100 мл эритма қўйидагиларни сақлайди:

фаол модда: ксилометазолин гидрохлориди – 0,10 г;

ёрдамчи моддалар: эвкалипт мойи, бензалконий хлориди (50% эритма кўринишида), натрий гидрофосфат додекагидрати, натрий дигидрофосфат дигидрати, сорбитол (70% сувли эритма кўринишида), натрий хлориди, динатрий эдетати (трилон Б), 96% этил спирти, тозаланган сув.

 

 

Ринит (тумов) кўринишлари билан кечувчи ўткир респиратор касалликлари; ўткир аллергик ринит, поллиноз, синусит, евстахиит, ўрта отит (бурун-ҳалқум шиллиқ қаватининг шишини камайтириш учун); беморни бурун йўлларидаги ташхисловчи муолажаларга тайёрлашда қўлланилади.

 

 

Риноксил® препарати қуйидаги ҳолатларда:

- ксилометазолин ва препарат таркибидаги бошқа компонентларга юқори сезувчанлик; 

- артериал гипертензия, тахикардия, яққол атеросклероз; 

- ёпиқ бурчакли глаукома;

- қуруқ ринит ёки атрофик ринит; 

- гипертиреоз;

- транссфеноидал гипофизэктомия, мия қобиқларидаги жарроҳлик аралашувлардан кейинги ҳолатлар (анамнезида); 

- ҳомиладорлик ва лактация даври; 

- 6 ёшгача бўлган болаларда қўллаш мумкин эмас.

Эҳтиёткорлик билан: қандли диабет; феохромоцитома; юрак қон-томир тизими касалликлари, III – IV функционал синфига мансуб зўриқиш стенокардияси; простата безининг гиперплазияси; МАО ингибиторлари, трициклик антидепрессантлар билан даволаниш вақтида ва уларни қўллаш якунлангандан кейинги 14 кунлик даврда; уйқусизлик, бош айланиши, аритмия, тремор, артериал қон босимнинг ошиши билан бирга кечувчи адренергик препаратларга юқори сезувчанликда эҳтиёткорлик билан қўлланилади.

 

 

Назал спрей.

Катталар ва 6 ёшдан катта болаларга - ҳар бир бурун йўлига бир мартадан суткада 3 мартагача пуркалади. Риноксил®  препаратини суткада 3 мартадан ортиқ қўллаш мумкин эмас.

Охирги аппликацияни бевосита ухлашдан олдин амалга ошириш тавсия этилади.

Препаратни бевосита қўллашдан аввал флаконни тана ҳароратигача иситиб олиш учун қўл кафтида ушлаб туриш керак. Препаратни юборишдан олдин бурунни яхшилаб тозалаш зарур. 

Назал спрейни биринчи қўллашдан олдин пуркагич бошини бир неча марта босиш орқали унинг “калибровкасини” амалга ошириш керак. Тўғри пуркаш учун пуркагични вертикал тарзда шундай ушлаш керакки, пуркагич найи юқорига қаратилган бўлиши лозим. Сўнгра шаффоф ҳимоя қалпоғини олиб, пуркагич найини бурун йўлига жойлаштириб, тез ва кескин равишда пуркагични бир марта босиш ва босилган пуркагични қўйиб юбормаган ҳолда бурун йўлидан чиқариб олиш керак. Пуркаш вақтида бурун орқали бироз ҳаво ютиш керак, бу эритманинг оптимал тарзда киритилишига ёрдам беради. Пуркаётганда бошни орқага ташлаш тавсия этилмайди. 

Агар симптомлар кучайиб борса ёки 3 кун ичида аҳвол яхшиланмаса, шифокор билан маслаҳатлашиш лозим. 

Муолажанинг максимал давомийлиги – 10 кун. 

 

 

Қуйида меъёрий-ҳуқуқий фаолият бўйича Тиббий луғат таснифи билан мувофиқ ҳолда тизим-аъзоли синфлар (MedDRA) бўйича бўлинган ножўя самаралар келтирилган. Ножўя самараларнинг учраш тез-тезлигини кўрсатиш учун БЖССТ таснифдан фойдаланилган: жуда тез-тез (≥10%), тез-тез  (≥1% ва <10%), тез-тез эмас (≥0.1% ва <1%), кам ҳолларда (≥0.01% ва <0.1%), жуда кам ҳолларда (<0.01%), учраш тез-тезлиги  номаълум (мавжуд маълумотлар асосида ножўя самаранинг учраш  тез-тезлигини аниқлашнинг иложи йўқ).

Препарат тез-тез ва/ёки узоқ қўлланганда қуйидагилар кузатилиши мумкин: 

- иммун тизими томонидан: жуда кам ҳолларда – гиперсезувчанлик реакциялари (ангионевротик шиш, тошма, қичишиш);

- нерв тизими томонидан: тез-тез – бош оғриғи; кам ҳолларда - уйқусизлик, депрессия (юқори дозаларда узоқ қўлланганда);

- кўриш аъзолари томонидан: жуда кам ҳолларда – кўриш аниқлигининг бузилиши;

- юрак қон-томир тизими томонидан: кам ҳолларда – юрак уришини ҳис қилиш, артериал қон босимнинг ортиши; жуда кам ҳолларда - тахикардия, аритмия;

- нафас тизими, кўкрак қафаси, тўш оралиғи аъзолари томонидан: тез-тез – бурун шиллиқ қаватининг таъсирланиши ва/ёки қуриши, ачишиш, санчилиш, аксириш, бурун - ҳалқум шиллиқ қаватининг гиперсекрецияси; 

- овқат ҳазм қилиш тизими томонидан: тез-тез – кўнгил айниши; кам ҳолларда– қусиш;

- умумий бузилишлар ва юбориш жойидаги бузилишлар: тез-тез – қўлланилиш жойида ачишиш, бурун шиллиқ қаватининг атрофияси (юқори дозаларда узоқ қўлланганда) кузатилиши мумкин.

 

 

Ксилометазолин - α–адреномиметик таъсирга эга қон-томирларни маҳаллий торайтирувчи воситалар (деконгестантлар) гуруҳига мансуб бўлиб, бурун шиллиқ қавати қон-томирларининг торайишини чақиради, бурун - ҳалқум шиллиқ қаватининг шиши ва гиперемиясини бартараф этади.

Ксилометазолин биргаликда кечувчи шиллиқ гиперсекрециясини ҳам камайтиради ва ажратмалар билан беркилиб қолган бурун йўллари дренажини енгиллаштиради. Шу йўл билан у бурун битишида бурун орқали нафас олишни яхшилайди.  

Эвкалипт мойи бактерицид, вирусларга қарши ва фунгицид таъсирларга эга.

Терапевтик концентрацияларда препарат шиллиқ қаватни таъсирламайди, гиперемияни чақирмайди. Таъсири қўллангандан кейин 2 дақиқа ўтиб бошланади ва 8 соат давом этади.

 

 

Ксилометазолинни МАО ингибиторларини айни дамда қабул қилаётган ёки уларни ўтган 2 ҳафта мобайнида қабул қилган беморларда қўллаш мумкин эмас.

Бир вақтда три- ёки тетрациклик антидепрессантлар ва симпатомиметик препаратларни қўллаш ксилометазолиннинг симпатомиметик самарасининг ошишига олиб келиши мумкин, шунинг учун бундай мажмуани қўллашнинг олдини олиш тавсия этилади. 

 

Узлуксиз тартибда 10 кундан ортиқ қўллаш тавсия этилмайди. Тавсия қилинган дозаларни, айниқса болалар ва кекса инсонларда ошириш мумкин эмас. Препаратни узоқ муддат (10 кундан ортиқ) ёки ҳаддан зиёд кўп қўллаш “рикошет” самарасини (дори ринити) ва/ёки бурун шиллиқ қавати атрофиясини чақириши мумкин. Агар касаллик белгилари ёмонлашса ёки беморнинг аҳволи Риноксил® қўлланилаётган 3 кун ичида яхшиланмаса, шифокор билан маслаҳатлашиш керак. 

6  ёшгача бўлган болаларда қўллаш мумкин эмас.

Риноксил®  препаратини 6 дан 10 ёшгача бўлган болаларда фақат қатъий кўрсатмаларга биноан, доимий шифокор назорати остида қўллаш мумкин.

Препаратни ҳомиладорлик даврида қўллаш мумкин эмас. 

Лактация даврида эмизишни тўхтатиш тавсия этилади. 

Препаратни лактация даврида қатъий кўрсатмаларга биноан фақат доимий шифокор назорати остида она ва бола учун хавф ва фойда нисбати қатъий баҳолангандан сўнг қўллаш мумкин. Тавсия қилинган дозани оширишга йўл қўйилмайди. 

Ксилометазолин транспорт воситалари ёки ускунларни бошқариш қобилиятига таъсир қилмайди. 

 

 

Ксилометазолин ҳаддан зиёд юқори дозада маҳаллий қўлланганда ёки бехосдан ичга қабул қилинганда кучли бош айланиши, кўп терлаш, тана ҳароратининг кескин пасайиши, бош оғриғи, брадикардия, артериал қон босимнинг ошиши, нафас олишнинг сусайиши, кома ва тиришишларни чақириши мумкин. Артериал босимнинг кўтарилиши ортидан унинг кескин пасайиши кузатилиши мумкин. 

Даволаш: дозанинг ошириб юборилишига ҳар қандай гумон бўлганда, мувофиқ тутиб турувчи чоралар кўрилиши шарт, айрим ҳолатларда шифокор назорати остида шошилинч  белгиларга қараб даволаш буюрилади. Ушбу чоралар пациентни бир неча соат давомида кузатишни ўз ичига олиши зарур. Юрак тўхтаб қолиши билан кечувчи оғир заҳарланиш ҳолатида реанимацион ҳаракатлар камида 1 соат давом эттирилиши керак.