фаол модда: prednisolone;

1 таблетка 5 мг преднизолон сақлайди;

ёрдамчи моддалар: лактоза моногидрати, картошка крахмали, кальций стеарати. 

 

Ревматик иситма, ревматик кардит, кичик хорея.

Бириктирувчи тўқиманинг тизимли касалликлари (тизимли қизил югурик, склеродермия, тугунли периартериит, дерматомиозит).

Тарқалган склероз.

Бўғимларнинг ўткир ва сурункали яллиғланишли касалликлари (ревматоид артрит, ювенил артрит, анкилозловчи спондилоартрит, подагрик ва псориатик артритлар, полиартрит, елка-курак периартрити, остеоартрит (шу жумладан посттравматик), катталарда Стилл синдроми, бурсит, носпецифик тендосиновит, синовит, эпикондилит).

Бронхиал астма, астматик статус.

Ўпканинг интерстициал касаллиги (ўткир альвеолит, ўпка фибрози, II-III даражали саркоидози), ўпка раки (цитостатиклар билан мажмуада), бериллиоз, аспирацион пневмония (специфик даволаш билан бирга), Леффлер эозинофил пневмонияси, туберкулёз (ўпка туберкулёзи, туберкулёз менингит) – специфик даволаш билан бирга.

Буйрак усти безини бирламчи ва иккиламчи етишмовчилиги (шу жумладан буйрак усти безини олиб ташлагандан кейинги ҳолат), буйрак усти безининг туғма гиперплазияси, адреногенитал синдром, нимўткир тиреоидит.

Ўткир ва сурункали аллергик касалликлар (дорига ва озуқа моддаларига аллергия, зардоб касалликлари, поллиноз, атопик дерматит, тананинг катта юзасини жалб этилиши билан кечувчи контакт дерматит, эшакеми, аллергик ринит, Квинке шиши, Стивенс-Джонсон синдроми, токсикодермия).

Гепатит.

Гипогликемик ҳолатлар.

Аутоиммун касалликлар (шу жумладан ўткир гломерулонефрит).

Нефротик синдром.

Меъда-ичак йўлларининг яллиғланишли касалликлари (носпецифик ярали колит, Крон касаллиги, чегараланган энтерит).

Қон ва қон яратиш аъзолари касалликлари (агранулоцитоз, панмиелопатия, миелом касаллик, ўткир лимфо- ва миелоид лейкоз, лимфогранулематоз, тромбоцитопеник пурпура, катталарда иккиламчи тромбоцитопения, аутоиммун гемолитик анемия, эритробластопения, туғма эритроид гипопластик анемия).

Аутоиммун ва бошқа тери касалликлари (экзема, себореяли дерматит, псориаз, Лайелл синдроми, буллёз герпетиформ дерматит, пўрсиқдоқ яра, эксфолиатив дерматит).

Операциядан кейинги, пострадиацион, посттравматик, бош мия ўсмасидаги бош мия шиши (парентерал глюкокортикостероиддан кейин қўлланилсин).

Кўз касалликлари, шу жумладан аллергик ва аутоиммун (симпатик офтальмия, конъюнктивитнинг аллергик шакллари, шох парданинг аллергик яраси, йирингли бўлмаган кератит, иридоциклит, ирит, оғир даражадаги узоқ давом этувчи олд ва орқа увеитлар, хориоидит, кўрув нерви неврити).

Трансплантатни кўчиши реакциясини олдини олиш.

Онкологик касалликлар фонида гиперкальциемия.

Цитостатик даволаганда кўнгил айниши, қусишни олдини олиш ва бартараф этиш учун қўлланади.

 

 

Дори воситасининг компонентларига ўта юқори сезувчанлик.

Ҳозирги вақтда мавжуд бўлган ёки яқинда ўтказилган вирус, замбуруғли ёки бактериал этиологияли паразитар ва инфекцион касалликлар: оддий герпес, ўраб олувчи герпес (виремик босқич), сувчечак, қизамиқ; амебиаз, стронгилоидоз (аниқланган ёки гумон қилинган); тизимли микоз; фаол ва яширин туберкулёз.

Поствакцинал давр (давомийлик 10 хафта: вакцинациядан 8 хафта олдин ва 2 хафта кейин), БЦЖ эмлашдан кейин лимфаденит.

ОИТВ-инфекция чақирган иммунтанқис ҳолатлар.

Меъда-ичак йўллари касалликлари: меъда ва ўн икки бармоқ ичак яра касаллиги, эзофагит, гастрит, ўткир ёки яширин пептик яра, яқинда ҳосил қилинган ичак анастамози, перфорация ёки абсцессланиш хавфи билан кечувчи носпецифик ярали колит, дивертикулит. 

Юрак-қон томир тизими касалликлари: яқинда ўтказилган миокард инфаркти, декомпенсацияланган сурункали юрак етишмовчилиги, артериал гипертензия, тромбоэмболик касалликка мойиллик.

Эндокрин тизими касалликлари: қандли диабет ва углеводларга толерантликни бузилиши, тиреотоксикоз, гипотиреоз, Иценко-Кушинг касаллиги.

Оғир даражадаги сурункали буйрак ва/ёки жигар етишмовчилиги, нефроуролитиаз. Гипоальбуминемия. Тизимли остеопороз. Миастения gravis. Ўткир психоз. Семизлик (III-IV даража). Полиомиелит (бульбар энцефалит шаклидан ташқари). Очиқ- ва ёпиқ бурчакли глаукомада қўллаш мумкин эмас.

 

 

Дозалаш индивидуал равишда белгиланади. Буюрганда глюкокортикоидлар секрециянинг циркад ритмини эътиборга олиш керак: дозанинг катта (2/3) қисмини ёки бутун дозани эрталабки соатларда, эрталаб тахминан соат 8 да ва 1/3 қисмини – кечқурун қабул қилиш керак.

Ўткир ҳолатларда ва ўринбосар даволаш сифатида дори воситаси суткада 20-30 мг дозада буюрилади, аста-секин 5-10 мг самарани бир маромда ушлаб турувчи суткалик дозага ўтилади. Зарурати бўлганида бошланғич доза суткада 15-100 мг ни, самарани бир маромда ушлаб турувчи доза эса – суткада 5-15 мг ни ташкил қилиши мумкин.

Болалар учун дори воситасининг бошланғич дозаси суткада 1-2 мг/кг ни ташкил қилади ва 4-6 марта қабул қилишга тақсимланади, самарани бир маромда ушлаб турувчи доза эса – суткада 300-600 мкг/кг ни ташкил қилади.

Дори воситаси чайнамасдан ва оз миқдордаги суюқлик билан ичга қабул қилинади. Даволаш дозани босқичма-босқич пасайтириб секин тўхтатилади.

 

 

Ножўя самараларни ривожланиши тез-тезлиги ва яққоллик даражаси қўллаш давомийлиги, қўлланилаётган дозанинг катталиги ва буюришнинг циркад ритмига риоя қилиш имкониятига боғлиқ.

Кўриш аъзоси томонидан: глаукома, кўрув нерви дискини шиши, катаракта, орқали супкапсуляр катаракта, кўрув нервини шикастланиши эҳтимоли билан кечувчи кўз ички босимини ошиши, кўзларнинг иккиламчи бактериал, замбуруғли ёки вирусли инфекцияларини ривожланишига мойиллик, шох парданинг трофик ўзгаришлари, экзофтальм.

Меъда-ичак йўллари томонидан: оғизда ёқимсиз ҳид, диспепсия, қизилўнгач кандидози, кўнгил айниши, қусиш, эпигастрийда оғриқ, диарея, панкреатит, меъда ва ўн икки бармоқ ичакнинг “стероид” яраси, эрозив эзофагит, меъда-ичак йўлларидан қон кетиши ва перфорацияси, иштаҳани ошиши ёки пасайиши, метеоризм, ҳиқичоқ. Кам холларда – “жигар” трансаминазалари ва ишқорий фосфотаза фаоллигини ошиши.

Буйрак ва сийдик чиқариш йўллари томонидан: уратлар, уролитлар юзага келиши хавфини ошиши, буйрак функциясини яққол бузилишисиз сийдикда лейкоцитлар ва эритроцитлар миқдорини ошиши, лейкоцитурия.

Эндокрин тизими томонидан: инсулин ва перорал қанд даражасини пасайтирувчи дори воситаларига эҳтиёжни ошиши, гиперлипидемия, постклимактерик қон кетиши, глюкозага толерантни пасайиши, “стероид” қандли диабет ёки яширин қандли диабет манифестацияси, гипоталамо-гипофизар-буйрак усти бези тизимини сусайиши, ҳайз циклини бузилиши, болалар ва ўсмирларда ўсишни секинлашиши, болаларда жинсий етилишни секинлашиши, Иценко-Кушинг синдроми (ойсимон юз, гипофизар типда семириш, гирсутизм, артериал босимни ошиши, дисменорея, аменорея, миастения, стрия).

Моддалар алмашинуви, метаболизм томонидан: минерал ва электролит мувозанатни бузилиши, гипокальциемия, манфий азот мувозанати (оқсилларни парчаланишини ошиши), тана вазнини ошиши. Преднизолоннинг глюкокортикостероид фаоллиги билан боғлиқ ножўя самаралар: суюқликни ва Na+ ни тутилиши (периферик шишлар), гипернатриемия, гипокалиемик синдром – аритмия, миалгия ёки мушаклар спазми, одатдаги бўлмаган ҳолсизлик ва толиқиш.

Нерв тизими томонидан: периферик нейропатия, парестезия, вегетатив бузилишлар, бош оғриғи, бош айланиши, миячанинг сохта ўсмаси, бош мия ички босимини ошиши, тиришишлар.

Руҳият томонидан: таъсирчанлик, уйқуни бузилиши, еуфобия, ўз жонига қасд қилишга мойиллик, диққатни жамлашни ошиши, руҳий қарамлик, мания, шизофренияни зўрайиши, деменция, психозлар, тутқаноқ хуружлари, когнитив дисфункция (шу жумладан амнезия ва онгни бузилиши), делирий, дезориентация, эйфория, галлюцинация, маниакал-депрессив психоз, депрессия, паранойя, асабийлик, безовталик, уйқусизлик.

Юрак-қон томир тизими томонидан: артериал гипотензия, атеросклероз, тромбоз, васкулит, периферик шишлар, аритмия, брадикардия, артериал гипертензия, сурункали юрак етишмовчилигини ривожланиши ёки кўринишларини ошиши, ЭКГ да гипокалиемия учун характерли бўлган ўзгаришлар. Ўткир ва нимўткир миокард инфаркти бўлган беморларда – некроз ўчоғини тарқалиши, чандиқ тўқимасини шаклланишини секинлашиши, бу юрак мушагини ёрилишига олиб келиши мумкин.

Қон ва лимфатик тизим томонидан: эозинофиллар, моноцитлар ва лимфоцитлар миқдорини пасайишида лейкоцитларнинг умумий миқдорини ошиши. Лимфоид тўқима массасини камайиши. Тромбозлар ва тромбоэмболияларга олиб келувчи лейкоцитурия, гиперкоагуляция.

Иммун тизими томонидан: ўта юқори сезувчанлик реакциялари, шу жумладан тошма, қичишиш, гиперемия, эшакеми, Квинке шиши, анафилактик шок.

Тери ва тери ости клетчаткаси томонидан: тери атрофияси, телеангиоэктазия, акне, гирсутизм, пурпура, постстероид паникулит, у дори воситаси бекор қилингандан кейин 2 хафта давомида эритематоз, иссиқ тери остини қалинлашишини пайдо бўлиши билан характерланади, Капоши саркомаси, регенерация жараёнини секинлашиши, петехия, кўкаришлар, гематомалар, экхимозлар, стрия, терини юпқалашиши, гипер- ёки гипопигментация, ҳуснбузар, пиодермия ривожланишига мойиллик.

Таянч-ҳаракат аппарати ва бириктирувчи тўқима томонидан: болаларда ўсишни ва суякланиш жараёнини секинлашиши (ўсишнинг эпифизар соҳаларини муддатидан олдин беркилиши), остеопороз, жуда кам холларда – суякларни патологик синишлари, елка ёки сон суяги бошчасининг асептик некрози, мушак пайларини узилиши, “стероид” миопатия, мушак массасини камайиши (атрофия).

Инфекциялар ва инвазиялар: бактериал, вирусли, замбуруғли инфекциялар симптомларини ниқобланиши, оппортунистик инфекциялар, организмни инфекцияларга чидамлилигини пасайиши.

Умумий бузилишлар ва юбориш жойида реакциялар: бекор қилиш синдроми, шишлар, афтоз яралар, лоҳаслик, дори воситасини юқори дозаларда қўллаганда барқарор ҳиқичоқ; буйрак усти бези етишмовчилиги, у артериал гипотензияга олиб келади; гипогликемия ва жаррохлик аралашуви, жароҳат ёки инфекцияларда ёки преднизолоннинг дозаси ошириб юборилган каби стресс ҳолатларида ўлим.

Дори воситаси тўсатдан бекор қилинганда бекор қилиш синдроми кузатилиши мумкин, симптомларнинг оғирлик даражаси буйрак усти безининг атрофияси даражасига боғлиқ, бош оғриғи, кўнгил айниши, қорин бўшлиғида оғриқ, бош айланиши, анорексия, ҳолсизлик, кайфиятни ўзгариши, летаргия, қизиб кетиш, миалгия, артралгия, ринит, конъюнктивит, терини оғриқли қичишиши, тана вазнини камайиши кузатилади. Оғирроқ ҳолатларда – оғир даражадаги руҳий бузилишлар ва бош мия ички босимини ошиши, ревматизми бўлган пациентларда стероид сохтаревматизм, ўлим ҳолатлари.

Дори воситасини рўйхатдан ўтказилгандан кейин гумон қилинган ножўя реакциялар ҳақида хабар бериш муҳим муолажа бўлиб ҳисобланади. Бу тегишли дори воситаси учун “фойда/хавф” нисбатини мониторинг қилишни давом эттириш имкониятини беради. Тиббиёт ҳодимлари ҳар қандай гумон қилинаётган ножўя реакциялар ҳақида хабарларнинг миллий тизими орқали хабар беришлари керак.

 

 

Преднизолон – гидрокортизоннинг дегидрирланган аналогидир. Яллиғланишга қарши, аллергияга қарши, десенсибилизация қилувчи, шокка қарши ва имммунодепрессив таъсир кўрсатади. Преднизолонни қўллаганда дори воситасининг самаралари хужайра мембраналарини барқарорлашиши, макрофагларни тўпланишини тормозланиши, лейкоцитлар миграциясини камайиши, капиллярлар ўтказувчанлигини пасайиши орқали амалга ошади, бу шишларни ҳосил бўлишига тўсқинлик қилади. Преднизолон фагоцитозни сусайтиради, арахидон кислотасининг метаболизмига, шунингдек яллиғланиш медиаторлари синтези ва ажралиб чиқишига таъсир қилади. Преднизолоннинг иммуносупрессив таъсири Т- ва В-лимфоцитлар фаоллигини сусайиши, қонда комплемент миқдорини камайиши, шунингдек интерлейкин-2 ни ишлаб чиқарилиши ва самараларини сусайиши билан боғлиқ. Катаболик таъсир намоён қилади, қонда глюкоза даражасини оширади. Айрим минералкортикоид фаоллик намоён қилади, буйрак каналчаларида Na+ ва сувни қайта сўрилишини оширади, айниқса қон плазмасида К+ ва Са+ даражаси ошганида уларни организмдан чиқарилишини оширади. Преднизолон гипофиз томонидан адренокортикотроп гормонлар ва иккиламчи буйрак усти безлари томонидан - глюкокортикостероидлар синтези ва секрециясини сусайтиради.

 

 

Преднизолонни бошқа дори воситалари билан бир вақтда қўллаганда қуйидагилар кузатилиши мумкин:

қалқонсимон бези гормонлари, жигар ферментлари индукторлари, хусусан барбитуратлар, фенитоин, пиримидон, карбамазепин, рифампицин билан – преднизолоннинг тизимли клиренси ошиши натижасида унинг самарасини сусайиши; 

эстрогенлар (шу жумладан таркибига эстрогенлар кирувчи перорал контрацептивлар), циклоспорин, CYP3A4 ингибиторлари, хусусан эритромицин, кларитромицин, кетоконазол, дилтиазем, апрепитант, итраконазол, олеандомицин билан – преднизолоннинг терапевтик ва токсик самаралари кучаяди;

антацидлар билан – преднизалонни сўрилиши пасаяди;

Салицил кислотаси ҳосилалари ва бошқа ностероид яллиғланишга қарши дори воситалари билан – меъда шиллиқ қаватида яра ҳосил бўлиши эҳтимоли ошади; преднизолон салицил кислотаси ҳосилаларининг буйрак клиренсини ошириб, уларнинг қон зардобидаги даражасини пасайтиради; дори воситаси жигар ферментларини ва парацетамолнинг токсик метаболити ҳосил бўлишини индукция қилиши натижасида унинг гепатотоксик реакциялари ривожланиши хавфини оширади;

юрак гликозидлари билан – уларнинг токсиклиги ошади, юзага келувчи гипокалиемия оқибатида эса – аритмиялар ривожланиши хавфи ошади;

гипогликемик воситалар билан – перорал қанд даражасини пасайтирувчи воситалар ва инсулиннинг гипогликемик самараси сусаяди;

гипотензив дори воситалари билан – уларнинг самарадорлиги пасаяди;

трициклик антидепрессантлар билан – преднизолонни қабул қилиш чақирган депрессия белгилари кучаяди ва кўз ички босими ошади;

иммуносупрессантлар билан – Эпштейн-Барр вируси билан боғлиқ бўлган инфекциялар ва лимфомалар ёки бошқа лимфопролифератив бузилишлар ривожланиши хавфини ошиши;

диуретиклар, сурги воситалари, амфотерицин В билан – гипокалиемия ривожланиши хавфи ошади; преднизолон амфотерицин ва карбоангидраза ингибиторлари билан бир вақтда қўллаганда остеопороз ривожланиши хавфини оширади;

М-холиноблокаторлар, антигистамин дори воситалари, нитратлар билан – кўз ички босими ошади ва антигистамин дори воситалари самарадорлиги пасаяди;

нейролептиклар, карбутамид, азатиоприн – катаракта ривожланиши хавфи ошади;

эстрогенлар, анаболик дори воситалари, перорал контрацептивлар билан – гирсутизм ва ҳуснбузар кўринишлари;

вирусларга қарши тирик вакциналар ва иммунизациянинг бошқа шакллари фонида – вирусларни фаоллашиши ва инфекциялар ривожланиши хавфини ошиши;

гипокалиемия фонида миорелаксантлар билан – миорелаксантларни қўллаш фонида мушак блокадаси белгилари ва давомийлиги ошади;

антихолинестераз воситалар билан – миастенияси бўлган беморларда (айниқса миастения gravis бўлган пациентларда) мушак кучсизлигини пайдо бўлиши;

митотан ва буйрак усти бези пўстлоқ қисми функциясининг бошқа ингибиторлари билан – дори воситасининг дозасини ошишига олиб келиши мумкин;

қусишга қарши воситалар билан – қусишга қарши самара кучаяди;

изониазид, мексилетин, празиквантел билан – уларнинг плазмада концентрацияси пасаяди;

соматотропин билан (юқори дозаларда) – унинг самараси сусаяди;

фторхинолонлар билан – пайлар шикастланади;

циклоспорин билан – тиришишлар юзага келиши ҳолатлари кузатилган. Ушбу дори воситаларини бир вақтда юбориш метаболизмни ўзаро тормозланишини чақириши туфайли, эҳтимол ушбу дори воситаларини ҳар бирини қўллаш билан боғлиқ тиришишлар ва бошқа ножўя самаралар монотерапияда ҳам, уларни бирга қўллаганда ҳам тез-тез юзага келиши мумкин. Бирга қўллаш қон плазмасида бошқа дори воситаларининг концентрациясини ошишини чақириши мумкин.

Узоқ вақт даволаганда преднизолон фоллий кислотаси даражасини оширади.

Дори воситаси ичак бўшлиғида D витаминининг Ca2+ ни сўрилишига таъсирини пасайтиради.

 

 

Даволашни бошлашдан олдин беморни кузатилиши мумкин бўлган қўллаш мумкин бўлмаган ҳолатларни аниқлаш юзасидан текшириш керак. Клиник текширув юрак-қон томир тизимини текширишни, ўпкани рентгенологик текширувини, меъда ва ўн икки бармоқ ичакни текширувини; сийдик чиқариш тизими, кўриш аъзоларини текширувини ўз ичига олиши керак. Лаборатор текширув қуйидагиларни ўз ичига олиши керак: қоннинг умумий таҳлили, қонда ва сийдикда глюкоза концентрацияси, қон плазмасида электролитлар.

Узоқ вақт давомида глюкокортикоидлар билан даволаганда артериал босимни мунтазам назорат қилиш, сийдикда ва қонда глюкоза даражасини аниқлаш, ахлатни яширин қонга таҳлилини ўтказиш, қон ивиши кўрсаткичлари таҳлилини, умуртқа поғонасининг рентгенологик назоратини, офтальмологик текширувни (3 ойда 1 марта) ўтказиш тавсия этилади.

Даволаш даврида қизамиқ ёки сувчечак билан касалланган беморлар билан контактда бўлган болаларда профилактика сифатида специфик иммуноглобулинларни (контактдан кейин 10 кун давомида) буюриш керак.

Даволаш вақтида иммунизация ўтказиш мумкин эмас.

Агар глюкокортикоидлар билан даволаш вақтида пациентларда одатдаги бўлмаган стресс ҳолатлари юзага келса, стресс ҳолати вақтида ҳам ва ундан кейин ҳам тезкор таъсир қилувчи кортикостероидларнинг дозасини ошириш тавсия этилади.

Преднизолон билан даволаш вақтида алкоголни истеъмол қилиш мумкин эмас.

Даволаш давомийлиги ва дозага қараб дори воситасининг кальций метаболизмига салбий таъсири кузатилиши мумкин. Остеопороз профилактикаси тавсия этилади, бу айниқса хавф омиллари (шу жумладан оилавий мойиллик, кексалар, постменопауза, оқсил ва кальцийни истеъмол қилишни етишмовчилиги, ҳаддан ташқари кўп чекиш, алкоголни ҳаддан ташқари кўп истеъмол қилиш, шунингдек жисмоний фаолликни пасайиши) бўлган пациентларда мавжуд бўлганида муҳим. Профилактика кальций ва D витаминини етарли миқдорда истеъмол қилишга асосланган, шунингдек жисмоний фаолликни ўз ичига олади.

Преднизолон билан даволашнинг ножўя самараларини камайтириш учун тегишли парҳезни буюриш ўзини оқлаган.

Узоқ вақт давомида преднизолоннинг юқори дозалари қўлланилганда (суткада 30 мг камида 4 хафта давомида) дори воситасини қабул қилиш тўхтатилгандан кейин бир неча ой давомида сақланувчи сперматогенезни қайтувчан бузилиши юзага келиши мумкин.

Преднизолоннинг физиологик (тахминан 7,5 мг преднизолон ёки эквивалент) дозасидан юқори дозаларни 3 хафтадан ортиқ қабул қилган пациентларда преднизолон билан даволашни аста-секин тўхтатиш керак. Агар қуйидаги пациентлар гуруҳида даволаш 3 хафтадан камроқ давом этса ҳам, даволашни аста-секин тўхтатиш керак:

Даволаш тўхтатилгандан кейин бекор қилиш синдроми, буйрак етишмовчилиги, шунингдек преднизолон буюрилишига сабабчи бўлган касалликни зўрайиши юзага келиши мумкин. Агар преднизолон билан даволаш якунлангандан кейин буйрак усти безини функционал етишмовчилиги кузатилса, дори воситасини қабул қилишни дарҳол тиклаш керак, дозани пасайтиришни эса жуда секин ва эҳтиёткорлик билан амалга ошириш керак (масалан суткалик дозани 7-10 кун давомида 2-3 мг га пасайтириш керак).

Узоқ вақт даволаганда буйрак усти бези пўстлоқ қисми атрофияси ривожланади ва даволаш тўхтатилгандан кейин кўп йиллар давомида сақланиши мумкин.

Дозани аста-секин пасайтириш натижасида стероид индукция қилган иккиламчи буйрак усти бези етишмовчилиги минимал даражагача пасайтирилиши мумкин. Етишмовчиликнинг ушбу шакли даволаш якунлангандан кейин бир неча ой сақланиши мумкин, шунинг учун ушбу даврда юзага келувчи ҳар қандай стресс ҳолатда кортикостероидлар билан даволашни тиклаш керак.

Тўсатдан бекор қилинганда, айниқса аввал юқори дозада қўллаганда бекор қилиш синдроми юзага келади, у иситма, иштаҳани пасайиши, кўнгил айниши, қусиш, диарея, тормозланиш, бош айланиши, тарқалган суяк-мушакда оғриқ, астения билан намоён бўлади.

Гиперкортицизм ривожланиши туфайли аввал бир неча ой давомида преднизолон билан узоқ вақт даволагандан кейин кортизон билан даволашнинг янги курсини паст бошланғич дозалардан бошлаш керак (ҳаёт учун хавфли ўткир ҳолатлардан ташқари).

Болаларда ўсиш даврида глюкокортикостероидларни фақат мутлоқ кўрсатмалар бўйича ва шифокорнинг алоҳида синчков кузатуви остида қўллаш керак.

Интеркуррент инфекцияларда, септик ҳолатларда ва туберкулёзда бир вақтда антибиотикотерапия ўтказиш керак.

Перорал гипогликемияга олиб келувчи дори воситалари ёки антикоагулянтларни қабул қилиш фонида преднизолонни қўллаш зарурати бўлганида уларнинг дозалаш тартибига тузатиш киритиш керак.

Преднизолонни диуретиклар билан мажмуавий қўллаганда электролит мувозанатни синчковлик билан назорат қилиш керак. Преднизолон билан даволаганда гипокалиемияни олдини олиш мақсадида калий дори воситаларини буюриш ва кўз ички босимини ошиши ва субкапсуляр катарактани ривожланиши мумкинлиги туфайли тегишли парҳезни буюриш керак.

Оғир даражадаги инфекцион касалликларда фақат специфик микробларга қарши даволаш фонида қўллаш мумкин.

Менопауза даврида аёлларда остеопороз юзага келиши мумкинлиги юзасидан текширув ўтказиш керак.

Аддисон касаллигида ўткир буйрак усти бези етишмовчилиги ривожланиши (аддисоник хуруж) хавфи туфайли, барбитуратларни бир вақтда буюришдан сақланиш керак.

Агар анамнезида псориаз, тиришишлар бўлса, преднизолонни фақатгина минимал самарали дозаларда қўллаш керак.

Жигар ва буйрак етишмовчили, мигренда дори воситасини алоҳида эҳтиёткорлик билан қўллаш керак.

Депрессив, маниакал-депрессив психоз, аввалги стероид психозни ўз ичига олувчи мавжуд бўлган ёки анамнезида мавжуд бўлган оғир даражадаги аффектив бузилишлари бўлган беморларда тизимли кортикостероидларни қўллаш масаласи алоҳида эътиборни талаб этади. Пациентлар ва/ёки васийлар руҳият томонидан ривожланиши мумкин бўлган жиддий ножўя самаралар юзасидан огоҳлантирилишлари керак. Симптомлар одатда даволаш бошлангандан кейин бир неча кун ёки хафта давомида намоён бўлади. Юқори дозалар қўлланилганда ушбу ножўя самараларни юзага келиши хавфи юқори. Кўпгина реакциялар доза пасайтирилгандан ёки дори воситаси бекор қилингандан кейин йўқолади, гарчи айрим ҳолатларда специфик даволаш зарур бўлиб ҳисобланади. Бундай симптомлар ривожланганда шифокорга мурожаат этиш керак. Шунингдек руҳий бузилишлар глюкокортикоидларни бекор қилиш вақтида ҳам кузатилиши мумкин.

Ҳомиладор аёлларда назоратланган тадқиқотлар ўтказилмаган. Агар она учун фойда ҳомила учун хавфдан юқори бўлса, ҳомиладорлик даврида (айниқса Ι уч ойликда) қўллаш мумкин. Эмизиш даврида дори воситасини қўллаганда преднизолон кўкрак сутига киришини ёдда тутиш керак.

Дори воситасини педиатрик амалиётда қўллаш мумкин.

Даволаш даврида автотранспортни бошқарганда ва диққатни юқори жамлаш ва психомотор реакцияларнинг тезлигини талаб этувчи бошқа потенциал хавфли фаолият турлари билан шуғулланганда эҳтиёткорликка риоя қилиш керак.

 

 

Дори воситасини, айниқса юқори дозаларда узоқ вақт қўллаганда дозани ошириб юборилиши хавфи ошади.

Симптомлари: артериал босимни ошиши, периферик шишлар, ножўя самараларни ошиши.

Дозани ўткир ошириб юборилишини даволаш: дарҳол меъдани ювиш ёки қусишни чақириш. Специфик антидоти йўқ.

Дозани сурункали ошириб юборилишини даволаш: дори воситасининг дозасини пасайтириш.