1 g maz tarkibida faol modda fluotsinolon atsetonid (sinaflan) – 0,25 mg, yordamchi moddalardan propilenglikol – 49,75 mg, tseresin – 50,00 mg, lanolin – 50,00 mg, vazelin – 1,0 g gacha mavjud.

Ekzema, atopik dermatit, oddiy surunkali temiratki (chegaralangan neyrodermit), toksidermiya, oddiy allergik dermatit, seborey dermatit, teri qichishishi, eshakemi, pochesuxa, taglik toshmasi, ko‘p shaklli ekssudativ eritema, psoriaz (ekssudativ shakli); qizil yassi temiratki, diskoid qizil volchanka, kaftlarning dishidrozi, tashqi otit, I darajali kuyishlar, hasharot chaqishi.

Preparat tarkibiy qismlariga yuqori sezuvchanlik; bakterial, virusli, zamburug‘li teri kasalliklari - piodermiya, suvchechak, gerpes, aktinomikoz, blastomikoz, sporotrixoz; terining sifilis ko‘rinishlari, teri sil kasalligi, taglik toshmasi, pushti akne, keng tarqalgan psoriatik toshmalar (blyashkalar), anogenital qichishish; oyoq boldirining varikoz kengayishi bilan bog‘liq trofik yaralar, me’da-ichak yo‘lining eroziya-yara shikastlanishlari, qo‘llash sohalaridagi yaralar; teri raki, nevus, ateroma, melanoma, gemangioma, ksantoma, sarkoma; homiladorlik va laktatsiya davri, bolalar yoshi (2 yoshgacha). Qizlarda balog‘atga yetish davrida ehtiyotkorlik bilan qo‘llanadi.

Tashqi qo‘llash uchun. Oldindan antiseptik suyuqlik bilan namlangan tampon bilan artib tozalangan teriga preparatdan oz miqdorda kuniga 2-4 marta surtiladi va yengil ishqalab yuboriladi. Zaruriyat tug‘ilganda o‘tkazmaydigan bog‘lam qo‘yish mumkin, uni zararlangan yuzada 3-4 kungacha qoldirish mumkin. Bog‘lama ostiga kuniga 2 g dan ortiq preparat qo‘llash mumkin emas. Davolash davomiyligi kasallik xususiyatiga bog‘liq va odatda 5-10 kun, kasallik uzoq davom etsa 25 kungacha bo‘ladi. Mazni quruq dermatit shakllarida qo‘llash afzalroq.

Ikkinchi darajali infeksion teri shikastlanishlari va unda atrofik o‘zgarishlar rivojlanishi mumkin (kuylash, teri qichishishi, terining qurishi, steroidli akne, follikulit). Uzoq muddat qo‘llanganda – gipertixoz, alopesiya, ayniqsa ayollarda, ikkilamchi immunodefitsit (surunkali infeksion kasalliklarning kuchayishi, infeksion jarayonning umumlashuvi, opportunistik infeksiyalarning rivojlanishi); teri atrofiyasi, mahalliy girsutizm, teleangioektaziya, purpura, pigmentatsiya buzilishi. Keng yuzalarga surtilganda tizimli namoyonlar bo‘lishi mumkin (gastrit, "steroid" me’da yarasi, buyrak usti bezlari yetishmovchiligi, Itsenko-Kushing sindromi, "steroid" diabet, reparativ jarayonlarning sekinlashuvi).

Tashqi qo‘llash uchun glyukokortikosteroid. Yallig‘lanishga qarshi, allergiyaga qarshi, antiekssudativ va qichishishga qarshi ta’sirga ega. Teri yallig‘lanish reaksiyasini kamaytiradi va yo‘qotadi.

Faqat qisqa kurslarda va kichik teri sohalarida qo‘llanadi. Preparatni yuzga surtish tavsiya etilmaydi. Preparat ko‘zga tushishidan saqlaning. Bolalarda qo‘llash muddati 5 kundan oshmasligi kerak. Davolash davomida erkin kiyim kiyish tavsiya etiladi. Oddiy yoki pushti akne bo‘lgan bemorlarda davolash fonida kasallik kuchayishi mumkin. Mahalliy infeksion asoratlarning oldini olish uchun antimikrob vositalar bilan birga buyurish tavsiya etiladi.