Surunkali va mavsumiy allergik rinitt, allergik kon'yunktivit, qichish bilan birga bo‘lgan dermatozlar, urtikarija, Kvinke angionevrotik shishi (kompleks terapiya tarkibida).

Jigar va buyrak funksiyasining buzilishi, nefropatiya, homiladorlik, emizish, dori vositasiga yuqori sezgirlik.

Ichga, kattalarga va 12 yoshdan oshgan bolalarga bir marta ovqatdan keyin ertalab 1 tabletka (10 mg) tayinlanadi. Kattalar uchun tavsiya etilgan maksimal sutkalik dozasi 20 mg ikki marta (ertalab va kechqurun) hisoblanadi. 6 dan 12 yoshgacha bo'lgan bolalarga – bir marta ertalab 1 tabletka (10 mg) yoki ertalab va kechqurun ½ tabletka (5 mg) tayinlanadi, 2 dan 6 yoshgacha bo'lgan bolalarga esa bir marta ertalab ½ tabletka (5 mg) yoki ertalab va kechqurun ¼ tabletka (2,5 mg) tayinlanadi. Buyrak yetishmovchiligi bo'lgan bemorlarga dori-darmonning yarim dozasi qabul qilinishi kerak. Yosh bemorlarga buyrak funksiyasi normal bo'lsa, dozani o'zgartirish talab etilmaydi.

Dori vositasi odatda yaxshi o‘tkaziladi. Nojo‘ya ta'sirlar kamdan-kam uchraydi, odatda zaif ifodalangan va o‘tkinchi xarakterga ega. Uyquchanlik, kamdan-kam hollarda – og‘iz shilliq qavatining quruqligi, dispeptik hodisalar, hayajon, bosh og‘rig‘i, bosh aylanishi, uyquchanlik, juda kam hollarda – terida allergik reaktsiyalar, Kvinke angionevrotik shishi mumkin.

Tanlangan H1-gistamin retseptorlarining antagonisti. Allergik reaktsiyaning «erta» bosqichiga ta'sir qiladi va eozinofillarning migratsiyasini kamaytiradi, shuningdek, allergik reaktsiyaning «kech» bosqichidagi mediatorlarning chiqarilishini cheklaydi. Astma bilan og‘riganlarda cetirizin gistsamin tomonidan keltirilgan bronxospazmni sezilarli darajada kamaytiradi. Bundan tashqari, u maxsus allergenlarning ta'siridan kelib chiqadigan allergik reaktsiyani bartaraf etadi. Ushbu ta'sirlar sedativ ta'sir bilan birga bo‘lmaydi. Amalda antikolinergik va antiserotonin ta'sir ko‘rsatmaydi. Ta'sir dori vositasini qabul qilgandan 2 soat o‘tgach paydo bo‘ladi va 24 soat davom etadi. Farmakokinetika Dori vositasi ichga qabul qilingandan so‘ng oshqozon-ichak traktidan yaxshi so‘riladi, ovqat qabul qilishdan qat'i nazar. Plazma qonida maksimal konsentratsiya (Cmax) 1 soat ichida erishiladi. Dori vositasining 93% qon plazmasi oqsillari bilan mustahkam bog‘lanadi. Tana to‘qimalariga yaxshi tarqaladi, ona sutiga o‘tadi, lekin qon-miya to‘sig‘idan o‘tmaydi. Dori vositasining oz miqdori jigarda metabolizatsiya qilinadi, asosiy qismi o‘zgarmagan holda siydik bilan chiqariladi. O‘rta yarim chiqarilish davri (T½) kattalarda 7-10 soat, qariyalar – 12 soat, 6-12 yoshdagi bolalarda – 6 soat, 2-6 yoshdagi bolalarda – 5 soat, va buyrak funksiyasi buzilgan bemorlarda T½ 19-21 soatgacha uzayadi.

Aler-G tavsiya etilgan dozalarida psixik va harakat reaksiyalariga ta'sir qilmaydi, avtomobil haydash va yuqori diqqatni talab qiladigan ishlar uchun qo'llanilishi mumkin (bu holatlarda dozani oshirishda ehtiyot bo'lish talab etiladi). Davolash davrida emizishni to'xtatish zarur. Dori-darmon bolalar uchun yetarli bo'lmagan joyda saqlanishi va muddati o'tganidan keyin ishlatilmasligi kerak.