100 мл эритма қуйидагиларни сақлайди:

фаол модда: оксиметазолин гидрохлориди - 0,01 г;

ёрдамчи моддалар: натрий дигидрофосфат дигидрати, динатрий эдетати (Трилон Б), бензалконий хлориди, пропиленгликоль, 0.1М хлорид кислотаси эритмаси ёки 0.1М гидроксид натрий эритмаси, тозаланган сув.

 

 

Бурун шиллиқ қаватини, бурун-халқум ва гаймор бўшлиқларидаги шишни камайтириш учун:

- шамоллаш касалликлари (ўткир ринит);

- бурун бўшлиқларининг яллиғланиши (ўткир синусит);

- евстахиит;

- аллергик ринит (шу жумладан, пичан иситмасида);

- ўртача отит (ёрдамчи даволаш воситаси сифатида, чунки евстахиев найининг тешигини атрофидаги шиллиқ қаватининг шишини камайтиради).

Шунингдек бурун бўшлиғининг қўришни енгиллаштириш учун ёки жарроҳлик муолажаларида ҳам қўлланади.

 

 

Препаратга, шу жумладан бошқа интраназал қўллаш учун шишга қарши воситаларига ўта юқори сезувчанлик, атрофик ринит, гипертиреоз, бурун йўлларининг секрет ажратиб чиқаришисиз бўлган яллигланиши, ҳомиладорлик, лактацияда қўллаш мумкин эмас.

Эҳтиёткорлик билан: кўз ички босими бўлган ҳолатда қўллаш, сурункали буйрак етишмовчилиги, аритмиялар, простата безининг гиперплазияси, клиник симптомлари (сийдикнинг тўтилиши) билан, ёпиқбурчакли глаукома, яққол атеросклероз, феохромоцитома, сурункали юрак етишмовчилиги, қандли диабет, артериал гипертензияда қўллаш мумкин эмас.

 

 

Интраназал қўлланилади. 

Риноксил® Бэби 0,01% назал томчилари 1 ёшгача бўлган болаларга бурун ичига қўллаш учун мўлжалланган.

Ҳаётининг 4 ҳафталигигача бўлган болаларга Риноксил® Бэбини ҳар бир бурун йўлигага 1 томчидан суткада 2 марта буюрилади.

Ҳаётининг 5 ҳафталигигача ва 1 ёшгача ҳар бир бурун йўлигага 1-2 томчидан суткада 2 марта буюрилади. 

Препаратни суткада 2 мартадан ортиқ қўллаш мумкин эмас.

Қўллашдан аввал флаконни тўнтариб олиш лозим. Препаратни бола бошини орқага ташлаб, томизиш керак.

Препаратни бевосита қўллашдан олдин флаконни тана ҳароратигача иситиб олиш учун кафтда ушлаб туриш лозим. Препаратни юборишдан аввал бурунни яхшилаб тозалаш керак.

Қуйидаги чора-тадбирларнинг ҳам самарадорлиги исботланган: ёшга боғлиқ ҳолда 1-2 томчи Риноксил® Бэби тиббиёт пахтасига томизилади ва ҳар бир бурун тешиги артилади.

Тавсия қилинган дозада препаратни шифокор маслаҳатисиз 3-5 кундан ортиқ қўллаш мумкин эмас. Агар симптомлар  кучайиб борса ёки 3 кун ичида яхшиланиш содир бўлмаса, шифокор билан маслаҳатлашиш керак. Препаратни такроран фақат бир неча кундан сўнг қўллаш мумкин.

Препаратни тавсия қилинганидан юқори дозаларда фақат шифокор кузатуви остида қўллаш мумкин.

 

 

Ҳар қандай дори препарати каби, Риноксил® Бэби ҳам, ҳар бир истеъмолчида кузатилмаса-да, ножўя реакциялар чақириши мумкин.

Одатда Риноксил® Бэби яхши ўзлаштирилади. Препаратни тез-тез ва узоқ муддат қўллашда қуйидагилар кузатилиши мумкин:

Маҳаллий реакциялар: тез-тез – бурун бўшлиғи шиллиқ қаватининг ачиштириши ёки қуриши, аксириш, Риноксил® Бэби препаратини қўллашдаги самара ўтиб бўлгандан сўнг кучли бурун битиши хисси (реактив гиперемия), кўришнинг бузилиши (кўзга тушганда). Қон-томирларни торайтирувчи препаратларни узоқ муддат ва тўхтовсиз ишлатиш тахифилаксия, бурун бўшлиғи шиллиқ қаватининг атрофияси ва бурун бўшлиғи шиллиқ қаватининг қайтар шишига (медикаментоз ринит) олиб келиши мумкин.

Юрак-қон томир тизими томонидан: тез-тез эмас – АҚБ нинг ошиши, тахикардия; эҳтимоли мавжуд: юрак уришининг сезилиши.

Асаб тизими томонидан: кам ҳолларда: бош оғриғи, уйқусизлик; кузатилиши мумкин – бош айланиши, хавотир хисси, таъсирчанлик, уйқунинг бузилиши (болаларда).

Бошқалар: кўнгил айниши, экзантема кузатилиши мумкин.

 

 

Маҳаллий қўллаш учун адреномиметик восита. Препарат қон томирларни торайтирувчи ва антиконгестив таъсир кўрсатади. Альфа 1–адренорецепторларни рағбатлантиради ва апликация жойида қон томирларни торайтиради, юқори нафас йўлларининг шиллиқ қаватини шишини камайтиради, бурундан нафас олишни енгиллаштиради, веноз синусларига қоннинг оқиб келишини камайтиради. 

 

Узоқ вақт қўллаш ва дозасини ошириб юборишнинг олдини олиш зарур.

Юрак-томир тизимининг касалликлари, гипертиреоз, артериал гипертонияси бўлган беморларга эҳтиёткорлик билан буюрилади. 

Одатда тавсия қилинган дозаларда Риноксил® Бэби қўлланганида ринит симптомларини йўқ қилиш учун 3 кун етарли. Агарда бу даврда белгилар йўқолмаса даволовчи шифокор билан маслаҳатлашиш керак. 

Бир флаконни бир нечта шахсларда ишлатиш инфекциянинг тарқалишига олиб келиши мумкин. Флаконадан фақат битта одам фойдаланиши мумкин (инфекцияни юқиш хавфи). 

Ҳомиладорлик ёки эмизиш даврида қўлланилганда, тавсия этилган дозадан оширмалик тавсия этилади. Препарат фақат она ва ҳомила ёки бола учун хавф-фойда нисбати синчковлик билан баҳолангандан кейин қўлланилиши керак.

Препаратни сурункали буйрак етишмовчилигида эҳтиёткорлик билан қўллаш зарур.

Болаларда тегишли дозалаш шаклларидаги кўрсатмаларга мувофиқ қўлланилади. 

Препаратни болаларда узоқ қўллаш ва дозасини ошириб юборишнинг олдини олиш лозим. 

Тавсия этилганидан ортиқ дозаларда қўлланилганда, юрак-қон томирлар тизими ва МНТ га умумий таъсирни инкор этиб бўлмайди. Бундай ҳолларда транспорт воситаларини бошқариш ва бошқа потенциал хавфли фаолият турларини бошқариш қобилиятининг пасайиши мумкин.

 

 

Препарат бошқа қон томирларни торайтирувчи воситалари билан буюрилганда (юбориш усулидан қатъий назар) ножўя самараларининг ўзаро кучайиши мумкин. 

Оксиметазолин маҳаллий оғриқсизлантирувчи воситаларининг сўрилишини секинлаштиради ва уларнинг самарасини узайтиради. 

МАО ингибиторлари (шу жумладан, уларни бекор қилингандан кейин 14 кунлик даври давомида) ва трициклик антидепрессантлар 

Бир вақтда буюрилганда – АБ ни ошиши. 

 

Дозани аҳамиятли ошириб юборилишида ёки тасодифан ичга қабул қилингандан кейин миоз, кўнгил айниши, қусиш, цианоз, гипертермия, тахикардия, аритмия, қон томир етишмовчилиги, артериал гипертензия, нафас бузилишлари, ўпка шиши, юракни тўхтаб қолиши каби симптомлар аниқланиши мумкин. Бундан ташқари, руҳий бузилишлар, шунингдек марказий асаб тизими фаолиятини бузилишлари ривожланиши мумкин бўлиб, улар уйқучанлик, тана ҳароратини пасайиши, брадикардия, артериал гипотензия, нафасни тўхташи ва комани ривожланиши билан бирга кечади.

Даволаш: қўллашни тўхтатиш, симптоматик муолажа.