Faol modda: nafazolin. 

 Alfa-adrenostimulyator vosita, shilliq qavatlar tomirlariga tez, yaqqol va uzoq davom etuvchi vazokonstriktor ta'sir ko'rsatadi (shish, giperemiya, ekssudatsiyani kamaytiradi). Rinitlarda burun nafas olishini yengillashtiradi. 5-7 kundan so'ng tolerantlik rivojlanadi. 

 MAO ingibitorlari bilan bir vaqtda yoki ularni qo'llash tugaganidan keyin 14 kun davomida qo'llash tavsiya etilmaydi. Nafazolin mahalliy anestezik vositalarning so'rilishini sekinlashtiradi (yuzaki anesteziya o'tkazishda ularning ta'sirini uzaytiradi). 

 

Simpptomlar tavsiya etilgan dozalardan oshib ketishi organizmning zaharlanishiga olib keladi, hatto bir martalik qo‘llanilganda ham. Ayniqsa, bunday holat kichik yoshdagi bolalarda xavfli, chunki ota-onalar flakondagi modda konsentratsiyasiga e’tibor bermasligi yoki bolaning burun yo‘liga tushgan tomchilar miqdorini vizual baholash qiyin bo‘lishi mumkin. Terapevtik dozaning uch-to‘rt barobar oshirilishi zaharlanishga olib kelishi mumkin, 1-2 yoshli bolalar uchun 10 mg nafizin doza o‘limga olib keladi. Nafizin bilan zaharlanishning boshlang‘ich bosqichi bezovtalik, qo‘zg‘aluvchanlik, ko‘ngil aynishi, qusish bilan xarakterlanadi. Taxikardiya, nafas qisilishi, teri rangi oqarib ketadi, arterial bosim sezilarli darajada oshadi, bosh aylanishi va qorin og‘rig‘i paydo bo‘ladi. Dozani og‘ir oshirib yuborishda sustlik, arterial bosimning pasayishi, tana haroratining normadan pastga tushishi, teri oqarib ketishi, yurak ritmi sezilarli darajada sekinlashadi, juda kam bo‘lib qoladi, asab tizimi faoliyati susayadi, uyquchanlik paydo bo‘ladi, bu esa keyinchalik komaga olib keladi.

Davolash: sanab o‘tilgan intoksikatsiya belgilarida preparatni qabul qilishni darhol to‘xtatish kerak, agar bir necha soat ichida simptomlar yo‘qolmasa, shifokor yoki tez yordam chaqirish kerak. Og‘ir dozani oshirib yuborishda tez yordamni darhol chaqirish zarur. Shifokor kelguniga qadar yurak urish tezligini, tana haroratini va nafas olish tezligini o‘lchash kerak. Zararlangan kishini isitish, yotqizish va imkon qadar iliq ichimlik berish lozim. Inson hushyor bo‘lib qolishiga, nafas olishi va pulsi nazorat qilinishi kerak.