1 ml suspenziya tarkibida
Faol moddalari: domperidon 1 mg, simetikon 4 mg.
Yordamchi moddalari: saxaroza, limon kislotasi monogidrat, sorbitol eritmasi 70%, natriy karmelloza, ananas aromatizatori, polisorbat 80, natriy metilgidroksibenzoat, natriy propilgidroksibenzoat, titan dioksid, tozalangan suv.
Tavsifi: ananas hidi bilan oq rangli suspenziya.

- ko‘pincha me’da bo‘shashishining sekinlashuvi, me’da-qizilo‘ngach reflyuksi, ezofagit bilan bog‘liq bo‘lgan dispeptik simptomlar kompleksi (epigastriyda to‘lishish hissi, qorin dam bo‘lishi hissi, qorin yuqori qismida og‘riq, qayoq, meteorizm, ko‘ngil aynishi, qusish, qizilo‘ngachda achishish va regurgitatsiya);

- funksional, organik, infeksion kelib chiqishli ko‘ngil aynishi va qusish, radioterapiya, dori terapiyasi yoki parhez buzilishi natijasida yuzaga kelgan;

- Parkinson kasalligida dofamin agonistlari (masalan, L-dopa va bromokriptin) qo‘llanilganda yuzaga kelgan ko‘ngil aynishi va qusish;

- bolalarda qayt qilish sindromi, siklik qusish, me’da-qizilo‘ngach reflyuksi va boshqa me’da motorikasi buzilishlari.

– preparat komponentlariga yuqori sezuvchanlik;

– me’da-ichak qon ketishi;

– mexanik to‘siqlik yoki perforatsiya, bunda me’da harakat funksiyasini stimulyatsiya qilish xavfli bo‘lishi mumkin;

– prolaktin sekretsiya qiluvchi gipofiz o‘smalari (prolaktinoma).

Og‘iz orqali qabul qilish uchun suspenziya.

Suspenziya flakonini ishlatishdan oldin chayqatish kerak.

Kattalar va tana vazni 35 kg dan ortiq bo‘lgan bolalar: ovqatdan oldin kuniga 3 marta 10 ml suspenziya.

Doprokin-S tarkibidagi domperidonning maksimal sutkalik doza 30 mg (30 ml preparat) dan oshmasligi kerak.

Tana vazni 35 kg dan kam bo‘lgan bolalar: 10 kg tana vazniga 2,5 ml suspenziya hisobidan kuniga 3 marta ovqatdan oldin buyuriladi.

 

Nojo'ya ta'sirlar kamdan-kam hollarda kuzatiladi.

Ovqat hazm qilish tizimi tomonidan: kamdan-kam hollarda - me'da-ichak trakti (MITr) buzilishlari; ayrim hollarda - o'tkinchi ichak spazmlari.

Markaziy asab tizimi tomonidan: ekstrapiramidal simptomlar (juda kamdan-kam hollarda - bolalarda; ayrim hollarda - kattalarda); to'liq qaytuvchan va davolash to'xtatilgandan so'ng yo'qoladi.

Endokrin tizimi tomonidan: gipyerprolaktinemiya mumkin, kamdan-kam hollarda galaktoreya, ginekomastiyaga olib keladi; amenoreya.

Allergik reaksiyalar: kamdan-kam hollarda - toshma, eshakemi, qichishish. 

Doprokin-S – qusishga qarshi preparat, me'da-ichak trakti motorikasini stimulyatoridir.

Domperidon – periferik dofamin retseptorlarining selektiv antagonisti bo‘lib, qusishga qarshi xususiyatlarga ega. Qusishga qarshi ta’siri, ehtimol, periferik (gastrokinetik) ta’sir va dofamin retseptorlariga nisbatan antagonizmning xemoretseptor trigger zonasida birikmasi bilan bog‘liq.

Og‘iz orqali qabul qilinganda domperidon me’da antral bo‘limi va o‘n ikki barmoqli ichakning peristaltik qisqarishlari davomiyligini oshiradi, bu jarayon sekinlashgan bemorlarda me’daning bo‘shashishini tezlashtiradi va qizilo‘ngach pastki sfinkterining tonusini oshiradi.

Domperidon me’da sekretsiyasiga ta’sir qilmaydi, GEB orqali yomon o‘tadi.

Simetikon – sirt faol xususiyatlarga ega, ichakdagi gaz miqdorini kamaytiradi. Ovqat hazm qilish traktidagi gaz pufakchalari sirt tarangligini kamaytiradi, ularning yorilishiga olib keladi; pufakchalar parchalanishida ajralib chiqqan gazlar ichak devorlari tomonidan so‘riladi yoki peristaltika yordamida chiqariladi.

 

Antixolinergik preparatlar Doprokin-S preparatining antidispeptik ta'sirini neytrallashi mumkin.

Preparatning og'iz orqali qabul qilinganda biologik mavjudligi oldindan tsimetidin yoki natriy gidrokarbonat qabul qilingandan so'ng kamayadi.

Antatsid va antisecretor preparatlarni Doprokin-S preparati bilan bir vaqtda qabul qilish tavsiya etilmaydi, chunki ular uning biologik mavjudligini kamaytiradi.

Domperidonning asosiy metabolik o'zgarishlari sitoxrom P450 tizimining 3A4 izofermenti ishtirokida sodir bo'ladi. In vitro tadqiqotlar asosida, domperidon va ushbu izofermentni sezilarli darajada ingibir qiluvchi dori vositalari bir vaqtda qo'llanilganda, plazmada domperidon darajasi oshishi mumkinligini taxmin qilish mumkin.

Doprokin-S neyroleptiklar bilan ham birga qo'llanilishi mumkin, ularning ta'sirini kuchaytirmaydi; dofaminergik retseptor agonistlari (bromokriptin, L-dopa) bilan, ularning nojo'ya periferik ta'sirlarini, masalan, ovqat hazm qilish buzilishlari, ko'ngil aynishi, qusishni bostiradi, ularning asosiy xususiyatlarini neytrallamasdan. 

 

Sintomlar: uyquchanlik, dezorientatsiya va ekstrapiramidal reaksiyalar, ayniqsa bolalarda.

Davolash: faollashtirilgan ko‘mir qo‘llash va diqqatli kuzatuv. Antixolinergik vositalar, parkinsonizmni davolashda qo‘llaniladigan preparatlar yoki antigistamin preparatlar ekstrapiramidal reaksiyalar yuzaga kelganda samarali bo‘lishi mumkin. 

 

Doprokin-S ni jigar yetishmovchiligi bo‘lgan bemorlarga ehtiyotkorlik bilan buyurish kerak, chunki domperidon jigar orqali yuqori darajada metabolizatsiyalanadi. Uzoq muddatli davolashda bunday bemorlar muntazam kuzatuv ostida bo‘lishi kerak.

Buyrak yetishmovchiligida preparatni qabul qilish oralig‘ini oshirish tavsiya etiladi. Preparatning o‘zgarmagan holda buyraklar orqali chiqarilishi ahamiyatsiz bo‘lgani uchun, buyrak yetishmovchiligi bo‘lgan bemorlarda bir martalik doza tuzatishni talab qilmaydi. Biroq, takroriy buyurishda qabul qilish tezligini buyrak funksiyasi buzilishining og‘irligiga qarab kuniga 1-2 martagacha kamaytirish, shuningdek doza kamaytirilishi mumkin.