1 paket tarkibida
Faol modda montelukast (montelukast natriy tuzi shaklida) 4 mg.
Yordamchi moddalari: mannit, gidroksipropilsellyuloza, magniy stearati.

Kulento - selektiv antagonist leyklotrien D4 (tsistenil leyklotrien CysLT1) retseptorlarining - surunkali per­sistiruvchi yallig‘lanishning eng kuchli mediatorining, bronxial astmada bronxlarning giperrеaktivligini qo‘llab-quvvatlovchi vosita.

Tsistenil leyklotrienlar (LTC4, LTD4, LTE4) - araxidon kislota metabolizmi mahsulotlari - tukli hujayralar va eozinofillardan ajralib chiqadi. Ushbu eikozanoidlar tsistenil leyklotrien retseptorlari bilan bog‘lanadi. Bronxodilatatsion ta’sir leyklotrien D4 retseptorlarini nafas yo‘llarida bloklash va leyklotrienlarning ta’sirini kamaytirish bilan bog‘liq bo‘lib, ular bronxlar reaktivligini tartibga solish, bronxokonstriksiya rivojlanishi, bronx shilliq qavati shishining rivojlanishi, bronxial gipersekresiya jarayonlarida muhim rol o‘ynaydi.

Preparat leyklotrien LTD4 ning ta’sirini CysLT1 retseptorlari darajasida agonistik ta’sirsiz bloklaydi.

Kulento preparatining terapevtik effekti preparatni qabul qilishning birinchi kunidayoq namoyon bo‘la boshlaydi.

Davolash tartibiga aniq rioya qilish zarur.

O‘tkir astmatik xurujlarni bartaraf etish uchun ishlatilmasligi kerak (ingalyatsion bronxodilatatorlarni almashtirmaydi); terapevtik ta’sir paydo bo‘lishi bilan (odatda birinchi doza qabul qilingandan so‘ng) kun davomida bronxodilatatorlar ingalyatsiyasi soni kamaytirilishi mumkin.

Ingalyatsion yoki peroral kortikosteroidlarni to‘satdan Kulento preparatiga almashtirish mumkin emas. Biroq, ingalyatsion kortikosteroid dozasini shifokor nazorati ostida bosqichma-bosqich kamaytirish mumkin.

Sistemali kortikosteroidlar (prednizolon, deksametazon, betametazon, triamtsinolon) dozasini kamaytirish astmaga qarshi vositalar, shu jumladan leyotrien retseptorlari antagonistlarini qabul qilayotgan bemorlarda kamdan-kam hollarda quyidagi holatlardan biri yoki bir nechtasi: eozinofiliya, vaskulyar toshma, nafas olish tizimi simptomlarining kuchayishi, kardiologik asoratlar va/yoki nevropatiya, ba’zan Cherj-Strauss sindromi – tizimli eozinofilik vaskulit sifatida tashxis qilinishi bilan kechgan. Ushbu nojo‘ya hodisalarning leyotrien retseptorlari antagonistlari bilan davolash bilan sabab-oqibat bog‘liqligi aniqlanmagan bo‘lsa-da, sistemali kortikosteroid dozasini kamaytirishda Kulento qabul qilayotgan bemorlarda ehtiyotkorlik va tegishli klinik kuzatuv zarur.

Preparat jismoniy yuklama bilan namoyon bo‘ladigan astmani davolash va nazorat qilish uchun monoterapiya sifatida qo‘llanilmasligi kerak.

Jismoniy yuklamadan so‘ng astma zo‘rayishi kuzatiladigan bemorlar oldini olish uchun β-agonistlarni odatdagidek ingalyatsiya qilishni davom ettirishlari va zarur bo‘lganda inhalyatorni o‘zlari bilan olib yurishlari kerak.

Kulento aspirin yoki boshqa nosteroid yallig‘lanishga qarshi vositalarga (NYaQV) sezgir astmatik bemorlarda aspirin yoki NYaQVga bronxospastik javobni bloklamaydi. Bunday bemorlar aspirinni va boshqa NYaQVni qabul qilishdan saqlanishda davom etishlari kerak. Kulento preparatini bronxokengaytiruvchi terapiya bilan birga qo‘llashda ehtiyotkorlikka rioya qilish zarur. Klinik javob aniq bo‘lganda, bronxokengaytiruvchi terapiya kamaytirilishi kerak.

Jigar kasalliklari bo‘lgan bemorlarga buyurishda ehtiyotkorlik zarur.

AVTOTRANSPORT BOSHQARISH VA MEXANIZMLARNI BOSHQARISH QOBILIYATIGA TA’SIRI
Dori vositasi pediatriya amaliyotida qo‘llash uchun mo‘ljallangan.

HOMILADORLIK VA LAKTATSIYA DAVRIDA QO‘LLANISHI
Kulento preparatini homilador ayollarda qo‘llash bo‘yicha tadqiqotlar o‘tkazilmagan, chunki dori vositasi bolalarda qo‘llash uchun ko‘rsatilgan.

PEDIATRIYADA QO‘LLANISHI
Preparatni 6 oygacha bo‘lgan bolalarda qo‘llash tavsiya etilmaydi.