Овал шаклли, чокли, оч-тўқ сариқ рангли, апельсин таъмли чайналадиган желатин капсулалар.

Капсула ичидагиси – тиниқ, оч-сариқдан сариқ ранггача бўлган мойли суюқлик.

Овал шаклли, чокли, сариқ рангли, банан таъмли чайналадиган желатин капсулалар.

Капсула ичидагиси – тиниқ, рангсиз ёки бироз сарғиш рангли мойли суюқлик. 

Битта капсула қуйидагиларни сақлайди:

фаол модда: колекальциферол (колекальциферолнинг мойли эритмаси кўринишида 1 млн. ҲБ/г) – 12,5 мкг (500 ҲБ);

ёрдамчи моддалар: апельсин мойи ёки банан ароматизатори*, ўртача занжирли триглицеридлар;

желатин капсула қобиғи таркиби: желатин, глицерин, олдиндан желатинланган крахмал, тозаланган сув, фумар кислотаси, титан диоксиди Е-171, сариқ хинолин Е-104, қизил мафтункор Е-129, сукралоза.

* Банан ароматизатори таркиби: табиий ароматик моддалар, ароматик моддалар экстрактлари аралашмаси, ўсимлик мойи. 

- 6 ёшдан ошган болалар ва ўсмирларда Д витамини танқислигини олдини олиш;

- хавф аниқланган болалар ва ўсмирларда Д витамини танқислигини олдини олиш ва даволаш;

- хавф аниқланган катталар, ҳомиладор ва эмизикли аёлларда Д витамини танқислигини олдини олиш;

- Д витамини танқислиги ёки уни хавфи аниқланган пациентларда остеопорозни специфик даволашга қўшимча сифатида қўлланади.

 

 

 

Овқатланиш вақтида ичга қабул қилинади.

Д3-КАПС УЛЬТРА чайналадиган капсулаларини чайнаш ёки бутунлигича ютиб юбориш мумкин.

Д3-КАПС УЛЬТРА чайналадиган капсулаларини 6 дан 10 ёшгача бўлган болалар томонидан фақат катталар назорати остида қабул қилишга йўл қўйилади.

Суткада 500 ҲБ.

Хавф аниқланган болалар ва ўсмирларда Д витамини танқислигини даволаш: доза касалликни кечиши ва оғирлик даражасига қараб шифокор томонидан индивидуал равишда аниқланади.

Д витамини танқислиги ёки уни хавфи аниқланган пациентларда остеопорозни специфик даволашга қўшимча сифатида: тавсия этилган доза суткада 1000 ҲБ Д витаминини ташкил қилади.

Аҳолининг айрим гуруҳлари Д витамини танқислигининг юқори хавфига дучорлар, шунинг учун ушбу гуруҳлар учун юқорироқ дозаларни буюриш ва қон зардобида 25-гидроксиколекальциферолнинг концентрацияси мониторинги талаб этилиши мумкин:

Д витаминининг дозасини ташлашни қулайлиги учун турли дозали (500 ҲБ, 2000 ҲБ, 5000 ҲБ, 50000 ҲБ) дори воситаларини қўллаш тавсия этилади.

Дозага тузатиш киритиш талаб этилмайди.

Оғир даражадаги буйрак етишмовчилиги бўлган пациентларда Д витаминини қўллаш мумкин эмас.

6 ёшгача бўлган болаларга тавсия этилмайди.

Кексаларда Д витаминини сўрилишини камайиши, терининг Д витаминини синтез қилиш қобилиятини пасайиши, инсоляция вақтини қисқариши, буйрак етишмовчилиги юзага келиши тез-тезлигини ошиши оқибатида Д витаминига бўлган эҳтиёж ошиши мумкин. Кексаларда Д витамини танқислигини даволаш учун доза касалликни кечиши ва оғирлик даражасига қараб шифокор томонидан индивидуал равишда аниқланади.

 

 Нохуш реакциялар тизим-аъзолар таснифи ва учраш тез-тезлигига мувофиқ санаб ўтилган.

Тез-тезлик қуйидагича белгиланган: жуда тез-тез (≥ 1/10), тез-тез (≥ 1/100, аммо < 1/10), тез-тез эмас (≥ 1/1 000, аммо < 1/100), кам холларда (≥ 1/10 000, аммо < 1/1 000), жуда кам холларда (< 1/10000), тез-тезлиги номаълум (мавжуд маълумотлар асосида баҳолаб бўлмайди).

Ножўя реакцияларнинг тез-тезлиги номаълум сифатида баҳоланади, чунки уларнинг тез-тезлигини аниқлаш имконини берувчи йирик клиник тадқиқотлар ўтказилмаган.

Моддалар алмашинуви ва озиқланиш томонидан бузилишлар: тез-тез эмас − гиперкальциемия ва гиперкальциурия.

Тери ва тери ости тўқималари томонидан бузилишлар: кам холларда − қичиши, тошма, эшакеми 

Колекальциферол (Д3 витамини) ультрабинафша нурланиш таъсири остида терида шаклланади ва гидроксилизациянинг иккита босқичида биологик фаол шакли 1,25-гидроксиколекальциферолга айланади: биринчиси жигарда (25 ҳолат), иккинчиси – буйракда (1 ҳолат) амалга ошади. Паратгормон ва кальцитонин билан бир қаторда 1,25-гидроксиколекальциферол кальций-фосфор алмашинувини бошқаришга аҳамиятли таъсир кўрсатади. Ўзининг биологик фаол шаклида Д витамини ичакда кальцийни сўрилиши, кальцийни остеоидга жойлашиши ва кальцийни суяк тўқимасидан чиқишини кучайтиради. Д витамини танқислигида скелет кальцификацияси кузатилмайди (бу рахит ривожланишига олиб келади) ёки суяклар декальцификацияси кузатилади (бу остеомаляцияга олиб келади). Кальций ва/ёки Д витамини танқислиги паратгормон секрециясини қайтувчан ошишини чақиради. Шунга ўхшаш иккиламчи гиперпаратиреоз суяк тўқимасида метаболизмини кучайишининг сабабчиси бўлади, бу ўз навбатида суякларни мўртлиги ва синишлар юзага келишига олиб келиши мумкин.

Д витамини ишлаб чиқарилиши, физиологик бошқарилиши ва таъсир механизмига мувофиқ стероид гормон прекурсори сифатида баҳоланиши мумкин. Терида физиологик шароитларда ҳосил бўладиган колекальциферолга қўшимча унинг қўшимча миқдори организмга овқат ёки дори воситаларини кўринишида тушиши мумкин. Сўнгги ҳолатда Д витамини синтезини ингибиция қилинмаслиги туфайли, доза ошириб юборилиши ва интоксикация симптомлари ривожланиши мумкин. Эргокальциферол (Д2 витамини) ўсимликларда синтезланади. Одам организми уни колекальциферолни фаоллашишига ўхшаш усулда фаол шаклигача метаболизмга учратади. У шунга ўхшаш миқдорий ва сифат характеристикаларига эга.

Овқат билан тушаётган дозаларда Д витамини алиментар липидлар билан бирга деярли тўлиқ сўрилади. Юқорироқ дозаларда Д витаминининг тахминан учдан икки қисми сўрилади. Тери ультрабинафша нурлари таъсири остида 7-дегидрохолестеролдан Д витаминини синтез қилади. Д витамини специфик транспорт оқсиллари томонидан жигарга ташилади. Жигарда у микросомал гидроксилаза томонидан 25-гидроксиколекальциферолгача метаболизмга учрайди. Д витамини ва унинг метаболитлари организмдан сафро ва ахлат билан чиқарилади.

Д витамини мушак ва ёғ тўқимасида тўпланади ва шунинг учун давомли биологик ярим чиқарилиш даврига эга. Д витаминининг юқори дозалари қабул қилингандан кейин қон плазмасида 25-гидроксивитамин концентрацияси бир неча ой давомида юқоригича қолиши мумкин. Д витамининг дозасини ошириб юборилиши чақирган гиперкальциемия бир неча хафта сақланиши мумкин (шунингдек “Дозани ошириб юборилиши” бўлимига қаранг).

 

Тиришишга қарши препаратлар (фенитоин каби) ва барбитуратлар. 25-гидроксиколекальциферол даражаси пасайиши ва фаол метаболитларга айланиш тезлиги ошиши мумкин.

Тиазид диуретиклар. Кальцийни сийдик билан чиқарилишини пасайтириши ва шу орқали гиперкальциемия ривожланиши хавфини ошириши мумкин. Бундай пацентларда қонда ва сийдикда кальций концентрациясининг доимий мониторингини амалга ошириш керак.

Глюкокортикостероидлар. Глюкокортикостероидларни бир вақтда буюриш дори воситасининг самарасини пасайтириши мумкин.

Юрак гликозидлари. Д витаминини перорал буюриш кальций даражасини ошиши оқибатида уларнинг самарадорлиги ва токсиклигини оширади (юрак аритмиялари ривожланиши хавфи). Бундай пациентларда плазмада ва сийдикда кальций даражаси, ЭКГ, шунингдек (агар кўрсатмалар бўлса) қон плазмасида дигоксин ва дигитоксин даражалари кўрсаткичларини назорат қилиш керак.

Д витамини метаболитлари ёки унинг аналоглари (масалан кальцитриол). Д витамини метаболитлари ёки Д витамини аналоглари билан фақат алоҳида ҳолатларда ва қон плазмасида кальций даражасини назоратини асосида мажмуада қўлланиши мумкин.

Рифампицин ва изониазид. Биотрансформация тезлигини ошиши туфайли дори воситасининг самараси пасайиши мумкин.

холестирамин каби ион алмашинувчи қатронлар, парафин мойи каби сурги воситалари: меъда-ичак йўлларида Д витаминини сўрилишини пасайтириши мумкин. Орлистат ёғда эрувчан Д витаминини сўрилишини потенциал ёмонлаштириши мумкин.

Актиномицин, замбуруғларга қарши препаратлар (имидазол ҳосилалари): 25-гидроксиколекальциферолни 1,25-гидроксиколекальциферолга айланишини ингибиция қилиб, Д витаминининг фаоллигига таъсир кўрсатади. 

Буйрак функциясини бузилиши бўлган пациентларда Д витаминини эҳтиёткорлик билан қўллаш керак. Д витамини препаратлари билан даволанаётган буйрак етишмовчилиги бўлган пациентларда унинг кальций ва фосфатлар метаболизмига таъсирини кузатиш керак. Д витамини буйракларда кальций сақловчи тошларни ҳосил бўлишига мойиллиги бўлган пациентларга буюрилмаслиги керак. Юмшоқ тўқималар кальцификацияси хавфини эътиборга олиш керак.

Юрак-қон томир касаллиги туфайли даволанаётган пациентларда эҳтиёткорликка риоя қилиш керак.

Д витаминининг фаол метаболитига айланиши даражасини ошиши хавфи туфайли саркоидозда Д витамини препаратларини эҳтиёткорлик билан буюриш керак. Бундай пациентларда зардобда ва сийдикда кальций концентрациясини мониторинг қилиш керак.

Д витаминини сақловчи бошқа дори воситаларини буюрганда Д3-КАПС УЛЬТРА препаратидаги унинг дозани эътиборга олиш керак. Д витамини ёки кальцийнинг қўшимча дозаларини қабул қилиш фақат шифокор кузатуви остида амалга оширилиши керак. Бундай ҳолатларда зардобда ва сийдикда кальций концентрацияси мониторингини амалга ошириш керак.

Д витаминини сақловчи дори воситаларини буюрганда, кальций ва фосфатларни сийдик билан чиқарилишини бузилишларида, бензотиадиазин ҳосилалари билан даволаганда, шунингдек ҳаракатчанлиги чекланган пациентларга буюрганда алоҳида эҳтиёткорликка риоя қилиш керак (гиперкальцемия ва гиперкальциурия ривожланиши хавфи). Бундай ҳолатларда зардобда ва сийдикда кальций концентрацияси мониторингини амалга ошириш керак.

Д витаминининг юқори дозалари (500000 ҲБ бир марта оғиз орқали қабул қилиш) перорал юбориш кекса одамларда синишларнинг юқори хавфига олиб келиши ҳақида хабар берилган, бунда доза юборилгандан кейин биринчи 3 ой давомида энг кўп ошиш кузатилади.

Суткада Д витаминининг 1000 ҲБ дан юқори дозалари билан узоқ вақт даволаганда зардобда кальций концентрацияси мониторингини амалга ошириш керак.

Ҳомиладорлик ва эмизиш даврида Д витаминини адекват миқдорда тушиши талаб этилади.

Ҳомиладорлик даврида суткада 500 ҲБ дан юқори дозада колекальциферолни фақат яққол зарурат бўлганида ва фақат танқисликни бартараф этиш учун мутлоқ зарур бўлган дозада буюриш керак. Ҳомиладорликда Д витамини дозасини ошириб юборишдан сақланиш керак, чунки унинг натижасида юзага келувчи гиперкальциемия болада жисмоний ва ақлий ривожланишни кечикиши, аортал стенознинг клапан усти шакли ва ретинопатия ривожланишига олиб келиши мумкин.

Д витамини ва унинг метаболитлари кўкрак сутига киради. Эмизиш оқибатида янги туғилган чақалоқларда дозани ошириб юборилиши ҳолатлари кузатилмаган. Аммо эмизикли болага қўшимча Д витамини буюрилганда шифокор онага буюрилаётган ҳар қандай қўшимча Д витаминининг дозасини эътиборга олиши керак.

Д витамини билан даволаш ва унинг фертилликка таъсири ҳақида маълумотлар йўқ.

Транспорт воситаларини бошқариш ва механизмлар билан ишлаш қобилиятига таъсири бўйича тадқиқотлар ўтказилмаган. Таъсирининг эҳтимоли кам.

 

Д витаминининг дозасини ўткир ва сурункали ошириб юборилиши гиперкальциемия ривожланишига олиб келиши мумкин, у доимий ва потенциал ҳаётга хавф солувчи характерга эга бўлиши мумкин. Симптомлар нотипик бўлиб ҳисобланади ва юрак аритмиялари, чанқоқлик, сувсизланиш, адинамия ва онгни бузилишини ўз ичига олиши мумкин. Бундан ташқари дозани сурункали ошириб юборилиши қон-томирлар ва организмнинг тўқималарида кальцийни чўкишига олиб келиши мумкин.

Эргокальциферол (Д2 витамини) ва колекальциферол (Д3 витамини) нисбатан паст терапевтик индексга эга. Қалқонсимон олди безининг функцияси нормал бўлган катталарда Д витамини билан интоксикация бўсағаси 1-2 ой давомида суткада 40000-100000 ҲБ диапазонида ўзгаради. Янги туғилган чақалоқлар ва кичик ёшдаги болалар пастроқ дозаларга сезгирроқ бўлишлари мумкин. Шунинг учун тиббий кузатувчи ушбу тоифадаги пациентларга Д витаминини буюриш мумкин эмас.

Дозани ошириб юборилиши қонда ва сийдикда фосфор даражасини ошишига, шунингдек кейинчалик тўқималарда, энг аввало буйракларда (нефролитиаз, нефрокальциноз) ва қон-томирларда кальцийни чўкиши билан кечувчи гиперкальциемик синдромга олиб келади. Гиперкальциемия симптомлари анорексия, чанқоқлик, кўнгил айниши, қусиш, қабзият, қоринда оғриқ, мушак кучсизлиги, толиқиш, руҳий бузилишлар, полидипсия, полиурия, суякларда оғриқ ва оғир ҳолатларда юрак аритмиясини ўз ичига олиши мумкин. Экстремал гиперкальциемия кома ва ўлимга олиб келиши мумкин.

Типик биокимёвий бузилишлар гиперкальциемия, гиперкальциурия, шунингдек қон зардобида 25-гидроксиколекальциферол концентрацияларини ошишини ўз ичига олади.

Доза ошириб юборилганда кўпинча доимий давом этувчи, айрим шароитларда эса ҳаётга хавф солувчи гиперкальциемияни даволаш бўйича чораларни амалга ошириш керак. Биринчи ёрдам чораси бўлиб дори воситасини бекор қилиш ҳисобланади; Д витамини интоксикацияси чақирган гиперкальциемия ҳолатини нормаллаштириш учун бир неча хафта талаб этилиши мумкин.

Гиперкальциемиянинг оғирлик даражасига қараб қуйидаги чоралар қўлланиши мумкин: кальций миқдори паст ёки кальций мавжуд бўлмаган парҳез, суюқликни кўп миқдорда истеъмол қилиш, фуросемид томонидан индукция қилинган жадаллаштирилган диурез, айрим ҳолатларда эса глюкокортикостероидлар ва кальцитонинни буюриш.

Буйрак функцияси нормал бўлганида кальций даражаси кальций даражаси ва ЭКГ доимий моторинги билан бирга фуросемид ва айрим ҳолатларда соатига тана вазнига 15 мг/кг дозада натрий эдетатини ёндош буюриш билан 0,9% ли натрий хлориди эритмасини (24 соат давомида 3-6 литр) вена ичига юбориш орқали етарли даражада пасайтириш мумкин. Олигурияда аксинча гемодиализ ўтказиш зарур (кальций сақламайдиган диализат).

Специфик антидоти мавжуд эмас.

Д витаминининг юқори дозалари билан узоқ вақт даволаганда потенциал дозани ошириб юборилиши симптомлари (кўнгил айниши, қусиш, шунингдек бошланғич даврда диарея, кейинчалик қабзият, иштаҳани йўқолиши, толиқиш, бош оғриғи, мушакда оғриқ, бўғимларда оғриқ, мушак кучсизлиги, уйқучанлик, азотемия, полидипсия ва полиурия) ривожланишини кузатиш тавсия этилади.

 

Чайналадиган капсулалар.

10 капсуладан тиниқ бўлмаган поливинилхлорид/поливинилдихлорид плёнкали ва босма лакланган алюмин фольгали контур уяли ўрамда.

3 контур уяли ўрамдан тиббиётда қўлланилишига доир йўриқномаси билан бирга картон қутида.

 

Оригинал ўрамида, 25°С дан юқори бўлмаган ҳароратда сақлансин.

Болалар ололмайдиган жойда сақлансин.

 

2 yil.

O'rimida ko'rsatilgan yaroklilik muddatidan o'tgach qo'llanilmasin.