bakterial infeksiyalar, bronxit; pnevmoniya; dizenteriya; salmonellyoz; salmonellani uzoq vaqt tashuvchilik; xolecistit; koklyush; pielonefrit; uretrit; endokardit; kom va yumshoq to'qimalar infeksiyalari; ginekologik infeksiyalar; quloq, tomoq, burun infeksiyalari; odontogen infeksiyalar; meningit; sepsis va preparatga sezgir mikroorganizmlar chaqirgan boshqa infeksiyalar.

O'rtacha og'irlikdagi infeksiyalarda kattalar uchun sutkalik doza 2-3 g, og'ir infeksiyalarda - 10 g, meningitda - 14 g. Bolalarga preparat sutkalik dozada 50-100 mg/kg buyuriladi. 1 yoshgacha bo'lgan bolalar uchun bu 0,25-0,75 g/sutka, 1 yoshdan 6 yoshgacha - 0,75-1,5 g/sut, 6 yoshdan 15 yoshgacha - 1,5-2 g/sutka. Sutkalik doza 2-4 qabulga bo'linadi, meningitda 6-8 qabulga. Istisno gonokokkli uretrit bo'lib, bunda 3,5 g bir martalik ichga qabul qilinadi. Preparat ovqatdan 0,5-1 soat oldin qabul qilinadi. Davolash kursi odatda 5-10 kun, o'tkir pielonefritda 2-3 hafta, surunkali pielonefritda - 6 oydan ko'proq.

Allergik reaksiyalar (toshma, eritema, Kvinke shishi, rinit, kon'yunktivit; kamdan-kam hollarda - isitma, bo'g'imlarda og'riq, eozinofiliya; juda kam hollarda - anafilaktik shok). Markaziy asab tizimiga toksik ta'sir bo'lishi mumkin (buyrak yetishmovchiligi bo'lgan bemorlarda yuqori dozalarda qo'llanganda), dispeptik hodisalar (diareya, ko'ngil aynishi, qusish), kandidoz, ichak disbakteriozi.

Ampitsillin - yarim sintetik penisillinlar guruhiga mansub keng ta'sir doirasiga ega antibiotik. Bakteritsid ta'sir ko'rsatadi, mikroorganizmlarning hujayra devori sintezini bostiradi. Penisillinaza ta'sirida parchalanadi. Kislotaga chidamli. Preparatga doimiy sezgir quyidagi mikroorganizmlar: Streptococci A, B, C, F, G, Str. pneumoniae, penisillinaza ishlab chiqarmaydiganlar; L. monocytogernes, Corynebacterium diphtheriae, Erysipelotrix rhusopatiae, Eikenelia, N. meningitidis, Bordetella pertussis, Clostridium spp., Propioniobacterium acnes, Peptostreptococcus spp., Actinomyces spp., Leptospira spp., Treponema; doimiy sezgir emaslar: Enterococcus faecalis, E. Coli, Proteus mirabilis, Salmonella spp., Vibrio cholerae, H. Influenzae, N. gonorrhoeae, Fusobacterium spp., Prevotella. Preparatga chidamli: Staphylococcus spp., B. catarrhalis, Klebsiella spp., Enterobacter spp., C. diversus, C. freundii, Proteus vulgaris, Providencia rettgeri, Morganella motanii, Y. enterocolitica, Pseudomonas spp., Acinetabacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp. Farmakokinetika Preparat oshqozonning kislotali muhitida parchalanmaydi, og'iz orqali qabul qilinganda qonga yaxshi so'riladi. Plazmadagi eng yuqori konsentratsiyaga taxminan 1,5-2 soatdan keyin erishiladi. Tana to'qimalari va suyuqliklariga o'tadi, terapevtik konsentratsiyalarda plevral, peritoneal va sinovial suyuqliklarda, o'tda aniqlanadi. Preparat platsentar to'siqdan o'tadi, ona sutiga ajraladi. Yarim chiqarilish davri taxminan 1 soat, anuriyada 12-20 soatgacha uzayadi. Asosan buyraklar orqali chiqariladi, siydikda antibiotikning juda yuqori konsentratsiyasi hosil bo'ladi. Preparat takroran yuborilganda kumulyatsiyalanmaydi, bu uni katta dozalarda va uzoq muddat qo'llash imkonini beradi.

Alergik reaksiyalar yuzaga kelgan taqdirda preparat qabulini to‘xtatish va desensibilizatsion terapiya o‘tkazish zarur. Preparat sepsis bilan kasallangan bemorlarda qo‘llanilganda bakterioliz reaksiyasi (Yarish-Gerkshgeymer reaksiyasi) yuzaga kelishi mumkin. Zaiflashgan bemorlarda uzoq muddatli davolashda preparatga chidamli mikroorganizmlar (xamirturushga o‘xshash zamburug‘lar, grammanfiy mikroorganizmlar) tomonidan chaqirilgan superinfeksiya rivojlanishi mumkin. Bunday bemorlarga preparat bilan davolashda B guruhi vitaminlari va S vitamini buyurish, zarur hollarda nistatin yoki levorin berish maqsadga muvofiq. Bronxial astma, pichan isitmasi va boshqa allergik kasalliklarda zarur hollarda preparat desensibilizatsion vositalar bilan bir vaqtda buyuriladi. Buyrak, jigar funksiyasi va qon manzarasini tizimli nazorat qilish zarur. Buyrak yetishmovchiligi bo‘lgan bemorlarga preparatni buyurishda ehtiyotkorlikka rioya qilish lozim. Preparatni bolalar uchun yaroqsiz joyda saqlash va yaroqlilik muddati tugaganidan keyin ishlatmaslik kerak. Homiladorlik va laktatsiya davri Preparat homilador va emizikli ayollarga ehtiyotkorlik bilan buyuriladi.