GKSlarnining tashqi qo‘llanilishida o‘zaro ta’sir holatlari qayd etilmagan. GKS bilan davolash vaqtida chechakga qarshi emlash o‘tkazilmasligi kerak. Preparat immunosupressiv preparatlar ta’sirini kuchaytirishi va immunostimulyator preparatlar ta’sirini susaytirishi mumkin. 

 Psoriazda okklyuzion bog‘lam qo‘llaniladi, uni har kuni almashtirish kerak. Davolashni uzluksiz 2 haftadan ortiq davom ettirish tavsiya etilmaydi. Mahalliy qo‘llanganda buyrak usti bezlari – gipofiz tizimi faoliyatining susayishi natijasida AKGG ishlab chiqarilishi kamayishi, qonda kortizol darajasining pasayishi va Kushing sindromi paydo bo‘lishi mumkin, bu davolash to‘xtatilgandan so‘ng o‘tib ketadi. Maz qo‘llanilgan joyda infeksiya rivojlangan taqdirda mos antibakterial yoki zamburug‘larga qarshi davolashni qo‘llash kerak. Dori vositasini qovoq terisiga, ochiq yoki yopiq burchakli glaukoma, shuningdek, kataraktasi bo‘lgan shaxslarda kasallikning kuchayish xavfi tufayli qo‘llashdan saqlanish kerak. Subkutan yog‘ to‘qimalarining atrofik holatlarida, ayniqsa, keksalarda ehtiyotkorlik bilan qo‘llash kerak. Yuz terisida preparatni ehtiyotkorlik bilan va 1 haftadan ortiq bo‘lmagan muddatda qo‘llash kerak. 1 hafta davomida 1 tuba mazdan ortiq ishlatmaslik lozim. 2 yoshdan katta bolalarda preparatni kuniga 1 marta kichik teri yuzasiga surtiladi. Bolalarda yuz terisiga preparat qo‘llanilmaydi. Preparatni qo‘llash transport vositalarini boshqarish va harakatlanuvchi mexanizmlarga xizmat ko‘rsatish qobiliyatiga ta’sir qilmaydi. Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak. 

 Simptomlar: Preparat uzoq muddat davomida katta miqdorda keng teri yuzalariga qo‘llanganda tizimli ta’sir simptomlari (QK oshishi, giperglikemiya, shishlar, immunosupressiv ta’sir) rivojlanishi, og‘ir hollarda esa Kushing kasalligi rivojlanishi mumkin. Davolash: Preparatni bosqichma-bosqich bekor qilish.