1 ml tomchida quyidagilar mavjud:

Faol modda: oksimetazolin gidroxloridi 100% modda hisobida 0,25 mg yoki 0,5 mg.

Yordamchi modda: benzalkoniya xlorid, natriy xlorid, natriy digidrofosfat digidrat, dinatriy fosfat dodekagidrat, in'ektsiya uchun suv.

 

Rinazolin mahalliy tomirlarni toraytiruvchi vositalar (dekongestantlar) guruhiga kiradi. Alfa-adrenomimetik ta'sir ko'rsatadi.

Qo'llanilgan joyda tomirlarni toraytiradi, burun va yuqori nafas yo'llari shilliq qavatining shishishini kamaytiradi, burundan ajralmalarni kamaytiradi. Burun orqali nafas olishni tiklaydi. Qo'shimcha yondosh bo'shliqlar, o'rta quloq bo'shlig'ining shamollatilishini tiklashga yordam beradi, bu bakterial asoratlar (gaymorit, sinusit, o'rta otit) rivojlanishining oldini oladi.

Oksimetazolin antivirus, yallig'lanishga qarshi, immunomodulyator va antioksidant ta'sir ko'rsatadi. Ushbu birgalikdagi ta'sir mexanizmi tufayli klinik tadqiqotlar davomida o'tkir rinit simptomlarini (burun bitishi, rinoreya, aksirish, umumiy holatning yomonlashuvi) tezroq va samaraliroq bartaraf etilishi isbotlangan.

Mahalliy burun orqali terapevtik konsentratsiyalarda qo'llanganda burun shilliq qavatini bezovta qilmaydi, giperemiyaga olib kelmaydi. Ta'sir davomiyligi - 12 soatgacha. 

 MAO ingibitorlari va arterial bosimni oshiruvchi boshqa preparatlarni qo‘llash mumkin emas, chunki arterial bosim oshishi xavfi mavjud. Boshqa tomirlarni toraytiruvchi dori vositalarini birga buyurish nojo‘ya ta’sirlar rivojlanish xavfini oshiradi. 

 

Preparatni uzoq muddat qo‘llash va dozani oshirib yuborishdan saqlanish kerak. Burun uchun dekongestant vositani uzoq muddat qo‘llash preparat ta’sirining susayishiga olib kelishi mumkin. Ushbu vositani suiiste’mol qilish shilliq qavat atrofiyasiga va medikamentoz rinit bilan reaktiv giperemiyaga sabab bo‘lishi mumkin.

Preparat qo‘llangandan so‘ng surunkali rinitli bemorlarni alohida kuzatish zarur. Tavsiya etilgan dozadan yuqori dozalarni faqat shifokor nazorati ostida qo‘llash kerak. 
 

Homiladorlik yoki emizish davrida qo‘llash

Homiladorlik va emizish davrida preparatni alohida ehtiyotkorlik bilan qo‘llash kerak. Tavsiya etilgan dozani oshirishga yo‘l qo‘yilmaydi.

Bolalar

Rinazolin 0,025% ni 1 yoshgacha bo‘lgan bolalarga, Rinazolin 0,05% ni esa 6 yoshgacha bo‘lgan bolalarga qo‘llash mumkin emas.

Avtotransport boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati

Preparatni uzoq muddat tavsiya etilgan dozadan yuqori dozada qo‘llanganda yurak-qon tomir tizimiga umumiy ta’sirni istisno qilib bo‘lmaydi. Bunday hollarda transport vositasini boshqarish qobiliyati pasayishi mumkin.

Preparatni yaroqlilik muddati tugagandan so‘ng qo‘llash mumkin emas va uni bolalar ololmaydigan joyda saqlash kerak. 

 

Jiddiy dozani oshirib yuborish yoki tasodifiy ichga qabul qilishdan so‘ng quyidagi simptomlar paydo bo‘lishi mumkin: midriaz, ko‘ngil aynishi, qusish, sianoz, tana haroratining oshishi, spazmlar, taxikardiya, palpitatsiya, aritmiya, yurak-qon tomir yetishmovchiligi, yurak to‘xtashi, terlashning kuchayishi, ajitatsiya, tutqanoqlar, arterial gipertenziya, o‘pka shishi, nafas olish buzilishlari, oqarish, mioz, giposmiy, psixik buzilishlar.

Bundan tashqari, markaziy asab tizimi funksiyalarining susayishi yuzaga kelishi mumkin, bu uyquchanlik, tana haroratining pasayishi, bradikardiya, arterial gipotenziya, apnoe va koma rivojlanishi bilan namoyon bo‘ladi.

Dozani oshirib yuborishda terapevtik chora-tadbirlar: oshqozonni yuvish, faollashtirilgan ko‘mir qabul qilish, o‘pka ventilyatsiyasi. Arterial bosim pasayganda fentolamin qo‘llanadi. Vazopressor vositalarni qabul qilish mumkin emas. Zarurat tug‘ilganda tutqanoqqa qarshi terapiya ko‘rsatiladi.