1 ampula tarkibida: faol modda: meloksikam - 15 mg; yordamchi modda: dinatriy edetat, natriy sulfit, natriy metabisulfit, natriy gidroksid, propilenglikol, in'ektsiya uchun suv.

revmatoyid artritni boshlang'ich va qisqa muddatli simptomatik davolash; osteoartritlarda (artrozlar, bo'g'imlarning degenerativ kasalliklari) og'riqlar; ankilozlovchi spondilit (Bekhterev kasalligi).

faol modda yoki yordamchi komponentlarga yuqori sezuvchanlik; aortokoronar shuntlashdan keyingi davrda qo‘llash mumkin emas; dekompensatsiyalangan yurak yetishmovchiligi; bronxial astma, burun va burun atrofidagi bo‘shliqlarning qaytalanuvchi polipozi va atsetilsalisil kislotasi hamda boshqa nosteroid yallig‘lanishga qarshi preparatlarga (shu jumladan, anamnezda) toqat qilmaslikning to‘liq yoki to‘liq bo‘lmagan birikmasi; oshqozon va 12 barmoqli ichak shilliq qavatining eroziya-yarali o‘zgarishlari, faol me’da-ichak qon ketishi; ichakning yallig‘lanish kasalliklarining zo‘rayishi (nospetsifik yarali kolit, Kron kasalligi); serebrovaskulyar qon ketishi yoki boshqa qon ketishlar; aniq ifodalangan jigar yetishmovchiligi yoki faol jigar kasalligi; dializ qilinmaydigan bemorlarda og‘ir buyrak yetishmovchiligi (kreatinin klirensi 30 ml/min dan kam), buyrak kasalliklarining progresiv kechishi, shu jumladan tasdiqlangan giperkaliemiya; homiladorlik, laktatsiya davri; 18 yoshgacha bo‘lgan bolalar yoshi. Ehtiyotkorlik bilan: Ishemik yurak kasalligi, serebrovaskulyar kasalliklar, surunkali yurak yetishmovchiligi, dislipidemiya/giperlipidemiya, qandli diabet, periferik arteriyalar kasalliklari, chekish, kreatinin klirensi 30 dan 60 ml/min gacha. Me’da-ichak trakti yarali shikastlanishining anamnestik ma’lumotlari, Helicobacter pylori infeksiyasi mavjudligi, keksalik yoshi, nosteroid yallig‘lanishga qarshi preparatlarni (NYaQP) uzoq muddatli qo‘llash, tez-tez spirtli ichimliklar iste’moli, og‘ir somatik kasalliklar, quyidagi preparatlar bilan birga davolash: antikoagulyantlar (masalan, varfarin); antiagregantlar (masalan, atsetilsalisil kislotasi, klopidogrel); og‘iz orqali qabul qilinadigan glyukokortikosteroidlar (masalan, prednizolon); selektiv serotonin qayta qabul qilinishining ingibitorlari (masalan, tsitalopram, fluoksetin, paroksetin, sertralin). Me’da-ichak yo‘llari tomonidan nojo‘ya hodisalar rivojlanish xavfini kamaytirish uchun minimal samarali doza eng qisqa muddatli kursda qo‘llanilishi kerak.

Preparat chuqur mushak ichiga yuboriladi. Preparatning mushak ichiga yuborilishi faqat dastlabki 2-3 kun davomida ko‘rsatilgan. Keyinchalik davolash og‘iz orqali qabul qilinadigan shakllar (tabletkalar) bilan davom ettiriladi. Tavsiya etiladigan doza og‘riq intensivligi va yallig‘lanish jarayonining og‘irligiga qarab, kuniga 1 marta 7,5 mg yoki 15 mg ni tashkil etadi. Preparatni tomir ichiga yuborish taqiqlanadi. Nojo‘ya reaksiyalar xavfi yuqori bo‘lgan bemorlarda sutkalik doza 7,5 mg dan oshmasligi kerak. Terminal bosqichdagi buyrak yetishmovchiligi bo‘lgan va gemodializda bo‘lgan bemorlarda preparat dozasining sutkalik miqdori 7,5 mg dan oshmasligi kerak. Buyrak funksiyasi yengil yoki o‘rtacha buzilgan (KK 30 ml/min dan yuqori) bemorlarda preparat dozasining sutkalik miqdori 7,5 mg dan oshmasligi kerak. Bolalar va o‘smirlar uchun preparatning mushak ichiga yuboriladigan inʼektsiyalari uchun dozalash rejimi aniqlanmagan, ushbu dori shakli faqat kattalar bemorlarda qo‘llanilishi mumkin. Maksimal tavsiya etiladigan sutkalik doza - 15 mg. Preparatning turli dori shakllari birgalikda qo‘llanilganda, tabletkalar, suppozitoriyalar va inʼektsiya uchun eritma ko‘rinishida maksimal sutkalik doza 15 mg ni tashkil etadi.

Ovqat hazm qilish tizimi tomonidan: 1% dan ko‘p - dispepsiya, jumladan, ko‘ngil aynishi, qusish, qorin og‘rig‘i, qabziyat, meteorizm, diareya; 0,1-1% - jigar transaminazalari faolligining o‘tkinchi oshishi, giperbilirubinemiya, qayoq, ezofagit, gastro-duodenal yara, OVKT dan qon ketishi (jumladan, yashirin), stomatit; <0,1% - OVKT perforatsiyasi, kolit; gepatit, gastrit. Qon yaratuvchi tizim tomonidan: 1% dan ko‘p - anemiya; 0,1-1% - qon formulasi o‘zgarishi, jumladan, leyopeniya, trombotsitopeniya. Teri qoplamlari tomonidan: 1% dan ko‘p - qichishish, teri toshmasi; 0,1-1% - eshakemi; 0,1% dan kam - fotosensibilizatsiya, bullez toshmalar, ko‘p shaklli eritema, jumladan, Stivens-Djonson sindromi, toksik epidermal nekroliz. Nafas olish tizimi tomonidan: 0,1% dan kam - bronxospazm. Markaziy asab tizimi tomonidan: 1% dan ko‘p - bosh aylanishi, bosh og‘rig‘i; 0,1-1% - vertigo, quloqda shovqin, uyquchanlik; 0,1% dan kam - ongning chalkashishi, dezorientatsiya, emotsional labilitet. Yurak-qon tomir tizimi tomonidan: 1% dan ko‘p - periferik shishlar; 0,1-1% - arterial bosimning oshishi, yurak urishi, yuz terisiga qon to‘lishi "to‘lqinlari". Siydik ajratish tizimi tomonidan: 0,1-1% - giper kreatininemiya va/yoki qonda siydik miqdorining oshishi; 0,1% dan kam - o‘tkir buyrak yetishmovchiligi; meloksikam qabul qilish bilan bog‘liqligi aniqlanmagan - interstitsial nefrite, albuminuriya, gematuriya. Sezgi organlari tomonidan: 0,1% dan kam - kon'yunktivit, ko‘rish buzilishlari, jumladan, ko‘rishning noaniqligi. Allergik reaksiyalar: 0,1% dan kam - angionevrotik shish, anafilaktik/anafilaktoid reaksiyalar. Mahalliy reaksiyalar: 1% dan ko‘p - yuborilgan joyda shish; 1% dan kam - yuborilgan joyda og‘riqli sezgilar.

Meloksikam - bu enol kislotasi sinfiga mansub nosteroid yallig‘lanishga qarshi vosita (NYQV) bo‘lib, yallig‘lanishga qarshi, analgetik va antipiretik ta’sir ko‘rsatadi. Ushbu ta’sirlarning umumiy mexanizmi Meloksikamning yallig‘lanish mediatorlari bo‘lgan prostaglandinlar biosintezini ingibitsiya qilish qobiliyatiga bog‘liq bo‘lishi mumkin. Meloksikamning xavfsizroq ta’sir mexanizmi siklooksigenaza-2 (SOG-2) ni siklooksigenaza-1 (SOG-1) ga nisbatan selektiv ingibitsiya qilishi bilan bog‘liq. Hozirgi kunda NYQVning terapevtik ta’siri SOG-2 sintezini ingibitsiya qilish bilan bog‘liq ekani aniq, SOG-1 ni ingibitsiya qilish esa oshqozon va buyraklar tomonidan nojo‘ya ta’sirlarga olib keladi. Meloksikam tomonidan SOG-2 ni selektiv ingibitsiya qilinishi ko‘plab in vitro va in vivo tadqiqotlar bilan tasdiqlangan. Meloksikam (7,5 mg va 15 mg) in vivo sharoitida asosan SOG-2 ni ingibitsiya qiladi, bu lipopolisaxarid bilan stimulyatsiyaga javoban PGE2 ishlab chiqarilishini kuchliroq ingibitsiya qilishi bilan, qonda tromboksan ishlab chiqarilishi (SOG-1) bilan solishtirganda, tasdiqlanadi. Ushbu ta’sirlar doza bog‘liqdir. Meloksikam tavsiya etilgan dozalarda in vivo sharoitida trombotsitlar agregatsiyasiga yoki qon ketish vaqtiga ta’sir qilmaydi, indometasin, diklofenak, ibuprofen va naproksen esa trombotsitlar agregatsiyasini sezilarli darajada ingibitsiya qiladi va qon ketish vaqtini uzaytiradi. Klinik tadqiqotlar tavsiya etilgan meloksikam dozalari bilan davolashda boshqa NYQVning standart dozalari bilan solishtirganda me’da-ichak nojo‘ya ta’sirlari (perforatsiya, yara hosil bo‘lishi va qon ketish) kam uchrashini aniqladi.

Preparatni qo'llashda oshqozon yoki o'n ikki barmoqli ichak yara kasalligi tarixi bo'lgan bemorlarda, shuningdek, antikoagulyant terapiyada bo'lgan bemorlarda ehtiyotkorlik bilan foydalanish lozim. Bunday bemorlarda me'da-ichak yo'llarining eroziyali-yarali kasalliklari rivojlanish xavfi yuqori. Preparatni qo'llashda keksa yoshdagi bemorlarda, qon aylanish yetishmovchiligi belgilari bilan surunkali yurak yetishmovchiligi bo'lgan bemorlarda, jigar sirrozi bo'lgan bemorlarda, shuningdek, jarrohlik aralashuvlar natijasida gipovolemiya bo'lgan bemorlarda ehtiyotkorlik bilan foydalanish va buyrak funksiyasi ko'rsatkichlarini nazorat qilish lozim. Buyrak yetishmovchiligi bo'lgan bemorlarda, agar kreatinin klirensi 30 ml/min dan yuqori bo'lsa, dozalash tartibini tuzatish talab etilmaydi. Dializda bo'lgan bemorlarda preparatning dozasi sutkada 7,5 mg dan oshmasligi kerak. Diuretik vositalar va meloksikamni bir vaqtda qabul qilayotgan bemorlar yetarli miqdorda suyuqlik iste'mol qilishlari kerak. Agar davolash jarayonida allergik reaksiyalar (qichishish, teri toshmasi, eshakemi, fotosensibilizatsiya) yuzaga kelsa, preparatni qabul qilishni to'xtatish masalasini hal qilish uchun shifokorga murojaat qilish zarur. Meloksikam, boshqa nosteroid yallig'lanishga qarshi preparatlar kabi, infeksion kasalliklar simptomlarini niqoblash mumkin. Homiladorlik va laktatsiya davri Meloksikamni, prostaglandinlar sintezini bloklovchi boshqa preparatlar kabi, qo'llash fertilitetga ta'sir qilishi mumkin, shuning uchun homiladorlikni rejalashtirayotgan ayollarga tavsiya etilmaydi. Avtomobil haydash va potensial xavfli mexanizmlarni boshqarish qobiliyatiga ta'siri Preparatni qo'llash bosh og'rig'i va bosh aylanishi, uyquchanlik kabi nojo'ya ta'sirlarni keltirib chiqarishi mumkin. Transport vositalarini boshqarish va diqqatni jamlashni talab qiluvchi mashina va mexanizmlarni xizmat ko'rsatishdan voz kechish lozim.

Siptomlari: Hushdan ketish, ko'ngil aynishi, qusish, epigastral sohada og'riq, me'da-ichak qon ketishi, o'tkir buyrak yetishmovchiligi, jigar yetishmovchiligi, nafas to'xtashi, asistoliya. Davolash: Maxsus antidoti yo'q; simptomatik terapiya. Preparatning qonda oqsillar bilan yuqori bog'lanishi sababli majburlangan diurez, siydikni ishqoriylashtirish, gemodializ samarasiz.