Farmakologik xususiyatlari
Mikrazim® - kapsuladagi pankreatin pelletlari. Preparat tarkibiga hayvonlarning me’da osti bezidan olingan tabiiy fermentlar - proteaza, lipaza va amilaza kiradi, ular ovqatdagi oqsillar, yog‘lar va uglevodlarning hazm bo‘lishini ta’minlaydi.
Mikrazim® qabul qilingandan so‘ng kapsula oshqozonda tez eriydi va ichakda eriydigan qobiq bilan qoplangan pankreatin pelletlarini ajratadi. Kichik o‘lchami tufayli pelletlar ovqat bilan tez va bir tekis aralashadi va ovqat massasi bilan birga osonlik bilan o‘n ikki barmoqli ichakka, so‘ngra ingichka ichakka o‘tadi, bu yerda pankreatik fermentlar ajralib chiqadi va faol harakat qila boshlaydi, ovqatdagi oqsillar, yog‘lar va uglevodlarning tez va to‘liq hazm bo‘lishiga yordam beradi.
Pankreatin pelletlarining oshqozon tarkibi bilan tez aralashuvi, unda bir tekis taqsimlanishi, ximusa bilan bir vaqtda o‘tishi, shuningdek, fermentlarning ichakda ish boshlashigacha saqlanishi (pelletlarning ichakda eriydigan qobig‘i tufayli) preparatning hazm qilish faolligini oshiradi va uning ta’sirini tabiiy hazm jarayoniga maksimal yaqinlashtiradi. Mikrazim® fermentativ faolligi ichga qabul qilingandan 30 daqiqa o‘tib maksimal darajada namoyon bo‘ladi, bu esa ta’sirning tez boshlanishini ta’minlaydi.
Proteaza, lipaza va amilaza substratlar bilan o‘zaro ta’sir qilgandan so‘ng, ichakning pastki bo‘limlarida faolligini yo‘qotadi va ichak tarkibi bilan birga organizmdan chiqariladi.
Mikrazim® me’da-ichak yo‘llaridan so‘rilmaydi va faqat ichak bo‘shlig‘ida ta’sir qiladi.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
