1 tabletkada quyidagilar mavjud Faol modda: amlodipin besilati 13,90 mg yoki 6,95 mg (amlodipinga qayta hisoblaganda 10 mg yoki 5 mg); Yordamchi moddalari: Amlonon 10 mg tabletkasi – laktoza monogidrat, kartoshka kraxmal, krosprovidon, kopovidon, kremniy dioksid kolloid anhidrid, magniy stearat; Amlonon 5 mg tabletkasi – laktoza monogidrat, makkajo'xori kraxmal, natriy kroskarmeloza, povidon, kremniy dioksid kolloid anhidrid, magniy stearat.

• – Arterial gipertenziya. • – Surunkali barqaror stenokardiya. • – Vazospastik stenokardiya (Prinsmetal stenokardiyasi).

• - Digidropiridinlarga, amlodipingа yoki preparatning boshqa har qanday komponentiga ma'lum yuqori sezuvchanlik. • - Og'ir darajadagi arterial gipotenziya. • - Shok (shu jumladan, kardiogen shok). • - Chap qorincha chiqaruvchi yo'lining obstruksiyasi (masalan, og'ir darajadagi aorta stenoz). • - O'tkir miokard infarktusidan keyingi gemodinamik jihatdan beqaror yurak yetishmovchiligi. • - 6 yoshgacha bo'lgan bolalar yoshi.

Kattalar. Arterial gipertenziya va stenokardiyani davolash uchun AmloNon preparatining odatdagi boshlang‘ich dozasi 5 mg amlodipin kuniga 1 marta. Bemorning terapiyaga javobiga qarab, doza maksimal doza bo‘lgan 10 mg kuniga 1 marta gacha oshirilishi mumkin. Stenokardiyali bemorlarga preparatni monoterapiya sifatida yoki boshqa antianginal dori vositalari bilan, nitratlarga va/yoki adekvat dozalardagi beta-blokatorlarga rezistentlikda, birga qo‘llash mumkin. Preparatni arterial gipertenziya bo‘lgan bemorlarga tiazid diuretiklari, alfa-blokatorlar, beta-blokatorlar yoki angiotenzin aylantiruvchi ferment (AAF) ingibitorlari bilan birga qo‘llash tajribasi mavjud. Tiazid diuretiklari, beta-blokatorlar va angiotenzin aylantiruvchi ferment ingibitorlari bilan birga qo‘llanganda doza tanlash zarurati yo‘q. 6 yoshdan boshlab arterial gipertenziyali bolalar. Ushbu toifadagi bemorlar uchun AmloNon preparatining tavsiya etilgan boshlang‘ich dozasi 2,5 mg kuniga 1 marta. Agar kerakli arterial bosim darajasi 4 hafta davomida erishilmasa, doza 5 mg kuniga oshirilishi mumkin. Ushbu toifadagi bemorlarda 5 mg dan yuqori dozada preparat qo‘llanilishi o‘rganilmagan. Keksalar. Ushbu toifadagi bemorlar uchun doza tanlash zarurati yo‘q. Dozani oshirish ehtiyotkorlik bilan amalga oshirilishi kerak. Buyrak faoliyati buzilgan bemorlar. Preparatning odatdagi dozalarini qo‘llash tavsiya etiladi, chunki amlodipinning qon plazmasidagi konsentratsiyasi buyrak yetishmovchiligi og‘irlik darajasi bilan bog‘liq emas. Amlodipin dializ yo‘li bilan chiqarilmaydi. Jigar yetishmovchiligi bo‘lgan bemorlar. Yengil va o‘rtacha darajadagi jigar yetishmovchiligi bo‘lgan bemorlarga preparatni qo‘llash uchun dozalari aniqlanmagan, shuning uchun doza tanlash ehtiyotkorlik bilan amalga oshirilishi va eng kichik dozadan boshlanishi kerak.

Qon va limfa tizimi tomonidan. Trombositopeniya, leykoitopeniya. Immun tizimi tomonidan. Allergik reaksiyalar. Metabolizm va ovqatlanish buzilishlari. Giperglikemiya. Psixika tomonidan. Uyqusizlik, kayfiyat o'zgarishi (shu jumladan tashvish), depressiya, ongning chalkashligi. Nerv tizimi tomonidan. Uyquchanlik, bosh aylanishi, bosh og'rig'i (asosan davolash boshida), charchoq, asteniya, tutqanoq, terlashning kuchayishi, tremor, disgevziya, sinkope, gipesteziya, paresteziya, gipertonus, periferik neyropatiya. Ko'rish organlari tomonidan. Ko'rish buzilishi (shu jumladan diplopiya), ko'z yoshlanishi. Eshitish va labirint organlari tomonidan. Quloqda shovqin. Yurak tomonidan. Yurak urishining kuchayishi, nafas qisishi, ko'krakda og'riq. Boshqa kalsiy antagonistlarini qabul qilish davrida bo'lgani kabi, asosiy kasallikning tabiiy kechishining oqibatlaridan ajratib bo'lmaydigan, miokard infarkti, aritmiya (shu jumladan bradikardiya, qorinchalar taxikardiyasi va bo'lmachalar fibrillyatsiyasi), shuningdek, ko'krak orqasidagi og'riq kabi ayrim nojo'ya hodisalar tasvirlangan. Tomirlar tomonidan. Yuzning qizarishi, issiq bosilishlar, arterial gipotenziya, vaskulit, periferik shishlar. Nafas olish, ko'krak va mediastinal buzilishlar. Dispnoe, rinit, yo'tal. Ovqat hazm qilish tizimi tomonidan. Ko'ngil aynishi, qusish, qorin og'rig'i, dispepsiya, epigastral sohada noqulaylik, og'iz qurishi, ichak peristaltikasining buzilishi (shu jumladan qabziyat, diareya va meteorizm), pankreatit, gastrit, milk giperplaziyasi. Gepatobiliar tizimi tomonidan. Gepatitlar, sariqlik, jigar fermentlari darajasining oshishi (bu ko'pincha xolestaz bilan bog'liq bo'lgan). Teri va teri osti to'qimalari tomonidan. Angionevrotik shish (Kvinke shishi), toshma, qichishish, ko'p shaklli eritema, eshakemi, alopesiya, purpura, teri rangining o'zgarishi, issiqlik hissi, terlashning kuchayishi, fotosensitivlik, eksfoliativ dermatit, Stivens-Djonson sindromi. Skelet-mushak va biriktiruvchi to'qimalar tomonidan. Boldirlarning shishishi, artralgiya, mialgiya, mushaklarda tutqanoq, orqa og'rig'i. Buyrak va siydik chiqarish tizimi tomonidan. Sutkalik diurezning biroz oshishi, nokturiya, siydik chiqarishning buzilishi, siydik chiqarish chastotasining oshishi. Reproduktiv tizim va sut bezlari tomonidan. Ginekomastiya, jinsiy disfunktsiya. Umumiy buzilishlar va yuborish joyidagi holatlar. Shish, charchoq, og'riq, holsizlik, tana vaznining oshishi yoki kamayishi. Preparat bekor qilingandan so'ng nojo'ya ta'sirlar odatda to'liq yo'qoladi. Ekstrapiramidal sindrom rivojlanishining alohida holatlari haqida xabar berilgan.

Amlodipin – kalsiy antagonistlari (digidropiridin hosilasi) bo'lib, u kalsiy ionlarining miokard va silliq mushak hujayralariga kirishini bloklaydi. Amlodipinning gipotenziyalik ta'sir mexanizmi to'g'ridan-to'g'ri qon tomirlarning silliq mushaklariga bo'lgan bo'shashtiruvchi ta'siri bilan bog'liq. Amlodipinning antianginal ta'sirining aniq mexanizmi yetarlicha o'rganilmagan, biroq quyida ko'rsatilgan ta'sirlar muayyan rol o'ynaydi. Amlodipin periferik arteriolalarni kengaytiradi va shu tariqa periferik qarshilikni (postnagruzka) kamaytiradi. Yurak ritmi barqaror bo'lib qolganligi sababli, yurakka tushadigan yukning kamayishi energiya sarfi va miokardning kislorodga bo'lgan ehtiyojining kamayishiga olib keladi. Asosiy koronar arteriyalar va koronar arteriolalarning (normal va ishemiyalangan) kengayishi, ehtimol, amlodipinning ta'sir mexanizmida ham rol o'ynaydi. Bunday kengayish koronar arteriya spazmi bo'lgan bemorlarda (Prinsmetal stenokardiyasi yoki variant stenokardiya) miokardning kislorod bilan to'yinishini oshiradi. Arterial gipertenziyali bemorlarda preparatni kuniga 1 marta qo'llash yotgan va tik turgan holatda 24 soat davomida arterial bosimning klinik ahamiyatli pasayishini ta'minlaydi. Amlodipinning ta'siri sekin boshlanadiganligi sababli, odatda o'tkir arterial gipotenziya kuzatilmaydi. Stenokardiyali bemorlarda preparatning bir kunlik dozasi jismoniy yuklama umumiy vaqtini, stenokardiya boshlanishigacha bo'lgan vaqtni va ST segmentining 1 mm depressiyasigacha bo'lgan vaqtni oshiradi. Preparat stenokardiya xurujlari chastotasini kamaytiradi va nitroglitserin qo'llash zaruratini kamaytiradi. Amlodipin har qanday nojo'ya metabolik ta'sirlar yoki qon plazmasida lipidlar darajasining o'zgarishi bilan bog'liq emas va astma, qandli diabet va podagra bilan kasallangan bemorlarga qo'llanilishi mumkin.