Har bir plyonka qobig‘i bilan qoplangan tabletka quyidagilarni o‘z ichiga oladi
Faol modda spiramitsin 321,79 mg, bu 1,5 mln.ME spiramitsinga ekvivalent yoki 643,58 mg spiramitsin, bu 3 mln.ME spiramitsinga ekvivalent.
Yordamchi moddalari: oldindan jelatinlangan makkajo‘xori kraxmali, mikrokristallik tsellyuloza, natriy kroskarmelloza, gidroksipropiltsellyuloza, kremniy dioksid kolloid suvdan holi, magniy stearat.
Plyonka qobig‘i: mikrokristallik tsellyuloza, gidroksipropilmetiltsellyuloza, stearin kislotasi, titan dioksid.

Makrolidlar guruhiga mansub antibiotik. Antibakterial ta’sir mexanizmi mikroblar hujayrasida oqsil sintezini 50S-ribosoma subbirligiga bog‘lanish orqali to‘xtatish bilan bog‘liq.
Odatda sezgir mikroorganizmlar (MPK≤ 1 mg/l): Streptococcus spp., Staphylococcus spp. (metitsillin sezgir shtammlar), Enterococcus spp., Rhodococcus equi, Bacillus cereus, Branhamella catarrhalis, Bordetella pertussis, Helicobacter pylori, Campylobacter spp., Legionella spp., Corynebacterium diphtheriae, Moraxella spp., Mycoplasma pneumoniae, Coxiella spp., Chlamydia spp., Treponema pallidum, Borrelia burgdorferi, Leptospira spp., Propionibacterium acnes, Actinomyces spp., Eubacterium spp., Porphyromonas spp., Mobiluncus spp., Bacteroides spp., Peptostreptococcus spp., Prevotella spp., Toxoplasma gondii.
O‘rtacha sezgir mikroorganizmlar: Neisseria gonorrhoeae, Ureaplasma urealyticum, Clostridium perfringens. Ushbu qo‘zg‘atuvchilarga nisbatan antibiotik in vitro o‘rtacha faollikka ega, ijobiy natijalar antibiotikning yallig‘lanish o‘chog‘idagi konsentratsiyasi MPKdan yuqori bo‘lsa kuzatilishi mumkin.
Barqaror mikroorganizmlar (MPK>4 mg/l): kamida 50% shtammlar barqaror - Staphylococcus spp. (metitsillin-rezistent shtammlar), Enterobacter spp., Pseudomonas spp., Acinetobacter spp., Nocardia asteroides, Fusobacterium spp., Haemophilus spp., Mycoplasma hominis, Corynebacterium jekeium.
Spiramitsin fagotsitlarga (neytrofillar, monotsitlar va peritoneal va alveolyar makrofaglar) kirib, ularda to‘planadi. Insonda preparatning fagotsitlar ichidagi konsentratsiyasi yetarlicha yuqori bo‘ladi. Ushbu xususiyatlar spiramitsinning hujayra ichidagi bakteriyalarga ta’sirini tushuntiradi.

Jigar funksiyasi buzilgan bemorlarda preparat qo‘llanilayotgan davrda jigar funksiyasi ko‘rsatkichlarini nazorat qilish kerak.
Pediatriyada qo‘llanilishi
Preparatning 3 mln.ME tabletkalari bolalar va 18 yoshgacha bo‘lgan o‘smirlarda qo‘llanilmaydi.
Preparatni homiladorlik va emizish davrida qo‘llash
Spramax® homiladorlik davrida ko‘rsatmalar bo‘yicha buyurilishi mumkin.
Spramax® laktatsiya davrida buyurilganda, emizishni to‘xtatish kerak, chunki spiramitsin ko‘krak sutiga o‘tishi mumkin.
Spiramitsinda teratogen ta’sir aniqlanmagan. Homiladorlik davrida preparatni qo‘llashda toksoplazmozning homilaga o‘tish xavfi I trimestrda 25% dan 8% gacha, II trimestrda 54% dan 19% gacha va III trimestrda 65% dan 44% gacha kamayadi.
Jigar funksiyasi buzilishida qo‘llash
Spramax®ni o‘t yo‘llari obstruksiyasi yoki jigar yetishmovchiligida ehtiyotkorlik bilan buyuradilar.
Buyrak funksiyasi buzilishida qo‘llash
Buyrak orqali spiramitsin kam ajralib chiqishi sababli, buyrak funksiyasi buzilgan bemorlarda doza o‘zgartirilmaydi.
12 yoshgacha bo‘lgan bolalarda qo‘llash
Bolalar yoshi (1,5 mln.ME tabletkalar uchun – 3 yoshgacha, 3 mln.ME tabletkalar uchun – 18 yoshgacha) qo‘llashga qarshi ko‘rsatma hisoblanadi.
Preparatni bolalar uchun yaroqsiz joyda saqlash va yaroqlilik muddati tugaganidan keyin ishlatmaslik kerak.

 Levodopa va karbidopa kombinatsiyasini o'z ichiga olgan preparatlar bilan bir vaqtda qo'llanilganda, plazmadagi levodopa darajasining pasayishi kuzatilgan (klinik nazorat va levodopa dozasini biroz o'zgartirish zarur). 

 

Sintomlari: spiramitsin bilan dozani oshirib yuborish holatlari noma'lum. Mumkin bo'lgan simptomlar: ko'ngil aynishi, qusish, diareya.

Davolash: zarurat tug‘ilganda simptomatik terapiya o‘tkaziladi. Maxsus antidot yo‘q.