Kapsulalar 250 mg va 500 mg Kapsula korpusi: titan dioksid E-171, temir oksid qizil bo'yoq E-172, temir oksid sariq bo'yoq E-172, jelatin ER. Kapsula qopqog'i: titan dioksid E-171, indigo karmin FD&C ko'k 2 E-132, azorubin bo'yoq E-122, jelatin ER.

Preparatga sezgir mikroorganizmlar keltirib chiqargan infeksion-yallig‘lanish kasalliklari • yuqori nafas yo‘llari infeksiyalari (tonzillofaringit, sinusit, o‘tkir o‘rta otit); • pastki nafas yo‘llari infeksiyalari (o‘tkir bakterial bronxit, surunkali bronxitning zo‘rayishi, kasalxonadan tashqari pnevmoniya); • siydik-jinsiy tizim infeksiyalari (pielonefrit, pielit, tsistit, uretrit, endometrit, servitsit; gonoreya); • o‘n ikki barmoqli ichak yoki oshqozon yara kasalligi bo‘lgan bemorlarda Helicobacter pylori ni eradikatsiya qilish (doimo boshqa preparatlar bilan birga); • teri va yumshoq to‘qimalar infeksiyalari (roja, impetigo, ikkilamchi infeksiyalangan dermatozlar); • leptospiroz, listerioz; • Laym kasalligi; • me’da-ichak trakti infeksiyalari (enterokolit, qorin tifi, dizenteriya, salmonellyoz (Salmonella typhi tomonidan chaqirilgan, ampisillinga sezgir), salmonella tashuvchilik); • og‘iz bo‘shlig‘i va yuqori nafas yo‘llarida jarrohlik muolajalari vaqtida bakterial endokarditning oldini olish.

Gipersensitivlik (shu jumladan, boshqa penisillinlarga, sefalosporinlarga, karbapenemlarga); • infeksion mononukleoz, limfoleykoz

Og'iz orqali, ovqatdan oldin yoki keyin qabul qilinadi. Preparat dozası infeksiya qo'zg'atuvchisining sezuvchanligi, kasallik og'irligi va infeksion jarayonning joylashuviga bog'liq. 12 yoshgacha bo'lgan bolalar uchun quyida keltirilgan dozalash tartibini ta'minlash maqsadida, Xikontsildan og'iz orqali qabul qilish uchun suspenziya tayyorlash uchun kukun, 250 mg/5 ml dori shaklida foydalanish afzalroqdir. Kattalar va 13 yoshdan katta bolalar va/yoki tana vazni 40 kg dan ortiq odatda 250 mg - 500 mg kuniga 3 marta yoki 500 mg - 1000 mg kuniga 2 marta buyuriladi. Sinusit, kasalxonadan tashqari pnevmoniya va boshqa og'ir infeksiyalarda 500 mg - 1000 mg kuniga 3 marta buyurish tavsiya etiladi. Maksimal sutkalik doza - 6 g. 3 dan 5 yoshgacha bo'lgan bolalar va/yoki tana vazni 15 kg dan 19 kg gacha odatda 250 mg kuniga 2 marta buyuriladi. Rezistent Streptococcus pneumoniae sababli infeksiya ehtimoli yuqori bo'lgan hollarda yuqoriroq doza - 500 mg kuniga 2-3 marta tavsiya etiladi. 5 dan 13 yoshgacha bo'lgan bolalar va/yoki tana vazni 19 kg dan 40 kg gacha odatda 250 mg kuniga 3 marta tavsiya etiladi. Rezistent Streptococcus pneumoniae sababli infeksiya ehtimoli yuqori bo'lgan hollarda yuqoriroq doza - 500-1000 mg kuniga 3 marta tavsiya etiladi. Bolalar uchun maksimal sutkalik doza - 100 mg/kg/sut. Laym kasalligi (borrelioz) Kattalar va 13 yoshdan katta bolalar va/yoki tana vazni 40 kg dan yuqori bo'lganlarga 500 mg - 1000 mg kuniga 3 marta buyuriladi. 3 dan 5 yoshgacha bo'lgan bolalar va/yoki tana vazni 15-19 kg 250 mg kuniga 3 marta; 6-12 yosh va/yoki tana vazni 20-40 kg 500 mg kuniga 2-3 marta (50 mg/kg/sut, 3 qabulga bo'lingan holda). Helicobacter pylori ni yo'qotish (eradikatsiya) o'n ikki barmoqli ichak yoki oshqozon yarasi bo'lgan bemorlarda (doimo boshqa preparatlar bilan birga) Kattalar va 13 yoshdan katta bolalar va/yoki tana vazni 40 kg dan yuqori bo'lganlarga 1000 mg kuniga 2 marta; 3 dan 5 yoshgacha bo'lgan bolalar va/yoki tana vazni 15-19 kg 250-500 mg kuniga 2 marta; 5-12 yosh va/yoki tana vazni 20-40 kg 500-1000 mg kuniga 2 marta (50 mg/kg/sut, 2 qabulga bo'lingan holda). Bakterial endokarditning oldini olish Kattalar va 13 yoshdan katta bolalar va/yoki tana vazni 40 kg dan yuqori bo'lganlarga jarrohlik aralashuvidan 1 soat oldin 3 g (yoki 50 mg/kg/sut hisobida) va protseduradan 6 soat o'tgach 1,5 g (yoki 25 mg/kg/sut hisobida) tavsiya etiladi. Bolalarga tavsiya etiladi: 3 dan 5 yoshgacha va/yoki tana vazni 15-19 kg 750-1000 mg (50 mg/kg/sut hisobida) protseduradan oldin va 250-500 mg (25 mg/kg/sut hisobida) protseduradan keyin; 5-12 yosh va/yoki tana vazni 20-40 kg 1000-2000 mg (50 mg/kg/sut hisobida) protseduradan oldin va 500-1000 mg (25 mg/kg/sut hisobida) protseduradan keyin; * Buyrak yetishmovchiligida O'rtacha darajadagi buyrak yetishmovchiligida (kreatinin klirensi 10 dan 50 ml/min va/yoki 0,83-1,33 ml/sek) amoksitsillin 8-12 soatda bir marta qabul qilish tavsiya etiladi, og'ir buyrak yetishmovchiligida (kreatinin klirensi < 10 ml/min va/yoki 0,16 ml/sek) esa 12-24 soatda bir marta.

Ovqat hazm qilish tizimi tomonidan: qusish, ko'ngil aynishi, diareya; kamdan-kam hollarda - stomatit, ezofagit, glossit, "jigar" transaminazalarining faolligining o'rtacha oshishi, disbakterioz, ta'm sezgisining o'zgarishi; juda kam hollarda - soxta membranoz enterokolit. Markaziy va periferik asab tizimlari tomonidan: qo'zg'aluvchanlik, tashvish, uyqusizlik, ataksiya, ongning chalkashishi, xulq-atvor o'zgarishi, depressiya, periferik neyropatiya, bosh og'rig'i, bosh aylanishi; juda kam hollarda - gallyutsinatsiyalar va tutqanoq. Allergik reaksiyalar: toshma, eritematoz makulopapulyoz teri toshmasi, teri qichishishi, bronxospazm, angionevrotik shish, rinit, kon'yunktivit; kamdan-kam hollarda - isitma, terining giperemiyasi, eritema, bo'g'imlarda og'riq, eksfoliativ dermatit, polimorf ekssudativ eritema (jumladan, Stivens - Jonson sindromi); serum kasalligiga o'xshash reaksiyalar; alohida hollarda - anafilaktik shok. Laborator ko'rsatkichlar: kamdan-kam hollarda - neyropeniya, trombotsitopenik purpura, anemiya, eozinofiliya, leykopeiya (ko'proq keksalarda). Boshqalar: taxikardiya, qin kandidiozi, superinfeksiya (ayniqsa, surunkali kasalliklari yoki organizm rezistentligi pasaygan bemorlarda); juda kam hollarda - interstitsial nefrite.

Absorbsiya - tez, yuqori (90%), ovqat qabul qilish absorbsiya ta'sir qilmaydi, oshqozonning kislotali muhitida buzilmaydi. Og'iz orqali 250 mg va 500 mg dozada qabul qilinganda maksimal kontsentratsiya - mos ravishda 5 mkg/ml va 10 mkg/ml. Og'iz orqali qabul qilingandan so'ng maksimal kontsentratsiyaga erishish vaqti - 1-2 soat. Keng taqsimlanish hajmiga ega - yuqori kontsentratsiyalar plazmada, bronxial sekretsiyada (irinli bronxial sekretsiyada taqsimlanish sust), jigar, limfa tugunlari, bachadon, tuxumdonlar, paranazal bo'shliqlar, plevra va peritoneal suyuqlik, so'lak va ko'z yoshi suyuqligi, siydik, teri pufakchalari tarkibi, o'pka to'qimasi, ichak shilliq qavati, o'rta quloq va paranazal bo'shliqlar suyuqligi, suyaklar, yog' to'qimasi, o't pufagi (o'tda kontsentratsiya plazmadagidan 10 baravar yuqori - o't yo'llari o'tkazuvchanligi normal bo'lsa), homila to'qimalarida aniqlanadi. Doza 2 baravar oshirilganda kontsentratsiya ham 2 baravar oshadi. Amniotik suyuqlik va kindik tomirlarida amoksitsillin kontsentratsiyasi homilador ayol plazmasidagi darajaning taxminan 50% ni tashkil qiladi. Gematoensefalik to'siqdan yomon o'tadi, miya pardalari yallig'lanishida (meningit) orqa miya suyuqligidagi kontsentratsiya plazmadagi darajaning 20% gacha oshadi. Plazma oqsillari bilan bog'lanishi - 15-25%. Qisman (10-20%) inaktiv metabolitlar hosil bo'lishi bilan metabolizatsiyalanadi. Yarim chiqarilish davri - 1-1,5 soat. 50-70% buyraklar orqali o'zgarmagan holda chiqariladi [kanalikulyar ekskretatsiya (80%) va glomerulyar filtrlatsiya (20%) orqali], jigar orqali - 10-0%. Kam miqdorda ko'krak suti bilan ajraladi. Buyrak funksiyasi buzilganda (kreatinin klirensi < 15 ml/min) yarim chiqarilish davri 8,5 soatgacha uzayadi. Amoksitsillin gemodializda chiqariladi. Antibakterial bakteritsid kislotaga chidamli keng ta'sir doirasiga ega yarim sintetik penisillinlar guruhiga mansub vosita. Transpeptidazani ingibitsiya qiladi, peptidoglikan (hujayra devorining tayanch oqsili) sintezini bo'linish va o'sish davrida buzadi,... bakteriyalarning lizisiga olib keladi. ... faol ... nisbatan. aerob gram-musbat bakteriyalar Staphylococcus spp. - (penitsillinaza ishlab chiqaruvchi shtammlar bundan mustasno), Streptococcus spp., Listeria monocytogenes, Enterococcus faecalis va aerob gram-manfiy bakteriyalar Neisseria gonorrhoeae, Neisseria meningitidis, Haemophilus influenzae, Escherichia coli, Shigella spp., Salmonella spp, Helicobacter pylori. β-laktamaza ishlab chiqaruvchi mikroorganizmlar amoksitsillin ta'siriga rezistent.