1 flakon (15 ml) tarkibida Faol modda temir protein suksinilat - 800 mg (Fe3+ ga qayta hisoblanganda - 40 mg). Yordamchi moddalari: sorbitol; propilenglikol; natriy metilparagidroksibenzoat; natriy propilparagidroksibenzoat; gilos aromatizatori; natriy saxarin; tozalangan suv.

- Temir yetishmovchiligining latent va klinik jihatdan namoyon bo‘lgan shakllarini (temir tanqisligi anemiyasini) davolash; - Homiladorlik, laktatsiya, faol o‘sish davrida temir yetishmovchiligini oldini olish terapiyasi; uzoq davom etgan qon ketishlardan so‘ng, to‘liq bo‘lmagan va muvozanatsiz ovqatlanish fonida.

- Preparatga yuqori sezuvchanlik; - Temir ortiqcha to‘planishi (gemoxromatoz); - Temir o‘zlashtirilishining buzilishi (qo‘rg‘oshin anemiyasi, sideroaxrestik anemiya); - Temir yetishmovchiligi bo‘lmagan anemiyalar (gemolitik anemiya; megaloblast anemiya, vitamin V^ yetishmovchiligi sababli); - Surunkali pankreatit; - Jigar sirrozi.

Ferlatum ovqatdan oldin yoki keyin og‘iz orqali qabul qilinadi. Kattalar 1-2 flakon kuniga, miqdori 40-80 mg Belili ekvivalentida, shifokor tavsiyasiga ko‘ra, 2 marta qabul qilinadi. Bolalar 1,5 ml/kg/kun (miqdori 4 mg/kg/kun Fe3+ ekvivalentida) 2 marta yoki shifokor tavsiyasiga ko‘ra. Homilador ayollar Temir tanqisligi anemiyasini oldini olish uchun - kuniga 1 flakon. Temir yetishmovchiligining latent yoki klinik jihatdan namoyon bo‘lgan shakllarini davolash uchun - kuniga 1-2 flakon 2 marta. Qon zardobidagi temir va gemoglobin ko‘rsatkichlari normallashgandan so‘ng davolashni kamida yana 8-12 hafta davom ettirib, qo‘llab-quvvatlovchi doza buyuriladi.

Kamdan-kam hollarda me’da-ichak buzilishlari (shu jumladan diareya, qabziyat, ko‘ngil aynishi va epigastral sohada og‘riq) paydo bo‘lishi mumkin, odatda Ferlatumning yuqori dozalari qo‘llanilganda, ular doza kamaytirilganda yoki preparat bekor qilinganda yo‘qoladi.

Ferlatum - temir preparati, organizmdagi temir yetishmovchiligini to‘ldiradi. Temirning asosiy vazifasi kislorodni to‘qimalarga tashishdir. Temir gemoglobin, mioglobin, temir saqlovchi fermentlar-tsitoxromlar tarkibiga kiradi, elektronlarni tashiydi va oksidlanish, gidroksillanish va boshqa metabolik jarayonlar reaksiyalarining katalizatori sifatida ishlaydi. Ferlatum temir-protein suksinilatni o‘z ichiga oladi, bu kompleks birikma bo‘lib, unda uch valentli temir (Fe *) atomlari yarim sintetik oqsilli tashuvchi bilan o‘ralgan, bu esa me’da shilliq qavatining shikastlanishini oldini oladi. Oqsilli tashuvchi o‘n ikki barmoqli ichakda qayta eriydi va temirni eng yaxshi so‘riladigan joyda ajratib chiqaradi. Ichakdan qonga uch valentli temir faol so‘rilish yo‘li bilan o‘tadi, bu esa dozani oshirib yuborish va zaharlanishning mumkin emasligini tushuntiradi.