Dorilarning o'zaro ta'siri
Nojo'ya kombinatsiyalar.
Dori vositalari, QT intervalini uzaytiruvchi:
QT intervalini uzaytiruvchi antiaritmik vositalar (masalan, xinin, dizopiramid, bepridil, sotalol, ibutilid, amiodaron);
antiaritmik vositalarga kirmaydigan, lekin QT intervalini uzaytiruvchi dori vositalari (masalan, pimozid, ziprasidon, sertindol, mefloxin, galofantirin, pentamidin, tsizaprid, eritromitsin v/i yuborish uchun).
Ivabradin va yuqorida ko'rsatilgan dori vositalarini bir vaqtda qo'llashdan saqlanish kerak, chunki yurak urish tezligining pasayishi QT intervalining qo'shimcha uzayishiga olib kelishi mumkin. Agar ushbu dori vositalarini bir vaqtda qo'llash zarur bo'lsa, EKG ko'rsatkichlarini diqqat bilan nazorat qilish kerak.
Izofement CYP3A4.
Ivabradin jigar orqali CYP3A4 izofermenti ishtirokida metabolizatsiyalanadi va ushbu tsitoxromning juda zaif ingibitori hisoblanadi. Ivabradin boshqa CYP3A4 izofermenti substratlari (kuchli, o'rtacha va zaif ingibitorlar) metabolizmi va qon plazmasidagi konsentratsiyasiga sezilarli ta'sir ko'rsatmaydi. Shu bilan birga, CYP3A4 izofermenti ingibitorlari va induktorlari ivabradin bilan o'zaro ta'sirga kirishi va uning metabolizmi hamda farmakokinetik xususiyatlariga klinik ahamiyatli ta'sir ko'rsatishi mumkin. Aniqlanishicha, CYP3A4 izofermenti ingibitorlari ivabradinning qon plazmasidagi konsentratsiyasini oshiradi, CYP3A4 izofermenti induktorlari esa ivabradinning qon plazmasidagi konsentratsiyasini kamaytiradi.
Ivabradinning qon plazmasidagi konsentratsiyasining oshishi og'ir bradikardiya rivojlanish xavfini oshirishi mumkin.
Qo'llash mumkin bo'lmagan kombinatsiyalar.
Kuchli CYP3A4 izofermenti ingibitorlari.
Ivabradinni kuchli CYP3A4 izofermenti ingibitorlari, masalan, azol guruhiga mansub zamburug'larga qarshi vositalar (ketokonazol, itrakonazol); makrolid antibiotiklari (klaritromitsin, og'iz orqali qabul qilinadigan eritromitsin, jozamitsin, telitromitsin); OIV proteaza ingibitorlari (nelfinavir, ritonavir) va nefazodon bilan bir vaqtda qo'llash mumkin emas. Kuchli CYP3A4 izofermenti ingibitorlari - ketokonazol (200 mg 1 marta/kun) yoki jozamitsin (1 g 2 marta/kun) - ivabradinning qon plazmasidagi o'rtacha konsentratsiyasini 7-8 marta oshiradi.
O'rtacha CYP3A4 izofermenti ingibitorlari.
Ivabradin va diltiazem yoki verapamil (yurak ritmini sekinlashtiruvchi preparatlar) ni sog'lom ko'ngillilar va bemorlarda bir vaqtda qo'llash ivabradinning AUC ni 2-3 marta oshishi va yurak urish tezligining 5 zarb/min ga qo'shimcha pasayishi bilan kechdi. Ushbu kombinatsiyalarni qo'llash mumkin emas.
Extiyotkorlik bilan qo'llashni talab qiluvchi kombinatsiyalar.
Ivabradinni boshqa o'rtacha CYP3A4 izofermenti ingibitorlari (masalan, flukonazol) bilan birga qo'llash mumkin, agar dam olish holatidagi yurak urish tezligi 60 zarb/min dan yuqori bo'lsa. Ivabradinning tavsiya etilgan boshlang'ich doza - 2,5 mg 2 marta/kun. Yurak urish tezligini nazorat qilish zarur.
Ivabradinni CYP3A4 izofermenti induktorlari, masalan, rifampitsin, barbituratlar, fenitoin va tarkibida zveroboy (Hypericum perforatum) bo'lgan o'simlik preparatlari bilan bir vaqtda qo'llash ivabradinning qon plazmasidagi konsentratsiyasi va faolligini kamaytirishi va ivabradin dozasini oshirishni talab qilishi mumkin. Ivabradin va zveroboy saqlovchi preparatlarni birga qo'llashda ivabradinning AUC ikki marta kamayishi kuzatilgan. Raen preparati bilan davolash davrida imkon qadar zveroboy saqlovchi preparatlar va mahsulotlarni qo'llashdan saqlanish kerak.
Preparatni kaliy tejovchi diuretiklar (tiazid guruhi diuretiklari va "halqali" diuretiklar) bilan bir vaqtda ehtiyotkorlik bilan qo'llash kerak, chunki gipokaliemiya aritmiya rivojlanish xavfini oshirishi mumkin. Ivabradin bradikardiya chaqirishi mumkinligi sababli, gipokaliemiya va bradikardiyaning birgalikda bo'lishi, ayniqsa, tug'ma yoki biror modda ta'sirida yuzaga kelgan QT intervalining uzayish sindromi bo'lgan bemorlarda og'ir aritmiya rivojlanishiga moyil omil hisoblanadi.
Boshqa dori vositalari bilan birga qo'llash.
Quyidagi dori vositalari bilan bir vaqtda qo'llanganda ivabradinning farmakodinamikasi va farmakokinetikasiga klinik ahamiyatli ta'sir ko'rsatilmaganligi ko'rsatilgan: proton nasosi ingibitorlari (omeprazol, lansoprazol), FDE5 ingibitorlari (masalan, sildenafil), GMG-KoA-reduktaza ingibitorlari (masalan, simvastatin), BMKK - digidropiridin qatori hosilalari (masalan, amlodipin, latsidipin), digoksin va varfarin. Ivabradin simvastatin, amlodipin, latsidipin farmakokinetikasiga, digoksin, varfarin farmakokinetikasi va farmakodinamikasiga hamda atsetilsalitsil kislotasi farmakodinamikasiga klinik ahamiyatli ta'sir ko'rsatmasligi ko'rsatilgan.
Ivabradin AAF ingibitorlari, angiotenzin II retseptorlari antagonistlari, beta-adrenoblokatorlar, diuretiklar, aldosteron antagonistlari, qisqa va uzoq ta'sirli nitratlar, GMG-KoA-reduktaza ingibitorlari, fibratlar, proton nasosi ingibitorlari, og'iz orqali qabul qilinadigan gipoglikemik vositalar, atsetilsalitsil kislotasi va boshqa antiagregant vositalar bilan birga qo'llangan. Yuqorida sanab o'tilgan dori vositalarini qo'llash davolash xavfsizligi profilining o'zgarishi bilan kechmagan.
Boshqa o'zaro ta'sir turlari, birga qo'llashda ehtiyotkorlikni talab qiladi.
Greypfrut sharbati qabul qilinganda ivabradinning qon plazmasidagi konsentratsiyasi ikki marta oshgani kuzatilgan. Raen preparati bilan davolash davrida imkon qadar greypfrut sharbatini iste'mol qilishdan saqlanish kerak.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
