmakologik faolligi uning tarkibiga kiruvchi diklofenak va paratsetamol xususiyatlari bilan bog‘liq. Diklofenakning asosiy ta’sir mexanizmi prostaglandinlar - yallig‘lanish, og‘riq va isitma rivojlanishida muhim rol o‘ynaydigan endogen moddalar sintezini tormozlashdan iborat. Prostaglandinlar tomonidan induktsiyalangan nerv uchlarining mexanik ta’sirlarga va yallig‘lanish o‘chog‘ida hosil bo‘ladigan biologik faol moddalarga sezuvchanligini kamaytiradi; tana haroratini pasaytiradi, prostaglandinlarning gipotalamusdagi termoregulyatsiya jarayoniga ta’sirini oldini oladi; hayz qonida prostaglandinlar konsentratsiyasini va birlamchi dismenoreyada og‘riq intensivligini kamaytiradi. Diklofenak qo‘llanilishi zararlangan bo‘g‘imlarda harakat hajmining oshishiga, tinch holatda va harakatda og‘riqning kamayishiga yordam beradi. Trombositlar agregatsiyasini tormozlaydi. Paratsetamol para-aminofenol hosilalari guruhiga mansub nosteroid yallig‘lanishga qarshi preparatlar (NYaQP) ga kiradi. U anal’gezik, isitmani tushiruvchi va o‘rtacha ifodalangan yallig‘lanishga qarshi ta’sirga ega bo‘lib, bu preparatning gipotalamusdagi termoregulyatsiya markaziga ta’siri va prostaglandinlar sintezini markaziy asab tizimida periferik to‘qimalarga nisbatan kuchliroq tormozlash qobiliyati bilan bog‘liq. Shu sababli paratsetamol asosan markaziy anal’gezik va isitmani tushiruvchi ta’sir ko‘rsatadi va juda zaif periferik yallig‘lanishga qarshi faollikka ega. Isitmani tushiruvchi ta’sir 20 - 60 daqiqada yuzaga chiqadi; ta’sir davomiyligi - 3-4 soat.