Faol modda: betagistin digidroxlorid 24 mg Yordamchi moddalari: mikrokristallik tsellyuloza 242,0 mg, mannitol (E421) 75,0 mg, limon kislotasi monogidrat 7,5 mg, kremniy dioksidi kolloid 7,5 mg, talk 19,0 mg.

Quyidagi asosiy simptomlar bilan tavsiflanadigan Menyer sindromi • bosh aylanishi (ko‘ngil aynishi/qusuq bilan birga) • eshitishning pasayishi (karsoqlik) • quloqda shovqin Vestibulyar bosh aylanishi (vertigo) simptomatik davolash.

• preparatning har qanday komponentiga yuqori sezuvchanlik. Betaserk® 18 yoshgacha bo‘lgan bolalarda samaradorligi va xavfsizligi bo‘yicha ma’lumotlar yetarli emasligi sababli qo‘llash tavsiya etilmaydi. Homiladorlik va emizish davrida qo‘llash Homiladorlik Betagistin homilador ayollarda qo‘llanishi bo‘yicha mavjud ma’lumotlar yetarli emas. Inson uchun potensial xavf noma’lum. Betagistinni homiladorlik davrida faqat onaga foydasi homila uchun potensial xavfdan ustun bo‘lsa qo‘llash mumkin. Laktatsiya Betagistin ona suti bilan ajralish-ajralmasligi noma’lum. Preparatni emizish davrida qabul qilish tavsiya etilmaydi. Dori vositasini onaga buyurish masalasi faqat emizish foydasi va bolaga potensial xavf solishtirilgandan so‘ng hal qilinishi kerak. Ehtiyotkorlik bilan oshqozon va 12 barmoqli ichak yara kasalligi bo‘lgan bemorlarni davolashda. Feoxromotsitoma va bronxial astma bilan og‘rigan bemorlar davolanish davrida doimiy shifokor nazoratida bo‘lishi kerak.

Betaserk® preparatini har doim davolovchi shifokoringiz buyurganidek aniq qabul qiling. Agar sizda biron-bir savol bo‘lsa, davolovchi shifokoringizga murojaat qiling. Og‘iz orqali, ovqat vaqtida. Kattalar uchun preparatning doza miqdori kuniga 48 mg betagistinni tashkil etadi. Betaserk® 24 mg ni 1 tabletka 2 marta kuniga qabul qilish kerak. Tabletkani ikki teng qismga bo‘lish mumkin. Tabletkani qattiq yuzaga chiziq (riskasi) yuqoriga qaratib qo‘ying va bosh barmog‘ingiz bilan bosib ajrating. Doza individual tarzda, davolashga javobga qarab tanlanadi. Yaxshilanish ba’zan faqat bir necha haftalik davolashdan so‘ng kuzatiladi. Eng yaxshi natijalar ba’zan bir necha oylik davolashdan so‘ng erishiladi. Ma’lumotlarga ko‘ra, kasallik boshida davolashni boshlash uning rivojlanishini va/yoki kech bosqichlarda eshitish yo‘qolishini oldini oladi. Keksalar, shuningdek, buyrak va/yoki jigar yetishmovchiligi bo‘lgan bemorlarda doza tuzatish talab etilmaydi.

Agar siz ushbu yo‘riqnomada ko‘rsatilmagan biron-bir nojo‘ya ta’sirlarni sezsangiz yoki biron-bir nojo‘ya ta’sir jiddiy tus olgan bo‘lsa, iltimos, davolovchi shifokoringizga xabar bering. Ovqat hazm qilish tizimi buzilishlari Tez-tez ( > 1/100 dan Immun tizimi tomonidan gipersensitivlik reaksiyasi, shu jumladan anafilaktik reaksiya haqida xabar berilgan. Ovqat hazm qilish tizimi tomonidan o‘rtacha buzilishlar, masalan, qusish, ovqat hazm qilish tizimi sohasida og‘riq, qorinda dam bo‘lish. Odatda, bu ta’sirlar preparatni ovqat bilan birga yoki doza kamaytirilgandan so‘ng odatda yo‘qoladi. Teri va teri osti yog‘ qavati tomonidan Gipersensitivlik reaksiyalari, masalan, angionevrotik shish, eshakemi, qichishish va toshma.

Ichki quloq tomirlarining H1-gistamin retseptorlari agonisti va markaziy asab tizimi vestibulyar yadrolarining H3-gistamin retseptorlari antagonisti. Doklinik tadqiqotlarga ko‘ra, ichki quloq tomirlarining prekapillyar sfinkterlarini bo‘shashtirish hisobiga ichki quloq tomir pardasida qon aylanishini yaxshilaydi. Dozaga bog‘liq holda markaziy va lateral vestibulyar yadrolar neyronlarida harakat potensialining generatsiyasini kamaytiradi. Bir tomonlama vestibulyar neyrektomiyadan so‘ng vestibulyar funksiyaning tiklanishini tezlashtiradi, markaziy vestibulyar kompensatsiyani tezlashtiradi va yengillashtiradi (H3-gistamin retseptorlari bilan antagonizm hisobiga). Menyer sindromi va vertigoda simptomatikani yengillashtiradi.

Agar hozirda yoki yaqinda boshqa dori vositalarini, shu jumladan shifokor retseptisiz dori vositalarini qabul qilgan bo‘lsangiz, bu haqda iltimos, davolovchi shifokoringizga xabar bering. Boshqa dori vositalari bilan o‘zaro ta’sirini o‘rganishga qaratilgan in vivo tadqiqotlar o‘tkazilmagan. In vitro tadqiqotlar natijalari sitoxrom P450 izofermentlari faolligining in vivo inhibatsiyasi yo‘qligini taxmin qilish imkonini beradi. Avtomobil va boshqa mexanizmlarni boshqarish qobiliyatiga ta’siri. Betagistinning avtomobil va boshqa mexanizmlarni boshqarish qobiliyatiga ta’siri yo‘q yoki ahamiyatsiz deb hisoblanadi, chunki betagistin qo‘llanilishi bilan bog‘liq klinik tadqiqotlar davomida ushbu qobiliyatga potensial ta’sir qiluvchi effektlar aniqlanmagan.

Preparatning dozasi oshirib yuborilishi bo‘yicha bir nechta holatlar ma’lum. Ba’zi bemorlarda preparatni 640 mg gacha bo‘lgan dozada qabul qilgandan so‘ng yengil va o‘rtacha simptomlar (ko‘ngil aynishi, uyquchanlik, qorin og‘rig‘i) kuzatilgan. Jiddiyroq asoratlar (tutqanoq, yurak-o‘pka asoratlari) betagistinni ataylab yuqori dozada, ayniqsa boshqa dori vositalari bilan birga dozani oshirib yuborishda kuzatilgan. Simptomatik davolash tavsiya etiladi.