organizmdagi kalsiy, vitamin D3, magniy va sink yetishmovchiligi holatlarida, to‘g‘ri ovqatlanmaslik bilan bog‘liq bo‘lsa, oziq-ovqat bilan ushbu moddalar yetarli miqdorda qabul qilinmaganda;

 -osteoporozning oldini olish uchun (menopauza, senil, steroid, idiopatik va boshqalar) va uning asoratlari (suyak sinishlari), osteoporozning har qanday maxsus terapiyasiga qo‘shimcha sifatida;

-respirator-virusli infeksiyalarning oldini olish va kompleks terapiya tarkibida, immunitetni qo‘llab-quvvatlovchi vosita sifatida.

 Har qanday ingredientga yuqori sezuvchanlik, qabziyat, o‘tkir appenditsit simptomlari, metabolik alkaloz, jigar sirrozi, dimlangan yurak yetishmovchiligi, homiladorlik davrida toksikoz, yarali kolit, divertikulyoz, kolostomiya yoki ileostomiya, surunkali diareya, gemorroy, magniy, sink va vitamin D3 ga toqat qilmaslik. 

Kombinatsiyalangan preparat, organizmda kalsiy, fosfor, magniy va sink almashinuvini tartibga soladi. Kalsiy suyak to'qimasining shakllanishi, tishlarning mineralizatsiyasi, qonni ivishi, nerv o'tkazuvchanligi va mushak qisqarishlari jarayonlarini tartibga solishda, yurak faoliyatining barqarorligini saqlashda ishtirok etadi, kalsiy yetishmovchiligini to'ldirib, suyak to'qimasining rezorbsiyasini (so'rilishini) kamaytiradi va zichligini oshiradi. Xolekalsiferol (vitamin D3) organizmda kalsiy va fosfor almashinuvini tartibga soladi, kalsiyning o'zlashtirilishini yaxshilaydi, tishlarning mineralizatsiyasi uchun zarur.

Magniy kalsiy almashinuvini tartibga solishda, suyaklarning o'sishi va mineralizatsiyasida ishtirok etadi; vitamin D3 bilan birga suyak gomestazini qo'llab-quvvatlaydi. Sink inson organizmida 80 dan ortiq fermentlarning tarkibiy qismi bo'lib, eritrotsitlar va boshqa qon elementlarini hosil bo'lishi uchun zarur. Ko'rish jarayonining fotokimyoviy reaksiyalarida, ichki sekretsiya bezlari faoliyatida ishtirok etadi.

 Xolekalsiferol faolligi uni fenitoin yoki barbituratlar bilan bir vaqtda qo‘llanganda kamayishi mumkin.

Yurak glikozidlari bilan bir vaqtda davolashda EKG va klinik holatni nazorat qilish zarur, chunki kalsiy preparatlari yurak glikozidlarining terapevtik va toksik ta’sirini kuchaytirishi mumkin.

Kalsiy va xolekalsiferol preparatlari me’da-ichak traktidan tetratsiklinlarning so‘rilishini oshirishi mumkin. Shuning uchun preparatlarni qabul qilish orasidagi vaqt kamida 3 soat bo‘lishi kerak. Bifosfonat yoki natriy ftorid preparatlarining so‘rilishini kamaytirishni oldini olish uchun Sirikalni ularni qabul qilgandan kamida ikki soatdan keyin qabul qilish tavsiya etiladi. GKSlari so‘rilishni kamaytiradi, shuning uchun GKS bilan davolashda preparat dozasini oshirish talab qilinishi mumkin.

Kolestiramin preparatlari yoki mineral yoki o‘simlik yog‘i asosidagi ich ketkazuvchi vositalar bilan bir vaqtda davolashda xolekalsiferolning so‘rilishi kamayishi mumkin.

Tiazid diuretiklari bilan bir vaqtda qo‘llanganda giperkalsemiya rivojlanish xavfi oshadi, chunki ular kalsiyning kanalchalar orqali reabsorbtsiyasini oshiradi. Furosemid va boshqa “halqali” diuretiklar esa, aksincha, kalsiyning buyraklar orqali chiqarilishini oshiradi.

Sirikalni temir preparatlari bilan bir vaqtda qabul qilish tavsiya etilmaydi. Foliy kislotasi bir vaqtda qo‘llanganda ichakda sinkning so‘rilishini biroz kamaytiradi, bundan tashqari, sinkning so‘rilishi xelatlovchi vositalar, jumladan temir preparatlari va penitsillamin bilan qo‘llanganda kamayadi. 

 Uzoq muddatli davolashda qonda kalsiy va kreatinin miqdorini nazorat qilish kerak. Giperkalsemiya yoki buyrak funksiyasi buzilishi belgilari bo‘lsa, doza kamaytirilishi yoki davolash to‘xtatilishi kerak.

D3 vitamini buyrak yetishmovchiligi bo‘lgan bemorlarga ehtiyotkorlik bilan qabul qilinishi kerak. Bunday hollarda qonda kalsiy va fosfatlar miqdorini nazorat qilish zarur.

Kalsiy va D3 vitamini osteoporozli immobilizatsiyalangan bemorlarda giperkalsemiya rivojlanish xavfi tufayli ehtiyotkorlik bilan qo‘llanilishi kerak.

D3 vitamini sarkoidozli bemorlarga ehtiyotkorlik bilan qabul qilinishi kerak, chunki ularda D3 vitamini metabolizmi patologiyasi mavjud va giperkalsemiya, buyrak toshlari va buyrak yetishmovchiligi rivojlanishi mumkin. Bunday bemorlarda qonda va siydikda kalsiy miqdori muntazam tekshirilishi kerak.

Homilador ayollarda ushbu kombinatsiyani qo‘llash bo‘yicha ma’lumotlar yo‘q, shuning uchun ushbu guruh bemorlarga preparatni ehtiyotkorlik bilan qo‘llash tavsiya etiladi. 

 Anoreksiya, chanqoqlik, poliuriya, mushak zaifligi, ko‘ngil aynishi, qusish, qabziyat, qorin og‘rig‘i, charchoqlik, suyaklarda og‘riq, psixik buzilishlar, nefrokaltsinoz, siydik-tosh kasalligi va og‘ir hollarda yurak aritmiyalari. Doimiy ravishda ortiqcha dozalarda (2500 mg kalsiydan ortiq) qo‘llanilganda – buyrak shikastlanishi, yumshoq to‘qimalarda kaltsinoz.

Doza oshib ketish belgilari aniqlanganda preparat, shuningdek, tiazid diuretiklari va yurak glikozidlarini qabul qilishni to‘xtatish zarur.