1 kapsula tarkibida: Faol modda: bakteriyalar lizatlari standartlashtirilgan bakteriyalar liofilizati (OM-85) (OM-Pharma, Shveytsariya) - 3,500 mg: Haemophilus influenzae Streptococcus pneumoniae Streptococcus viridans Streptococcus pyogenes Klebsiella pneumoniae Klebsiella ozaenae Staphylococcus aureus Moraxella catarrhalis Yordamchi modda: propilgallat (suvsiz) natriy glutamat (suvsiz) mannitol magniy stearat prejelatinizatsiyalangan kraxmal mannitol Kapsula qobig'i: indigotin E132 titan dioksid E171 jelatin

Bronxo-Munal® P 6 oydan 12 yoshgacha bo'lgan bolalarda qo'llaniladi: • nafas yo'llarining o'tkir infeksiyalari kompleks terapiyasi tarkibida; • nafas yo'llarining qaytalanuvchi infeksiyalari va surunkali bronxitning zo'rayishlarini oldini olish uchun.

6 oydan 12 yoshgacha bo‘lgan bolalar uchun. Preparat har kuni ertalab, och qoringa, ovqatdan 30 daqiqa oldin 1 kapsuladan qabul qilinadi. 3 yoshgacha bo‘lgan bolalar yoki kapsulani yutish qiyin bo‘lgan hollarda, kapsulani ochib, uning tarkibini oz miqdordagi suyuqlik (choy, sut yoki sharbat) bilan aralashtirish kerak. • Nafas yo‘llarining qaytalanuvchi infeksiyalari va surunkali bronxitning zo‘rayishlarini oldini olish uchun preparat 10 kunlik 3 kursda qo‘llaniladi, kurslar orasidagi interval 20 kun. • Nafas yo‘llarining o‘tkir infeksiyalari kompleks terapiyasida preparat simptomlar yo‘qolguncha, lekin kamida 10 kun davomida qo‘llaniladi. Antibiotikoterapiya o‘tkazilganda Bronxo-Munal® P antibiotiklar bilan birga davolash boshidan boshlab qabul qilinishi kerak. Keyingi 2 oy davomida preparatni profilaktik qo‘llash mumkin: 10 kunlik kurslarda, kurslar orasidagi interval 20 kun.

Bronxo-Munal® P odatda yaxshi o'zlashtiriladi. Ko'pgina nojo'ya reaksiyalar umumiy toifaga, o'rtacha yoki o'rtacha og'irlik darajasiga kiradi. Nojo'ya ta'sirning eng ko'p uchraydigan ko'rinishi oshqozon-ichak trakti buzilishlari, teri reaksiyalari va nafas olish organlari tomonidan buzilishlardir. Jahon sog'liqni saqlash tashkiloti (JSST) ma'lumotlariga ko'ra, noxush ta'sirlar rivojlanish tez-tezligiga ko'ra quyidagicha tasniflanadi: • juda tez-tez (≥ 1/10); • tez-tez (≥ 1/100, < 1/10); • kamdan-kam (≥ 1/1000, < 1/100); • noyob (≥ 1/10000, < 1/1000); • juda noyob (< 1/10000); • tez-tezligi noma'lum (mavjud ma'lumotlar asosida hodisalar yuzaga kelish tez-tezligini aniqlash mumkin emas). Oshqozon-ichak trakti tomonidan buzilishlar: • tez-tez: diareya, qorin og'rig'i; • tez-tezligi noma'lum: ko'ngil aynishi, qusish. Nafas olish tizimi tomonidan buzilishlar: • tez-tez: yo'tal; • kamdan-kam: nafas qisishi. Teri va teri osti to'qimalari tomonidan buzilishlar: • tez-tez: toshma; • tez-tezligi noma'lum: eshakemi, angionevrotik shish. Immun tizimi tomonidan buzilishlar: • kamdan-kam: gipersensitivlik reaksiyalari (eritomatoz toshma, generalizatsiyalashgan toshma, eritema, shish, qovoq shishi, yuz shishi, periferik shishlar, shish, yuzda shish, qichishish, generalizatsiyalashgan qichishish). Nerv tizimi tomonidan buzilishlar: • tez-tezligi noma'lum: bosh og'rig'i. Umumiy buzilishlar: • tez-tezligi noma'lum: isitma, charchoq.

Bronxo-Munal® P preparati immunostimulyator ta'sir ko'rsatadi, nafas yo'llari infeksiyalariga qarshi immunitetni kuchaytiradi. Bronxo-Munal® P preparatini qabul qilayotgan bemorlarda organizmning bakteriya va viruslarga qarshi himoya xususiyatlari kuchayadi. Kapsulani qabul qilgandan so'ng, bakterial lizat me'da-ichak yo'llari shilliq qavatining Peyer blyashkalarida, xususan, ingichka ichakda joylashganlarida to'planadi. Peyer blyashkalaridagi antigen taqdim etuvchi hujayralar bakterial lizat bilan faollashadi va keyinchalik boshqa turdagi hujayralarni (B-limfotsitlar) stimulyatsiya qiladi, ular esa o'z navbatida spetsifik immunitet uchun javobgardir. Bu esa aylanib yuruvchi B-limfotsitlar sonining oshishiga olib keladi, natijada poliklonal antitanachalar, ayniqsa, zardobdagi IgG va nafas yo'llari shilliq qavati hamda so'lak bezlari tomonidan sekretsiya qilinadigan IgA ishlab chiqarilishi ko'payadi. Shuningdek, preparat nonspeysifik immunitetga ham ta'sir ko'rsatadi, leykotsitlarni stimulyatsiya qiladi, bu esa mielloid va limfoid qator hujayralari sonining oshishi, shuningdek, ularning yuzasida retseptorlar ekspressiyasining selektiv oshishi bilan tavsiflanadi. Klinik jihatdan Bronxo-Munal® P nafas yo'llarining o'tkir infeksiyalari tez-tezligini kamaytiradi, ularning davomiyligini qisqartiradi, surunkali bronxitning zo'rayish ehtimolini pasaytiradi, shuningdek, organizmning nafas tizimi infeksiyalariga qarshilik ko'rsatishini oshiradi. Shu bilan birga, boshqa dori vositalarini, ayniqsa, antibiotiklarni qo'llash zarurati kamayadi.

Preparatni dozani oshirib yuborish natijasida intoksikatsiya haqida xabarlar yo'q. Bronxo-Munal® P preparatining tabiati va uning hayvonlarda toksikligini o'rganish natijalari dozani oshirib yuborish ehtimoli pastligini ko'rsatadi.

Preparat boshqa dori vositalari, shu jumladan antibiotiklar bilan bir vaqtda qo‘llanilishi mumkin.