Umumiy holatning yomonlashuvi, tana haroratining ko'tarilishi, intoksikatsiyasiz kechadigan o'tkir bakterial diareya. 

 Farmakologik ta'siri
Keng ta'sir doirasiga ega bo'lgan antimikrob preparat, 5-nitrofuran hosilasi. Degidrogenazlar faolligini bloklaydi va nafas olish zanjirlarini, trikarboksilat kislotasi siklini va mikroblar hujayrasidagi boshqa bir qator biokimyoviy jarayonlarni susaytiradi. Mikrob hujayra membranasini buzadi, mikroorganizmlar tomonidan toksinlar ishlab chiqarilishini kamaytiradi. Campylobacter jejuni, Escherichia coli, Salmonella spp., Clostridium perfringens, Vibrio cholerae, patogen Vibrionlar va Vibrio parahaemolyticus, Staphylococcus spp. ga nisbatan yuqori faollikka ega. Nifuroksazidga nisbatan zaif sezgir: Klebsiella spp., Proteus mirabilis, Providencia indologenes. Nifuroksazidga nisbatan rezistent: Klebsiella spp., Proteus mirabilis, Providencia spp., Pdeudomonas spp.
Ichak mikroflorasi muvozanatini buzmaydi.
O‘tkir bakterial diareya paytida ichak eubiozini tiklaydi. Enterotrop viruslar bilan infeksiyalanishda bakterial superinfeksiya rivojlanishiga to‘sqinlik qiladi. 

 Diareya davolashda Enterofuril® preparati bilan bir vaqtda rehidratatsion terapiya o‘tkazish zarur. Tizimli zararlanish belgilariga ega bakterial diareyada tizimli ta'sirga ega antibakterial preparatlarni qo‘llash masalasini hal qilish uchun shifokorga murojaat qilish kerak. Gipersensitivlik simptomlari (nafas qisilishi, toshma, qichishish) paydo bo‘lsa, preparatni qabul qilishni to‘xtatish kerak. Nifuroksazid bilan davolash vaqtida alkogol iste'mol qilish taqiqlanadi.
Metilparagidroksibenzoat tarkibi tufayli preparat allergik reaksiyalar (kechikkan bo‘lishi mumkin) chaqirishi mumkin.
Enterofuril® 100 mg preparatining bitta kapsulasi 36 mg saxaroza saqlaydi, bu 0.0030 XE ga teng. Preparatning bir martalik dozasida (2 kapsula) saxaroza miqdori 0.0060 XE ga teng. Kattalar va 6 yoshdan 18 yoshgacha bo‘lgan bolalar uchun Enterofuril® 100 mg preparatining 2 kapsulasini kuniga 4 marta qabul qilganda sutkalik saxaroza doza 0.024 XE ni, bolalar uchun 2 kapsulani kuniga 3 marta qabul qilganda 0.018 XE ni tashkil etadi.

Transport vositalarini va mexanizmlarni boshqarish qobiliyatiga ta'siri
Preparat psixomotor faoliyatga va transport vositalarini boshqarish hamda mexanizmlar bilan ishlash qobiliyatiga ta'sir qilmaydi. 

Homiladorlik va emizish davrida qo‘llanishi

Enterofuril preparatini homiladorlik davrida faqat terapiyaning kutilayotgan foydasi ona uchun potensial xavfdan yuqori bo‘lsa qo‘llash mumkin.

Enterofuril me'da-ichak traktidan so‘rilmaydi va tizimli qon aylanishiga tushmaydi, biroq preparatni laktatsiya davrida faqat qat'iy ko‘rsatmalar bo‘yicha qo‘llash mumkin, bunda emizishni to‘xtatish masalasini hal qilish kerak. 

 Disulfiramga o‘xshash reaksiyalarni chaqiruvchi preparatlar, asab tizimi faoliyatini susaytiruvchi dori vositalari bilan bir vaqtda qo‘llash tavsiya etilmaydi. Agar Siz boshqa dori vositalarini (shu jumladan, retseptsiz) qabul qilayotgan bo‘lsangiz, preparatni qo‘llashdan oldin shifokor bilan maslahatlashing.