1 plyonka qobig‘i bilan qoplangan tabletkada faol modda sifatida 500 mg tsiprofloksatsin (tsiprofloksatsin gidroxlorid shaklida); 500 mg ornidazol. Yordamchi moddalari: natriy kraxmalglikolat, povidon, kroskarmelloza natriy, magniy stearat, kremniy dioksid kolloid anhidrid, talk, makkajo‘xori kraxmali. Qobiq tarkibi: Opadri sariq 02F22025 (gipromelloza, titana dioksid, makrogol 6000, temir oksidi sariq, talk).

Ortsipol quyidagi infeksiyalarni davolash uchun mo‘ljallangan, ular ципрофлокsatsin/ornidazol kombinatsiyasiga sezgir shtammlar tomonidan chaqirilgan: • kichik tos a’zolarining infeksion-yallig‘lanish kasalliklari, shu jumladan abort va operatsiyalardan keyin profilaktika; • buyrak va/yoki siydik chiqarish yo‘llari infeksiyalari - surunkali va o‘tkir pielonefrit, tsistit, uretrit, prostatit, epididimit, shu jumladan asoratli va qaytalanuvchi; • jinsiy yo‘l bilan yuqadigan infeksiyalar - xlamidioz, mikoplazmoz, gonoreya, trixomoniaz, aralash infeksiyalar (mikst-infeksiya); • nafas yo‘llari infeksiyalari - o‘tkir bronxit, surunkali bronxitning zo‘rayishi, pnevmoniya (Ortsipol Klebsiella, Enterobacter, Proteus, E. coli, Pseudomonas, Haemophilus, Branhamella, Legionella, Staphylococcus tomonidan chaqirilgan pnevmoniyalarda tavsiya etiladi), infeksiyalangan bronxoektazlar, o‘pka abstsessi, plevra empiyemasi; • LOR a’zolari infeksiyalari - sinusit, tashqi va o‘rta otit, mastoidit; • ko‘z infeksiyalari; • teri va yumshoq to‘qimalar infeksiyalari; • suyak va bo‘g‘imlar infeksiyalari; • qorin bo‘shlig‘i infeksiyalari, me’da-ichak trakti va o‘t yo‘llarining bakterial infeksiyalari, peritonit; • amebiaz (Entamoeba histolytica tomonidan chaqirilgan ichak infeksiyalari, shu jumladan ameb dizenteriyasi va amebiazning barcha ichakdan tashqari shakllari, ayniqsa jigar ameb abstsessi); • lyamblioz; • sepsis; • immuniteti pasaygan bemorlarda infeksiyalarni davolash yoki profilaktika qilish (masalan, immunodepressantlar qabul qilayotgan yoki neyropeniyasi bo‘lgan bemorlarda); • immuniteti pasaygan bemorlarda ichakning selektiv dekontaminatsiyasi; • yo‘g‘on ichakda va ginekologik aralashuvlarda anaerob infeksiyalarni profilaktika qilish; • o‘pka shaklidagi sibir yara infeksiyasini (Bacillus anthracis bilan zararlanish) profilaktika va davolash; • 5 yoshdan 17 yoshgacha bo‘lgan bolalarda o‘pka fibrozida Pseudomonas aeruginosa tomonidan chaqirilgan asoratlarni davolash.

Tsiprofloksatsin yoki ornidazolga yuqori sezuvchanlik.

Ortsipol ovqatdan oldin yoki ovqatdan 2 soat o‘tib, chaynalmay qabul qilinadi. O‘tkir infeksiyalarni davolash kursi 5–7 kun, surunkali qaytalanuvchi infeksiyalarni davolashda esa 10–14 kun davomida kuniga 2 marta 1 tabletkadan qabul qilinadi. Kasallik alomatlari yo‘qolgandan so‘ng dori qabulini yana 2 kun davom ettirish zarur. Kreatinin klirensi 20 ml/min va undan kam bo‘lgan bemorlarga, keksalarga va tana vazni past bo‘lgan bemorlarga odatdagi dozaning yarmi buyuriladi.

Simptomlar odatda kuchsiz yoki o‘rtacha darajada ifodalangan va tezda o‘tib ketadi, ayrim hollarda davolashni to‘xtatish talab qilinadi. Ovqat hazm qilish tizimi tomonidan ko‘ngil aynishi, qusish, diareya, qorin og‘rig‘i. Markaziy asab tizimi tomonidan bosh og‘rig‘i, bosh aylanishi, uyqu buzilishlari. Qon yaratuvchi tizim tomonidan eozinofiliya, leykopeiya, neytropeniya, trombotsitlar sonining o‘zgarishi. Immun tizimi va teri tomonidan allergik reaksiyalar, fotosensitivlik.

Ortsipol – bu kombinasiyalangan antimikrob va antiprototoz preparat bo‘lib, uning farmakologik ta’siri tarkibiga kiruvchi komponentlar – tsiprofloksatsin (II avlod ftorxinolon hosilasi) va ornidazol (5-nitroimidazol hosilasi) xususiyatlari bilan belgilanadi. Tsiprofloksatsin bakteriyalarning DNK-giraz fermentini inhibe qiladi va bakterial DNK sintezini bostiradi; bakteriya membranasi va hujayra devorida morfologik o‘zgarishlarni chaqiradi, bu esa hujayraning tez nobud bo‘lishiga olib keladi. O‘sish va tinch holatda bo‘lgan mikroorganizmlarga ta’sir ko‘rsatadi. Keng antimikrob spektriga ega, bir qator aerob gram-musbat va gram-manfiy mikroorganizmlarga nisbatan faol: Staphylococcus spp. (shu jumladan, penitsillinaza ishlab chiqaruvchi va ishlab chiqarmaydigan shtammlar, metitsillinrezistent shtammlar), Streptococcus spp. (shu jumladan, S. pneumoniae va S. pyogenes shtammlari), Enterococcus spp, Listeria monocytogenes; Enterobacter spp., Haemophilus influenzae, Klebsiella spp., Legionella spp., Moraxella catarrhalis, Morganella morganii, Neisseria spp., Proteus spp., Pseudomonas aeruginosa, Salmonella spp., Shigella spp., Vibrio cholerae, Campylobacter spp., Citrobacter spp., Yersinia enterocolitica, E.coli; va boshqalar – Mycobacterium tuberculosis, Chlamydia trachomatis va Mycoplasma hominis. Tsiprofloksatsinga Ureaplasma urealyticum, Clostridium difficile, Nocardia asteroides rezistentdir. Treponema pallidumga nisbatan ta’siri yetarlicha o‘rganilmagan. Ornidazolning ta’sir mexanizmi sezgir mikroorganizmlarning DNK tuzilmasini buzish bilan bog‘liq. Trichomonas vaginalis, Giardia lamblia, Entamoeba histolytica, shuningdek, ayrim anaerob bakteriyalarga (shu jumladan, Bacteroides spp., Clostridium spp., Fusobacterium spp. va anaerob kokklar) nisbatan faol.

Buyrak funksiyasi buzilgan bemorlarda dozalash tartibini tuzatish talab qilinadi. Keksalar, miya tomirlarining aterosklerozida, miya qon aylanishi buzilishlarida, epilepsiyada, noma’lum etiologiyali tutqanoq sindromida ehtiyotkorlik bilan qo‘llaniladi. Davolash davrida alkogol iste’mol qilishdan saqlanish kerak. Avtotransport boshqarish va mexanizmlarni boshqarish qobiliyatiga ta’siri Ortsipol qabul qilinganda diqqatni jamlash qobiliyati va psixomotor reaksiyalar tezligi pasayishi mumkin, bu preparatni avtotransport boshqarish, mashina va mexanizmlarga xizmat ko‘rsatish, beqaror holatda ishlash bilan bog‘liq faoliyat yurituvchi shaxslarga qo‘llash zarurati bo‘lsa, inobatga olinishi kerak. Pediatriyada qo‘llanilishi Ehtiyotkorlik bilan, maxsus ko‘rsatmalar bo‘yicha buyuriladi. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak. Ortsipolni homiladorlik va laktatsiya davrida qo‘llash faqat onaga kutilayotgan foyda homila uchun mumkin bo‘lgan xavfdan ancha yuqori bo‘lsa tavsiya etiladi. Laktatsiya davrida preparatni qo‘llash zarur bo‘lsa, emizishni to‘xtatish kerak.