O‘tkir va surunkali infeksion-yallig‘lanish nafas yo‘llari kasalliklarini davolash, yo‘tal va ajralishi qiyin balg‘am bilan kechuvchi (bronxitlar, traxeobronxitlar, bronxopnevmoniya, bronxoektatik kasallik va boshqalar). Kombinatsiyalangan terapiya tarkibida oshqozon sekretsiya funksiyasi oshgan surunkali gastritda, asoratsiz oshqozon va o‘n ikki barmoqli ichak yara kasalligida.
Organizmning noxos xususiy rezistentligini oshiruvchi vosita sifatida zaiflashgan bemorlarda.
Allergik dermatitlar, bolalarda allergik dermatozlar.

Doriga yuqori sezuvchanlik.

Ichkariga qo‘llanadi, 1-2 choy qoshiq siropni bir stakan suv yoki choyga qo‘shib, kuniga 1-2 marta 10-30 kun davomida qabul qilinadi. Preparatni uzoq muddat qo‘llash tavsiya etilmaydi.

Allergik reaksiyalar. Uzoq muddat qo‘llanganda arterial bosimning oshishi, suyuqlikning ushlanishi, hatto shishlarning paydo bo‘lishi mumkin.

Ekspektorant, yallig‘lanishga qarshi va allergiyaga qarshi ta’sir ko‘rsatadi, me’da va o‘n ikki barmoqli ichak yaralarining surunkali yallig‘lanish kasalliklarida, ayniqsa me’da shirasi kislotaliligi oshgan hollarda, yaralarning bitishini tezlashtiradi. Glitsirrizin kislotasi organizmda metabolik o‘zgarishlarga uchraganda, kortikosteroidga o‘xshash ta’sir ko‘rsatadi. Shuningdek, organizmning noxos xususiy rezistentligini oshiradi, stafilokokk, sil mikobakteriyasi, ichak tayoqchasiga nisbatan antimikrob faollikka ega.