1 tabletkada quyidagilar mavjud Faol modda furazolidon - 0,05 g Yordamchi moddalari kartoshka kraxmal 0,02 g, kalsiy stearat (kalsiy stearinovokisliy) – 0,001 g, shakar (saxaroza) -0,01 g, tvin-80 (polisorbat) -0,0002 g, laktoza (sut shakari) – 0,0188 g.

Dizenteriya, paratiflar, lyamblioz, oziq-ovqat toksikoinfeksiyalari.

Homiladorlik, laktatsiya. Nitrofuranlar guruhiga yuqori individual sezuvchanlik. Surunkali buyrak yetishmovchiligini terminal bosqichi, glyukoza-6-fosfat degidrogenaza yetishmovchiligi, 3 yoshgacha bo'lgan bolalar (ushbu dori shakli uchun). Ehtiyotkorlik bilan Surunkali buyrak yetishmovchiligi, jigar va asab tizimi kasalliklari.

Og'iz orqali, ovqatdan keyin. Dizenteriya, paratif va oziq-ovqat toksikoinfeksiyalarida - 100-150 mg kuniga 4 marta (lekin 800 mg dan ko'p emas), 5-10 kun davomida. Lyambliozda kattalar uchun - 100 mg kuniga 4 marta, bolalar uchun - 10 mg/kg/kunda, sutkalik doza 3-4 qabulga bo'linadi. Kattalar uchun eng yuqori bir martalik doza - 200 mg; sutkalik - 800 mg.

Ishtahaning pasayishi, hatto anoreksiyagacha; ko'ngil aynishi, qusish; allergik reaksiyalar (terida toshma, terining giperemiyasi va qichishishi, angionevrotik shish). Uzoq muddat qo'llanganda – nevrit.

Antimikrob vosita, nitrofuranlar hosilasi. Gram-musbat va gram-manfiy mikroblarga, Trichomonas spp., Giardia lamblia ga nisbatan faol. Furazolidonga eng sezgir mikroorganizmlar: Shigella dysenteria, Shigella flexneri, Shigella boydii, Shigella sonnei, Salmonella typhi, Salmonella paratyphi. Yiringli va anaerob infeksiya qo'zg'atuvchilariga ta'siri kuchsiz. Mikroorganizmlarning chidamliligi sekin rivojlanadi. Monoaminooksidazani bloklaydi. Nitrofuranlar mikroorganizmlarning hujayra nafas olish jarayonlarini buzadi, trikarboksilat kislotasi siklini (Krebs sikli) bostiradi, shuningdek, mikroorganizmlarning nuklein kislotalari biosintezini ingibitsiya qiladi, natijada ularning qobig'i yoki sitoplazmatik membranasi buziladi. Nitrofuranlar ta'siri natijasida mikroorganizmlar kamroq toksin ajratadi, shu sababli bemorning umumiy holati yaxshilanishi mikroflora o'sishini ancha bostirishdan oldin ham mumkin. Ko'plab boshqa antimikrob dorilardan farqli o'laroq, ular nafaqat bostirmaydi, balki organizmning immun tizimini faollashtiradi (komplement titrini va leykotsitlarning mikroorganizmlarni fagotsitoz qilish qobiliyatini oshiradi).

Xloramfenikol va ristomitsin fonida gemopoezni kuchaytiradi. Etanol ta'siriga sezuvchanlikni oshiradi. Siydikni ishqoriy qiluvchi dori vositalari ta'sirini kamaytiradi, kislotali qiluvchi esa oshiradi. Aminoglikozidlar va tetratsiklin antimikrob xususiyatlarini kuchaytiradi. Davolash davomida monoaminooksidaza ingibitorlari qo'llanilgandek ehtiyot choralariga rioya qilish zarur, ya'ni tiramin saqlovchi mahsulotlarni, pishloq, qaymoq, loviya, tuzlangan seld, quyuq qahva ratsiondan chiqarish. Nevritlarning oldini olish uchun uzoq muddat qo'llanganda B guruhi vitaminlari bilan birga qo'llash zarur. Preparatni bolalar ololmaydigan joyda saqlash va yaroqlilik muddati o'tgach qo'llamaslik kerak.

Siptomlari: o'tkir toksik gepatit, gematotoksiklik, neyrotoksiklik (polinevrit). Davolash: dori vositasini bekor qilish, ko'p suyuqlik ichish, simptomatik terapiya, antigistamin dori vositalari, B guruhi vitaminlari.