Gipersensitivlik, qon hosil bo‘lishining bostirilishi (agranulositoz, tsitostatik yoki infeksion neyropeniya), jigar va/yoki buyrak yetishmovchiligi, glyukoza-fosfatdegidrogenaza yetishmovchiligi bilan bog‘liq irsiy gemolitik anemiya; bronxial astma, burun va burun atrofidagi bo‘shliqlarning qaytalanuvchi polipozi va atsetilsalisil kislotasi yoki boshqa nosteroid yallig‘lanishga qarshi preparatlarga toqat qilmaslikning to‘liq yoki to‘liq bo‘lmagan birikmasi (shu jumladan anamnezda); anemiya, leyopeniya. Ehtiyotkorlik bilan Hayotining birinchi uch oyida yoki tana vazni 5 kg dan kam bo‘lgan bolalarga, buyrak kasalliklari (pielonefrit, glomerulonefrit – shu jumladan anamnezda), alkogolizm. Vena ichiga yuborishda sistolik arterial bosimi 100 mm simob ustunidan past bo‘lgan yoki qon aylanishining beqarorligi (masalan, miokard infarkti, ko‘p sonli jarohatlar, boshlanayotgan shok fonida) bo‘lgan bemorlarga. 

 Preparat mushak ichiga yoki vena ichiga (kuchli og‘riqlarda) yuboriladi. Kattalarga Mushak ichiga (m/i) yoki vena ichiga (v/i) - 250-500 mg 3 marta sutkada. Maksimal bir martalik doza - 1 g, sutkalik - 2 g. Bolalarga 5-10 mg/kg 2-3 marta sutkada buyuriladi. 1 yoshgacha, lekin 3 oydan katta yoki tana vazni 5 kg dan ortiq bo‘lgan bolalarga preparat faqat m/i yuboriladi. Preparatni qo‘llash davomiyligi 3 kundan oshmasligi kerak. In'ektsiya uchun yuboriladigan eritma tana haroratida bo‘lishi kerak. 1 g dan ortiq dozalarda v/i yuborish kerak. Qarshi shok terapiyasini o‘tkazish uchun sharoitlar bo‘lishi zarur. Arterial bosimning keskin pasayishining eng ko‘p uchraydigan sababi in'ektsiya tezligining juda yuqoriligi bo‘lib, shuning uchun vena ichiga yuborish sekin (tezligi 1 ml/min dan oshmasligi kerak), bemor "yotgan" holatda, arterial bosim, yurak urish soni va nafas olish soni nazorati ostida o‘tkazilishi kerak.
 

 Terapik dozalarda preparat odatda yaxshi o‘zlashtiriladi. Siydik chiqarish tizimi tomonidan buyrak funksiyasining buzilishi, oliguriya, anuriya, proteinuriya, interstitsial nefrit, siydikning qizil rangga bo‘yalishi. Allergik reaksiyalar toshma (shu jumladan kon'yunktiva va burun-halqum shilliq qavatlarida), angionevrotik shish, yomon sifatli ekssudativ eritema (Stivens-Djonson sindromi), toksik epidermal nekroliz (Layell sindromi), bronxospastik sindrom, anafilaktik shok. Qon yaratuvchi organlar tomonidan agranulotsitoz, leykopeiya, trombotsitopeniya. Boshqalar arterial bosimning pasayishi. M/i yuborishda mahalliy reaksiyalar - yuborilgan joyda infiltratlar bo‘lishi mumkin. 

 Anal'geziruyushchee nenarkotik vositasi, pirazolon hosilasi, tsiklooksigenazani neselektiv bloklaydi va araxidon kislotasidan prostaglandinlar hosil bo‘lishini kamaytiradi. Og‘riq eksta va proprioceptiv impulslarini Goll va Burdax tolalari bo‘ylab o‘tkazilishini to‘sadi, talamik og‘riq sezgirligi markazlarining qo‘zg‘aluvchanlik chegarasini oshiradi, issiqlik chiqarilishini oshiradi. O‘ziga xos xususiyati yallig‘lanishga qarshi ta’sirining kam ifodalanganligi bo‘lib, bu suv-tuz almashinuviga (natriy va suv ionlarining ushlanishi) va me’da-ichak yo‘llari shilliq qavatiga zaif ta’sir ko‘rsatadi. Anal'geziruyushchee, isitmani tushiruvchi va biroz spazmolitik (siydik chiqarish va o‘t chiqarish yo‘llari silliq mushaklariga nisbatan) ta’sir ko‘rsatadi. 

 Farmatsevtik nomutanosiblik rivojlanish ehtimoli yuqori bo‘lgani sababli boshqa dori vositalari bilan bir shpritsda aralashtirish mumkin emas. Etanolning ta’sirini kuchaytiradi. Rentgenokontrast dori vositalari, kolloid qon o‘rnini bosuvchi vositalar va penisillin metamizol natriy bilan davolash vaqtida qo‘llanilmasligi kerak. Siklosporin bilan bir vaqtda qo‘llanganda, uning qon zardobidagi konsentratsiyasi kamayadi. Metamizol natriy, plazma oqsillari bilan bog‘lanishdan og‘iz orqali qabul qilinadigan gipoglikemik dori vositalari, bilvosita antikoagulyantlar, glyukokortikosteroidlar va indometatsinni siqib chiqarib, ularning faolligini oshiradi. Fenilbutazon, barbituratlar va jigar mikrosomal fermentlari induktorlarining boshqa vakillari bilan birga buyurilganda, metamizol natriyning samaradorligi kamayadi. Boshqa narkotik bo‘lmagan analgetiklar, tritsiklik antidepressantlar, kontratseptiv gormonal dori vositalari va allopurinol bilan birga qo‘llanilganda toksikligi oshishi mumkin. Sedativ va anksiolitik dori vositalari (trankvilizatorlar) metamizol natriyning analgezik ta’sirini kuchaytiradi. Tiamazol va sitostatiklar leykope­niya rivojlanish xavfini oshiradi. Ta’sirini kodein, H2-gistamin retseptorlari blokatorlari va propranolol (inaktivatsiyani sekinlashtiradi) kuchaytiradi. Miyelotoksik dori vositalari preparatning gematotoksikligini kuchaytiradi.
 

 5 yoshgacha bo‘lgan bolalarni va sitostatik dori vositalarini qabul qilayotgan bemorlarni davolashda natriy metamizolni faqat shifokor nazorati ostida qabul qilish kerak. Nojo‘ya ta’sirlar juda kam uchraydi, biroq preparatni vena ichiga yuborgandan so‘ng anafilaktik shok rivojlanish xavfi nisbatan yuqori. Atopik bronxial astma va pollinozli bemorlarda allergik reaksiyalar rivojlanish xavfi oshgan. Natriy metamizolni qo‘llash fonida agranulositoz rivojlanishi mumkin, shuning uchun sababsiz harorat ko‘tarilishi, titroq, tomoq og‘rig‘i, yutishda qiyinchilik, stomatit, shuningdek, vaginit yoki proktit belgilari paydo bo‘lsa, preparatni darhol to‘xtatish zarur. Preparatni uzoq muddat (bir haftadan ortiq) qo‘llashda periferik qon manzarasi va jigar funksional holatini nazorat qilish zarur. Qorin sohasidagi o‘tkir og‘riqlarni bartaraf etish uchun (sabab aniqlanmaguncha) qo‘llash mumkin emas. Mushak ichiga yuborishda uzun igna ishlatish zarur. Metabolit ajralishi natijasida siydikning qizil rangga bo‘yalishi mumkin. Homiladorlik va emizish davrida qo‘llash I va III trimestrda preparatni qo‘llash mumkin emas. II trimestrda preparatni faqat onaga kutilayotgan foyda homilaga bo‘lgan potentsial xavfdan ustun bo‘lsa, qo‘llash mumkin. Preparat bilan davolash davrida emizishni to‘xtatish kerak. Transport vositalarini va yuqori diqqatni talab qiluvchi mexanizmlarni boshqarish qobiliyatiga ta’siri Dori vositasining nojo‘ya ta’sirlarini hisobga olgan holda, davolash davrida transport vositalarini boshqarishda va yuqori diqqat va tez psixomotor reaksiyalarni talab qiluvchi boshqa potentsial xavfli faoliyat turlari bilan shug‘ullanishda ehtiyotkorlikka rioya qilish zarur. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan so‘ng ishlatmaslik kerak. 

 Siptomlar: ko‘ngil aynishi, qusish, gastralgiya, oliguriya, gipotermiya, arterial bosimning pasayishi, taxikardiya, nafas qisishi, quloqlarda shovqin, uyquchanlik, bred, ongning buzilishi, o‘tkir agranulositoz, gemorragik sindrom, o‘tkir buyrak va/yoki jigar yetishmovchiligi, tutqanoq, nafas mushaklarining falaji. Davolash: oshqozonni yuvish, tuzli ich ketkazuvchilar, faollashtirilgan ko‘mir; majburiy diurez o‘tkazish, gemodializ, tutqanoqli sindrom rivojlanganda – diazepam va tez ta’sir qiluvchi barbituratlarni mushak ichiga yuborish.