1 ml tarkibi: Faol modda: diklofenak natriy – 25 mg. Yordamchi modda: benzil spirti (spirt benziloviy) – 40 mg, propilenglikol – 200 mg, mannitol (mannit) – 6 mg, natriy disulfit (natriy metabisulfit) – 3 mg, 1 M natriy gidroksid eritmasi – 25 mg, inyektsiya uchun suv – 1 ml gacha.

Turli kelib chiqishli o‘rta darajadagi og‘riqlarni qisqa muddatli davolash uchun: - tayanch-harakat apparati kasalliklari (revmatoyid artrit, psoriazik, yuvenil surunkali artrit, ankilozlovchi spondiloartrit; podagrik artrit, revmatik yumshoq to‘qimalar shikastlanishi, periferik bo‘g‘imlar va umurtqa osteoartrozi (shu jumladan, radikulyar sindrom bilan). Preparat simptomatik terapiya uchun mo‘ljallangan, qo‘llash vaqtida og‘riq va yallig‘lanishni kamaytiradi, kasallikning rivojlanishiga ta’sir qilmaydi; - lumbago, ishiash, nevralgiya; - algodisminoreya, kichik chanoq a’zolarining yallig‘lanish jarayonlari, shu jumladan adneksit; - yallig‘lanish bilan kechuvchi jarohatdan keyingi og‘riq sindromi; - operatsiyadan keyingi og‘riq.

Diklofenakka yoki nosteroid yallig‘lanishga qarshi preparatlar (NYQP) guruhiga kiruvchi boshqa har qanday dori vositasiga, shuningdek, preparatning har qanday yordamchi moddasiga yuqori sezuvchanlik; me’da-ichak trakti eroziya-yarali shikastlanishlari (kuchayish bosqichida), me’da-ichak qon ketishlari, ichakning yallig‘lanish kasalliklari (nospetsifik yarali kolit, Kron kasalligi); og‘ir jigar yetishmovchiligi, jigar kasalliklarining o‘tkir davri; og‘ir buyrak yetishmovchiligi (kreatinin klirensi 30 ml/min dan kam), giper-kaliemiya; asetilsalisil kislotasiga to‘liq yoki to‘liq bo‘lmagan intolerantlik sindromi (rinosinusit, eshakemi, burun shilliq qavatining poliplari, bronxial astma, asetilsalisil kislotasi yoki boshqa NYQP qabul qilganda yuzaga keladigan); gemopoez buzilishlari, gemostaz buzilishlari (jumladan, gemofiliya); homiladorlik, emizish davri, 18 yoshgacha bo‘lgan bolalar yoshi; aortokoronar shuntlashdan keyingi davr; arterial trombozlar va tromboemboliyalar rivojlanish xavfi yuqori bo‘lganda; surunkali yurak yetishmovchiligi, NYHA bo‘yicha II-IV funksional klass; klinik jihatdan tasdiqlangan ishemik yurak kasalligi; periferik arteriyalar va bosh miya tomirlarining kasalliklari; nazorat qilinmaydigan arterial gipertenziya. Ehtiyotkorlik bilan: ishemik yurak kasalligi, serebrovaskulyar kasalliklar, dimlanma yurak yetishmovchiligi, arterial gipertenziya, aylanayotgan qon hajmining sezilarli kamayishi (jumladan, keng ko‘lamli jarrohlik aralashuvdan keyin), shish sindromi, periferik arteriyalar kasalliklari, dislipidemiya, qandli diabet, anemiya, bronxial astma, buyrak yetishmovchiligi (kreatinin klirensi 60 ml/min dan kam), alkogolizm, me’da-ichak trakti eroziya-yarali kasalliklari remissiyada, jigar kasalligi anamnezda, divertikulit, keng ko‘lamli jarrohlik aralashuvlardan keyingi holat, induktsiyalangan porfiriya, keksalik, chekish, og‘ir somatik kasalliklar, biriktiruvchi to‘qima tizimli kasalliklari, nosteroid yallig‘lanishga qarshi vositalarni uzoq muddatli qo‘llash, glyukokortikosteroidlar, antikoagulyantlar, antiagregantlar, selektiv serotonin qayta qabul qilinishining ingibitorlari, giperlipidemiya, Helicobacter pylori infeksiyasi mavjudligi.

Chuqur mushak ichiga yuboriladi. Kattalar uchun bir martalik doza – 75 mg (1 ampula). Zaruriyat tug‘ilganda takroran yuborish mumkin, biroq 12 soatdan oldin emas. Diklofenakning boshqa dori shakllaridan foydalanganda maksimal sutkalik doza – 150 mg dan oshmasligi kerak. Qo‘llash davomiyligi 2 kundan oshmasligi kerak, zaruriyat bo‘lsa, keyinchalik diklofenakning peroral yoki rektal qo‘llanishiga o‘tiladi.

Diklofenak yallig‘lanishga qarshi, og‘riqni qoldiruvchi va isitmani tushiruvchi ta’sirga ega. Siklooksigenaza 1 va 2 ni tanlab olmasdan tormozlab, araxidon kislota metabolizmini buzadi, yallig‘lanish o‘chog‘ida prostaglandinlar miqdorini kamaytiradi. Revmatik kasalliklarda diklofenakning yallig‘lanishga qarshi va analgezik ta’siri og‘riq, ertalabki qotishish, bo‘g‘imlarning shishishi darajasini sezilarli darajada kamaytiradi, bu esa bo‘g‘imning funksional holatini yaxshilaydi. Travmalarda, operatsiyadan keyingi davrda diklofenak og‘riq va yallig‘lanish shishini kamaytiradi.

Nojo‘ya hodisalar rivojlanish xavfini kamaytirish uchun diklofenakning minimal samarali dozasini eng qisqa muddatli kursda qo‘llash kerak. Diklofenak bilan uzoq muddatli davolash va yuqori dozalarda davolash jiddiy yurak-qon tomir trombotik asoratlar (shu jumladan miokard infarkti va insult) rivojlanish xavfini oshirishi mumkin. Preparatni qabul qilayotgan bemorlar spirtli ichimliklarni iste’mol qilishdan tiyilishlari kerak. Transport vositalarini, mexanizmlarni boshqarish qobiliyatiga ta’siri Markaziy asab tizimi tomonidan bosh aylanishi va boshqa buzilishlardan aziyat chekayotgan bemorlar davolanish davrida transport vositalarini boshqarish va diqqatni jamlash va psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishdan tiyilishlari kerak.

Belgilar: qusish, bosh aylanishi, bosh og‘rig‘i, nafas qisishi, ongning xiralashuvi, bolalarda - mioklonik tutqanoqlar, ko‘ngil aynishi, qusish, qorin og‘rig‘i, qon ketishlar, jigar va buyrak funksiyasining buzilishi. Davolash: simptomatik terapiya, majburiy diurez. Gemodializ samarasiz.