pushti rangli qobiq bilan qoplangan tabletkalar, ikki tomonlama qavariq, dumaloq shaklda

Arepleks bemorlarga tromblar hosil bo‘lishining oldini olish va ularning paydo bo‘lish xavfini kamaytirish maqsadida buyuriladi: 

− elastik turdagi arteriyalar kasalliklarida (ateroskleroz);

miokard infarkti, ishemik insultdan so‘ng yoki periferik arteriyalar kasalliklari fonida ko‘krak qafasida kuchli og‘riqlar paydo bo‘lganda, bu nostabil stenokardiya yoki miokard infarkti (yurak xuruji) bilan bog‘liq bo‘lishi mumkin. Ushbu holatni davolash uchun shifokor oblitereatsiyalangan (to‘silgan) yoki toraygan arteriyaga stent o‘rnatishi mumkin, bu esa qon oqimini tiklashga yordam beradi. Sizning davolovchi shifokoringiz ham asetilsalitsil kislotasini (ko‘plab dori vositalarida mavjud bo‘lgan va og‘riqni yengillashtirish, haroratni pasaytirish hamda qonni ivish darajasini kamaytirish uchun qo‘llaniladigan modda) buyurishi kerak.

− klo pidogrel yoki Arepleks preparatining boshqa komponentlariga allergik reaksiya (gipersensitivlik) yuzaga kelganda;

− faol qon ketishlar bilan kechadigan holatlarda, shu jumladan me’da yarasi yoki bosh ichidagi qon quyilishlarda; jigar faoliyatining og‘ir buzilishlarida.

Agar Sizda yuqorida sanab o‘tilgan muammolardan biri mavjud deb hisoblasangiz yoki har qanday savollaringiz bo‘lsa, Arepleks preparatini qabul qilishdan oldin shifokor bilan maslahatlashing.

Arepleks preparatini shifokor ko'rsatmasi bo'yicha qabul qilinadi. Agar savollaringiz yoki shubhalaringiz bo'lsa, shifokor yoki farmatsevtga murojaat qiling.

Agar sizda ko'krak qafasida kuchli og'riqlar (barqaror bo'lmagan stenokardiya yoki miokard infarkti) kuzatilgan bo'lsa, Arepleks preparati bilan davolash 300 mg (75 mg dan 4 ta tabletka) bir martalik doza bilan boshlanishi mumkin, so'ngra 75 mg (bitta tabletka) kuniga bir marta og'iz orqali, ovqatdan qat'i nazar, lekin har kuni bir vaqtda davom ettiriladi.

Arepleks preparatini qo'llash davomiyligini davolovchi shifokor belgilaydi.

Klopidogrel xavfsizligi 42000 dan ortiq bemorda baholangan. Ushbu bemorlarning 9000 dan ortig'i preparat bilan 1 yil va undan ko'proq davolangan. Klinik ahamiyatli nojo'ya reaksiyalar nazoratli klinik tadqiqotlar (CAPRIE, CURE va CLARITY) davomida kuzatilgan. Birinchi tadqiqotda klopidogrel va faqat ASK 325 mg/kun dozada solishtirilgan. Boshqa tadqiqotlarda klopidogrel 75-325 mg/kun dozada ASK bilan birga qo'llanilgan va faqat ASK qabul qilish bilan solishtirilgan. Qon ketish klinik va postmarketing sinovlarda eng ko'p uchraydigan reaksiya bo'lib, ko'p hollarda davolashning birinchi oyida yuzaga kelgan.

Ma'lumki, CAPRIE tadqiqotida yosh, jins va irqdan qat'i nazar, klopidogrel 75 mg/kun ASK 325 mg/kun bilan solishtirganda yaxshi o'zlashtirilgan. Klopidogrel olgan bemorlarda umumiy qon ketish tezligi 9,3% ni tashkil qilgan. Katta qon ketish tezligi 1,4%, me'da-ichak qon ketishi 2,0%, shifoxonaga yotqizish 0,7% holatda talab qilingan. Ichki bosh miya qon ketishi tezligi 0,4% ni tashkil qilgan.

CURE: Plasebo + ASK qabul qilish bilan solishtirganda, klopidogrel va ASK kombinatsiyasi jiddiy qon ketish holatlari sonining sezilarli oshishi bilan bog'liq edi (3,7% ga nisbatan 2,7%, 95% DI 1,13-1,67), biroq hayot uchun xavfli yoki o'limga olib keluvchi qon ketish holatlarining statistik ahamiyatli oshishi bilan bog'liq emas edi (hodisalar tezligi: 2,2% ga nisbatan 1,8% va 0,2% ga nisbatan 0,2%). Ichki bosh miya qon ketishi tezligi 0,1% ga nisbatan 0,1%, hayot uchun xavfli bo'lmagan jiddiy qon ketish tezligi 1,6% ga nisbatan 1,0%, me'da-ichak qon ketishi 1,3% ga nisbatan 0,7% yoki arterial punktsiya sohasidagi qon ketish 0,6% ga nisbatan 0,3%, shuningdek, kichik qon ketish tezligi 5,1% ga nisbatan 2,4% ni tashkil qilgan.

Koronar shuntlash operatsiyasidan keyingi 7 kun ichida, antitrombotik terapiyani operatsiyadan 5 kundan ko'proq vaqt oldin to'xtatgan bemorlarda (4,4% ga nisbatan 5,3%) qo'shimcha jiddiy qon ketish holatlari aniqlanmagan. Shuntlash operatsiyasidan oldingi so'nggi 5 kun davomida davolashni davom ettirgan bemorlarda qon ketish tezligi 9,6% ga nisbatan 6,3% ni tashkil qilgan.

CLARITY tadqiqotida klopidogrel va ASK qabul qilganlarda plasebo va ASK qabul qilganlarga nisbatan qon ketish holatlari tezligi oshgan (17,4% ga nisbatan 12,9%). Jiddiy qon ketish holatlari tezligi esa har ikki guruhda deyarli bir xil bo'lgan (1,3% ga nisbatan 1,1%). O'limga olib keluvchi qon ketish tezligi (0,8% ga nisbatan 0,6%) va ichki bosh miya qon ketishi tezligi (0,5% ga nisbatan 0,7%) past va har ikki guruhda o'xshash bo'lgan.

Nojo'ya ta'sirlar quyida organ tizimlari klassi va uchrash tezligiga ko'ra keltirilgan. Ularning rivojlanish tezligi quyidagi mezonlarda ko'rsatilgan: juda tez-tez (≥1/10); tez-tez (≥1/100 − <1/10); kamdan-kam (≥1/1000 − <1/100); noyob (≥1/10000 − <1/1000); juda noyob (<1/10000).

Juda noyob uchrash tezligidagi nojo'ya ta'sirlar postmarketing tadqiqotlar davomida kuzatilgan; yuqoriroq uchrash tezligidagi nojo'ya ta'sirlar klinik tadqiqotlarda kuzatilgan.

Immun tizimi tomonidan buzilishlar: juda noyob − anafilaktik reaksiyalar, zardob kasalligi, Kvinke shishi; uchrash tezligi noma'lum − boshqa tienopiridinlarga (masalan, tiklopidin, prasugrel) yuqori sezuvchanlik natijasida xoch reaksiyalar (qarang «Maxsus ko'rsatmalar» bo'limi).

Qon va limfa tizimi tomonidan buzilishlar: kamdan-kam − leykopegiya, eozinofiliya, uzoq davom etuvchi qon ketish va trombotsitlar sonining kamayishi; noyob − og'ir neytropeniya (<0,45 x 10⁹/l), trombotsitopeniya (<80x 10⁹/l); juda noyob − aplastik anemiya, agranulositoz, panstsitopeniya, og'ir trombotsitopeniya (≤30x 10⁹/l), trombotik trombotsitopenik purpura (TTP) (qarang «Maxsus ko'rsatmalar» bo'limi); uchrash tezligi noma'lum − orttirilgan gemofiliya A.

Gemostaz tomonidan buzilishlar: tez-tez − qon ketish va jiddiy me'da-ichak qon ketishi (ba'zi hollarda shifoxonaga yotqizishni talab qiluvchi), purpura, qon quyilishi va gematoma; juda noyob − terida jiddiy qon ketish holatlari (purpura), mushak va bo'g'imlarda qon ketish (gemartroz, gematoma), ko'z qon ketishi (kon'yunktival, ko'z ichidagi, retinal), burun qon ketishi, nafas yo'llari qon ketishi (gemoptiz, o'pka qon ketishi), shuningdek, gematuriya va operatsiyadan keyingi yaralardan qon ketish. Bir necha o'lim holatlari qayd etilgan (ayniqsa, ichki bosh miya, me'da-ichak va qorin orti qon ketishi natijasida).

Yurak tomonidan buzilishlar: alohida holatlar − Kounis sindromi (vazospastik allergik stenokardiya yoki allergik miokard infarkti) klopidogrelga yuqori sezuvchanlik reaksiyasi fonida.

Markaziy va periferik asab tizimi tomonidan buzilishlar: kamdan-kam − bosh og'rig'i, uyquchanlik va paresteziya; noyob – bosh aylanishi; juda noyob − ta'm bilish buzilishi.

Psixika tomonidan buzilishlar: juda noyob − ongning chalkashishi, gallyutsinatsiyalar.

Tomir tizimi tomonidan buzilishlar: juda noyob − vaskulit, gipotenziya.

Nafas tizimi tomonidan buzilishlar: juda noyob − bronxospazm, interstitsial pnevmonit, eozinofilik pnevmoniya.

Me'da-ichak trakti tomonidan buzilishlar: tez-tez − dispepsiya, qorin og'rig'i va diareya; kamdan-kam − ko'ngil aynishi, gastrit, meteorizm, qabziyat, qusish, me'da yoki o'n ikki barmoqli ichak yara kasalligi; juda noyob − kolit, pankreatit, stomatit.

Jigar va o't yo'llari tomonidan buzilishlar: juda noyob − gepatit, o'tkir jigar yetishmovchiligi.

Teri va teri osti to'qimalari tomonidan buzilishlar: tez-tez − teri toshmasi; kamdan-kam – qichishish; juda noyob − bulozli toshma (multiform eritema, Stivens-Djonson sindromi, toksik epidermal nekroliz), o'tkir generalizatsiyalashgan ekzantematoz pustulez (OGEP), eritematoz toshma, terining qobiklanishi, makulyoz toshma, eshakemi, dori toshmasi eozinofiliya va tizimli namoyonlar bilan (DRESS-sindrom) yoki dori allergik yuqori sezuvchanlik sindromi (SLG), toshma, qizil yassi temiratki.

Tayoq-harakat va biriktiruvchi to'qima tomonidan buzilishlar: juda noyob − artralgiya, artrit, mialgiya.

Buyrak va siydik chiqarish tizimi tomonidan buzilishlar: juda noyob − glomerulonefrit, qonda kreatinin darajasining oshishi.

Reproduktiv organlar va sut bezlari tomonidan buzilishlar: noyob − ginekomastiya.

Umumiy buzilishlar va yuborish joyidagi buzilishlar: juda noyob − isitma.

Arepleks umumiy nomi «antiagregantlar» bo'lgan preparatlar guruhiga kiradi. Trombotsitlar – bu mikroskopik qon plastinkalari bo'lib, qizil (eritrotsitlar) yoki oq (leykotsitlar) qon hujayralariga nisbatan kichikroq, ular qon ivish jarayonida bir-biriga yopishadi. Hujayralarning yopishishini oldini olib, antiagregant preparatlar tromb hosil bo'lishi ehtimolini kamaytiradi (bu jarayon tromboz deb ataladi).

Arepleks aterosklerotik qon tomir (arteriya) zararlanishida, ya'ni aterosklerozda tromboz (tromb hosil bo'lishi)ning oldini olish uchun qo'llaniladi, bu esa unga bog'liq o'tkir holatlarning (masalan, insult, miokard infarkti yoki o'lim) yuzaga kelishiga olib kelishi mumkin.

Turli dori vositalari Arepleks preparati bilan birga qo‘llanilganda uning ta’sirini kuchaytirishi yoki zaiflashtirishi mumkin.

Hozirda (yoki yaqinda) qabul qilgan dori vositalari, shu jumladan retseptsiz beriladigan dori vositalari haqida davolovchi shifokor yoki farmatsevtga xabar berish lozim.

Arepleks preparatini peroral trombolitik dori vositalari (qonni ivish darajasini kamaytirish uchun qo‘llaniladigan preparatlar) bilan bir vaqtda qo‘llash tavsiya etilmaydi.

Siz qabul qilayotgan nosteroid yallig‘lanishga qarshi preparatlar (odatda og‘riqni va/yoki mushak yoki bo‘g‘imlardagi yallig‘lanishli shikastlanishlarni bartaraf etish uchun qo‘llaniladi), shuningdek, geparin yoki qonni ivish darajasini kamaytirish uchun qo‘llaniladigan boshqa har qanday preparat, yoki me’da kasalliklarida qo‘llaniladigan proton nasosi ingibitori (masalan, omeprazol) haqida davolovchi shifokorga albatta xabar berish kerak.

Ko‘krak qafasida kuchli og‘riqlar (nostabil stenokardiya yoki miokard infarkti) bo‘lgan bemorlarga Arepleks preparati asetilsalitsil kislotasi bilan birga buyurilishi mumkin – bu ko‘plab dori vositalarida mavjud bo‘lib, og‘riqni yengillashtirish va haroratni pasaytirish uchun ishlatiladi. Asetilsalitsil kislotasini vaqti-vaqti bilan (24 soat davomida 1000 mg dan oshmagan miqdorda) qabul qilish odatda doza tuzatishni talab qilmaydi, biroq asetilsalitsil kislotasini uzoq muddat qabul qilishni davolovchi shifokor bilan kelishish zarur.

Arepleks preparatini tavsiya etilganidan ko‘proq dozada qo‘llash qon ketish xavfi oshishi sababli davolovchi shifokor yoki yaqin atrofdagi tez yordam bo‘limi shifokori bilan kelishilgan holda amalga oshirilishi lozim.