5 g granul tarkibida faol moddalar: kalsiy-magnit fitat – 125 mg; kalsiy glyukonat – 375 mg; vitamin D2 – 3000 ME. yordamchi moddalar saxaroza, vanilin.

Raxitning oldini olish va davolash, kalsiy almashinuvi buzilishlari, osteopatiya, spazmofiliya, suyak hosil bo‘lish jarayonlari buzilishi va tishlarning chiqishi kechikishi, organizmning intensiv rivojlanish davrida o‘sishning kechikishi bilan kechadigan holatlar; • Turli kelib chiqishli osteoporozning oldini olish; • D vitamini va kalsiyga ehtiyoj oshadigan holatlar - emizikli va/yoki havoda kam bo‘ladigan bolalar; - D vitamini yetishmovchiligi bo‘lgan sun’iy oziqlantiriladigan bolalar; - malabsorbsiya sindromi, surunkali diareya, gastrektomiya; - asab tizimi zaiflashuvi; - steatorreya; - gormonal terapiya, antikonvulsantlar, immunodepressantlar, alyuminiy saqlovchi antatsidlar, diuretiklar qabul qilayotgan bemorlar.

D-Kaltsin peroral qo‘llaniladi. Osteoporozning oldini olish – kuniga 1000-2000 ME (¼-½ o‘lchovli stakancha). Raxit va osteomalatsiyaning oldini olish – kuniga 400 ME (1 qahva qoshiq). D vitamini yetishmovchiligi, raxit va osteomalatsiyani davolash uchun - kattalarda sutkalik doza 1000-2000 ME (¼-½ o‘lchovli stakancha); - bolalarda sutkalik doza 1000-4000 ME (¼-1 o‘lchovli stakancha). Davolash bir necha oy davom etishi kerak. Davolash kursi tugagach, zarur bo‘lsa, kattalar va bolalar uchun D vitamini profilaktik dozasi (400 ME) qabul qilishga o‘tiladi. Uzoq muddat antikonvulsantlar qabul qilgan bemorlarda kuzatiladigan osteomalatsiyani davolash uchun - kattalarda sutkalik doza 1000-4000 ME (¼-1 o‘lchovli stakancha); - bolalarda sutkalik doza 1000 ME (¼ o‘lchovli stakancha). D vitamini ta’siriga sezuvchanlik o‘zgarishi mumkinligi sababli, dozalash klinik javobga muvofiq tartibga solinishi kerak. Umumiy qoidaga ko‘ra, Ca × P (mg/dl) zardobda 58 dan oshmasligi kerak.

Odatda yaxshi o‘zlashtiriladi. Uzoq muddat qo‘llanilganda giperkalsemiya yuzaga kelishi mumkin.

D-Kaltsin – minerallar kompleksi va vitamin D2, kalsiy-fosfor almashinuvining regulyatori. Kalsiy-magniy fitat (fitin) – fosforning murakkab organik birikmasi bo‘lib, kalsiy va magniy tuzlari aralashmasini o‘z ichiga oladi. Suyak to‘qimasining o‘sishi va rivojlanishini kuchaytiradi. Fosfor – oqsillar, nuklein kislotalar, suyak to‘qimasi tarkibiga kiruvchi eng muhim element. Fosfor birikmalari energiya almashinuvida ishtirok etadi (adenozin trifosfat va kreatinfosfat energiya akkumulyatorlari hisoblanadi), ularning o‘zgarishlari mushak va aqliy faoliyat, organizmning hayotiy faoliyati bilan bog‘liq. Fosfor yurak va buyrak faoliyatiga ta’sir qiladi. Preparat tarkibiga kiruvchi kalsiy glyukonat organizmdagi kalsiy yetishmovchiligini to‘ldiradi. Kalsiy suyak to‘qimasining asosini tashkil etadi, bir qator muhim fermentlar faoliyatini faollashtiradi, organizmda ion muvozanatini saqlashda ishtirok etadi, nerv-mushak va yurak-qon tomir tizimlarida kechadigan jarayonlarga ta’sir qiladi. Vitamin D2 organizmda Ca2+ va fosfor almashinuvini tartibga soladi. Uning faol metabolitlari (xususan, kaltsitriol) hujayra membranalari orqali oson o‘tadi va nishon organlar hujayralarida maxsus retseptorlar bilan bog‘lanadi, bu esa kalsiy bog‘lovchi oqsillar sintezini faollashtirishga, ichakda Ca2+ va fosfor (ikkilamchi) so‘rilishini osonlashtirishga, buyraklarning proksimal kanallarda ularning reabsorbtsiyasini kuchaytirishga, shuningdek, suyak to‘qimasi tomonidan ularni ko‘proq ushlab qolishga va suyak to‘qimasidan ularning rezorbsiyasini oldini olishga yordam beradi.

D-Kaltsin qabul qilinayotganda vitamin D ning boshqa manbalardan qabul qilinishini hisobga olish kerak. Profilaktik qo‘llanilganda, ayniqsa bolalarda, dozani oshirib yuborish ehtimoli mavjudligini yodda tutish lozim. Yuqori dozalarda uzoq muddat qo‘llash surunkali gipervitaminoz D ga olib keladi. Buyrak yetishmovchiligidan aziyat chekayotgan shaxslarga ehtiyotkorlik bilan qo‘llash kerak. Davolash davrida siydik bilan kalsiy ajralishini va plazmadagi kalsiy hamda kreatinin konsentratsiyasini muntazam nazorat qilish zarur (agar kalsiyuriya 7,5 mmol/kun (300 mg/kun) dan oshsa, doza kamaytirilishi yoki qabul to‘xtatilishi kerak). Vitamin D ga sezuvchanlik har bir bemorda individual bo‘lib, ayrim bemorlarda hatto terapevtik dozalarda ham gipervitaminoz belgilari paydo bo‘lishi mumkinligini yodda tutish lozim. Yangi tug‘ilgan chaqaloqlarda vitamin D ga sezuvchanlik har xil bo‘lishi mumkin, ba’zilari juda past dozalarga ham sezgir bo‘lishi mumkin. Uzoq muddat vitamin D qabul qilayotgan bolalarda o‘sishning orqada qolish xavfi ortadi. D gipovitaminozining oldini olish uchun eng maqbul yo‘l muvozanatli ovqatlanishdir. Keksalikda vitamin D ga ehtiyoj oshishi mumkin, bu vitamin D ning so‘rilishi kamayishi, quyosh nurlanishi vaqtining qisqarishi, buyrak yetishmovchiligi uchrashish tezligining ortishi bilan bog‘liq. Faol tuberkulyoz va sarkoidoz shakllari bo‘lgan bemorlarga ehtiyotkorlik bilan qo‘llash kerak (granulomalarning kalsifikatsiyalanishi mumkinligi sababli). Avtotransport boshqarish va mexanizmlarni boshqarish qobiliyatiga ta’siri D-Kaltsin avtomobil boshqarish va yuqori tezlikdagi psixomotor reaksiyalarni talab qiladigan ishlarni bajarish qobiliyatiga ta’sir qilmaydi. Homiladorlik davrida vitamin D ni yuqori dozalarda qo‘llash mumkin emas, chunki dozani oshirib yuborish teratogen ta’sir ko‘rsatishi mumkin. D-Kaltsin emizikli ayollarga ehtiyotkorlik bilan buyurilishi kerak – onaning yuqori dozalarda qabul qilishi bola organizmida dozani oshirib yuborish simptomlarini keltirib chiqarishi mumkin.

Simpomlari: qabziyat, diareya, ishtahaning yo‘qolishi, og‘izda metall ta’mi, ko‘ngil aynishi, qusish, chanqoq, og‘iz qurishi, charchoq, holsizlik, yorug‘likka sezuvchanlik, aritmiya. Davolash: preparatni qabul qilishni to‘xtatish, shifokorga murojaat qilish, ko‘p miqdorda suyuqlik ichish. Zarur bo‘lsa, shifoxonaga yotqizish talab qilinishi mumkin.

Toksik ta'sirini A vitamini, tokoferol, askorbin kislotasi, pantoten kislotasi, tiamin, riboflavin susaytiradi. D vitamini gipervitaminozida yurak glikozidlarining ta'siri kuchayishi va giperkalsemiya rivojlanishi bilan bog'liq aritmiya xavfi oshishi mumkin (yurak glikozidi dozasini tuzatish maqsadga muvofiq). Barbituratlar (shu jumladan, fenobarbital), fenitoin va primidon ta'sirida ergokalsiferolga ehtiyoj sezilarli darajada oshishi mumkin (metabolizm tezligini oshiradi). Al3+ va Mg2+ saqlovchi antatsidlarni bir vaqtda uzoq muddat qo'llash ularning qon zardobidagi konsentratsiyasini va intoksikatsiya xavfini oshiradi. Kalsitonin, etidron va pamidron kislotasi hosilalari, plikamitsin, galliy nitrat va glyukokortikoid vositalar ta'sirini kamaytiradi. Fosfor saqlovchi preparatlarning so'rilishini va gipyerfosfatemiyani rivojlanish xavfini oshiradi. Natriy ftorid bilan bir vaqtda qo'llanganda qabul qilish oralig'i kamida 2 soat bo'lishi kerak; peroral tetratsiklin shakllari bilan - kamida 3 soat. Kalsiy va D vitamini saqlovchi boshqa polivitamin komplekslari bilan bir vaqtda qo'llash tavsiya etilmaydi.