Uyqu buzilishlari, uyqusizlik.

Preparatga yuqori sezuvchanlik; yopiq burchakli glaukoma; siyishning qiyinlashuvi (uretra yoki prostata bezining kasalliklari); emizish davri, 15 yoshgacha bo‘lgan bolalar yoshi.

Kattalar va 15 yoshdan katta bolalar uchun boshlang‘ich doza – ½ tabletka (7,5 mg) taxminan uxlashdan 15-30 daqiqa oldin qabul qilinadi. Bemorning individual reaksiyasiga qarab doza 1-1,5-2 tabletkagacha (15 mg-22,5 mg-30 mg) oshirilishi mumkin. Boshlang‘ich davolash kursi – 2-5 kun. Agar uyqu buzilishlari davom etsa, shifokor maslahati zarur. Davolash kursining maksimal davomiyligi – 2 oygacha.

Ertalabki uyquchanlik (dozani kamaytirish kerak), bosh aylanishi, og‘iz qurishi, akkomodatsiya buzilishi; kamdan-kam hollarda – qabziyat, siyishning ushlanishi. Allergik reaksiyalar rivojlanishi mumkin.

Uyqu keltiruvchi va sedativ vositalar.

Markaziy asab tizimiga barbituratlar, benzodiazepinlar, klonidin, opioid analgetiklar, neyroleptiklar, etanolning tormozlovchi taʼsirini kuchaytirishi mumkin. Antidepressantlar (selektiv MAO ingibitorlaridan tashqari), markaziy taʼsirga ega yoʻtalga qarshi preparatlar, trankvilizatorlar doksilaminning sedativ taʼsirini sezilarli darajada kuchaytirishi mumkin. Atropin va atropinga oʻxshash vositalar, imipramin, xolinolitik taʼsirga ega antiparkinson preparatlari, dizopiramid, fenotiazin qatoridagi neyroleptiklar, spazmolitiklar bilan bir vaqtda qoʻllanganda antixolinergik nojoʻya taʼsirlar (ogʻiz qurishi, siyishning ushlanishi, qabziyat) rivojlanish ehtimoli oshadi.

Homiladorlik yoki emizish davrida qoʻllanishi. Doksilamin teratogen va fetogen taʼsir koʻrsatmaydi, biroq homiladorlik davrida uni qoʻllash masalasini shifokor bilan kelishish lozim. Doksilamin oz miqdorda ona sutiga oʻtishi mumkin, shuning uchun emizish davrida preparatni qabul qilishdan saqlanish kerak. Avtotransport boshqarish yoki boshqa mexanizmlar bilan ishlashda reaksiya tezligiga taʼsir qilish qobiliyati. Sonmil psixomotor reaksiyalar tezligiga taʼsir qilishi mumkin, bu haydovchilar va murakkab mexanizmlar bilan ishlovchi shaxslar uchun hisobga olinishi lozim. Bolalar. 15 yoshgacha boʻlgan bolalarda preparatni qoʻllash boʻyicha maʼlumotlar yoʻq, shuning uchun ushbu toifadagi bemorlarga buyurilmaydi. Preparatni qabul qilgandan keyin uyqu davomiyligi kamida 7 soat boʻlishi kerak, kun davomida uyquchanlikni oldini olish uchun. Kechqurun preparatni qabul qilgandan soʻng ertalab keskin harakatlardan saqlanish lozim, chunki reaksiya sekinlashishi mumkin. Davolanish davrida alkogol qabul qilishdan saqlanish kerak. Preparat tarkibida laktoza mavjud, bu laktoza, glyukoza yoki galaktoza oʻzlashtirilishi buzilgan shaxslarda hisobga olinishi lozim.

Belgilari: orttirilgan kunduzgi uyquchanlik, depressiya, bezovtalik, harakatlarni muvofiqlashtirishning buzilishi, tremor, atetoz, midriaz, yuz terisining giperemiyasi, gipertermiya. Ogʻir hollarda – tutqanoq sindromi, kardiorepirator kollaps bilan koma. Davolash simptomatik, faollashtirilgan koʻmir qabul qilish; zarur boʻlsa – tutqanoqqa qarshi preparatlar buyurish, sunʼiy nafas oldirish.