1 tabletka, plyonka qobiq bilan qoplangan, tarkibida:
faol modda: tsetirizin digidroxlorid 10 mg
yordamchi modda: makkajo‘xori kraxmal, laktosa monogidrat, PVP K30, magniy stearat, Sheffcoat white 04 5X00257/5X00266 (gidroksipropilmetilsellyuloza/gipromelloza, titan dioksid, polietilen glikol/makrogol).

Teriks 10 mg, plyonka qobig‘i bilan qoplangan tabletkalar, kattalar va 6 yoshdan katta bolalarda quyidagi kasalliklarni davolashda qo‘llaniladi:
Polleoz (mavsumiy allergik rinit va kon’yunktivitlar)
Xronik allergik rinit va boshqa allergik rinopatiyalar
Allergik qichishish
Idiopatik toshma
Kvinke shishi.

Tsetirizinga, preparat komponentlariga, gidroksizinga yoki piperazin hosilalariga yuqori sezuvchanlik.
Og‘ir darajadagi buyrak yetishmovchiligi (kreatinin klirensi 10 ml/min dan kam).
Galaktozani o‘zlashtira olmaslik, Lappa laktaza yetishmovchiligi, glyukoza va galaktoza malabsorbsiyasi sindromi.
Teriks 10 mg plyonka qobig‘i bilan qoplangan tabletkalarni 6 yoshgacha bo‘lgan bolalarda qo‘llash tavsiya etilmaydi (mazkur guruh bemorlarida tabletkalar shaklida preparatni aniq dozalash imkoni bo‘lmagani sababli).

Teriks tabletkalari og'iz orqali, 1 stakan suv bilan ichiladi.

6-12 yoshli bolalar: 5 mg (½ tabletka) kuniga 2 marta.

Kattalar va 12 yoshdan katta bolalar: 10 mg (1 tabletka) kuniga 1 marta.

Maxsus bemor guruhlari bilan bog'liq qo'shimcha ma'lumotlar

Buyrak yetishmovchiligi bo'lgan bemorlar

Preparat dozasini buyrak funksiyasi holatiga qarab tuzatish kerak.

Kreatinin klirensi (CLcr, ml/min) quyidagi formula yordamida aniqlanadi:

[140 –- yosh (yillarda)] × tana vazni (kg)

CLcr (ml/min) = –––––––––––––––––––––––––– (ayollar uchun × 0,85)

72 × qonda kreatinin (mg/dl)

Buyrak funksiyasi buzilgan bemorlarda dozalash tartibi quyidagi jadvalga muvofiq tuzatiladi:

Buyrak funksiyasi og'irlik darajasi	Kreatinin klirensi	Dozalash tartibi
normal	≥80	10 mg kuniga 1 marta
yengil	50-79	10 mg kuniga 1 marta
o'rtacha	30-49	5 mg kuniga 1 marta
og'ir	<30	5 mg 2 kunda 1 marta
terminal bosqichdagi buyrak yetishmovchiligi - dializ qilinayotgan bemorlar	<10	kontraindikatsiyalangan

Jigar yetishmovchiligi bo'lgan bemorlar

Faqat jigar funksiyasi buzilgan bemorlarda doza tuzatish talab qilinmaydi. Buyrak va jigar yetishmovchiligi bo'lgan bemorlarda dozalash tartibini tuzatish tavsiya etiladi.

Pediatrik bemorlar

Teriks 10 mg plyonka qobig'i bilan qoplangan tabletkalari 6 yoshgacha bo'lgan bolalarda qo'llanilmaydi (ushbu guruhdagi bemorlarda tabletkalar shaklida preparatni aniq dozalash imkoni bo'lmagani sababli).

Buyrak yetishmovchiligi bo'lgan bolalarda doza individual tarzda, buyrak klirensi, yosh va tana vazniga qarab tuzatiladi.

Qariyalar

Buyrak funksiyasi normal bo'lgan qariyalarda doza tuzatish talab qilinmaydi.

Nojo‘ya ta’sirlar yuzaga kelish tez-tezligi: juda tez-tez (≥1/10); tez-tez (≥1/100 dan <1/10 gacha); kamdan-kam (≥1/1000 dan <1/100 gacha); kam (≥1/10000 dan <1/1000 gacha); juda kam (<1/10000); noma’lum tez-tezlikda (mavjud ma’lumotlar asosida baholab bo‘lmaydi).
Qon hosil bo‘lishi va limfa tizimi tomonidan
Juda kam: trombotsitopeniya.
Immun tizimi tomonidan
Kam: yuqori sezuvchanlik
Juda kam: anafilaktik shok.
Modda almashinuvi va ovqatlanish tomonidan
Noma’lum tez-tezlikda: ishtahaning oshishi.
Psixika tomonidan
Tez-tez: uyquchanlik
Kamdan-kam: xavotirlik
Kam: tajovuzkorlik, ongning chalkashligi, depressiya, gallyutsinatsiyalar, uyqusizlik
Juda kam: tik
Noma’lum tez-tezlikda: o‘z joniga qasd qilish fikrlari.
Nerv tizimi tomonidan
Tez-tez: bosh aylanishi, bosh og‘rig‘i
Kamdan-kam: paresteziya
Kam: tutqanoq, harakat buzilishlari
Juda kam: disgevziya, diskineziya, distoniya, hushdan ketish, tremor
Noma’lum tez-tezlikda: amneziya, xotira buzilishi.
Ko‘rish organi tomonidan
Juda kam: akkomodatsiya buzilishi, ko‘rishning xiralashuvi, ko‘z olmasining ixtiyorsiz harakatlari.
Eshitish organi va labirint tizimi tomonidan
Noma’lum tez-tezlikda: bosh aylanishi.
Yurak-qon tomir tizimi tomonidan
Kam: taxikardiya.
Nafas olish tizimi, ko‘krak qafasi va o‘rta ko‘krak oralig‘i tomonidan
Tez-tez: faringit, rinit.
Ovqat hazm qilish tizimi tomonidan
Tez-tez: qorin og‘rig‘i, og‘iz qurishi, ko‘ngil aynishi, diareya.
Gepatobiliar tizimi tomonidan
Kam: jigar funksiyasi buzilishi (transaminazalar, ishqoriy fosfataza, gamma-glutamiltransferaza va bilirubin darajasining oshishi).
Teri va teri osti to‘qimalari tomonidan
Kamdan-kam: qichishish, teri toshmasi
Kam: toshma (krapivnitsa)
Juda kam: angionevrotik shish, doimiy dori eritremasi.
Buyrak va siydik chiqarish yo‘llari tomonidan
Juda kam: dizuriya, enurez
Noma’lum tez-tezlikda: siydik tutilishi.
Umumiy buzilishlar va mahalliy reaksiyalar
Tez-tez: holsizlik
Kamdan-kam: asteniya, zaiflik
Kam: shish.
Laboratoriya tadqiqotlari
Kam: tana vaznining oshishi.
Shubhali nojo‘ya reaksiyalar haqida xabar berish
Dori vositasi ro‘yxatdan o‘tkazilgandan so‘ng shubhali nojo‘ya reaksiyalar haqida xabar berish muhim ahamiyatga ega. Bu dori vositasini qo‘llash foyda/xavf nisbatini uzoq muddat nazorat qilish imkonini beradi.
Nojo‘ya ta’sirlar paydo bo‘lsa, shifokorga murojaat qiling.

Preparat terapevtik dozalarda qabul qilinganda bir vaqtda spirtli ichimliklar bilan klinik jihatdan ahamiyatli o‘zaro ta’sir kuzatilmagan (qonda spirtli ichimlik miqdori 0,5 g/l bo‘lsa). Biroq, preparat va spirtli ichimliklarni birga qabul qilishda ehtiyotkorlik tavsiya etiladi.
Siydik tutilishiga moyillik bo‘lsa, preparatni ehtiyotkorlik bilan buyurish kerak, chunki tsetirizin siydik tutilishi xavfini oshirishi mumkin (masalan, umurtqa jarohati, prostata bezining gipertrofiyasi bo‘lsa).
Epilepsiya va tutqanoqlarga moyillikda preparatni ehtiyotkorlik bilan buyurish tavsiya etiladi.
Teriks preparatining 1 tabletkasida 64 mg laktosa monogidrati mavjud. Galaktozani o‘zlashtira olmaslik, Lappa laktaza yetishmovchiligi, glyukoza va galaktoza malabsorbsiyasi sindromida preparat buyurilmaydi.
Homiladorlik va laktatsiya davrida qo‘llanilishi
Hayvonlarda o‘tkazilgan tajribalarda preparatning teratogen ta’siri aniqlanmagan bo‘lsa-da, homilador ayollarga Teriksni ehtiyotkorlik bilan buyurish kerak.
Laktatsiya davrida ehtiyotkorlik bilan buyuriladi, chunki ona sutiga o‘tadi.
Transport vositalarini va boshqa potensial xavfli mexanizmlarni boshqarish qobiliyatiga ta’siri
Preparatni qabul qilishda uyquchanlik kuzatilgan bemorlar transport vositalari va boshqa mexanizmlarni boshqarishdan tiyilishlari va tavsiya etilgan dozani oshirmasliklari kerak.

Tsetirizinni psevdoyefedrin, antipirin, tsimetidin, ketokonazol, eritromitsin, teofillin va azitromitsin bilan bir vaqtda qo‘llanganda farmakokinetik o‘zaro ta’sir kuzatilmaydi.
Tsetirizinni tsimetidin, glipizid, diazepam, antipirin va psevdoyefedrin bilan bir vaqtda qo‘llanganda farmakodinamik o‘zaro ta’sir kuzatilmaydi.
Tsetirizinni makrolidlar yoki ketokonazol bilan bir vaqtda qo‘llanganda EKGda klinik jihatdan ahamiyatli o‘zgarishlar kuzatilmaydi.
Oziq-ovqat qabul qilish so‘rilish hajmiga ta’sir qilmaydi, biroq uning tezligini pasaytiradi.
Antigistamin preparatlar soxta manfiy natijalarga sabab bo‘lishi mumkinligi sababli, allergik teri testlarini antigistaminlarni qabul qilgandan 3 kun o‘tgach o‘tkazish tavsiya etiladi.

Preparatning sezilarli dozada ortiqcha qabul qilinishi natijasida yuzaga keladigan simptomlar asosan markaziy asab tizimiga ta'siri yoki antixolinergik ta'siri bilan bog'liq.
Tavsiya etilgan dozadan kamida 5 baravar yuqori doza qabul qilinganda kuzatiladigan simptomlar: ongning chalkashishi, diareya, bosh aylanishi, charchoqlik, bosh og'rig'i, holsizlik, midriaz, qichishish, bezovtalik, sedativ ta'sir, uyquchanlik, stupor, taxikardiya, tremor, siyishning ushlanishi.
Tsetirizinning maxsus antidoti yo'q. Dozani oshirib yuborishda simptomatik va qo'llab-quvvatlovchi terapiya o'tkaziladi. Preparatning yuqori dozasi qabul qilinganda darhol oshqozonni yuvish kerak. Tsetirizin organizmdan gemodializ orqali chiqarilmaydi; tsetirizin dozasi oshirib yuborilganda gemodializ samarali emas.