faol modda — betagistin digidroxlorid, 16 mg va 24 mg

yordamchi moddalari: mikrokristallik tsellyuloza, gidroksipropiltsellyuloza, mannitol, talk, limon kislotasi suvdan holi, kremniy dioksid kolloid suvdan holi

— turli kelib chiqishli vestibulyar bosh aylanishini simptomatik davolash

— sindromlar, bosh aylanishi va bosh og‘rig‘i, quloqda shovqin, eshitishning progresiv pasayishi, ko‘ngil aynishi va qusishni o‘z ichiga oladi

— Menyer kasalligi yoki sindromi

— faol modda yoki yordamchi moddalardan biror biriga yuqori sezuvchanlik

— feoxromositoma

— 18 yoshgacha bo‘lgan bolalar va o‘smirlar yoshi (xavfsizlik va samaradorlik aniqlanmagan)

— alkogolizm

— epilepsiya

— jigar kasalliklari

— homiladorlik va laktatsiya davri

Kattalar uchun (keksalarni ham o‘z ichiga oladi): dastlab 16 mg ni kuniga uch marta, afzal ovqat paytida qabul qilish tavsiya etiladi. Qo‘llab-quvvatlovchi dozalari, asosan, kuniga 24-48 mg oralig‘ida. Davolash davomida doza terapevtik ta’sirga qarab tuzatiladi.

16 mg tabletkalar 1/2-1 tabletka kuniga 3 marta qabul qilinadi.

24 mg tabletkalar 1 tabletka kuniga 2 marta qabul qilinadi.

Bolalar uchun: xavfsizligi va samaradorligi yetarli ma’lumotlar mavjud emasligi sababli 18 yoshgacha bo‘lgan shaxslarga buyurish tavsiya etilmaydi.

— ko‘ngil aynishi, dispepsiya

— bosh og‘rig‘i

— gipersensitivlik reaksiyalari (anafilaktik reaksiyalar), shu jumladan teri tomonidan (Kvinke shishi, toshma, qichishish, eshakemi)

— qusish, qorin og‘rig‘i, meteorizm (ko‘rsatilgan simptomlar preparatni ovqat paytida qabul qilinsa yoki doza kamaytirilsa kamroq namoyon bo‘ladi)

Bosh aylanishiga qarshi vosita. Sintetik gistamin analogi, gistaminga o'xshash ta'sir ko'rsatadi. Preparat gistamin H1 retseptorlarining qisman agonisti va ichki quloq va markaziy asab tizimi vestibulyar yadrolarining H3-gistamin retseptorlarining antagonisti hisoblanadi. Ichki quloq kapillyarlarida mikrosirkulyatsiyani va o'tkazuvchanlikni yaxshilaydi, bazilyar arteriyalarda qon oqimini oshiradi, labirint va ulitkada endolimfa bosimini normallashtiradi. Miya poyasining ko'prik darajasida vestibulyar nervning medial yadrolaridagi neyronlarda transmitter uzatilishini normallashtiradi.

Natriyada, preparat vestibulyar apparat funksiyasini normallashtiradi, koxlear buzilishlarni, quloqda shovqin va jiringlashni bartaraf etadi, bosh aylanishi chastotasi va intensivligini kamaytiradi, eshitishni yaxshilaydi, kar bo'lish rivojlanishini oldini oladi.

Vestibulyar nerv yadrolarining H3-retseptorlarining ingibitori bo'lib, aniq markaziy tomir kengaytiruvchi ta'sir ko'rsatadi.

Me'da va o'n ikki barmoqli ichak yarasi bo'lgan bemorlarda ehtiyotkorlik bilan qo'llash tavsiya etiladi. Bronxial astma bilan kasallangan bemorlarda klinik nojo'ya ta'sir nisbatan kam sonli bemorlarda namoyon bo'lgan. Ushbu bemorlar davolanish davomida davolovchi shifokor tomonidan diqqat bilan nazorat qilinishi kerak.

Homilador ayollarda betagistinni qo'llash bo'yicha yetarli ma'lumotlar mavjud emas.

Hayvonlarda o'tkazilgan tadqiqotlar homiladorlik, embrion/zigotani rivojlanishi, tug'ruq va postnatal rivojlanishga ta'siri bo'yicha yetarli emas. Odamlar uchun potensial xavf noma'lum. Betagistinni homiladorlik davrida faqat aniq zarurat bo'lsa qo'llash kerak.

Betagistin inson ko'krak sutiga o'tadimi, noma'lum. Hayvonlarda betagistinning sutga o'tishi bo'yicha tadqiqotlar mavjud emas. Dori vositasining ona uchun ahamiyati, emizishning foydalari va bolaga potensial xavflar solishtirilib baholanishi kerak.

Betagistin avtomobil boshqarish va mexanizmlar bilan ishlash qobiliyatiga ta'sir ko'rsatmaydi yoki juda kam ta'sir ko'rsatadi, chunki klinik tadqiqotlarda ushbu qobiliyatga potensial ta'sir ko'rsatuvchi holatlar betagistin bilan bog'liqligi aniqlanmagan.