bakterial infeksiyalar, bronxit; pnevmoniya; dizenteriya; salmonellyoz; salmonellani uzoq muddat tashuvchilik; xolesistit; koklyush; pielonefrit; uretrit; endokardit; teri va yumshoq to‘qimalar infeksiyalari; ginekologik infeksiyalar; quloq, tomoq, burun infeksiyalari; odontogen infeksiyalar; meningit; sepsis va preparatga sezgir mikroorganizmlar chaqirgan boshqa infeksiyalar.

Mutlaq: penisillin qatoridagi antibiotiklarga yuqori sezuvchanlik. Jigar faoliyatining og‘ir buzilishlari. Miasteniya. 1 yoshgacha bo‘lgan bolalar yoshi. Preparatga sezgir bo‘lmagan shtammlar, ayniqsa, psedomonadalar va stafilokokklar chaqirgan infeksion kasalliklar. Nisbiy: tsefalosporinlarga yuqori sezuvchanlik, anamnezda allergiya, bronxial astma, pichan tumovi yoki eshakemi mavjudligi, infeksion mononukleoz, limfoleykozda ikkilamchi infeksiyalar, laktatsiya davri, homiladorlik.

O'rtacha og'irlikdagi infeksiyalarda kattalar uchun sutkalik doza 2-3 g, og'ir infeksiyalarda - 10 g, meningitda - 14 g ni tashkil etadi. Bolalarga preparat sutkalik dozada 50-100 mg/kg buyuriladi. 1 yoshgacha bo'lgan bolalar uchun bu 0,25-0,75 g/sutka, 1 yoshdan 6 yoshgacha - 0,75-1,5 g/sutka, 6 yoshdan 15 yoshgacha - 1,5-2 g/sutka. Sutkalik doza 2-4 qabulga bo'linadi, meningitda esa 6-8 qabulga. Istisno gonokokkli uretrit bo'lib, bunda 3,5 g bir martalik ichga qabul qilinadi. Preparat ovqatdan 0,5-1 soat oldin qabul qilinadi. Davolash kursining davomiyligi odatda 5-10 kun, o'tkir pielonefritda 2-3 hafta, surunkali pielonefritda - 6 oydan ko'proqni tashkil etadi.

Allergik reaksiyalar (toshma, eritema, Kvinke shishi, rinit, kon'yunktivit; kamdan-kam hollarda - isitma, bo'g'imlarda og'riq, eozinofiliya; juda kam hollarda - anafilaktik shok). Markaziy asab tizimiga toksik ta'sir bo'lishi mumkin (buyrak yetishmovchiligi bo'lgan bemorlarda yuqori dozalarda qo'llanganda), dispeptik holatlar (diareya, ko'ngil aynishi, qusish), kandidoz, ichak disbakteriozi.

Ampitsillin - yarim sintetik penisillinlar guruhiga mansub keng ta’sir doirasiga ega antibiotik. Bakteritsid ta’sir ko‘rsatadi, mikroorganizmlarning hujayra devori sintezini bostiradi. Penisillinaza ta’sirida parchalanadi. Kislotaga chidamli. Quyidagi mikroorganizmlar preparatga doimiy sezgir: Streptococci A, B, C, F, G, Str. pneumoniae, penisillinaza ishlab chiqarmaydigan; L. monocytogernes, Corynebacterium diphtheriae, Erysipelotrix rhusopatiae, Eikenelia, N. meningitidis, Bordetella pertussis, Clostridium spp., Propioniobacterium acnes, Peptostreptococcus spp., Actinomyces spp., Leptospira spp., Treponema; doimiy sezgir emas: Enterococcus faecalis, E. Coli, Proteus mirabilis, Salmonella spp., Vibrio cholerae, H. Influenzae, N. gonorrhoeae, Fusobacterium spp., Prevotella. Preparatga chidamli: Staphylococcus spp., B. catarrhalis, Klebsiella spp., Enterobacter spp., C. diversus, C. freundii, Proteus vulgaris, Providencia rettgeri, Morganella motanii, Y. enterocolitica, Pseudomonas spp., Acinetabacter spp., Xanthomonas spp., Flavobacterium spp., Alcaligenes spp., Nocardia spp., Campylobacter spp., Legionella pneumophila, Mycobacterium spp., Bacteroides spp., Mycoplasma spp., Chlamydia spp. Farmakokinetika Preparat oshqozonning kislotali muhitida parchalanmaydi, og‘iz orqali qabul qilinganda qonga yaxshi so‘riladi. Plazmadagi eng yuqori konsentratsiyaga taxminan 1,5-2 soatdan keyin erishiladi. Tana to‘qimalari va suyuqliklariga o‘tadi, terapevtik konsentratsiyalarda plevra, peritoneal va sinovial suyuqliklarda, o‘t suyuqligida aniqlanadi. Preparat platsentar to‘siqdan o‘tadi, ona sutiga ajraladi. Yarim chiqarilish davri taxminan 1 soat, anuriyada 12-20 soatgacha uzayadi. Asosan buyraklar orqali chiqariladi, siydikda juda yuqori antibiotik konsentratsiyasi hosil bo‘ladi. Preparat takroran yuborilganda kumulyatsiyalanmaydi, bu uni katta dozalarda va uzoq muddat qo‘llash imkonini beradi.

Alergik reaksiyalar yuzaga kelgan taqdirda preparatni qabul qilishni to‘xtatish va desensibilizatsion terapiya o‘tkazish zarur. Preparatni sepsis bilan kasallangan bemorlarda qo‘llashda bakterioliz reaksiyasi (Yarish-Gerkshaymer reaksiyasi) yuzaga kelishi mumkin. Zaiflashgan bemorlarda uzoq muddatli davolashda preparatga chidamli mikroorganizmlar (xamirturushga o‘xshash zamburug‘lar, grammanfiy mikroorganizmlar) sababli superinfeksiya rivojlanishi mumkin. Bunday bemorlarga preparat bilan davolashda B guruhi vitaminlari va S vitaminini buyurish, zarur hollarda nistatin yoki levorin berish maqsadga muvofiq. Bronxial astma, pichan isitmasi va boshqa allergik kasalliklarda zarur hollarda preparat desensibilizatsion vositalar bilan bir vaqtda qo‘llanadi. Buyrak, jigar funksiyasi va qon manzarasini tizimli nazorat qilish zarur. Buyrak yetishmovchiligi bo‘lgan bemorlarga preparatni buyurishda ehtiyotkorlikka rioya qilish lozim. Preparatni bolalar uchun yaroqsiz joyda saqlash va yaroqlilik muddati tugaganidan keyin ishlatmaslik kerak. Homiladorlik va laktatsiya davri Preparat homilador va emizikli ayollarga ehtiyotkorlik bilan buyuriladi.