4 mg chaynash tabletkasida quyidagilar mavjud:

faol modda: 4 mg montelukast (montelukast natriy tuzi shaklida 4,16 mg);

5 mg chaynash tabletkasida quyidagilar mavjud:

faol modda: 5 mg montelukast (montelukast natriy tuzi shaklida 5,2 mg);

yordamchi modda: mannit (E 421), mikrokristallik sellyuloza, gidroksipropilsellyuloza, natriy kroskarmeloza, gilos aromatizatori (maltodekstrin, modifikatsiyalangan kraxmal, maltol), aspartam (E 951), temir oksid sariq (E 172), magniy stearat. 

 

Sisteinilleykotrienlar (LTC4, LTD4, LTE4) yallig‘lanishning kuchli eikozanoidlari bo‘lib, turli hujayralar, jumladan, tukli hujayralar va eozinofillar tomonidan ajratiladi. Ushbu muhim proastmatik mediatorlar inson nafas yo‘llarida mavjud bo‘lgan sisteinilleykotrien retseptorlari (CysLT) bilan bog‘lanadi va bronxospazm, shilliq sekretsiyasi, tomirlar o‘tkazuvchanligi va eozinofillar sonining oshishi kabi reaksiyalarni chaqiradi.

Og‘iz orqali qabul qilingan montelukast faol birikma bo‘lib, yuqori selektivlik va kimyoviy o‘xshashlik bilan CysLT1-retseptorlari bilan bog‘lanadi. Ma’lumki, montelukast 5 mg dozada LTD4 inhalatsiyasidan keyingi bronxospazmni ingibitsiya qiladi. Bronxodilatatsiya og‘iz orqali qo‘llangandan so‘ng 2 soat ichida kuzatiladi; bu ta’sir β-agonistlar chaqirgan bronxodilatatsiyaga qo‘shimcha hisoblanadi. Montelukast bilan davolash antigen stimulyatsiyasi chaqirgan bronxokonstriksiyaning erta va kech bosqichlarini ingibitsiya qildi. Montelukast kattalar va bolalarda periferik qon eozinofillari sonini platsebo bilan solishtirganda kamaytiradi. Ma’lumki, montelukast qabul qilish nafas yo‘llarida (balg‘am tahliliga ko‘ra) va periferik qonda eozinofillar sonini sezilarli darajada kamaytirgan, shu bilan birga bronxial astma klinik nazoratini yaxshilagan.

Montelukast bilan davolash astmaning kunduzgi va tungi simptomlarini yaxshilaydi, inhalatsion kortikosteroidlarning klinik ta’sirini to‘ldiradi, astma zo‘rayishi epizodlari yillik chastotasini va beta-agonistdan foydalanish zaruratini kamaytiradi. 

 

Singlonni bronxial astmani oldini olish yoki uzoq muddatli davolash uchun odatda qo'llaniladigan boshqa preparatlar bilan birga buyurish mumkin. Dori vositalari o'zaro ta'sirini o'rganishda montelukastning klinik dozasi quyidagi preparatlarning farmakokinetikasiga muhim klinik ta'sir ko'rsatmagan: teofillin, prednizon, prednizolon, og'iz orqali qabul qilinadigan kontratseptivlar (etiniilestradiol/noretindron 35/1), terfenadin, digoksin va varfarin.

Fenobarbitalni bir vaqtda qabul qilgan bemorlarda montelukast uchun "konsentratsiya-vaqt" (AUC) ostidagi maydon taxminan 40% ga kamaygan. Montelukast CYP ZA4, 2C8 va 2C9 yordamida metabolizatsiyalanadi, shuning uchun ayniqsa bolalarda, montelukastni CYP ZA4, 2C8 va 2C9 induktorlari, masalan, fenitoin, fenobarbital va rifampitsin bilan birga buyurishda ehtiyotkorlikka rioya qilish zarur.

In vitro tadqiqotlar montelukast CYP 2C8 ning kuchli ingibitori ekanligini ko'rsatdi. Biroq, montelukast va roziglitazon (marker substrat; CYP 2C8 yordamida metabolizatsiyalanadigan preparat) ishtirokida o'tkazilgan klinik dori vositalari o'zaro ta'siri tadqiqotlari ma'lumotlariga ko'ra, montelukast in vivo CYP 2C8 ingibitori emas. Shunday qilib, montelukast ushbu ferment yordamida metabolizatsiyalanadigan preparatlar (masalan, paklitaksel, roziglitazon va repaglinid) metabolizmi ustida sezilarli darajada ta'sir ko'rsatmaydi.

In vitro tadqiqotlar davomida montelukast CYP 2C8 va kamroq darajada 2C9 va ZA4 substrati ekanligi aniqlandi. Montelukast va gemfibrozil (CYP 2C8 va 2C9 ingibitori) ishtirokida o'tkazilgan klinik dori vositalari o'zaro ta'siri tadqiqotida gemfibrozil montelukastning tizimli ta'sirini 4,4 marta oshirgan. Gemfibrozil yoki boshqa kuchli CYP 2C8 ingibitorlari bilan birga qo'llanganda, montelukast dozasini tuzatish talab qilinmaydi, biroq shifokor nojo'ya reaktsiyalar xavfining oshishini hisobga olishi kerak.

In vitro tadqiqotlar natijalariga ko'ra, kamroq kuchli CYP 2C8 ingibitorlari (masalan, trimetoprim) bilan klinik ahamiyatli o'zaro ta'sirlar kutilmaydi. Montelukastni itrakonazol, kuchli CYP ZA4 ingibitori bilan birga qo'llash montelukastning tizimli ta'sirini sezilarli darajada oshirmagan. 

 

Singlon preparatining dozasini oshirib yuborish bo‘yicha maxsus ma’lumotlar mavjud emas. Surunkali bronxial astma tadqiqotlari davomida montelukast kattalarga 200 mg/kun dozada 22 hafta davomida, qisqa muddatli tadqiqotlarda esa 900 mg/kun dozada taxminan 1 hafta davomida buyurilgan; bu dozalarda klinik jihatdan muhim nojo‘ya reaksiyalar kuzatilmagan.

Ro‘yxatdan o‘tkazilgandan keyingi davrda va klinik tadqiqotlar vaqtida montelukastning o‘tkir dozani oshirib yuborilishi haqida xabarlar olingan. Ular kattalar va bolalar tomonidan preparatni 1000 mg dan ortiq (taxminan 61 mg/kg 42 oylik bolada) dozada qabul qilinishini o‘z ichiga olgan. Olingan klinik va laborator ma’lumotlar kattalar va bolalarda xavfsizlik profiliga mos kelgan. Ko‘pchilik hollarda dozani oshirib yuborishda nojo‘ya reaksiyalar haqida xabar berilmagan. Eng ko‘p kuzatilgan nojo‘ya reaksiyalar montelukast xavfsizlik profiliga mos bo‘lib, ular qorin og‘rig‘i, uyquchanlik, chanqoq, bosh og‘rig‘i, qusish va psixomotor giperkativlikni o‘z ichiga olgan.

Montelukast peritoneal dializ yoki gemodializ yordamida chiqariladimi, noma’lum. 

 

Bemorlarni ogohlantirish zarurki, Singlon og'iz orqali qabul qilish uchun mo'ljallangan va hech qachon bronxial astmaning o'tkir xurujlarini davolash uchun qo'llanilmasligi kerak, shuningdek, ular har doim o'zlari bilan mos keladigan shoshilinch yordam dori vositasini olib yurishlari lozim. O'tkir xuruj holatida qisqa ta'sirli inhalyatsion β-agonistlar qo'llanilishi kerak. Bemorlar odatdagidan ko'ra ko'proq qisqa ta'sirli β-agonistga ehtiyoj sezsalar, imkon qadar tezroq shifokorga murojaat qilishlari lozim.

Montelukast bilan inhalyatsion yoki og'iz orqali qabul qilinadigan kortikosteroidlar terapiyasini keskin almashtirish tavsiya etilmaydi.

Montelukast bilan bir vaqtda qo'llanganda og'iz orqali qabul qilinadigan kortikosteroidlar dozasini kamaytirish mumkinligini tasdiqlovchi ma'lumotlar mavjud emas.

Yakka-yakka hollarda, astmaga qarshi vositalar, shu jumladan montelukast qabul qilayotgan bemorlarda, tizimli eozinofiliya, ba'zan vaskulitning klinik ko'rinishlari (shuningdek, Churg-Strauss sindromi deb ataladi) kuzatilishi mumkin, uning davolash usuli tizimli kortikosteroid terapiyasidir. Bunday holatlar odatda (lekin har doim ham emas) og'iz orqali qabul qilinadigan kortikosteroid preparatining dozasini kamaytirish yoki bekor qilish bilan bog'liq bo'lgan. Leykotrien retseptorlari antagonistlari va Churg-Strauss sindromi paydo bo'lishi o'rtasidagi mumkin bo'lgan bog'liqlikni inkor etib bo'lmaydi yoki tasdiqlab bo'lmaydi. Shifokorlar bemorlarda eozinofiliya, vaskulit toshmasi, o'pka simptomatikasining yomonlashuvi, yurak va/yoki neyropatiya bilan bog'liq asoratlar paydo bo'lishi mumkinligini yodda tutishlari kerak. Bunday simptomlar paydo bo'lgan bemorlarni qayta tekshirish va ularning davolash sxemasini qayta ko'rib chiqish lozim.

Montelukast bilan davolash asetilsalitsil kislotasiga sezgir bronxial astmali bemorlarga asetilsalitsil kislotasi yoki boshqa nosteroid yallig'lanishga qarshi vositalarni qo'llash imkonini bermaydi.

Singlon qabul qilgan kattalar, bolalar va o'smirlar orasida psixonevrologik reaksiyalar yuzaga kelgani haqida xabar berilgan (qarang «Nojo'ya reaksiyalar» bo'limi). Shifokorlar va bemorlar psixonevrologik reaksiyalar paydo bo'lishi mumkinligini yodda tutishlari kerak. Bemorlar va/yoki kuzatuvchilarga bunday o'zgarishlar yuzaga kelganda shifokorga xabar berish bo'yicha ko'rsatmalar berilishi lozim. Shifokorlar bunday reaksiyalar rivojlanishida Singlon preparati bilan davolashni davom ettirishning xavf va foydasini diqqat bilan baholashlari kerak.

Singlon, 4 mg chaynash uchun tabletkalar, har bir tabletka tarkibida 1,2 mg aspartam mavjud, bu dozaga 0,674 mg fenilalaninga teng.

Singlon, 5 mg chaynash uchun tabletkalar, har bir tabletka tarkibida 1,5 mg aspartam mavjud, bu dozaga 0,842 mg fenilalaninga teng.

Aspartam og'iz orqali qabul qilinganda me'da-ichak traktida gidrolizlanadi. Gidrolizning asosiy mahsulotlaridan biri fenilalanin bo'lib, u fenilketonuriyali bemorlar uchun zararli bo'lishi mumkin.

Ushbu dori vositalari har bir chaynash uchun tabletkada 1 mmol (23 mg) dan kam natriy saqlaydi, ya'ni deyarli natriydan xoli hisoblanadi.