100 мл эритма қуйидагиларни сақлайди:

фаол модда: оксиметазолин гидрохлориди - 0,025 г;

ёрдамчи моддалар: эвкалипт мойи, натрий дигидрофосфат дигидрати, динатрий эдетати (Трилон Б), бензалконий хлориди (50% ли эритма кўринишида), пропиленгликол, 0.1М хлорид кислотаси эритмаси ёки 0.1М гидроксид натрий эритмаси, тозаланган сув.

 

 

Бурун шиллиқ қаватини, бурун-ҳалқум ва гаймор бўшлиқларидаги шишни камайтириш учун:

- шамоллашли касалликларда (ўткир ринит);

- бурун бўшлиқларининг яллиғланишида (ўткир синусит);

- евстахиитда;

- аллергик ринитда (шу жумладан, пичан иситмасида);

- ўрта отитда (ёрдамчи даволаш воситаси сифатида, чунки евстахий найининг тешиги атрофидаги шиллиқ қаватининг шишини камайтиради) қўлланади.

Шунингдек, бурун бўшлиғини қўришни енгиллаштириши учун ёки жарроҳлик муолажаларида ҳам қўлланади.

 

 

Препаратга, шу жумладан бошқа интраназал қўллаш учун шишга қарши воситаларига ўта юқори сезувчанлик, атрофик ринит, гипертиреоз, секреция ажратмаларисиз  бурун йўлларидаги шиллиқ қобиқнинг яллиғланиши, ҳомиладорлик, лактация, моноаминооксидаза ингибиторларни бир вақтнинг ўзида қўллаш (улар бекор қилингандан кейинги 14 кунлик даври давомида), 1 ёшгача бўлган болаларда қўлланмайди.

Эҳтиёткорлик билан: Препарат кўз ички босимини ошиши, сурункали буйрак етишмовчилиги, аритмия, простата бези гиперплазияси клиник белгилари билан (сийдик тутилиши), ёпиқ бурчакли глаукома, яққол атеросклероз, коронар артериялар касалликлари, феохромоцитома, сурункали юрак етишмовчилиги, қандли диабет, артериал гипертензияда эҳтиёткорлик билан қўлланилади .

 

 

Интраназал қўллайнилади. 

1 ёшдан 6 ёшгача бўлган болаларга ҳар бир бурун йўлига 1-2 томчидан суткада 2 маҳал буюриш лозим. Эхтиёткорлик билан ва  шифокор назорати остида.

Препаратни суткада 2 мартадан ортиқ қўллаш мумкин эмас.

Препаратни бевосита қўллашдан аввал флаконни тана ҳароратигача иситиб олиш учун қўл кафтида ушлаб туриш керак. Препаратни қўллашдан олдин бурунни яхшилаб тозалаш зарур. 

Охирги аппликацияни бевосита ухлашдан олдин амалга ошириш тавсия этилади.

Қўллашдан олдин флаконни ўғириш керак. Препаратни бошни орқага ташлаб томизиш керак.

Даволаниш давомийлиги: препаратни 3-5 кундан ортиқ қўллаш тавсия килинмайди. Агар 3 кун давомида белгилари кучайса ёки яхшиланиш кўзатилмаса, шифокор билан маслаҳатлашиш зарур. 

Даволанишнинг максимал руҳсат этилган давомийлиги – 5 кун. Препаратни қайта қўллаш фақат бир неча кундан сўнг мумкин.

 

 

Қуйида меъёрий-ҳуқуқий фаолият бўйича Тиббий луғат таснифи билан мувофиқ ҳолда тизим-аъзоли синфлар (MedDRA) бўйича бўлинган ножўя самаралар келтирилган. Ножўя самараларнинг учраш сонини кўрсатиш учун БЖССТ таснифдан фойдаланилган: жуда кўп (≥10%), кўп (≥1% ва <10%), кўп эмас (≥0.1% ва <1%), кам (≥0,01% ва <0.1%), жуда кам (<0.01%), учраш сони номаълум (мавжуд маълумотлар асосида ножўя самаранинг учраш сонини аниқлашнинг иложи йўқ).

Риноксил® КИДС одатда яхши ўзлаштирилади. Препарат тез-тез ёки узоқ муддат қўлланганида:

- умумий бузилишлар ва қўллаш жойидаги бузилишлар: эҳтимоли мавжуд – экзантема; кўп – бурун бўшлиғи шиллиқ қаватининг ачиштириши ёки қуриши, аксириш, Риноксил® КИДС препаратини қўллашдаги самара ўтиб бўлгандан сўнг кучли бурун битиши ҳисси (реактив гиперемия), кўришнинг бузилиши (кўзга тушганда). Қон-томирларни торайтирувчи препаратларни узоқ муддат ва тўхтовсиз қўллаш тахифилаксия, бурун бўшлиғи шиллиқ қаватининг атрофияси ва бурун бўшлиғи шиллиқ қаватининг қайтар шишига (дори воситалари чақирган ринитга) олиб келиши мумкин;

- юрак-қон томир тизими томонидан: кўп эмас – АҚБ нинг ортиши, тахикардия; эҳтимоли мавжуд: юрак уришининг сезилиши;

-  нерв тизими томонидан: кам ҳолларда: бош оғриғи, уйқусизлик; эҳтимоли мавжуд – бош айланиши, хавотирлик ҳисси, таъсирчанлик, уйқунинг бузилиши (болаларда);

- овқат ҳазм қилиш тизими томонидан: кўнгил айниши кузатилиши мумкин.

 

 

Маҳаллий қўлланилиш учун альфа-адреностимулятор восита, қон томирларни торайтирувчи ва антиконгестив таъсир кўрсатади. Оксиметазолин a1-адренорецепторларни рағбатлантиради, бурун шиллиқ қавати, бурун атрофи бўшлиқлари ва евстахий найи қон томирларининг торайишини чақириб, аллергик ва/ёки юқумли-яллиғланишли ринит (тумов) да уларнинг шишини пасайишига ва бурун билан нафас олишнинг енгиллашишига олиб келади.  

Эвкалипт мойи бактерицид, вирусларга қарши ва фунгицид таъсирларга эга.

 

 

Узоқ вақт қўллашдан ва дозани ошириб юборилишидан сақланиш лозим.

юрак-томир тизимининг касалликлари, гипертиреоз, артериал гипертонияси мавжуд беморлар эҳтиёткорлик билан буюрилади. Одатда Риноксил® КИДС тавсия қилинган дозаларда қўлланилганида ринит белгиларини бартараф қилиш учун 3 кун етарли. Агарда бу даврда белгилар йўқолмаса, даволовчи шифокор билан маслаҳатлашиш керак.

Узоқ муддатли қўлланилишида (бир ҳафтадан ортиқроқ) бурун битиши белгилари қайталаниши эҳтимоли бор.

Даволанишнинг максимал давомийлиги – 5 кун. Препаратни фақат бир неча кундан сўнг қайта қўллаш мумкин.

Препаратни кўзларга тушишига йўл қўймаслик керак. 

Бир флаконни бир нечта шахсларда ишлатиш инфекциянинг тарқалишига олиб келиши мумкин. Флакондан фақат битта шахс (инфекцияни юқиш хавфи туфайли) фойдаланиши керак.  

Препаратни сурункали буйрак етишмовчилигида эҳтиёткорлик билан қўллаш керак. 

Болаларда узоқ вақт қўллашдан ва дозани ошириб юборилишидан сақланиш лозим.

1 ёшгача бўлган болаларда қўлланмайди.

Ҳомиладорлар аёлларда ва эмизиш даврида Риноксил® КИДС нинг хавфсизлиги аниқланмаган, шунинг учун препаратни ҳомиладор аёлларда ёки эмизиш даврида қўлланилиши тавсия этилмайди.

Препаратни лактация даврида қатъий кўрсатмаларга биноан фақат доимий шифокор назорати остида она ва бола учун хавф ва фойда нисбати қатъий баҳолангандан сўнг қўллаш мумкин. Тавсия қилинган дозани оширишга йўл қўйилмайди. 

Оксиметазолин сақловчи тумовга қарши воситаларни тавсия қилинганидан юқори дозаларда узоқ қўлланилганидан сўнг, юрак-томир тизими ва марказий асаб тизими (МАТ) га умумий таъсирини эътибордан ташқарида қолдириб бўлмайди. Ушбу ҳолатларда беморлар транспорт воситаларини бошқаришда ва диққатни қатъий жамлаш ва руҳий- ҳаракат реакциялар тезлигини талаб қилувчи бошқа потенциал хавфли фаолият турлари билан машғул бўлганда, эҳтиёткорликка риоя қилишлари зарур. Препарат кўриш қобилиятига  таъсир кўрсатади, реакциялар тезлиги пасайиши мумкин.

 

 

 

Препарат бошқа қон томирларни торайтирувчи воситалари билан буюрилганда (юбориш усулидан қатъий назар) ножўя самараларининг ўзаро кучайиши кузатилиши мумкин. Оксиметазолин маҳаллий оғриқсизлантирувчи воситаларининг сўрилишини секинлаштиради ва уларнинг самарасини узайтиради. 

МАО ингибиторлари (улар бекор қилингандан кейинги 14 кунлик давр давомида) ва трициклик антидепрессантлар билан бир вақтда буюрилганда – АБнингни ошиши қайд этилиши мумкин. 

 

 

Дозани аҳамиятли ошириб юборилишида ёки тасодифан ичга қабул қилингандан кейин миоз, кўнгил айниши, қусиш, цианоз, гипертермия, тахикардия, аритмия, томирлар етишмовчилиги, артериал гипертензия, нафас бузилишлари, ўпка шиши, юракни тўхтаб қолиши каби белгилар аниқланиши мумкин. Бундан ташқари, уйқучанлик, тана ҳароратининг пасайиши, брадикардия, артериал гипотензия, нафаснинг тўхташи ва комани ривожланиши билан бирга кечувчи, руҳий бузилишлар, шунингдек марказий асаб тизими функциясини бузилишлари ривожланиши мумкин.

Даволаш: қабул қилишни тўхтатиш, белгиларга қараб даволашни ўтказиш керак.