Bitta qoplangan tabletkada faol modda dezloratadin - 5 mg mavjud. Yordamchi moddalari: mikrokristallik tsellyuloza, kalsiy gidroforfat, natriy kraxmal glikolyat, LS-gidroksipropiltsellyuloza, magniy stearat, qoplama uchun kukun.

Boshqa dori vositalari bilan klinik ahamiyatli o‘zaro ta’sir aniqlanmagan. Dezloratadin etanolning markaziy asab tizimiga ta’sirini kuchaytirmaydi. Ovqat qabul qilish preparat samaradorligiga ta’sir ko‘rsatmaydi.

Tavsiya etilgan dozadan 5 barobar yuqori doza qabul qilinganda hech qanday simptomlar kuzatilmagan. Shuningdek, dezloratadinni kuniga 20 mg dozada 14 kun davomida qabul qilish yurak-qon tomir tizimi tomonidan statistik yoki klinik ahamiyatli o‘zgarishlar bilan kechmagan, dezloratadinni 45 mg/kun (tavsiya etilgan dozadan 9 barobar yuqori) 10 kun davomida qabul qilish QTc intervalining uzayishi va jiddiy nojo‘ya ta’sirlar paydo bo‘lishiga olib kelmagan. Tasodifan ko‘p miqdorda preparat qabul qilinganda davolash – me’da yuvish, faollashtirilgan ko‘mir qabul qilish; zarur bo‘lsa – simptomatik terapiya. Dezloratadin gemodializda chiqarilmaydi, peritoneal dializ samaradorligi aniqlanmagan.