1 g gel tarkibida Faol moddalari: 50 mg ekstrakt (quruq ekstrakt shaklida) Aesculus hippocastanum L., cortex (ot kashtan po‘stlog‘i) (DER 40-901, ekstragent metanol).  5 mg lidokain gidroxloridi (Lidocaini hydrochloridum). Yordamchi moddalari: saponin (Kvillayidan), romashka yog‘i, Peru balzami, karbomer, tozalangan suv, natriy gidroksid, etilparagidroksibenzoyat, bronopol.

Proktoeskulan dori vositasi rektal gel bo‘lib, kasallikning birinchi bosqichida yuzaga keladigan yengil og‘riq va qichishish bilan namoyon bo‘ladigan gemorroy simptomlarini kamaytirish uchun qo‘llaniladi. Ko‘rsatilgan ko‘rsatmalar bo‘yicha qo‘llanilganda preparatning samaradorligi faqat tibbiyotda uzoq muddatli qo‘llanilishi va tajriba bilan tasdiqlanadi. Preparat mahalliy og‘riqsizlantiruvchi, bog‘lovchi, yengil yallig‘lanishga qarshi ta’sir ko‘rsatishi taxmin qilinadi.

Proktoeskulan dori vositasini quyidagi hollarda qo‘llash tavsiya etilmaydi: agar bemorda faol moddalarga yoki ushbu dori vositasining boshqa biror komponentiga yuqori sezuvchanlik bo‘lsa; agar bemorda amidlarga mansub mahalliy anestetiklarga, masalan, lidokain, bupivakain, mepivakainlarga allergiya bo‘lsa; agar bemorda Asteraceae oilasiga mansub o‘simliklarga allergiya bo‘lsa.

Ushbu dori vositasini har doim bemor uchun qo'llash bo'yicha yo'riqnomada yoki shifokor, farmatsevt yoki hamshira tavsiyalariga muvofiq qo'llash zarur. Agar shubha tug'ilsa, shifokor yoki farmatsevtga murojaat qilish kerak. Birinchi marta ishlatishdan oldin, tuba himoya membranasini bushonning orqa tomoni bilan teshib ochish kerak. Dori vositasini qo'llashdan oldin, tuba boshiga maxsus uchlik o'rnatiladi. Har bir qo'llashdan so'ng qo'llarni yuvish zarur. Rektal qo'llash uchun. Kattalar: agar shifokor boshqacha buyurmasa, ilova qilinadigan uchlik yordamida gelni zararlangan joyga surtiladi yoki to'g'ri ichakka taxminan 0,5 g – 1,0 g (taxminan 2 sm uzunlikdagi gel chizig'i) kuniga 2-3 marta, o'tkir simptomlar yo'qolguncha yuboriladi. So'ngra dozani kamaytirib, gelni kuniga bir marta qo'llash mumkin. Preparat simptomlar yo'qolguncha qo'llaniladi. Agar preparatni 7 kun qo'llaganingizdan so'ng yaxshilanish bo'lmasa yoki gemorroy simptomlari kuchaysa, shifokorga murojaat qilish kerak.

Har qanday dori vositasi kabi, ushbu preparat ham nojo'ya ta'sirlarni keltirib chiqarishi mumkin, lekin ular har doim ham har bir bemorda namoyon bo'lmaydi. Hozirgi vaqtgacha Proktoeskulan gelining nojo'ya ta'sirlari aniqlanmagan. Lidokain saqlovchi preparatlarning mahalliy qo'llanilishi vaqti-vaqti bilan allergik reaksiyalarni, kamdan-kam hollarda – anafilaktik shokni keltirib chiqarishi mumkin. Agar biron-bir nojo'ya ta'sirlar, shu jumladan qo'llash bo'yicha yo'riqnomada ko'rsatilmagan har qanday mumkin bo'lgan nojo'ya ta'sirlar yuzaga kelsa, shifokor, farmatsevt yoki hamshiraga murojaat qilish kerak.

Dori vositasining farmakokinetik tadqiqotlari o‘tkazilmagan

Hozirda yoki yaqinda qabul qilingan barcha dori vositalari, shuningdek, bemor qo‘llashni rejalashtirayotgan dori vositalari haqida shifokor yoki farmatsevtga xabar berish lozim. Mahalliy og‘riqsizlantiruvchi ta’sir ko‘rsatuvchi boshqa dori vositalarini bir vaqtda rektal qo‘llash tavsiya etilmaydi. Proktoeskulan preparatini antikoagulyantlar, masalan, varfarin bilan birga qo‘llayotgan bemorlarga, mumkin bo‘lgan kuchli qon ketishining belgilarini (najasta qon, orqa chiqaruv teshigidan kuchli qon ketishi, kuchli og‘riq) ko‘rsatadigan simptomlarni diqqat bilan kuzatish tavsiya etiladi.

Ogohlantirishlar va ehtiyot choralar Agar orqa chiqaruv teshigidan kuchli qon ketishi, najasta qon yoki kuchli og‘riq kuzatilsa, shifokorga murojaat qilish zarur. Bolalar. Bolalarda dori vositasining xavfsizligini o‘rganishga oid tadqiqotlar o‘tkazilmagan. 18 yoshgacha bo‘lgan shaxslarda qo‘llash mumkin emas. Homiladorlik va emizish davri. Homiladorlik va emizish davrida ayollarda nazoratli klinik tadqiqotlar o‘tkazilmagan. Shuning uchun dori vositasini homiladorlik va emizish davrida qo‘llash tavsiya etilmaydi. Avtotransport boshqarish va mexanik qurilmalarni xizmat ko‘rsatish Dori vositasining avtotransport boshqarish va mexanik qurilmalarni xizmat ko‘rsatish qobiliyatiga ta’siri haqida ma’lumotlar yo‘q. Proktoeskulan dori vositasi Peru balzami, romashka yog‘i, etilparagidroksibenzoat va bronopolni o‘z ichiga oladi. Dori vositasi allergik reaksiyalar (imkoniyati bor kechikkan tipdagi reaksiyalar) va terining mahalliy tirnash xususiyati (masalan, kontakt dermatiti)ni chaqirishi mumkin. Gipersensitivlik reaksiyasi rivojlangan taqdirda dori vositasini qo‘llashni to‘xtatish va shifokorga murojaat qilish zarur.