3 ml eritma (1 ampula) tarkibida Faol modda: diklofenak natriy 75 mg. Yordamchi moddalari: benzil spirti, propilenglikol, natriy bisulfit, natriy gidroksid, in'ektsiya uchun suv.

Tez yallig'lanishga qarshi va/yoki analgetik ta'sirga erishish talab qilinadigan kasalliklar > yallig'lanishli revmatik kasalliklar revmatoid artrit, seronegativ spondiloartrit, yuvenil artrit va boshqa etiologiyali artritlar; > tayanch-harakat tizimi degenerativ revmatizmi (artroz, spondilez); > mikrokristallik artritlar (podagrik artrit, psevdopodagrik artrit); > bo'g'imdan tashqari revmatizm periartit, bursit, miozit, tendinit, sinovit; > skelet-mushak tizimining boshqa yallig'lanish kasalliklari, og'riq sindromi bilan kechuvchi. Analgetik sifatida Naklofen yumshoq to'qimalar jarohatlari, stomatologiyada, jarrohlik aralashuvlardan so'ng, og'ir migren xurujlarida, shuningdek, buyrak yoki o't pufagi kolikasida qo'llaniladi.

Diklofenakka yoki preparatning boshqa komponentlariga, salitsilatlarga yoki boshqa nosteroid yallig'lanishga qarshi preparatlarga yuqori sezuvchanlik, bronxial astma, eshakemi yoki rinit bilan namoyon bo'ladigan holatlar. Oshqozon yoki o'n ikki barmoqli ichak yara kasalliklari, me'da-ichak qon ketishi. Yurak yetishmovchiligini og'ir shakli. Homiladorlik va laktatsiya davri Diklofenak teratogen ta'sir ko'rsatmasligiga qaramay, homilador ayollarda qo'llash faqat kutilayotgan foyda homila uchun potentsial xavfdan ustun bo'lsa mumkin. Diklofenakni homiladorlikning oxirgi trimestrida va emizish davrida qo'llash tavsiya etilmaydi.

Kuchli og‘riqlarda - 75 mg (3 ml) bir marta yoki kuniga ikki marta mushak ichiga yuboriladi. Davolashni imkon qadar tezroq preparatning boshqa shakllari (ichakda eriydigan qobiq bilan qoplangan tabletkalar, uzoq ta’sirli tabletkalar, suppozitoriyalar) bilan davom ettirish kerak. Buyrak kolikasida zarur bo‘lsa, 75 mg Naklofenni mushak ichiga 30 daqiqadan so‘ng qayta yuborish mumkin. Ushbu dori shakli bolalarda qo‘llash uchun mo‘ljallanmagan. Preparatni boshqa preparatlar bilan bir shpritsda aralashtirish tavsiya etilmaydi.

Boshqa dori vositalari kabi Naklofen ham nojo‘ya ta’sirlarni keltirib chiqarishi mumkin. Nojo‘ya reaksiyalar tez-tezligi bo‘yicha quyidagicha tasniflanadi: juda tez-tez – 1/10 dan ko‘p (10 %); tez-tez – 1/100 dan ko‘p, lekin 1/10 dan kam (1 % dan ko‘p, lekin 10 % dan kam); kamdan-kam – 1/1000 dan ko‘p, lekin 1/100 dan kam (0,1 % dan ko‘p, lekin 1 % dan kam); noyob – 1/10000 dan ko‘p, lekin 1/1000 dan kam (0,01 % dan ko‘p, lekin 0,1 % dan kam); juda noyob – 1/10000 dan kam (0,01 % dan kam). Ovqat hazm qilish tizimi tomonidan Preparatning eng ko‘p uchraydigan nojo‘ya ta’sirlari: ko‘ngil aynishi, diareya, qabziyat, oshqozon kolikasi, dispepsiya, meteorizm. Juda tez-tez (20 % bemorlarda) asosan yuqori ovqat hazm qilish yo‘llari zararlanishi. Tez-tez (3-6 oy davomida preparat qabul qilgan bemorlarning 1 % da) qon ketish, yara, perforatsiya. Ayrim hollarda pastki ovqat hazm qilish yo‘llari zararlanishi, shu jumladan noaniq gemorragik kolit, yarali kolitning qaytalanishi yoki zo‘rayishi, yoki Kron kasalligi kuzatiladi. Markaziy asab tizimi tomonidan Tez-tez (1—9 % bemorlarda) bosh og‘rig‘i va vertigo. Kamdan-kam (1 % dan kam bemorlarda) bosh aylanishi, depressiya, uyqusizlik, charchoq, xavotir, asabiylashish, uyquchanlik. Buyraklar tomonidan Kamdan-kam (1 % dan kam bemorlarda) buyrak yetishmovchiligi, o‘tkir buyrak yetishmovchiligi yoki gematuriya. Ayrim hollarda interstitsial nefrite, nefrotik sindrom, buyrak so‘rg‘ichlari nekrozi yoki proteinuriya. Jigar tomonidan o‘zgarishlar Kamdan-kam (1 % dan kam bemorlarda) sariq kasallik, simptomsiz gepatit, o‘tkir gepatit, surunkali faol gepatit, gepatosellyulyar nekroz, xolestaz. Ayrim hollarda fulminant (to‘satdan) gepatit. Teri va gipersensitivlik reaksiyalari tomonidan Tez-tez (1 -3 % bemorlarda) toshma yoki ekzantema paydo bo‘lishi mumkin. Kamdan-kam (1 % dan kam bemorlarda) qichishish yoki eshakemi. Ayrim hollarda fotosensitivlik, anafilaktik reaksiyalar (bronxospazm, angionevrotik shish, anafilaktik shok). Yurak-qon tomir tizimi tomonidan Shishlar, arterial gipertenziya va yurak yetishmovchiligi. Klinik tadqiqotlar va epidemiologik ma’lumotlarga asoslanib, diklofenakni, ayniqsa yuqori dozalarda (kuniga 150 mg) uzoq muddat qabul qilish arteriyalar trombozi rivojlanish xavfini biroz oshirishi mumkin (masalan, miokard infarkti yoki insult rivojlanish xavfi). Qon yaratuvchi organlar tomonidan Ayrim hollarda anemiya, trombotsitopeniya, leyopeniya, agranulotsitoz. Bemorlar shifokorga nojo‘ya ta’sirlar yoki ularni eslatuvchi simptomlar paydo bo‘lishi haqida xabar berishlari kerak.

Diklofenak analgetik, yallig'lanishga qarshi va isitmani tushiruvchi ta'sirga ega bo'lgan nosteroid yallig'lanishga qarshi vosita hisoblanadi. U siklooksigenaza faolligini va natijada prostaglandinlar sintezini inhibe qiladi. Diklofenak bilan davolash vaqtida siydikda, me'da shilliq qavatida va sinovial suyuqlikda prostaglandinlar darajasining pasayishi kuzatiladi. Preparat revmatik kasalliklarning barcha shakllarini davolashda, shuningdek, turli kelib chiqishli og'riq sindromini kamaytirishda qo'llaniladi.