Bitta tabletkada Yadro Faol modda metformin gidroxlorid - 500/850/1000 mg; Yordamchi moddalari povidon 20/34/40 mg, magniy stearat 5,0/8,5/10,0 mg. 

 

 

Glyukofaj® giperglikemiyani kamaytiradi, gipoglikemiyani rivojlanishiga olib kelmaydi. Sul'fonilmochevina hosilalaridan farqli o'laroq, insulin sekretsiyasini stimullamaydi va sog'lom shaxslarda gipoglikemik ta'sir ko'rsatmaydi. Periferik retseptorlarning insulinga sezuvchanligini oshiradi va hujayralar tomonidan glyukozaning utilizatsiyasini kuchaytiradi. Jigar tomonidan glyukoza ishlab chiqarilishini glyukoneogenez va glikogenolizni ingibitsiya qilish orqali kamaytiradi. Ichakda glyukozaning so'rilishini sekinlashtiradi. Metformin glikogensintazaga ta'sir qilib, glikogen sintezini stimullaydi. Barcha turdagi membrana glyukoza tashuvchilarining transport quvvatini oshiradi. Bundan tashqari, lipid almashinuviga ijobiy ta'sir ko'rsatadi – umumiy xolesterin, past zichlikdagi lipoproteinlar va triglitseridlar miqdorini kamaytiradi. Metformin qabul qilish fonida bemorning tana massasi yoki barqaror qoladi, yoki mo'tadil kamayadi.

Metformin uzoq muddat qabul qilinganda vitamin V12 ning so‘rilishi kamayishi mumkin. Megaloblast anemiya aniqlanganda bunday etiologiya ehtimolini hisobga olish zarur. Nerv tizimi tomonidan buzilishlar Ko‘pincha ta'm buzilishi. Ovqat hazm qilish tizimi tomonidan buzilishlar Juda tez-tez ko‘ngil aynishi, qusish, diareya, qorin og‘rig‘i va ishtahaning yo‘qligi. Ular eng ko‘p davolashning boshlang‘ich davrida paydo bo‘ladi va ko‘pchilik hollarda o‘z-o‘zidan yo‘qoladi. Simptomlarni oldini olish uchun metformin ovqat vaqtida yoki ovqatdan keyin kuniga 2 yoki 3 marta qabul qilinishi tavsiya etiladi. Dozani sekin oshirish ovqat hazm qilish tizimi tomonidan ko‘tarilishini yaxshilashi mumkin. Terining va teri osti to‘qimalarining buzilishlari Juda kam hollarda teri reaksiyalari, masalan, eritema, qichishish, toshma. Jigar va o‘t yo‘llari tomonidan buzilishlar Juda kam hollarda jigar funksiyasi ko‘rsatkichlarining buzilishi va gepatit; metformin bekor qilingandan so‘ng bu nojo‘ya hodisalar to‘liq yo‘qoladi. Nashr etilgan ma'lumotlar, postmarketing ma'lumotlar, shuningdek, 10-16 yoshli cheklangan bolalar populyatsiyasida o‘tkazilgan nazoratli klinik tadqiqotlar bolalarda nojo‘ya ta'sirlar xarakteri va og‘irligi bo‘yicha kattalardagi bemorlarnikiga o‘xshashligini ko‘rsatadi. 

Homiladorlik va emizish davrida qo‘llanilishi

Homiladorlik. Homiladorlikdan oldingi va homiladorlik davrida nazorat qilinmaydigan giperglikemiya tug‘ma nuqsonlar, homiladorlikni yo‘qotish, homiladorlik bilan bog‘liq gipertoniya, preeklampsiya va perinatal o‘lim xavfining oshishi bilan bog‘liq. Giperglikemiyaning ona va uning bolasi uchun nojo‘ya oqibatlari xavfini kamaytirish uchun homiladorlik davomida qon glyukozasi darajasini iloji boricha normalga yaqin saqlash muhimdir.

Metformin platsentadan ona qonidagi konsentratsiyaga teng yoki undan yuqori miqdorda o‘tadi.

Homilador ayollar (1000 dan ortiq natijalar) bo‘yicha reyestr asosidagi kohort tadqiqotlari va nashr etilgan meta-tahlillar va klinik tadqiqotlar natijalari metformin perikonsepsion davrida va/yoki homiladorlik davrida qo‘llanilishi natijasida tug‘ma nuqsonlar yoki homila/yangi tug‘ilgan chaqaloq uchun toksiklik xavfi oshmasligini ko‘rsatadi.

Metforminning bachadonda ta'siriga uchragan bolalarning vazniga uzoq muddatli ta'siri haqida ba'zi tasdiqlanmagan ma'lumotlar mavjud. Metformin bachadonda ta'sirga uchragan 4 yoshgacha bo‘lgan bolalarning harakat va ijtimoiy rivojlanishiga ta'sir qilmaydiganga o‘xshaydi, biroq uzoq muddatli oqibatlar bo‘yicha ma'lumotlar cheklangan.

Agar klinik zarurat bo‘lsa, metforminni homiladorlik va perikonsepsion davrda insulin bilan birga yoki muqobil sifatida qo‘llash mumkin.

Emizish. Metformin ona sutiga ajraladi, biroq emizilgan yangi tug‘ilgan chaqaloqlar/go‘daklarda nojo‘ya ta'sirlar kuzatilmagan. Biroq, preparatni qo‘llash xavfsizligi bo‘yicha yetarli ma'lumotlar yo‘qligi sababli, metformin bilan davolash davrida emizish tavsiya etilmaydi. Emizishni to‘xtatish to‘g‘risida qaror qabul qilishda emizishning foydalari va bolaning nojo‘ya ta'sirlar xavfi hisobga olinishi kerak.

Fertillik . Metformin hayvonlarda 600 mg/kg/sutka dozada qo‘llanganda, bu inson uchun tana yuzasi maydoniga hisoblangan maksimal tavsiya etilgan sutkalik dozadan deyarli 3 baravar yuqori bo‘lsa ham, fertillikka ta'sir ko‘rsatmagan.

Transport vositalarini yoki boshqa mexanizmlarni boshqarishda reaksiya tezligiga ta'sir qilish qobiliyati

Glyukofaj XR transport vositalarini boshqarish yoki boshqa mexanizmlar bilan ishlashda reaksiya tezligiga ta'sir qilmaydi, chunki preparatning monoterapiyasi gipoglikemiyani chaqirmaydi.

Biroq, metforminni boshqa gipoglikemik vositalar (sulfonilmochevina hosilalari, insulin, meglitinidlar) bilan birga ehtiyotkorlik bilan qo‘llash kerak, chunki gipoglikemiya rivojlanish xavfi mavjud.