Faol modda: dezloratadin (mikronizatsiyalangan) 0,5 mg. Yordamchi moddalari: propilenglikol 100 mg, sorbitol 150 mg, limon kislotasi 0,5 mg, natriy sitrat digidrat 1,26 mg, natriy benzoat 1 mg, dinatriy edetat 0,25 mg, saxaroza 490 mg, aromatizator № 15864 0,75 mg, bo'yoq quyosh botishi sariq 0,023 mg, tozalangan suv 1 ml gacha.

Allergik rinit (aksirish, burun bitishi, burundan shilliq ajralishi, burun qichishishi, tanglay qichishishi, ko‘z qichishishi va qizarishi, ko‘zdan yosh oqishini bartaraf etish yoki yengillashtirish). Qalqonsimon toshma (terida qichishish va toshmani kamaytirish yoki bartaraf etish).

Dezloratadinga, preparatning boshqa komponentlariga yoki loratadinga yuqori sezuvchanlik. Homiladorlik va emizish davri. 6 oygacha bo‘lgan bolalar yoshi. Irsiy kasalliklar: fruktozani o‘zlashtira olmaslik, glyukoza-galaktoza so‘rilishining buzilishi yoki organizmda saxaraza-izomaltaza yetishmovchiligi (preparat tarkibida saxaroza va sorbitol mavjudligi sababli).

Og‘iz orqali, ovqat qabul qilish vaqtiga bog‘liq holda emas, oz miqdorda suv bilan ichiladi. 6 oydan 12 oygacha bo‘lgan bolalarga – kuniga 1 marta 1 mg (2 ml sirop). 1 yoshdan 5 yoshgacha bo‘lgan bolalarga – kuniga 1 marta 1,25 mg (2,5 ml sirop). 6 yoshdan 11 yoshgacha bo‘lgan bolalarga – kuniga 1 marta 2,5 mg (5 ml sirop). Kattalar va 12 yoshdan boshlab o‘smirlarga – kuniga 1 marta 5 mg (10 ml sirop).

6 dan 23 oygacha bo‘lgan bolalarda quyidagi nojo‘ya ta’sirlar kuzatilgan, ularning chastotasi platsebo («soxta dori») qo‘llanganda biroz yuqoriroq bo‘lgan: diareya (3,7 % holatlarda), tana haroratining ko‘tarilishi (2,3 %), uyqusizlik (2,3 %). 2 dan 11 yoshgacha bo‘lgan bolalarda Erius® siropi qo‘llanganda nojo‘ya ta’sirlar chastotasi platsebo bilan bir xil bo‘lgan. Klinik tadqiqotlar natijalariga ko‘ra, 6 dan 11 yoshgacha bo‘lgan bolalarda tavsiya etilgan dozalarda (2,5 mg/kun) preparat qabul qilinganda nojo‘ya ta’sirlar aniqlanmagan. 12-17 yoshli bolalarda klinik tadqiqotlar natijalariga ko‘ra, eng ko‘p uchraydigan nojo‘ya ta’sir – bosh og‘rig‘i (5,9 %), uning chastotasi platsebo (6,9 %) bilan solishtirganda yuqori emas. Kattalar va o‘smirlarda (12 yosh va undan katta) klinik tadqiqotlar natijalariga ko‘ra, nojo‘ya ta’sirlar 3 % bemorlarda qayd etilgan, platsebo guruhiga nisbatan, ulardan eng ko‘p uchraydiganlari: charchoqlik (1,2 %), og‘iz qurishi (0,8 %), bosh og‘rig‘i (0,6 %). Nojo‘ya ta’sirlar haqidagi ma’lumotlar klinik tadqiqotlar va ro‘yxatdan o‘tkazilgandan keyingi kuzatuvlar natijalariga asoslangan. Jahon sog‘liqni saqlash tashkiloti (JSST) ma’lumotlariga ko‘ra, nojo‘ya ta’sirlar rivojlanish chastotasi bo‘yicha quyidagicha tasniflanadi: juda tez-tez (≥1/10), tez-tez (≥1/100 dan <1/10 gacha), kam (≥1/1000 dan <1/100 gacha), kamdan-kam (≥1/10000 dan <1/1000 gacha), juda kam (<1/10000), chastotasi noma’lum – mavjud ma’lumotlarga ko‘ra, yuzaga kelish chastotasini aniqlash imkoni bo‘lmagan. Psixika tomonidan: juda kam – gallyutsinatsiyalar. Nerv tizimi tomonidan: tez-tez – bosh og‘rig‘i, tez-tez (2 yoshgacha bo‘lgan bolalarda) – uyqusizlik, juda kam – bosh aylanishi, uyquchanlik, uyqusizlik, psixomotor giperkativlik, tutqanoq. Jigar va o‘t yo‘llari tomonidan: juda kam – jigar fermentlari faolligining oshishi, bilirubin konsentratsiyasining oshishi, gepatit, chastotasi noma’lum – sariq kasalligi. Ovqat hazm qilish tizimi tomonidan: tez-tez – og‘iz qurishi, tez-tez (2 yoshgacha bo‘lgan bolalarda) – diareya, juda kam – qorin og‘rig‘i, ko‘ngil aynishi, qusish, dispepsiya, diareya. Yurak-qon tomir tizimi tomonidan: juda kam – taxikardiya, yurak urishining tezlashishi, chastotasi noma’lum – QT intervalining uzayishi. Mushak-tayanch tizimi tomonidan: juda kam – mialgiya. Teri va teri osti to‘qimalari tomonidan: chastotasi noma’lum – fotosensibilizatsiya. Umumiy buzilishlar: tez-tez – charchoqlik, tez-tez (2 yoshgacha bo‘lgan bolalarda) – isitma, juda kam – anafilaksiya, angionevrotik shish, nafas qisilishi, qichishish, toshma, shu jumladan eshakemi, chastotasi noma’lum – asteniya. Ro‘yxatdan o‘tkazilgandan keyingi davr. Bolalar: chastotasi noma’lum – QT intervalining uzayishi, aritmiya, bradikardiya. Agar ko‘rsatmada keltirilgan nojo‘ya ta’sirlarning har qanday biri kuchaysa yoki Siz ko‘rsatmada qayd etilmagan boshqa nojo‘ya ta’sirlarni sezsangiz, bu haqda shifokorga xabar bering.

Dezloratadin periferik gistaminli N1-retseptorlarning selektiv blokatori hisoblanadi, u sedativ ta'sir ko'rsatmaydi. Dezloratadin – loratadinning asosiy faol metaboliti. Dezloratadin va loratadinning doklinik tadqiqotlarida ikki preparatning toksikligida sifatli yoki miqdoriy farqlar (dezloratadin konsentratsiyasini hisobga olgan holda) aniqlanmadi. Erius® peroral qabul qilingandan so'ng periferik N1-gistaminli retseptorlarni selektiv bloklaydi va gematoentsefalik to'siqdan o'tmaydi. Ko'plab tadqiqotlar shuni ko'rsatdiki, Erius® antihistamin faollikdan tashqari, antiallergik va yallig'lanishga qarshi ta'sir ko'rsatadi. Aniqlanishicha, Erius® allergik yallig'lanish rivojlanishining asosida yotgan turli reaksiyalar kaskadini bostiradi, ya'ni • IL-4, IL-6, IL-8, IL-13 kabi provospalitel sitokinlar ajralishini; • RANTES kabi provospalitel xemokinlar ajralishini; • faollashgan polimorf yadroli neyrofillar tomonidan superoksid anion ishlab chiqarilishini; • eozinofillarning adgeziya va xemotaksisini; • P-selektin kabi adgeziya molekulalarining ekspressiyasini; • IgE-ga bog'liq gistamin, prostaglandin D2 va leyotrien S4 ajralishini; • hayvonlarda o'tkir allergik bronxospazmni. Erius® preparatini bolalarda qo'llash xavfsizligi 3 ta klinik tadqiqotda namoyon etilgan. Preparat 6 oylik–11 yoshli bolalarga, antihistamin terapiya talab etilgan hollarda, kunlik 1 mg (6–11 oylik guruh), 1,25 mg (1–5 yosh guruh) yoki 2,5 mg (6–11 yosh) dozada buyurilgan. Davolash yaxshi o'tgan, bu klinik laboratoriya tadqiqotlari natijalari, hayotiy muhim funksiyalar holati va EKG ma'lumotlari (QT intervali uzunligini o'z ichiga olgan holda) bilan tasdiqlangan. Klinik tadqiqotlarda Erius® preparatini kuniga 20 mg dan oshmagan dozada 14 kun davomida qo'llash yurak-qon tomir tizimi tomonidan klinik ahamiyatli o'zgarishlar bilan birga kechmagan. Klinik-farmakologik tadqiqotda Erius® preparatini 45 mg/kun (terapevtik dozadan 9 baravar yuqori) 10 kun davomida qo'llashda QT intervali uzayishi kuzatilmagan. Erius® gematoentsefalik to'siqdan o'tmaydi. Tavsiya etilgan 5 mg dozada qo'llanganda uyquchanlik chastotasi platsebo guruhidagidan oshmagan. Klinik tadqiqotlar davomida Erius® 7,5 mg dan oshmagan dozada qabul qilinganda psixomotor funksiyaga ta'sir ko'rsatmagan.

Preparatning faol yoki har qanday yordamchi moddasiga yuqori sezuvchanlik. Dori vositalari o'zaro ta'siri Agar Siz biron-bir dori vositasini qabul qilayotgan bo'lsangiz, preparatni qo'llash imkoniyati haqida shifokor bilan maslahatlashing. Dezloratadin ketokonazol, eritromitsin, azitromitsin, flyuoksetin, simetidin bilan birga takroran qo'llanganda dezloratadinning plazmadagi konsentratsiyasida klinik ahamiyatli o'zgarishlar aniqlanmagan.