Plyonka qobiq bilan qoplangan, yumaloq, ikki tomonlama qavariq, sariq rangli tabletkalar. Tabletkani sindirganda rangi – oq yoki deyarli oq.

Har bir plyonka qoplamali tabletkada quyidagilar mavjud:

faol modda: dezloratadin 5,0 mg (dezloratadin gemisulfati ko'rinishida 5,788 mg);

yordamchi modda:

yadro: mikrokristallik sellyuloza, kalsiy gidroforfat digidrat (D14), kalsiy gidroforfat digidrat (D160), prejelatinizatsiyalangan kraxmal, kolloid kremniy dioksidi, magniy stearat;

plyonka qoplama: Opadry AMB sariq 80W22099 (qisman gidrolizlangan polivinil spirti, titana dioksid (E171), talk, leksitin (soya), xinolinsariq bo'yog'i asosidagi alyuminiy laki (E104), ksantan saqichi, temir oksidi sariq (E172), indigokarmin bo'yog'i asosidagi alyuminiy laki).

Lordestin kattalar va 12 yoshdan katta o‘smirlar uchun quyidagi simptomlarni yengillashtirish maqsadida qo‘llaniladi:

allergik rinit;

toshma (urtikariya).

Dezloratadinga, loratadinga, soya, yer yong‘og‘i yog‘iga yoki preparatning har qanday yordamchi moddasiga yuqori sezuvchanlik;

homiladorlik;

laktatsiya davri;

12 yoshgacha bo‘lgan bolalar yoshi.

Kattalar va o‘smirlar (12 yosh va undan katta yoshdagilar)

Lordestin preparatining tavsiya etilgan dozasi kuniga 1 tabletka.

Intermittiruvchi allergik rinit (haftasiga 4 kundan kam yoki 4 haftadan kam davom etadigan simptomlar mavjud bo‘lsa) kasallik tarixi baholanishiga muvofiq davolanishi kerak va simptomlar yo‘qolgandan so‘ng davolash to‘xtatilishi, ular qayta paydo bo‘lsa, qayta boshlanishi mumkin.

Persistiruvchi allergik rinitda (haftasiga 4 kun yoki undan ko‘p yoki 4 haftadan ko‘p davom etadigan simptomlar mavjud bo‘lsa) bemorlarga allergen ta’siri davrida davolashni davom ettirish tavsiya etilishi mumkin.

Bolalar yoshi bemorlari

Dezloratadinni 12 yoshdan 17 yoshgacha bo‘lgan o‘smirlarda qo‘llash samaradorligi bo‘yicha cheklangan ma’lumotlar mavjud.

5 mg plyonka qobiq bilan qoplangan dezloratadin tabletkalarini 12 yoshgacha bo‘lgan bolalarda xavfsizligi va samaradorligi aniqlanmagan.

Qo‘llash usuli

Og‘iz orqali.

Oziq-ovqat qabul qilishdan qat’i nazar.

Xavfsizlik profilining qisqacha tavsifi

Eng ko‘p uchraydigan nojo‘ya ta’sirlar: toliqish (1,2%), og‘iz qurishi (0,8%) va bosh og‘rig‘i (0,6%).

Bolalar yoshidagi bemorlar

12 dan 17 yoshgacha bo‘lgan 578 o‘smirda eng ko‘p uchraydigan nojo‘ya hodisa bosh og‘rig‘i bo‘lib, u dezloratadin qabul qilgan bemorlarning 5,9%ida kuzatilgan.

Nojo‘ya hodisalar jadval ko‘rinishidagi xulosasi

Nojo‘ya hodisalar tez-tezligi quyidagi jadvalda keltirilgan.

Tez-tezlik qiymatlari quyidagicha aniqlangan: juda tez-tez (≥1/10), tez-tez (≥1/100 dan <1/10 gacha), kamdan-kam (≥1/1000 dan <1/100 gacha), kam (≥1/10000 dan <1/1000 gacha), juda kam (≥1/100000 dan <1/10000 gacha) va tez-tezligi noma’lum (mavjud ma’lumotlar asosida aniqlab bo‘lmaydi).

Bolalar yoshidagi bemorlar

Bolalar yoshidagi bemorlarda ro‘yxatdan o‘tkazilgandan keyingi davrda tez-tezligi noma’lum bo‘lgan boshqa nojo‘ya hodisalar orasida QT intervalining uzayishi, aritmiya, bradikardiya, xulq-atvor buzilishlari va tajovuzkorlik kuzatilgan.

Tutqanoqlarning rivojlanish tez-tezligi oshishi dezloratadin qabul qilayotgan 0 dan 19 yoshgacha bo‘lgan bemorlarda kuzatilishi mumkin. 0-4 yoshli bolalar orasida moslashtirilgan mutlaq o‘sish 100 000 inson-yilga (IY) 37,5 ni (95% ishonch oralig‘i (IO) 10,5-64,5) tashkil etdi, tutqanoq rivojlanishining fon tez-tezligi esa 100 000 IY ga 80,3 ni tashkil etdi. 5-19 yoshli bemorlar orasida moslashtirilgan mutlaq o‘sish 100 000 IY ga 11,3 ni (95% IO 2,3-20,2) tashkil etdi, fon ko‘rsatkichi esa 100 000 IY ga 36,4 ni tashkil etdi.

Nojo‘ya hodisalar haqida xabar berish

Dori vositasi ro‘yxatdan o‘tkazilgandan keyingi gumon qilingan nojo‘ya hodisalar haqida xabar berish muhimdir. Bu dori vositasini qo‘llash foyda/xavf nisbatini doimiy monitoring qilish imkonini beradi. Sog‘liqni saqlash xodimlaridan gumon qilingan har qanday nojo‘ya hodisalar haqida milliy xabar berish tizimi orqali xabar qilish so‘raladi.

Maxsus ogohlantirishlar va ehtiyot choralar

Buyrak yetishmovchiligi

Og‘ir buyrak yetishmovchiligi holatida Lordestin ehtiyotkorlik bilan qo‘llanilishi kerak.

Tutqanoqlar

Dezloratadin tutqanoq bo‘yicha tibbiy yoki oilaviy anamnezga ega bo‘lgan bemorlarga, avvalo kichik yoshdagi bolalarga, ehtiyotkorlik bilan buyurilishi kerak, chunki ular dezloratadin bilan davolash fonida tutqanoqlarga ayniqsa moyil. Davolash vaqtida tutqanoqlar rivojlangan taqdirda, dezloratadin qabulini to‘xtatish masalasini hal qilish uchun darhol shifokorga murojaat qilish kerak.

Yordamchi moddalar

Ushbu dori vositasi soya lecitini o‘z ichiga oladi. Yer yong‘og‘i yoki soya mahsulotlariga yuqori sezuvchanligi bo‘lgan bemorlarga ushbu preparatni qo‘llash tavsiya etilmaydi.

Homiladorlik va emizish davrida qo‘llash

Homilador ayollarda olingan ko‘plab ma’lumotlar (1000 dan ortiq homiladorlik holatlari) dezloratadinning homila va yangi tug‘ilgan chaqaloqlarga toksikligini ko‘rsatmaydi. Ehtiyot chorasi sifatida, Lordestin preparatini homiladorlik davrida qo‘llashdan saqlanish maqsadga muvofiq.

Dezloratadin preparatini qabul qilayotgan ayollarda emizikli yangi tug‘ilgan chaqaloqlar va go‘daklar organizmida dezloratadin aniqlangan. Dezloratadinning yangi tug‘ilgan chaqaloqlar va go‘daklarga ta’siri noma’lum. Bolaga emizishning foydasi va onaga davolashning foydasini hisobga olgan holda, emizishni to‘xtatish yoki Lordestin preparati bilan davolashni to‘xtatish/voz kechish to‘g‘risida qaror qabul qilish zarur.

Dezloratadinning erkak va ayol fertilitetiga ta’siri bo‘yicha ma’lumotlar mavjud emas.

Transport vositalarini boshqarish va mexanizmlar bilan ishlash qobiliyatiga ta’siri

Lordestin transport vositasini boshqarish va turli mexanizmlardan foydalanish qobiliyatiga ta’sir ko‘rsatmaydi yoki ahamiyatsiz darajada ta’sir ko‘rsatadi.

Bemorlar shuni bilishlari kerakki, odamlarning aksariyati uyquchanlikni his qilmaydi. Biroq, barcha dori vositalariga individual javoblar mavjud bo‘lgani sababli, bemorlarga o‘zlarining dori vositasiga javoblari aniqlanmaguncha, transport vositasini boshqarish va turli mexanizmlardan foydalanish kabi diqqatni jamlashni talab qiladigan faoliyat bilan shug‘ullanishdan oldin ogohlantirilishi tavsiya etiladi.

Dezloratadin tabletkalarini ketokonazol yoki eritromitsin bilan bir vaqtda qo‘llashda klinik jihatdan ahamiyatli o‘zaro ta’sirlar kuzatilmagan.

Dezloratadin spirtli ichimliklar bilan birga qabul qilinganda, spirtli ichimliklarning ta’sirini kuchaytirmagan. Biroq, ro‘yxatdan o‘tkazilgandan keyingi davrda spirtli ichimliklarga toqat qilmaslik va spirtli ichimliklardan zaharlanish holatlari qayd etilgan. Shuning uchun, dezloratadinni spirtli ichimliklar bilan birga qo‘llashda ehtiyotkorlikka rioya qilish zarur.

Bolalar yoshi bemorlari

O‘zaro ta’sirlarni o‘rganish faqat kattalarda o‘tkazilgan.

Dozani oshirib yuborish bilan bog‘liq nojo‘ya hodisalar profili, preparat ro‘yxatga olinganidan keyingi qo‘llash davrida kuzatilganidek, terapevtik dozalarda kuzatilgan profilga o‘xshash, biroq hodisalar kuchi yanada kuchli bo‘lishi mumkin.

Belgilar: dezloratadin 45 mg (terapevtik dozaning 9 baravari) dozada qo‘llanganda klinik ahamiyatli ta’sirlar kuzatilmagan.

Davolash: dozani oshirib yuborishda so‘rilmagan faol modda chiqarib tashlanishini ta’minlash uchun standart choralar ko‘riladi. Simptomatik va qo‘llab-quvvatlovchi terapiya tavsiya etiladi. Dezloratadin gemodializda chiqarilmaydi; peritoneal dializ samaradorligi aniqlanmagan.

Bolalar yoshidagi bemorlar

Dozani oshirib yuborish bilan bog‘liq nojo‘ya hodisalar profili, preparat ro‘yxatga olinganidan keyingi qo‘llash davrida kuzatilganidek, terapevtik dozalarda kuzatilgan profilga o‘xshash, biroq hodisalar kuchi yanada kuchli bo‘lishi mumkin.