Quyidagi preparatlar bilan o‘zaro ta’sir QT intervalining uzayish xavfini oshirishi mumkin.

Qo‘llash mumkin bo‘lmagan kombinatsiyalar, QT intervalini uzaytiruvchi preparatlar: IA sinf antiaritmik preparatlar (masalan, dizopiramid, gidroxinidin, xinin), III sinf antiaritmik preparatlar (masalan, amiodaron, dofetilid, dronedaron, ibutilid, sotalol), antipsixotik vositalar (masalan, galoperidol, pimozid, sertindol), antidepressantlar (masalan, tsitalopram, estsitalopram), antibiotiklar (eritromitsin, levofloksasin, moksifloksasin, spiramisin), zamburug‘larga qarshi preparatlar (masalan, pentamidin), bezgakka qarshi preparatlar (xususan, galofantirin, lumefantirin), me’da-ichak preparatlari (masalan, tsizaprid, dolasetron, prukaloprid), antigistamin preparatlar (masalan, mexitazin, mizolastin), o‘sma kasalliklariga qarshi preparatlar (masalan, toremifen, vandetanib, vinkamin), boshqa preparatlar (masalan, bepridil, difemanila metilsulfat, metadon), kuchli CYP3A4 ingibitorlari (proteaza ingibitorlari, azol qatori zamburug‘larga qarshi vositalar, ayrim makrolid guruhi antibiotiklari (eritromitsin, klaritromitsin, telitromitsin).

Tavsiya etilmaydigan kombinatsiyalar: o‘rtacha CYP3A4 ingibitorlari (diltiazem, verapamil, ayrim makrolid guruhi antibiotiklari). Ehtiyotkorlik bilan qo‘llash tavsiya etiladigan kombinatsiyalar: bradikardiya va gipokaliemiyani chaqiruvchi preparatlar, shuningdek, azitromitsin va roksitromitsin.

Tsimetidin, natriy gidrokarbonat, boshqa antatsid va antisekretor preparatlar domperidonning biologik mavjudligini kamaytiradi.

Domperidonning plazmadagi konsentratsiyasini oshiradi: azol qatori zamburug‘larga qarshi vositalar, makrolid guruhi antibiotiklari, OITS proteaza ingibitorlari, nefazodon.

Domperidon antipsixotik dori vositalari (neyroleptiklar), dopaminergik retseptor agonistlari (bromokriptin, levodopa) bilan birga qo‘llanishi mumkin.

Paratsetamol va digoksin bilan bir vaqtda qo‘llanganda ushbu dori vositalarining qon zardobidagi konsentratsiyasiga ta’sir qilmaydi.

Apomorfin bilan birga qo‘llash faqat birga qo‘llashning afzalligi xavflardan ustun bo‘lsa va faqat tavsiya etilgan ehtiyot choralariga qat’iy rioya qilingan holda mumkin. 

 

Domperidon narkozdan keyingi ko‘ngil aynishi va qusishni oldini olish uchun qo‘llash tavsiya etilmaydi. Preparat bilan uzoq muddatli davolashda bemorlar doimiy ravishda shifokor nazoratida bo‘lishlari kerak.

Domperidon EKGda QT intervalining uzayishiga olib kelishi mumkin.

Postmarketing tadqiqotlar davomida domperidon qabul qilgan bemorlarda kamdan-kam hollarda QT intervalining uzayishi va «piruet» tipidagi qorinchalik taxikardiya kuzatilgan. Ushbu nojo‘ya reaksiyalar asosan xavf omillari bo‘lgan, og‘ir elektrolit buzilishlari yoki bir vaqtda QT intervalini uzaytiruvchi preparatlarni qabul qilayotgan bemorlarda qayd etilgan.

Ba’zi tadqiqotlarda domperidon qo‘llanilishi qorinchalik aritmiya yoki to‘satdan koronar o‘lim xavfini oshirishi mumkinligi ko‘rsatilgan (ayniqsa 60 yoshdan oshgan bemorlarda yoki bir martalik dozasi 30 mg dan yuqori bo‘lsa, shuningdek, bir vaqtda QT intervalini uzaytiruvchi preparatlar yoki CYP3A4 ingibitorlarini qabul qilayotgan bemorlarda).

Domperidon QT intervalini uzaytiruvchi dori vositalari bilan birga (apomorfin bundan mustasno) qo‘llash mumkin emas. Apomorfin bilan birga qo‘llash faqat domperidon va apomorfin birga qo‘llashning foydasi xavflardan ustun bo‘lsa va apomorfin tibbiy qo‘llanma yo‘riqnomasida ko‘rsatilgan ehtiyot choralariga qat’iy rioya qilinganda mumkin.

Domperidon va boshqa QT intervalini uzaytiruvchi preparatlarni og‘ir elektrolit buzilishlari (gipo- va giper-kaliemiya, gipomagnezemiya) bo‘lgan yoki yurak kasalliklari, masalan, surunkali yurak yetishmovchiligi bo‘lgan bemorlarda qo‘llash tavsiya etilmaydi. Bemorda elektrolit buzilishlari (gipo- va giper-kaliemiya, gipomagnezemiya) va bradikardiya bo‘lishi aritmiya rivojlanish xavfini oshirishi ko‘rsatilgan. Agar yurak ritmi buzilishi bilan bog‘liq bo‘lishi mumkin bo‘lgan har qanday simptomlar paydo bo‘lsa, domperidon qabul qilishni to‘xtatish kerak. Bunday holatda shifokorga murojaat qilish zarur.

Bir vaqtda qo‘llanganda domperidon neyroleptiklarning ta’sirini kuchaytiradi. Preparatni dopaminergik retseptor agonistlari (bromokriptin, levodopa) bilan birga qo‘llanganda domperidon ularning nojo‘ya periferik ta’sirlarini (masalan, ovqat hazm qilish buzilishi, ko‘ngil aynishi va qusish) susaytiradi, biroq ularning markaziy ta’siriga ta’sir qilmaydi.

Preparatni minimal samarali dozada qabul qilish tavsiya etiladi.

Agar dori vositasi yaroqsiz holga kelgan yoki yaroqlilik muddati tugagan bo‘lsa, uni oqova suvga yoki ko‘chaga tashlamang. Dori vositasini paketga joylashtirib, chiqindi konteyneriga tashlang. Ushbu choralar atrof-muhitni himoya qilishga yordam beradi! 
 

Homiladorlik va emizish davrida qo‘llanishi

Motonium® homiladorlik va emizish davrida qo‘llash mumkin emas.

Transport vositalarini, mexanizmlarni boshqarish qobiliyatiga ta’siri

Yon ta’sirlar rivojlanish xavfi tufayli, diqqatni jamlash va psixomotor reaksiyalar tezligini talab qiluvchi transport vositalarini boshqarish va boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.