Faol modda – tabiiy mikronizatsiyalangan progesteron 1 g. Yordamchi moddalari: oktildodekanol 1 g, karbomer 980 0,5 g, makrogol glitserilgidroksistearat (polietilenlashtirilgan kastor yog‘i) 4 g, trolamin (trietanolamin) 0,5 g, etanol (absolyut etanol hisobida) 47,7 g, tozalangan suv – 100 g gacha. 

 Tashqi qo‘llash uchun gel 1%. 80 g preparatdan alyuminiy tubada, buriladigan qopqoq bilan yopilgan. Tuba karton qutiga, dozator-applikator va qo‘llash bo‘yicha yo‘riqnoma bilan birga joylanadi. 

Transdermal qo‘llash usulida Projestojel jigar orqali parchalanmasdan va organizmga nojo‘ya tizimli ta’sir ko‘rsatmasdan sut bezlari to‘qimalariga yetib boradi. Projestojel bilan davolashda qon zardobida prolaktin, estradiol va progesteron konsentratsiyasini o‘rganish shuni ko‘rsatdiki, preparat surtib qo‘yilgandan soat o‘tib, ya’ni uning to‘qimalarga maksimal so‘rilishi kuzatilganda, gormonlar darajasi deyarli o‘zgarmaydi. Teri orqali qo‘llanganda progesteronning so‘rilishi taxminan dozaning 10% ni tashkil etadi. Sut bezlari sohasiga teri orqali qo‘llash, bir tomondan, preparatning qo‘llaniladigan dozasini kamaytirishga, ikkinchi tomondan esa, ta’sir sohasida yuqori konsentratsiya hosil qilishga imkon beradi (tizimli qon oqimiga nisbatan 10 barobar yuqori). Preparat jigar orqali ikkilamchi metabolizmga uchraydi va glyukuron va sulfat kislotalari bilan kon’yugatlar hosil qiladi. Metabolizmda CYP2C19 izofermenti ham ishtirok etadi. Buyraklar orqali 50-60%, o‘t bilan esa 10% dan ortig‘i chiqariladi. Buyraklar orqali chiqariladigan metabolitlar miqdori sariq tanacha fazasiga qarab o‘zgaradi. Progesteronning ta’siri, bir tomondan, estrogen retseptorlarini bloklashga asoslangan bo‘lib, natijada to‘qimalardan suyuqlik so‘rilishi yaxshilanadi, sut yo‘llarining siqilishi kamayadi; ikkinchi tomondan esa, sut bezi to‘qimasida prolaktin retseptorlarini bloklash natijasida laktopoez pasayadi. Shunday qilib, preparatning lokal qo‘llanilishi, qo‘llash sohasida yuqori progesteron konsentratsiyasini hosil qilib, tizimli ta’sir ko‘rsatmaydi va nojo‘ya yon ta’sirlarni oldini olishga imkon beradi. Projestojelning ta’sir mexanizmi sut bezi to‘qimalarida progesteron konsentratsiyasining oshishiga asoslangan. Preparatning faol komponenti progesterondir. Progesteron sut bezi to‘qimalarida estrogen retseptorlarining ekspressiyasini pasaytiradi, shuningdek, fermentlar (17beta-gidroksisteroiddegidrogenaza va estronsulfotransferaza) ishlab chiqarilishini rag‘batlantirish orqali lokal faol estrogenlar darajasini kamaytiradi, bu fermentlar estradiolni kam faol estronga oksidlaydi va so‘ngra uni bog‘lab, nofaol estronsulfatga aylantiradi. Shunday qilib, progesteron estrogenlarning sut bezi to‘qimalariga proliferativ ta’sirini cheklaydi. Shuningdek, progesteron natriydiuretik ta’sirga ega, bu kanalchalar reabsorbtsiyasini susaytirish va hujayra filtratsiyasini oshirish hisobiga yuzaga keladi, natijada sut bezlarining bezli komponentida sekretsion o‘zgarishlar paytida suyuqlik ushlanib qolishining oldi olinadi va og‘riq sindromi (mastalgiya yoki mastodiniya) rivojlanishining oldi olinadi. Bundan tashqari, gestagenni transdermal kiritish usuli bezli epiteliy va tomir tarmog‘i holatiga ham ta’sir ko‘rsatadi, natijada kapillyarlarning o‘tkazuvchanligi kamayadi va, shunga mos ravishda, sut bezi to‘qimalarining shish darajasi pasayadi va mastalgiya simptomlari yo‘qoladi. 

 Projestojelning ta’siri kombine gormonal kontratseptiv preparatlar fonida kuchayishi mumkin. 

 Projestojel quyidagi holatlarda buyurilishi mumkin: og'iz orqali kontratseptivlar qabul qilish bilan bog'liq mastodiniya, pubertat davri, premenopauza, premenstrual sindrom. Preparat sut bezlari terisiga aplikator-dozator yordamida surtiladi, sut bezlarini ishqalamasdan va massaj qilmasdan. Gel surtilgandan so'ng to'g'ridan-to'g'ri quyosh nurlaridan saqlanish kerak. Homiladorlik va emizish Projestojelni homiladorlik davrida qo'llash bo'yicha yetarli tajriba mavjud emas. Preparatni homiladorlik va laktatsiya davrida faqat onaga kutilayotgan foyda homila va bolaga bo'lgan potentsial xavfdan ustun bo'lsa qo'llash mumkin. Preparatning avtomobil boshqarish va ishchi mexanizmlarni boshqarish qobiliyatiga ta'siri bo'yicha tadqiqotlar o'tkazilmagan. Preparatni yaroqlilik muddati tugaganidan keyin qo'llash mumkin emas va uni bolalar uchun yetib bo'lmaydigan joyda saqlash kerak. 

 Past tizimli so‘rilish tufayli dozani oshirib yuborish ehtimoli juda kam.